Romabii 7:4 - ŊMALƐ KRƆŊKRƆŊ LƐ

⁴ Minyɛmimɛi, nakai nɔŋŋ nyɛ hu atsɔ̃ Kristo gbɔmɔtso lɛ nɔ ahã nyɛgboi yɛ Mla lɛ gbɛfaŋ, ni nyɛtsɔ̃mɔ mɔ kroko ni ji mɔ ni atee lɛ shi kɛjɛ gbohii ateŋ lɛ nii, koni wɔwo yibii wɔhã Nyɔŋmɔ.

Ṅmãle̱ Kroṅkroṅ Le̱

⁴ Minyemimei, nakai noṅṅ nye hũ, ake̱ Kristo gbomotšo le̱ *egbenye ehā mla le̱, koni nyetšṍmo̱ mokroko, ní dši moni atēle̱ ši ke̱-dše̱ gbohĩĩ ateṅ le̱ nii, koni wo̱wo yibii wo̱hã Nyoṅmo̱. *Kol. 2,14.

Romabii 7:4 ပူးပေါင်းရင်းမြစ်များ

Yesaia 54:5

Ejaakɛ obɔlɔ lɛ aaatsɔ̃ wu aha bo. Yehowa Taiatsɛ ji egbɛi, ni Israel Mɔ Krɔŋkrɔŋ Koome lɛ ji Okpɔ̃lɔ lɛ. Je lɛ fɛɛ Nyɔŋmɔ ji egbɛi.

Yesaia 62:5

Ejaakɛ bɔ ni oblanyo kpeɔ oblayoo lɛ, nakai nɔŋŋ mɔ ni bɔ bo lɛ aaakpee bo; ni bɔ ni ayɛmforo wu nyaa ayɛmforo he lɛ, nakai oNyɔŋmɔ lɛ aaanya ohe.

Mateo 26:26

Shi be ni amɛyeɔ nii lɛ, Yesu kɔ aboloo, ni ejɔɔ nɔ ni ekumɔ mli, ni ekɛhã ekaselɔi lɛ, ni ekɛɛ, “Nyɛhea, nyɛyea! Enɛ ji migbɔmɔtso lɛ.”

Marko 4:20

Shi shikpɔŋ kpakpa nɔ bii lɛ ji mɛi ni nuɔ wiemɔ lɛ ni amɛmɔɔ mli, ni amɛwoɔ yibii, eko nyɔŋmai etɛ̃, eko nyɔŋmai ekpaa, kɛ eko hu oha.”

Yohane 15:8

Nɔ ni akɛwoɔ miTsɛ hiɛ nyam ji akɛ nyɛwo yibii pii, ni nyɛfee mikaselɔi.

Yohane 3:29

Mɔ ni hiɛ ayɛmforo lɛ, lɛ ji ayɛmforowu; shi ayɛmforowu lɛ shieŋtsɛ ni damɔ shi boɔ lɛ toi lɛ, nya enyaa yɛ ayɛmforowu lɛ gbee hewɔ. No hewɔ lɛ, nɛkɛ minyamɔ nɛɛ eba mli.

Yohane 6:51

Mi ji aboloo ni hiɛ kã ni jɛ ŋwɛi ba lɛ; kɛji mɔ ko ye aboloo nɛɛ eko lɛ, ehiɛ aaakã kɛaatee naanɔ. Shi aboloo ni mikɛbaahã lɛ ji miheloo ni mikɛbaahã yɛ je lɛ wala hewɔ lɛ.”

Romabii 6:11

Nakai nyɛ hu nyɛbua nyɛhe akɛ mɛi ni egboi yɛ esha gbɛfaŋ ni amɛhiɛ kãmɔ hã Nyɔŋmɔ yɛ Yesu Kristo, wɔNuŋtsɔ lɛ, mli.

Romabii 6:14

Ejaakɛ esha naŋ nyɛnɔ hewalɛ, ejaakɛ jeee Mla shishi nyɛyɔɔ, shi moŋ dromɔ shishi nyɛyɔɔ.

Romabii 6:2

Dabida! Wɔ ni esha gbɛfaŋ lɛ wɔtamɔ mɛi ni egboi lɛ, te aaafee tɛŋŋ ni wɔhiɛ aaakãmɔ yɛ emli loloŋ?

Romabii 6:22

Shi agbɛnɛ lɛ, ni akpɔ̃ nyɛ yɛ esha dɛŋ ni nyɛtsɔ̃mɔ Nyɔŋmɔ tsuji nɛɛ, nɔ ni nyɛnaa kɛjɛɔ mli ji krɔŋkrɔŋfeemɔ, ni enaagbee ji naanɔ wala.

Romabii 7:3

No hewɔ lɛ, agbɛnɛ kɛji ewu lɛ yɛ jeŋ lolo ni eyagbã mɔ kroko lɛ, atsɛɔ lɛ gbãlãfitelɔ; shi kɛji ewu lɛ gbo lɛ, eye ehe kɛjɛ mla lɛ dɛŋ, ni kɛ eyagbã nuu kroko lɛ, ejeee gbãlãfitelɔ dɔŋŋ.

Romabii 7:6

Shi agbɛnɛ wɔkɛ Mla lɛ bɛ sane ko dɔŋŋ, ejaakɛ wɔtsɔ̃mɔ tamɔ gbohii yɛ nɔ ni fi wɔ kpɛŋŋ lɛ gbɛfaŋ, bɔ ni afee ni wɔsɔ̃mɔ yɛ mumɔ ni etsɔ̃ ehee mli, shi jeee yɛ gbɛ momo lɛ ni ji Mla ni aŋma lɛ nɔ.

Romabii 8:2

Ejaakɛ mumɔ mla ni hãa wala yɛ Kristo Yesu mli lɛ ekpɔ̃ mi yɛ esha kɛ gbele mla lɛ dɛŋ.

1 Korintobii 10:16

Jɔɔmɔ kpulu lɛ ni wɔjɔɔ lɛ, ani jeee Kristo lá lɛ naanyobɔɔ lɛ ni? Aboloo ni wɔkumɔɔ lɛ, ani jeee Kristo gbɔmɔtso lɛ naanyobɔɔ lɛ ni?

2 Korintobii 11:2

Ejaakɛ nyɛhe awuŋã ni miyeɔ lɛ, miiye lɛ bɔ ni Nyɔŋmɔ baaye; ejaakɛ mitsɛ nyɛhe baa mihã nuu kome ni mikɛ oblayoo foro ni he tse ayahã Kristo.

Galatabii 3:13

Kristo kpɔ̃ wɔ kɛjɛ Mla lɛ loomɔ lɛ mli, akɛni etsɔ̃ loomɔ ehã wɔ lɛ, ejaakɛ aŋma akɛ, “Alomɔ mɔ fɛɛ mɔ ni tsotsoro tso nɔ lɛ;”

Galatabii 5:18

Shi kɛ Mumɔ lɛ kpalaa nyɛ lɛ, no lɛ nyɛbɛ Mla lɛ shishi.

Efesobii 2:15

Ni ekɛ lɛ diɛŋtsɛ eheloo gu Mla lɛ kitãi kɛ akpɔi lɛ, koni ekɛ mɛi enyɔ lɛ fɛɛ abɔ gbɔmɔ hee kome yɛ lɛ diɛŋtsɛ emli ni ehã hejɔlɛ aba,

Filipibii 1:11

ni nyɛyimɔ obɔ̃bɔ̃ kɛ jalɛ yibii ni awoɔ kɛtsɔ̃ɔ Yesu Kristo nɔ lɛ, hã Nyɔŋmɔ anunyam kɛ yijiemɔ.

Filipibii 4:17

Jeee akɛ nikeenii mitaoɔ; shi moŋ miitao yibii ni baahã nyɛkɔntaa lɛ afa.

Kolosebii 1:10

Koni nyɛnyiɛ bɔ ni sa Nuŋtsɔ lɛ ni asa ehiɛ kwraa ni nyɛwo yibii yɛ nitsumɔ kpakpa fɛɛ nitsumɔ kpakpa mli. Enɛ ahã nyɛshwere yɛ Nyɔŋmɔ he nilee mli

Kolosebii 1:22

Agbɛnɛ ekɛ egbɔmɔtso lɛ etsɔ̃ gbele nɔ ekpãtã nyɛ ni ekɛ nyɛ edamɔ shi akɛ mɛi krɔŋkrɔŋi ni he bɛ kpa ko ni sane ko bɛ amɛhe yɛ ehiɛ.

Kolosebii 1:6

Sanekpakpa lɛ eshɛ nyɛŋɔɔ tamɔ bɔ nɔŋŋ ni eyɔɔ yɛ jeŋ muu lɛ fɛɛ mli, ni eewo yibii ni eeshwere, tamɔ bɔ ni efeɔ yɛ nyɛ hu nyɛteŋ kɛjɛ gbi nɔ ni nyɛnu ni nyɛna nyɛle Nyɔŋmɔ dromɔ lɛ yɛ anɔkwale mli lɛ.

Kolosebii 2:14

Ni egbe wɔnyɔmɔ ni wɔhiɛ ni aŋma kɛ ekpɔi lɛ, ni ejie kɛtee, ni ekala ekpɛtɛ sɛŋmɔtso lɛ he.

Kolosebii 2:20

No hewɔ lɛ, kɛ nyɛkɛ Kristo egbo ni je nɛɛŋ shishijeenii bɛ nyɛnɔ hewalɛ dɔŋŋ lɛ, mɛɛba mɔ ni nyɛhiɔ shi tamɔ nɔ ni nyɛhiɛ kamɔ̃ lolo yɛ je nɛɛŋ, ni nyɛhãa awoɔ nyɛ akpɔi akɛ,

Hebribii 10:10

Nakai suɔmɔnaa nii lɛ mli atsuu wɔhe yɛ kɛtsɔ̃ Yesu Kristo gbɔmɔtso ni ekɛhã shi kome nyɔŋlo lɛ nɔ.

1 Petro 2:24

Kristo diɛŋtsɛ etere wɔhe eshai lɛ yɛ egbɔmɔtso lɛ mli kɛtee sɛŋmɔtso lɛ nɔ, koni wɔfee tamɔ mɛi ni egboi yɛ esha gbɛfaŋ ni wɔhiɛ akamɔ yɛ jalɛ gbɛfaŋ lɛ; lɛ ehe faji akɛtsa nyɛ lɛ.

Kpojiemɔ 19:7

“Nyɛhãa wɔmii ashɛa ni wɔmli afilia wɔ ni wɔwo ehiɛ nyam! Ejaakɛ Toobi lɛ yookpeemɔ lɛ eshɛ, ni eŋa lɛ esaa ehe eto.

Kpojiemɔ 21:9

Ni bɔfoi kpawo ni hiɛ tɔi kpawo ni eyimɔ obɔ̃bɔ̃ kɛ naagbee haomɔi kpawo lɛ ateŋ mɔ kome ba miŋɔɔ ni ekɛ mi bawie ekɛɛ, “Ba, ni matsɔ̃ bo ayɛmforo lɛ ni ji Toobi lɛ ŋa lɛ.”