Romabii 6:4 - ŊMALƐ KRƆŊKRƆŊ LƐ

⁴ No hewɔ lɛ, akɛ baptisimɔ ni abaptisi wɔ awo egbele lɛ mli lɛ efu wɔ kɛ lɛ fɛɛ, koni tamɔ bɔ ni atee Kristo shi kɛjɛ gbohii ateŋ yɛ Tsɛ lɛ anunyam naa lɛ, nakai nɔŋŋ kɛ̃ wɔ hu wɔɔnyiɛ yɛ wala hee mli.

Ṅmãle̱ Kroṅkroṅ Le̱

⁴ Nohewo̱ le̱ ake̱ baptisĩmo̱ ní abaptisiwo̱ awo egbĕle le̱ mli le̱ efũwo̱ ke̱le̱ fẽ, koni take̱ bo̱ni atē Kristo ši ke̱-dše̱ gbohĩĩ ateṅ ye̱ tše̱ le̱ anumnyam nā le̱, nakai noṅṅ kẽ wo̱ hũ wo̱nyie ye̱ wala ni etšṍ ehē mli. 1 Pet. 3,21. Kol. 2,12.

Romabii 6:4 ပူးပေါင်းရင်းမြစ်များ

Yohane 11:40

Yesu kɛɛ lɛ akɛ, “Ani mikɛɛɛ bo akɛ kɛji ohe oye lɛ, ooona Nyɔŋmɔ anunyam lɛ?”

Yohane 2:11

Enɛ Yesu fee yɛ Kana yɛ Galilea ekɛje ekadii ashishi ni ekɛ enunyam lɛ tsɔ̃ɔ, ni ekaselɔi lɛ he enɔ amɛye.

Bɔfoi 2:24

Shi Nyɔŋmɔ tee lɛ shi ni efɛne lɛ kɛjɛ gbele piŋmɔi lɛ amli, akɛni gbele nyɛŋ enaa etsi lɛ.

Bɔfoi 2:32

Nɛkɛ Yesu nɛɛ Nyɔŋmɔ tee lɛ shi; no he odasefoi ji wɔ fɛɛ.

Romabii 6:19

Miiwie akɛ gbɔmɔ yɛ nyɛgbedemɔ ni jɛ gbɔmɔfɔmɔ su mli lɛ hewɔ. Tamɔ bɔ ni nyɛkɛ nyɛhenii lɛ fee tsuji nyɛhã nyaŋemɔ nii kɛ mlatɔ̃mɔ koni nyɛkɛtɔ̃ Mla lɛ, nakai nɔŋŋ kɛ̃ agbɛnɛ nyɛkɛ nyɛhenii lɛ afea jalɛ tsuji ahãa krɔŋkrɔŋfeemɔ.

Romabii 6:3

Aloo nyɛleee akɛ wɔteŋ mɛi abɔ ni abaptisi wɔ awo Kristo Yesu mli lɛ, egbele lɛ mli abaptisi wɔ awo?

Romabii 6:8

Shi kɛ wɔ kɛ Kristo gbo lɛ, wɔheɔ wɔyeɔ akɛ wɔ kɛ lɛ aaana wala hu,

Romabii 6:9

ejaakɛ wɔle akɛ ni atee Kristo shi kɛjɛ gbohii ateŋ nɛɛ, egboŋ dɔŋŋ; gbele naŋ enɔ hewalɛ dɔŋŋ.

Romabii 7:6

Shi agbɛnɛ wɔkɛ Mla lɛ bɛ sane ko dɔŋŋ, ejaakɛ wɔtsɔ̃mɔ tamɔ gbohii yɛ nɔ ni fi wɔ kpɛŋŋ lɛ gbɛfaŋ, bɔ ni afee ni wɔsɔ̃mɔ yɛ mumɔ ni etsɔ̃ ehee mli, shi jeee yɛ gbɛ momo lɛ ni ji Mla ni aŋma lɛ nɔ.

Romabii 8:11

Shi kɛ mɔ ni tee Yesu shi kɛjɛ gbohii ateŋ lɛ mumɔ lɛ hiɔ nyɛmli lɛ, mɔ ni tee Kristo shi kɛjɛ gbohii ateŋ lɛ aaahã nyɛgbɔmɔtsei ni baagboi lɛ hu yi ana wala yɛ eMumɔ ni hiɔ nyɛmli lɛ hewɔ.

1 Korintobii 6:14

Nyɔŋmɔ tee Nuŋtsɔ lɛ shi kɛjɛ gbohii ateŋ; ni ebaatee wɔ hu shi yɛ ehewalɛ naa.

2 Korintobii 13:4

Ejaakɛ asɛŋ lɛ yɛ gbedemɔ mli, shi Nyɔŋmɔ hewalɛ naa lɛ, ehiɛ kã; ni wɔ hu wɔgbedeɔ yɛ emli; shi Nyɔŋmɔ hewalɛ lɛ naa lɛ, wɔ kɛ lɛ hiɛ aaakãmɔ ahã nyɛ.

2 Korintobii 5:17

Hewɔ lɛ, kɛ mɔ ko yɛ Kristo mli lɛ, bɔɔnɔ hee ji lɛ; blema nii lɛ eho; naa, nibii fɛɛ etsɔ̃mɔ ehee.

Efesobii 4:17

No hewɔ lɛ, miikɛɛ ni miima nɔ mi yɛ Nuŋtsɔ lɛ mli, akɛ nyɛkanyiɛ tamɔ bɔ ni jeŋbii lɛ nyiɛɔ yɛ amɛyaka jwɛŋmɔ lɛ mli lɛ dɔŋŋ,

Efesobii 5:8

Ejaakɛ sa lɛ duŋ ji nyɛ, shi agbɛnɛ lɛ nyɛtsɔ̃mɔ la yɛ Nuŋtsɔ lɛ mli; nyɛnyiɛa tamɔ la bii.

Kolosebii 3:10

ni nyɛwo gbɔmɔ hee ni aafee lɛ ehee yɛ ebɔlɔ lɛ subaŋ nɔ, koni ele lɛ anɔkwale mli lɛ.

Kolosebii 4:1

Nyɛ nuŋtsɔmɛi lɛ nyɛkɛ nɔ ni ja kɛ nɔ ni sa pɛ ahãa nyɛtsuji lɛ, ni nyɛlea akɛ nyɛ hu nyɛyɛ Nuŋtsɔ yɛ ŋwɛi.

1 Petro 3:21

Ni agbɛnɛ baptisimɔ ni nakai nu lɛ ji ehe okadi lɛ hereɔ nyɛ hu nyɛyiwala. Ejeee hewolo nɔ mujijiemɔ, shi moŋ eji kpãŋmɔ ni ajɛɔ henilee kpakpa mli akɛ Nyɔŋmɔ kpãŋɔ, kɛtsɔ̃ Yesu Kristo shitee lɛ nɔ,

1 Yohane 2:6

Mɔ ni kɛɔ akɛ eyɛ emli lɛ, sa akɛ enyiɛ tamɔ bɔ ni lɛ hu enyiɛɔ lɛ nɔŋŋ.