Romabii 7:5 - ŊMALƐ KRƆŊKRƆŊ LƐ

⁵ Ejaakɛ be ni wɔhi shi yɛ wɔgbɔmɔfɔmɔ su lɛ naa lɛ, eshai ahe akɔnɔi lɛ tsɔ̃ɔ Mla lɛ nɔ tsuɔ nii yɛ wɔhenii lɛ amli ni wɔkɛwo yibii wɔhã gbele.

Ṅmãle̱ Kroṅkroṅ Le̱

⁵ Edšake̱ beni wo̱yo̱ helo le̱ mli le̱, *ešai ahe hĩedō̱i le̱ tšṍo̱ mla le̱ no̱ tšuo̱ nii ye̱ wo̱henii le̱ amli ni wo̱ke̱-wo yibii wo̱hã †gbĕle; *K, 7-25. †6,21.

Romabii 7:5 ပူးပေါင်းရင်းမြစ်များ

Mateo 15:19

Ejaakɛ tsui mli ni susumɔi fɔ̃ji, gbɔmɔgbee, gbãlãfitemɔ, ajwamãŋbɔɔ, juu, amale odaseyeli kɛ oshekuyeli jɛɔ.

Yohane 3:6

Nɔ ni ajɛ heloo mli afɔ lɛ, heloo ni; ni nɔ ni ajɛ Mumɔ mli afɔ lɛ, mumɔ ni.

Romabii 1:26

Enɛ hewɔ Nyɔŋmɔ ŋmɛɛ amɛhe ehã hiɛgbejianii ahe hiɛdɔɔ lɛ; ejaakɛ adebɔɔ naanyobɔɔ ni ato lɛ, amɛyei lɛ etsake hiɛ ehã nɔ ni kɛ adebɔɔ gbɛjianɔtoo eyaaa;

Romabii 3:20

Ejaakɛ adamɔŋ Mla lɛ nitsumɔ nɔ abuŋ gbɔmɔ ko gbɔmɔ ko bem yɛ ehiɛ; ejaakɛ Mla nɔ atsɔ̃ɔ aleɔ nɔ ni ji esha.

Romabii 4:15

Mla lɛ kɛ Nyɔŋmɔ mlifu baa, shi he ni mla bɛ lɛ, mlatɔ̃mɔ hu bɛ.

Romabii 5:20

Shi Mla lɛ babote mli koni nɔtɔmɔ lɛ afa kɛteke nɔ. Shi he ni esha fa yɛ lɛ, dromɔ lɛ fa kɛteke nɔ yɛ jɛi,

Romabii 6:13

ni asaŋ nyɛkɛ nyɛhenii lɛ akahãa esha akɛ esha lɛ tawuunii; shi moŋ nyɛkɛ nyɛhe ahãa Nyɔŋmɔ akɛ mɛi ni hiɛ etsɛ̃ kɛjɛ gbohii ateŋ, ni nyɛkɛ nyɛhenii lɛ afea jalɛ tawuunii nyɛhãa Nyɔŋmɔ.

Romabii 6:19

Miiwie akɛ gbɔmɔ yɛ nyɛgbedemɔ ni jɛ gbɔmɔfɔmɔ su mli lɛ hewɔ. Tamɔ bɔ ni nyɛkɛ nyɛhenii lɛ fee tsuji nyɛhã nyaŋemɔ nii kɛ mlatɔ̃mɔ koni nyɛkɛtɔ̃ Mla lɛ, nakai nɔŋŋ kɛ̃ agbɛnɛ nyɛkɛ nyɛhenii lɛ afea jalɛ tsuji ahãa krɔŋkrɔŋfeemɔ.

Romabii 6:21

Ni mɛni nyɛna kɛjɛ mli yɛ nakai be lɛ mli? Yibii ni nyɛhiɛ egboi yɛ he agbɛnɛ, ejaakɛ nomɛi anaagbee ji gbele.

Romabii 6:23

Ejaakɛ esha dɛŋ nyɔmɔwoo lɛ gbele ni; shi Nyɔŋmɔ dromɔ keenɔ lɛ naanɔ walaŋ yɛ Yesu Kristo, wɔNuŋtsɔ lɛ, mli.

Romabii 7:23

shi minaa mla kroko yɛ mihe nii lɛ amli ni kɛ mla ni kɛ mijwɛŋmɔ yaa lɛ wuɔ ta, ni eŋɔɔ mi nom ehãa esha mla lɛ ni yɔɔ mihenii lɛ amli lɛ.

1 Korintobii 15:56

Shi gbele gãi lɛ ji esha; ni esha hewalɛ ji Mla lɛ.

2 Korintobii 10:3

Eyɛ mli akɛ gbɔmɛi adesai ji wɔ moŋ, shi wɔwuuu ta yɛ heloo naa.

Galatabii 3:10

Ejaakɛ mɛi abɔ ni kɛ amɛhe fɔ̃ɔ Mla nitsumɔi anɔ lɛ, loomɔ kã amɛnɔ; ejaakɛ aŋma akɛ, “Alomɔ mɔ fɛɛ mɔ ni eyaaa nɔ efeee nii fɛɛ ni aŋma yɛ Mla Wolo lɛ mli lɛ.”

Galatabii 5:24

Shi mɛi ni ji Kristo nii lɛ, amɛsɛŋ heloo lɛ kɛ ehiɛdɔɔnii kɛ ekɔnɔi lɛ fɛɛ.

Efesobii 2:11

No hewɔ lɛ, nyɛkaia akɛ nyɛ ni sa ni nyɛ ji jeŋmajiaŋbii yɛ heloo gbɛfaŋ ni mɛi ni atsɛɔ amɛ ketiafolɔi ni akɛ niji folɔ amɛ ketia yɛ heloo mli lɛ tsɛɔ nyɛ foolɔi lɛ,

Efesobii 2:3

Amɛteŋ wɔ fɛɛ hu wɔhi wɔba wɔjeŋ yɛ sa yɛ wɔheloo akɔnɔi lɛ amli, ni wɔtsu nii ni heloo kɛ jwɛŋmɔ sumɔɔ lɛ, ni wɔji bii ni Nyɔŋmɔ mlifu yɔɔ wɔnɔ yɛ wɔfɔmɔsu lɛ naa, tamɔ mɛi ni eshwɛ lɛ nɔŋŋ.

Kolosebii 3:5

No hewɔ lɛ, nyɛgbea nyɛhenii ni yɔɔ shikpɔŋ lɛ nɔ lɛ: ajwamãŋbɔɔ, nyaŋemɔ nitsumɔ, mlila, akɔnɔ fɔŋ, kɛ hiɛjoomɔ ni ji wɔŋjamɔ lɛ.

Tito 3:3

Ejaakɛ sa lɛ, wɔ hu wɔfee wɔhe kwashiai, toigbolɔi, gbɛdulɔi, mɛi ni sɔmɔɔ akɔnɔi kɛ miishɛɛ nibii srɔtoi pii. Ni wɔba wɔjeŋ yɛ nifɔɔjianifeemɔ kɛ hetsɛ̃ mli, wɔhe yɛ taŋ, ni wɔnyɛnyɛɔ wɔhe.

Yakobo 1:15

No sɛɛ lɛ, akɔnɔ lɛ, kɛ eŋɔ hɔ lɛ, efɔɔ esha, ni esha lɛ hu, kɛ eda egbe naa lɛ, efɔɔ gbele.

Yakobo 4:1

Nɛgbɛ tawui kɛ nɔmɔi ni yɔɔ nyɛteŋ lɛ jɛ? Jeee nyɛkɔnɔi ni wuɔ ta yɛ nyɛhenii lɛ amli lɛ mli ejɛ lo?

1 Yohane 3:4

Mɔ fɛɛ mɔ ni feɔ esha lɛ eefee mlatɔ̃mɔnii hu; ni esha lɛ mlatɔ̃mɔ ni.