Romabii 7:21 - ŊMALƐ KRƆŊKRƆŊ LƐ

²¹ Belɛ minaa mla ko akɛ mi ni misumɔɔ akɛ mafee nɔ ni hi lɛ, efɔŋ moŋ kpɛtɛ mihe.

Ṅmãle̱ Kroṅkroṅ Le̱

²¹ Bĕle̱ minaä mla ne̱ ake̱ mi ní misumoo̱ ake̱ mafe noni hĩ le̱, efõṅ moṅ kpe̱te̱ mihe.

Romabii 7:21 ပူးပေါင်းရင်းမြစ်များ

Lalai 119:133

Hã minane amɔ shi yɛ oshiwoo lɛ naa, ni kaahã nɔsha ko miiye minɔ.

Lalai 119:37

Kaahã minya yakanii kwɛmɔ he, shi moŋ hã mana wala yɛ owiemɔ lɛ naa.

Lalai 40:12

Ejaakɛ efɔ̃ji ni anyɛŋ akane ebɔle mi kɛkpe. Mihe eshai lɛ fa fe mi, bɔ sɔŋŋ ni minyɛɛɛ mihiɛ nɔ mawo. Amɛfa fe miyiteŋ tsɔi, mitsui po efã yɛ mimli.

Lalai 65:3

Kɛji wɔnishaianii miipiŋ wɔ lɛ, bo okɛfaa wɔ.

Luka 4:1

Yesu ni Mumɔ Krɔŋkrɔŋ eyi lɛ obɔ̃ lɛ ku esɛɛ kɛjɛ Yordan he, ni Mumɔ lɛ kpala lɛ kɛtee ŋa lɛ nɔ;

Yohane 8:34

Yesu here amɛ nɔ akɛ, “Anɔkwale mikɛɔ nyɛ akɛ, mɔ fɛɛ mɔ ni feɔ esha lɛ, esha lɛ nyɔŋ ji lɛ.

Romabii 6:12

No hewɔ lɛ, nyɛkahãa esha miiyea nyɛgbɔmɔtso ni baagbo lɛ nɔ maŋtsɛ, ni nyɛbo lɛ toi yɛ ekɔnɔi lɛ amli;

Romabii 6:14

Ejaakɛ esha naŋ nyɛnɔ hewalɛ, ejaakɛ jeee Mla shishi nyɛyɔɔ, shi moŋ dromɔ shishi nyɛyɔɔ.

Romabii 7:23

shi minaa mla kroko yɛ mihe nii lɛ amli ni kɛ mla ni kɛ mijwɛŋmɔ yaa lɛ wuɔ ta, ni eŋɔɔ mi nom ehãa esha mla lɛ ni yɔɔ mihenii lɛ amli lɛ.

Romabii 7:25

Shidaa ahã Nyɔŋmɔ kɛtsɔ̃ Yesu Kristo, wɔNuŋtsɔ lɛ, nɔ. Belɛ agbɛnɛ mi nɔŋŋ mikɛ mijwɛŋmɔ sɔ̃mɔɔ Nyɔŋmɔ Mla lɛ moŋ, shi mikɛ migbɔmɔ su sɔ̃mɔɔ esha Mla.

Romabii 8:2

Ejaakɛ mumɔ mla ni hãa wala yɛ Kristo Yesu mli lɛ ekpɔ̃ mi yɛ esha kɛ gbele mla lɛ dɛŋ.

Hebribii 2:17

No hewɔ lɛ, nibii fɛɛ gbɛfaŋ lɛ esa akɛ etamɔ enyɛmimɛi lɛ, koni etsɔ̃ mɔbɔnalɔ kɛ anɔkwa osɔfonukpa yɛ Nyɔŋmɔ hiɛ, koni ekpãtã ehã maŋ lɛ yɛ amɛhe eshai lɛ ahewɔ.

Hebribii 4:15

Ejaakɛ wɔsɔfonukpa ni wɔyɔɔ lɛ ejeee mɔ ni nyɛ̃ɛɛ anu wɔgbedemɔi lɛ ahe ahã wɔ, shi eji mɔ ko ni aka lɛ yɛ nibii fɛɛ agbɛfaŋ tamɔ wɔ, ni kɛ̃lɛ esha ko esha ko bɛ ehe.

2 Petro 2:19

amɛwoɔ amɛ shi akɛ amɛaaye amɛhe, tsɛ amɛ diɛŋtsɛ lɛ fitemɔ nyɔ̃ji ji amɛ; ejaakɛ mɔ ni aye enɔ lɛ etsɔ̃ nyɔŋ ehã mɔ ni ye enɔ lɛ.