Romabii 5:2 - ŊMALƐ KRƆŊKRƆŊ LƐ

² Lɛ enɔ wɔtsɔ̃ ni wɔkɛ hemɔkɛyeli lɛ ena gbɛ hu kɛba dromɔ ni wɔyɔɔ mli nɛɛ mli, ni wɔnyaa yɛ Nyɔŋmɔ anunyam lɛ ni wɔhiɛ kã nɔ lɛ hewɔ.

Ṅmãle̱ Kroṅkroṅ Le̱

² le̱ eno̱ wo̱tšṍ ni wo̱ke̱ hemo̱-ke̱-yeli le̱ éná *gbe̱ hũ ke̱-ba dromo̱ ni wo̱damo̱ mli ne̱ mli, ni wo̱ſãa wo̱fõo̱ Nyoṅmo̱ anumnyam le̱ ni wo̱hĩe kã no̱ le̱ no. *Ef. 3,12.

Romabii 5:2 ပူးပေါင်းရင်းမြစ်များ

Lalai 17:15

Mi lɛ, mana ohiɛ, yɛ jalɛ mli; ni kɛ mihiɛ tsɛ̃ lɛ, mitsui aaatɔ, ejaakɛ mina bɔ ni oyɔɔ.

Lalai 73:24

Okɛ oŋaawoo tsɔ̃ɔ mi gbɛ; ni kɛfee sɛɛ lɛ ooohere mi owo onunyam mli.

Abe̱i 14:32

Mɔ fɔŋ lɛ, enifɔjianii lɛ nɔŋŋ butuɔ lɛ; shi jalɔ lɛ, ejalɛ ji ebobaahe.

Habakuk 3:18

Kɛ̃lɛ mi lɛ mibanya, ni mimli aaafli mi yɛ Yehowa miyiwalaheremɔ Nyɔŋmɔ lɛ mli.

Mateo 25:21

Enuŋtsɔ lɛ kɛɛ lɛ akɛ, ‘Aekoo, tsulɔ kpakpa kɛ anɔkwafo, oye anɔkwa yɛ nii fioo he, mato bo nii pii anɔkwɛlɔ; botemɔ onuŋtsɔ miishɛɛ lɛ mli.’

Yohane 10:7

No hewɔ lɛ, Yesu saa kɛɛ amɛ ekoŋŋ akɛ, “Anɔkwale mikɛɔ nyɛ akɛ, Mi ji toi lɛ ashinaa lɛ.

Yohane 10:9

Mi ji shinaa lɛ. Mi lɛ, kɛji mɔ ko tsɔ̃ minaa etee mli lɛ, aaahere eyiwala, ni eeetee mli ni eeeje kpo, ni eeena lɛɛnii.

Yohane 14:6

Yesu kɛɛ lɛ akɛ, “Mi ji gbɛ lɛ kɛ anɔkwale lɛ kɛ wala lɛ; mɔ ko baaa Tsɛ lɛ ŋɔɔ, akɛ ja etsɔ̃ minɔ.

Yohane 5:24

“Anɔkwale mikɛɔ nyɛ akɛ, mɔ ni nuɔ miwiemɔ ni eheɔ mɔ ni tsu mi lɛ eyeɔ lɛ, eyɛ naanɔ wala, ni ebaŋ kojomɔ mli, shi moŋ efo mli yɛ gbele mli kɛtee wala mli.

Bɔfoi 14:27

Shi be ni amɛba jɛi ni amɛbabua asafo lɛ naa lɛ, amɛgba amɛ nii ni Nyɔŋmɔ kɛ amɛ eyatsu lɛ fɛɛ, kɛ bɔ ni egbele gbɛ ehã jeŋmaji lɛ ni amɛhe amɛye lɛ.

Romabii 11:20

Ojogbaŋŋ! He ni amɛheee amɛyeee hewɔ akumɔ amɛ; ni bo lɛ, hemɔkɛyeli okɛdamɔ shi lɛ. Kaawo ohe nɔ, shi moŋ she ohe gbeyei;

Romabii 12:12

Nyɛnyãa yɛ hiɛnɔkãmɔ mli; nyɛmiaa nyɛhiɛ yɛ amanehulu mli; nyɛhiɛa sɔlemɔ mli daa.

Romabii 14:4

Namɔ ji bo ni okojoɔ mɔ kroko wenuu? Edamɔ shi jio, egbee shi jio, lɛ diɛŋtsɛ enuŋtsɔ sane ni; shi eeedamɔ shi, ejaakɛ Nyɔŋmɔ yɛ hewalɛ ni eeehã edamɔ shi.

Romabii 15:13

Shi Nyɔŋmɔ ni ji wɔhiɛnɔkãmɔ lɛ kɛ miishɛɛ kɛ hejɔlɛ fɛɛ awo nyɛ obɔ̃bɔ̃ɔbɔ̃ yɛ hemɔkɛyeli mli, koni nyɛna hiɛnɔkãmɔ ni ateke nɔ yɛ Mumɔ Krɔŋkrɔŋ hewalɛ mli.

Romabii 2:7

mɛi ni kɛ tsuishiŋmɛɛ hiɛɔ ekpakpafeemɔ mli ni amɛtaoɔ anunyam kɛ woo kɛ shihilɛ ni fiteŋ lɛ, eeehã amɛ naanɔ wala;

Romabii 3:23

ejaakɛ mɛi fɛɛ efee esha, ni Nyɔŋmɔ anunyam lɛ ebɔ amɛ,

Romabii 5:5

ni hiɛnɔkãmɔ lɛ efeee efolo; ejaakɛ atsɔ̃ Mumɔ Krɔŋkrɔŋ ni akɛhã wɔ lɛ nɔ afɔse Nyɔŋmɔ suɔmɔ awo wɔtsuii amli.

Romabii 8:1

No hewɔ lɛ, agbɛnɛ fɔ ko fɔ ko bɛ ni abaabu mɛi ni yɔɔ Kristo Yesu mli lɛ.

Romabii 8:24

Ejaakɛ hiɛnɔkãmɔ naa ahere wɔyiwala yɛ. Hiɛnɔkãmɔ ni anaa lɛ, ejeee hiɛnɔkãmɔ, ejaakɛ namɔ hiɛ kãa nɔ ni enaa nɔ?

1 Korintobii 15:1

Shi, anyɛmimɛi, miihã nyɛle akɛ Sanekpakpa lɛ ni mijaje mitsɔ̃ɔ nyɛ, ni nyɛmɔ mli, ni nyɛdamɔ shi shiŋŋ yɛ mli hu lɛ,

2 Korintobii 3:18

Shi wɔ fɛɛ ni wɔkɛ hiɛ kpetekplee kwɛɔ Nuŋtsɔ lɛ anunyam lɛ tamɔ akwɛɔ ashwishwɛ mli lɛ, wɔmiitsake wɔmiitsɔ̃mɔ nakai subaŋ lɛ nɔŋŋ kɛmiijɛ anunyam mli kɛmiiya anunyam mli, tamɔ bɔ ni ejeɔ Nuŋtsɔ ni ji Mumɔ lɛ ŋɔɔ lɛ.

2 Korintobii 4:17

Ejaakɛ wɔmanehulu ni jaraaa ni asaŋ esɛɛ etsɛɛɛ nɛɛ, baahã wɔna naanɔ anunyam kpele ni jara wa aahu;

Efesobii 2:18

Ejaakɛ enɔ wɔyi enyɔ lɛ fɛɛ wɔtsɔ̃ɔ wɔnaa gbɛ, yɛ Mumɔ kome mli, kɛyaa Tsɛ lɛ ŋɔɔ.

Efesobii 3:12

Kristo Yesu nɔ hemɔkɛyeli nɔ wɔtsɔ̃ ni wɔna ekãa ni wɔkɛyaa Nyɔŋmɔ hiɛ kɛ hewalɛ.

Efesobii 6:13

No hewɔ lɛ, nyɛkɔlɔa Nyɔŋmɔ tawuunii lɛ fɛɛ, koni nyɛnyɛ amɛnaa nyɛkpee yɛ gbi fɔŋ lɛ nɔ, ni be ni nyɛgbe fɛɛ naa lɛ nyɛnyɛ shi nyɛdamɔ.

2 Tesalonikabii 2:16

Shi lɛ wɔNuŋtsɔ Yesu Kristo lɛ diɛŋtsɛ kɛ wɔTsɛ Nyɔŋmɔ ni sumɔ wɔ ni ekɛ naanɔ miishɛjemɔ kɛ hiɛnɔkãmɔ kpakpa hã wɔ yɛ dromɔ naa lɛ,

Hebribii 3:6

Shi Kristo lɛ, eye anɔkwa akɛ Bi yɛ lɛ diɛŋtsɛ ewe; lɛ ewe ji wɔ, kɛji wɔhiɛ nɔhiɛkãmɔ mli ekãa kɛ shwãa lɛ mli kpɛŋŋ kɛyashi naagbee lɛ.

Hebribii 6:18

koni wɔtsɔ̃ saji enyɔ ni tsakeee ni Nyɔŋmɔ nyɛŋ emale yɛ mli lɛ anɔ wɔna miishɛjemɔ ni wa, ni wɔ mɛi ni wɔyaba abo lɛ wɔkɛmɔ hiɛnɔkãmɔ ni kã wɔhiɛ lɛ mli;

1 Petro 3:18

Ejaakɛ Kristo hu na amanehulu yɛ eshai ahewɔ shi kome, lɛ jalɔ lɛ yɛ mɛi ni ejaaa lɛ anajiaŋ, koni ekɛ wɔ aya Nyɔŋmɔ ŋɔɔ. Ni agbe lɛ yɛ heloo gbɛfaŋ moŋ, shi ahã lɛ wala yɛ mumɔ gbɛfaŋ.

Kpojiemɔ 21:11

ni ehiɛ Nyɔŋmɔ anunyam lɛ ni ekpɛɔ tamɔ tɛ ni jara wa waa, tamɔ yaspi ni mli tse akɛ kristalo.

Kpojiemɔ 21:23

Ni hulu loo nyɔɔŋtsere kpɛmɔ he ehĩaaa maŋ lɛ, ejaakɛ Nyɔŋmɔ anunyam lɛ kpɛɔ yɛ mli, ni Toobi lɛ ji ela.

Kpojiemɔ 21:3

Ni minu gbee kpeteŋkple ko jɛ maŋtsɛ sɛ̃i lɛ mli kɛɛ, “Naa, Nyɔŋmɔ shihilɛhe lɛ yɛ gbɔmɛi ateŋ, ni eeehi shi yɛ amɛteŋ, ni amɛaatsɔ̃ emaŋ, ni Nyɔŋmɔ diɛŋtsɛ kɛ amɛ aaahi shi.

Kpojiemɔ 3:21

Kunimyelɔ lɛ mahã ekɛ mi ata mimaŋtsɛ sɛi lɛ nɔ tamɔ bɔ nɔŋŋ ni mi hu miye kunim ni mikɛ miTsɛ ta emaŋtsɛ sɛi lɛ nɔ lɛ.