Romabii 6:2 - ŊMALƐ KRƆŊKRƆŊ LƐ

² Dabida! Wɔ ni esha gbɛfaŋ lɛ wɔtamɔ mɛi ni egboi lɛ, te aaafee tɛŋŋ ni wɔhiɛ aaakãmɔ yɛ emli loloŋ?

Ṅmãle̱ Kroṅkroṅ Le̱

² Dabida! Wo̱ ní wo̱gboi wo̱hã eša le̱, té aafe tēṅ ní wo̱hĩe aakãmo̱ ye̱ emli loloṅ?

Romabii 6:2 ပူးပေါင်းရင်းမြစ်များ

1 Mose 39:9

Ehã mi hewalɛ yɛ shĩa nɛɛ nɔ tamɔ lɛ diɛŋtsɛ nɔŋŋ, ni ekãmãaa mi nɔ ko nɔ ko akɛ ja bo pɛ kɛkɛ; ejaakɛ bo lɛ eŋa ji bo. Te aaafee tɛŋŋ mɔ ni mafee efɔŋ kpeteŋkple ni tamɔ nɛkɛ hu ni mafee esha mashi Nyɔŋmɔ hu?”

Lalai 119:104

Kɛtsɔ̃ omlai lɛ anɔ lɛ, minaa niiashishinumɔ; hewɔ lɛ miihi jeŋba fɔŋ fɛɛ jeŋba fɔŋ.

Luka 20:16

Eeeba ebakpãtã nɛkɛ okwaafoi nɛɛ ahiɛ, ni ekɛ waintrom lɛ aaahã mɛi krokomɛi.” Shi be ni amɛnu lɛ, amɛkɛɛ, “Enɛ akagbale wɔ fɔ̃ŋfɔ!”

Romabii 5:11

Shi jeee no kɛkɛ, shi asaŋ wɔshwãa wɔfɔ̃ɔ Nyɔŋmɔ nɔ hu yɛ wɔNuŋtsɔ Yesu Kristo, mɔ nɔ ni tsɔ̃ ni agbɛnɛ wɔna kpãtãmɔ lɛ hewɔ.

Romabii 6:15

Belɛ mɛni? Aso wɔfee esha akɛni wɔbɛ mla shishi shi dromɔ moŋ shishi wɔyɔɔ lɛ? Dabida!

Romabii 7:4

Minyɛmimɛi, nakai nɔŋŋ nyɛ hu atsɔ̃ Kristo gbɔmɔtso lɛ nɔ ahã nyɛgboi yɛ Mla lɛ gbɛfaŋ, ni nyɛtsɔ̃mɔ mɔ kroko ni ji mɔ ni atee lɛ shi kɛjɛ gbohii ateŋ lɛ nii, koni wɔwo yibii wɔhã Nyɔŋmɔ.

Romabii 7:6

Shi agbɛnɛ wɔkɛ Mla lɛ bɛ sane ko dɔŋŋ, ejaakɛ wɔtsɔ̃mɔ tamɔ gbohii yɛ nɔ ni fi wɔ kpɛŋŋ lɛ gbɛfaŋ, bɔ ni afee ni wɔsɔ̃mɔ yɛ mumɔ ni etsɔ̃ ehee mli, shi jeee yɛ gbɛ momo lɛ ni ji Mla ni aŋma lɛ nɔ.

Galatabii 2:19

Ejaakɛ mi lɛ mitsɔ̃ Mla lɛ nɔ migbo yɛ Mla lɛ gbɛfaŋ, koni mihiɛ akã ahã Nyɔŋmɔ.

Galatabii 6:14

Shi mi lɛ, akagbale mi fɔ̃ŋfɔ̃ akɛ mashwã mafɔ̃ nɔ ko nɔ akɛ ja wɔNuŋtsɔ Yesu Kristo sɛŋmɔtso lɛ, nɔ nɔ ni atsɔ̃ asɛŋ je lɛ ahã mi, ni mi hu asɛŋ mi ahã je lɛ.

Kolosebii 2:20

No hewɔ lɛ, kɛ nyɛkɛ Kristo egbo ni je nɛɛŋ shishijeenii bɛ nyɛnɔ hewalɛ dɔŋŋ lɛ, mɛɛba mɔ ni nyɛhiɔ shi tamɔ nɔ ni nyɛhiɛ kamɔ̃ lolo yɛ je nɛɛŋ, ni nyɛhãa awoɔ nyɛ akpɔi akɛ,

Kolosebii 3:3

Ejaakɛ nyɛgboi, ni akɛ nyɛwala lɛ kɛ Kristo etee yɛ Nyɔŋmɔ mli.

1 Petro 1:14

Nyɛfea nyɛhe bii toibolɔi ni nyɛkabaa nyɛjeŋ yɛ sa be ni nyɛleee nɔ ko lɛ mli akɔnɔi lɛ anaa dɔŋŋ.

1 Petro 2:24

Kristo diɛŋtsɛ etere wɔhe eshai lɛ yɛ egbɔmɔtso lɛ mli kɛtee sɛŋmɔtso lɛ nɔ, koni wɔfee tamɔ mɛi ni egboi yɛ esha gbɛfaŋ ni wɔhiɛ akamɔ yɛ jalɛ gbɛfaŋ lɛ; lɛ ehe faji akɛtsa nyɛ lɛ.

1 Yohane 3:9

Mɔ fɛɛ mɔ ni Nyɔŋmɔ fɔ lɛ lɛ, efeee esha, ejaakɛ esu yɛ emli, ni enyɛŋ esha efee, ejaakɛ Nyɔŋmɔ fɔ lɛ.