Romabii 6:12 - ŊMALƐ KRƆŊKRƆŊ LƐ

¹² No hewɔ lɛ, nyɛkahãa esha miiyea nyɛgbɔmɔtso ni baagbo lɛ nɔ maŋtsɛ, ni nyɛbo lɛ toi yɛ ekɔnɔi lɛ amli;

Ṅmãle̱ Kroṅkroṅ Le̱

¹² Nohewo̱ le̱ nyekahãa eša mīyea nyegbomotšo ní bagbo le̱ no̱ maṅtše̱, ní nyebole̱ toi ye̱ eko̱no̱i le̱ amli; 1 Mose 4,7.

Romabii 6:12 ပူးပေါင်းရင်းမြစ်များ

1 Mose 4:7

Aso kɛji ofee ekpakpa lɛ, ohiɛ baŋ nyam? Kɛji ofeee ekpakpa lɛ, esha bu oshinaa lɛ shi, ni bo osɛɛgbɛ etaoɔ lɛ; shi bo lɛ ye enɔ kunim.”

Lalai 119:133

Hã minane amɔ shi yɛ oshiwoo lɛ naa, ni kaahã nɔsha ko miiye minɔ.

Lalai 19:13

Baamɔ mi otsulɔ, miyi kɛjɛ eshai ni gbɔmɔ hiɛ kã he ni efeɔ lɛ mli. Kaahã eshai lɛ miiye minɔ; no dani mahi kɛwula shi, ni mihe aaaje tɔ̃mɔi kpelei amli.

3 Mose 13:40

“Kɛji nuu ko yi kpa yɛ eyisɛɛ lɛ, yikpataatsɛ ji lɛ, shi ehe tse.

4 Mose 33:55

Shi naa, kɛji nyɛshwieee shikpɔŋ lɛ nɔ bii lɛ kɛjeee nyɛteŋ lɛ, no lɛ amɛteŋ mɛi ni nyɛbaashi lɛ baagba nyɛnaa tamɔ aklatii ni miitsulɔ nyɛhiŋmɛiiaŋ kɛ ŋmei yɛ nyɛŋmawuiaŋ; ni amɛbaahao nyɛ yɛ shikpɔŋ ni nyɛyɔɔ nɔ lɛ nɔ.

Romabii 13:14

shi moŋ nyɛwoa Nuŋtsɔ Yesu Kristo tamɔ dama, ni nyɛkahãa heloo lɛ nɔ jwɛŋmɔ lɛ miitsɔ̃ heloo lɛ sɛɛdii.

Romabii 2:8

shi mɛi ni sumɔɔ bei ni amɛbooo anɔkwale lɛ toi, shi amɛboɔ nii ni ejaaa moŋ toi lɛ, amɛnɔ ji mlifu kɛ mlila.

Romabii 5:21

koni bɔ nɔŋŋ ni esha lɛ ye maŋtsɛ yɛ gbele mli lɛ, nakai nɔŋŋ dromɔ lɛ atsɔ̃ jalɛ nɔ aye maŋtsɛ kɛya naanɔ wala mli yɛ Yesu Kristo, wɔNuŋtsɔ lɛ, hewɔ.

Romabii 6:14

Ejaakɛ esha naŋ nyɛnɔ hewalɛ, ejaakɛ jeee Mla shishi nyɛyɔɔ, shi moŋ dromɔ shishi nyɛyɔɔ.

Romabii 6:16

Ani nyɛleee akɛ, mɔ ni nyɛkɛ nyɛhe feɔ tsuji nyɛhãa ni nyɛboɔ lɛ toi lɛ, nakai gbɔmɔ lɛ ni nyɛboɔ lɛ toi lɛ tsuji ji nyɛ; esha ni kɛ mɔ yaa gbele mli lɛ tsuji jio, aloo toiboo ni kɛ mɔ yaa jalɛ mli lɛ tsuji jio?

Romabii 8:11

Shi kɛ mɔ ni tee Yesu shi kɛjɛ gbohii ateŋ lɛ mumɔ lɛ hiɔ nyɛmli lɛ, mɔ ni tee Kristo shi kɛjɛ gbohii ateŋ lɛ aaahã nyɛgbɔmɔtsei ni baagboi lɛ hu yi ana wala yɛ eMumɔ ni hiɔ nyɛmli lɛ hewɔ.

Romabii 8:13

Ejaakɛ kɛ heloo naa nyɛhiɔ shi yɛ lɛ, nyɛbaagboi shi kɛ nyɛkɛ Mumɔ lɛ gbeɔ heloo lɛ nitsumɔi lɛ, nyɛhiɛ aaakãmɔ.

2 Korintobii 4:11

Ejaakɛ wɔ ni wɔhiɛ kãmɔ nɛɛ, daa nɛɛ atu wɔ awo gbele dɛŋ yɛ Yesu hewɔ, koni Yesu wala lɛ hu aje kpo yɛ wɔgbɔmɔtsei ni baagboi lɛ amli.

2 Korintobii 5:4

Ejaakɛ wɔ ni wɔyɔɔ buu lɛ mli lɛ hu, akɛni wɔhe jaraa wɔ hewɔ lɛ, wɔdɔ̃mɔɔŋtsɔi, ejaakɛ wɔsumɔɔɔ akɛ ajie wɔhenii, shi moŋ wɔsumɔɔ akɛ awo wɔ nii ashwie nɔ, koni wala lɛ ami nɔ ni gboɔ lɛ.

Galatabii 5:16

Shi nɔ ni mikɛɔ ji, “Nyɛnyiɛa yɛ Mumɔ naa, ni nyɛfeŋ heloo akɔnɔi lɛ anaa nii.”

Galatabii 5:24

Shi mɛi ni ji Kristo nii lɛ, amɛsɛŋ heloo lɛ kɛ ehiɛdɔɔnii kɛ ekɔnɔi lɛ fɛɛ.

Efesobii 2:3

Amɛteŋ wɔ fɛɛ hu wɔhi wɔba wɔjeŋ yɛ sa yɛ wɔheloo akɔnɔi lɛ amli, ni wɔtsu nii ni heloo kɛ jwɛŋmɔ sumɔɔ lɛ, ni wɔji bii ni Nyɔŋmɔ mlifu yɔɔ wɔnɔ yɛ wɔfɔmɔsu lɛ naa, tamɔ mɛi ni eshwɛ lɛ nɔŋŋ.

Efesobii 4:22

akɛ nyɛshɛ nɔ ni ji gbɔmɔ momo yɛ nyɛsa jeŋba lɛ naa gbɔmɔ ni efite yɛ shishiumɔ sɛɛdii lɛ anaa lɛ nyɛfɔ̃.

5 Mose 7:2

Kɛji Yehowa, nyɛNyɔŋmɔ lɛ, kɛ amɛwo nyɛdɛŋ nɛkɛ lɛ, nyɛkpãtãa amɛhiɛ kwraa. Nyɛ kɛ amɛ akakpãŋa kpãŋmɔ ko, ni asaŋ nyɛkanaa amɛ mɔbɔ.

1 Tesalonikabii 4:5

jeee yɛ akɔnɔ hiɛdɔɔ mli, tamɔ bɔ ni jeŋmajiaŋbii ni leee Nyɔŋmɔ lɛ feɔ lɛ.

2 Timoteo 2:22

Shi oblahiiaŋ sɛɛdii lɛ hu, joo naa foi, ni okɛ mɛi ni tsɛɔ Nuŋtsɔ lɛ kɛjeɔ tsui ni mli tse mli lɛ atiu jalɛ, hemɔkɛyeli, suɔmɔ kɛ hejɔlɛ sɛɛ.

Tito 2:12

Ni etsɔseɔ wɔ koni wɔkwa she ni asheee Nyɔŋmɔ gbeyei kɛ je nɛɛŋ akɔnɔi lɛ ni wɔkɛ hiɛshikãmɔ kɛ jalɛ nifeemɔ kɛ Nyɔŋmɔ gbeyeishemɔ ahi shi yɛ je nɛɛŋ,

Tito 3:3

Ejaakɛ sa lɛ, wɔ hu wɔfee wɔhe kwashiai, toigbolɔi, gbɛdulɔi, mɛi ni sɔmɔɔ akɔnɔi kɛ miishɛɛ nibii srɔtoi pii. Ni wɔba wɔjeŋ yɛ nifɔɔjianifeemɔ kɛ hetsɛ̃ mli, wɔhe yɛ taŋ, ni wɔnyɛnyɛɔ wɔhe.

1 Petro 1:14

Nyɛfea nyɛhe bii toibolɔi ni nyɛkabaa nyɛjeŋ yɛ sa be ni nyɛleee nɔ ko lɛ mli akɔnɔi lɛ anaa dɔŋŋ.

1 Petro 2:11

Misuɔmɔmɛi, miiwie miitsɔ̃ɔ nyɛ akɛ gbɔi kɛ mɛi ni yɔɔ maŋsɛɛ, akɛ nyɛtsia nyɛhe kɛjɛa heloosɛɛdiinii ni kɛ susuma wuɔ ta lɛ ahe,

Yuda 1:16

Mɛnɛɛmɛi ji huhuuhu wielɔi kɛ krɔlɔi ni nɔ esaaa amɛhiɛ, ni nyiɛɔ yɛ amɛ diɛŋtsɛ amɛkɔnɔi anaa, ni amɛnaabu wieɔ naafuu wiemɔi, ni amɛsumɔɔ mɛi ahiɛsaa yɛ sɛɛnamɔ hewɔ.

Yuda 1:18

Amɛkɛɛ nyɛ akɛ, “Naagbee be lɛ mli lɛ, hefɛoyelɔi ni nyiɛɔ yɛ amɛ diɛŋtsɛ amɛkɔnɔi fɔ̃ji lɛ anaa lɛ aaaba.”

Kojolɔi 2:3

No hewɔ lɛ, agbɛnɛ mi hu nɔ ni mikɛɔ ji mishwieŋ amɛ yɛ nyɛhiɛ, shi moŋ amɛaatsɔ̃mɔ nyɛhenyɛlɔi, ni amɛnyɔŋmɔi lɛ aaatsɔ̃ nyɛ tsɔne.”