Romabii 7:18 - ŊMALƐ KRƆŊKRƆŊ LƐ

¹⁸ Ejaakɛ mile akɛ mimli, no ji migbɔmɔ su lɛ mli lɛ, nɔ ko kpakpa ko bɛ jɛi; ejaakɛ suɔmɔ lɛ miyɛ eko moŋ, shi ekpakpafeemɔ ni ebɔ mi.

Ṅmãle̱ Kroṅkroṅ Le̱

¹⁸ Edšake̱ mile ake̱ mimli, no dši mihelo le̱ mli le̱, *noko kpakpa ko be̱ dše̱i; edšake̱ suomo̱ le̱ miye̱ eko moṅ, ši ekpakpafemo̱ ni ebo̱mi. *1 Mose 6,5; 8,21.

Romabii 7:18 ပူးပေါင်းရင်းမြစ်များ

1 Mose 6:5

Be ni Yehowa na akɛ gbɔmɛi anɔfɔŋfeemɔ lɛ efa tsɔ yɛ shikpɔŋ lɛ nɔ, ni nibii ni amɛsusuɔ yɛ amɛyiŋ daa nɛɛ lɛ efɔŋ sɔŋŋ ni lɛ,

1 Mose 8:21

Be ni Yehowa here afɔle lɛ ŋma jurɔ lɛ, ekɛɛ ehe akɛ, “Milomɔŋ shikpɔŋ lɛ yɛ gbɔmɔ hewɔ dɔŋŋ, ejaakɛ nii ni gbɔmɔ jwɛŋɔ yɛ eyiŋ lɛ efɔŋ ni kɛjɛ egbekɛbiiashi; ni asaŋ mikpãtãŋ nɔ fɛɛ nɔ ni hiɛ kã hiɛ dɔŋŋ, tamɔ bɔ ni mifee nɛɛ.

Hiob 14:4

Te aaafee tɛŋŋ ni ana nɔ ni he tse kɛ nɔ ni he tseee teŋ srɔto lɛ?

Hiob 25:4

Te aaafee tɛŋŋ hu ni adesa aaaja yɛ Nyɔŋmɔ hiɛ hu? Te aaafe tɛŋŋ ni gbɔmɔ ni jɛ yoo musuŋ lɛ he aaatse hu?

Lalai 119:173

Feemɔ kralo ni oye obua mi, ejaakɛ miŋɔ omlai lɛ.

Lalai 119:176

Midu gbɛ tamɔ too ni elaaje; blɛ baatao mi, otsulɔ, ejaakɛ okitãi lɛ mihiɛ kpako nɔ.

Lalai 119:32

Manyiɛ okitãi agbɛ lɛ nɔ pɛpɛɛpɛ kɛji ogbele mijwɛŋmɔ mli.

Lalai 119:40

Naa, miishwe omlai lɛ; ni ojalɛ naa lɛ hã miyi ana wala.

Lalai 119:5

Oo, mina ni kulɛ mikɛ anɔkwayeli aaaye omlai lɛ anɔ.

Lalai 51:5

Naa, afɔ mi yɛ esha mli, ni esha mli minyɛ ŋɔ mi hɔ yɛ.

Yesaia 64:6

Wɔ fɛɛ wɔtsɔmɔ tamɔ mɔ ko ni he tseee, ni wɔjalɛ nifeemɔnii lɛ tamɔ takoshwɛ. Wɔnishaianii lɛ ehã wɔfee tamɔ baa gbiŋ, ni kɔɔyɔɔ tswaa wɔ kɛyaa.

Mateo 15:19

Ejaakɛ tsui mli ni susumɔi fɔ̃ji, gbɔmɔgbee, gbãlãfitemɔ, ajwamãŋbɔɔ, juu, amale odaseyeli kɛ oshekuyeli jɛɔ.

Luka 11:13

Belɛ kɛji nyɛ ni nyɛ ji mɛi fɔ̃ji lɛ nyɛle bɔ ni nyɛfeɔ ni nyɛkɛ nikeenii kpakpai keɔ nyɛbii lɛ, enyiɛ nɔŋŋ nyɛTsɛ ni yɔɔ ŋwɛi lɛ eŋɔŋ Mumɔ Krɔŋkrɔŋ ehaŋ mɛi ni biɔ lɛ lɛ?”

Yohane 3:6

Nɔ ni ajɛ heloo mli afɔ lɛ, heloo ni; ni nɔ ni ajɛ Mumɔ mli afɔ lɛ, mumɔ ni.

Romabii 13:14

shi moŋ nyɛwoa Nuŋtsɔ Yesu Kristo tamɔ dama, ni nyɛkahãa heloo lɛ nɔ jwɛŋmɔ lɛ miitsɔ̃ heloo lɛ sɛɛdii.

Romabii 7:15

Shi nɔ ni mifeɔ lɛ mileee, ejaakɛ nɔ ni misumɔ̃ɔ lɛ, jeee no mifeɔ, shi nɔ ni mihiɔ moŋ lɛ, no mifeɔ.

Romabii 7:19

Ejaakɛ ekpakpa ni misumɔɔ lɛ mifeee; shi efɔŋ ni misumɔ̃ɔɔ lɛ, no moŋ mifeɔ.

Romabii 7:25

Shidaa ahã Nyɔŋmɔ kɛtsɔ̃ Yesu Kristo, wɔNuŋtsɔ lɛ, nɔ. Belɛ agbɛnɛ mi nɔŋŋ mikɛ mijwɛŋmɔ sɔ̃mɔɔ Nyɔŋmɔ Mla lɛ moŋ, shi mikɛ migbɔmɔ su sɔ̃mɔɔ esha Mla.

Romabii 7:5

Ejaakɛ be ni wɔhi shi yɛ wɔgbɔmɔfɔmɔ su lɛ naa lɛ, eshai ahe akɔnɔi lɛ tsɔ̃ɔ Mla lɛ nɔ tsuɔ nii yɛ wɔhenii lɛ amli ni wɔkɛwo yibii wɔhã gbele.

Galatabii 5:17

Ejaakɛ nii ni heloo lɛ taoɔ lɛ kɛ Mumɔ lɛ eyaaa, ni nii ni Mumɔ lɛ hu taoɔ lɛ kɛ heloo lɛ eyaaa; enɛɛmɛi kɛ amɛhe yeee, enɛ hewɔ lɛ nii ni nyɛsumɔɔ lɛ nyɛnyɛ̃ɛɛ nyɛfee.

Galatabii 5:24

Shi mɛi ni ji Kristo nii lɛ, amɛsɛŋ heloo lɛ kɛ ehiɛdɔɔnii kɛ ekɔnɔi lɛ fɛɛ.

Filipibii 2:13

ejaakɛ suɔmɔ ni aaasumɔ jio, feemɔ ni aaafee jio, Nyɔŋmɔ ji mɔ ni tsuɔ fɛɛ yɛ nyɛ mli bɔ ni lɛ etaoɔ.

Filipibii 3:12

Jeee akɛ minine eshɛ nɔ momo aloo mihi kɛwula shi momo, shi miipele mihiɛ gbɛ ni minine ashɛ nɔ, gbii abɔ ni Kristo Yesu nine eshɛ mi hu minɔ lɛ.

Tito 3:3

Ejaakɛ sa lɛ, wɔ hu wɔfee wɔhe kwashiai, toigbolɔi, gbɛdulɔi, mɛi ni sɔmɔɔ akɔnɔi kɛ miishɛɛ nibii srɔtoi pii. Ni wɔba wɔjeŋ yɛ nifɔɔjianifeemɔ kɛ hetsɛ̃ mli, wɔhe yɛ taŋ, ni wɔnyɛnyɛɔ wɔhe.

1 Petro 4:2

Koni be ni eshwɛ ehã lɛ yɛ heloo mli shihilɛ nɛɛ mli lɛ, ekahi shi yɛ gbɔmɛi akɔnɔi anaa dɔŋŋ, shi moŋ yɛ Nyɔŋmɔ suɔmɔnaanii anaa.