Romabii 7:25 - ŊMALƐ KRƆŊKRƆŊ LƐ

²⁵ Shidaa ahã Nyɔŋmɔ kɛtsɔ̃ Yesu Kristo, wɔNuŋtsɔ lɛ, nɔ. Belɛ agbɛnɛ mi nɔŋŋ mikɛ mijwɛŋmɔ sɔ̃mɔɔ Nyɔŋmɔ Mla lɛ moŋ, shi mikɛ migbɔmɔ su sɔ̃mɔɔ esha Mla.

Ṅmãle̱ Kroṅkroṅ Le̱

²⁵ Mītšṍ wo̱-Nuṅtšo̱ Iesu Kristo no̱ *mīda Nyoṅmo̱ ši. Bĕle̱ agbe̱ne̱ mi noṅṅ mike̱ midſēṅmo̱ súmoo̱ Nyoṅmo̱ mla le̱ moṅ, ši mike̱ mihelo súmoo̱ eša mla. *1 Kor. 15,57.

Romabii 7:25 ပူးပေါင်းရင်းမြစ်များ

Yesaia 12:1

Be ko miiba, ni nakai gbi lɛ obaala okɛɛ akɛ, “Yehowa, miida bo shi, ejaakɛ omlifu mi moŋ, shi omlifu lɛ enaa ejɔ, ni oshɛje mimii.

Yesaia 49:13

“Ŋwɛi, lá kɛ miishɛɛ! Shikpɔŋ, bɔɔ oshe kɛ nyamɔ! Gɔji, nyɛlaa nyamɔ lala! Ejaakɛ Yehowa eshɛje emaŋ lɛ mii; ni emɛi ni nii yɔɔ mɔbɔ lɛ, emusuŋ aaatsɔ̃ lɛ yɛ amɛhe.

Yesaia 49:9

Okɛɛ mɛi ni awo amɛ tsuŋ lɛ akɛ, ‘Nyɛjea kpo koni nyɛye nyɛhe;’ ni mɛi ni yɔɔ duŋ mli lɛ kɛɛmɔ amɛ hu akɛ, ‘Nyɛbaa la hiɛ.’ Amɛaaye nii yɛ gbɛjegbɛi atoi, ni gɔji ni koo bɛ nɔ lɛ fɛɛ aaatsɔ̃ amɛniyelihe.

Mateo 1:21

ebaafɔ binuu, ni ooowo lɛ gbɛi akɛ Yesu, ejaakɛ lɛ ebaahere emaŋ lɛ yiwala kɛjɛ amɛhe eshai lɛ amli.”

Romabii 6:14

Ejaakɛ esha naŋ nyɛnɔ hewalɛ, ejaakɛ jeee Mla shishi nyɛyɔɔ, shi moŋ dromɔ shishi nyɛyɔɔ.

Romabii 6:17

Shi shidaa ahã Nyɔŋmɔ, akɛ kulɛ sa lɛ esha tsuji ji nyɛ, shi agbɛnɛ nyɛjɛ nyɛtsui fiaa mli nyɛbo nɛkɛ tsɔ̃ɔmɔ ni akɛ nyɛ ewo mli nɛɛ toi.

Romabii 8:2

Ejaakɛ mumɔ mla ni hãa wala yɛ Kristo Yesu mli lɛ ekpɔ̃ mi yɛ esha kɛ gbele mla lɛ dɛŋ.

1 Korintobii 15:57

Shi shidaa ahã Nyɔŋmɔ, mɔ ni tsɔ̃ɔ wɔNuŋtsɔ Yesu Kristo nɔ ehãa wɔyeɔ kunim lɛ.

2 Korintobii 9:15

Shi shidaa ahã Nyɔŋmɔ yɛ enikeenii ni anyɛŋ agba lɛ hewɔ!

Efesobii 5:20

Nyɛdaa Tsɛ Nyɔŋmɔ lɛ shi daa yɛ nii fiaa hewɔ yɛ wɔ Nuŋtsɔ Yesu Kristo gbɛi mli,

Filipibii 3:3

Ejaakɛ wɔ moŋ wɔji ketiafolɔi lɛ, wɔ mɛi ni wɔjaa Nyɔŋmɔ yɛ mumɔ naa, ni wɔshwãa wɔfɔ̃ɔ Kristo Yesu nɔ, ni wɔkɛ wɔhiɛ efɔ̃ɔɔ gbɔmɔtso nifeemɔ nɔ lɛ,

Filipibii 4:6

Nyɛkahaoa yɛ nɔ ko nɔ ko he, shi moŋ nɔ fɛɛ nɔ mli lɛ nyɛkɛ sɔlemɔ kɛ faikpamɔ kɛ shidaa atsĩa nyɛtaomɔnii lɛ atã yɛ Nyɔŋmɔ hiɛ.

Kolosebii 3:17

Ni nɔ fɛɛ nɔ ni nyɛfeɔ yɛ wiemɔ loo nitsumɔ gbɛfaŋ lɛ, nyɛfea fɛɛ yɛ Yesu Kristo gbɛi mli, ni nyɛtsɔ̃a enɔ nyɛdaa Nyɔŋmɔ ni ji Tsɛ lɛ shi.

1 Petro 2:5

Ni nyɛ hu nyɛhãa atswaa nyɛ akɛ tɛi ni hiɛ kãmɔ afea mumɔŋ tsu ni afee nyɛ osɔfoi aweku krɔŋkrɔŋ, koni akɛshã mumɔŋ afɔlei ni sa Nyɔŋmɔ hiɛ yɛ Yesu Kristo hewɔ.

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;