Romabii 5:18 - ŊMALƐ KRƆŊKRƆŊ LƐ

¹⁸ No hewɔ lɛ, agbɛnɛ, tamɔ bɔ ni atsɔ̃ mɔ kome shigbeemɔ nɔ abu gbɔmɛi fɛɛ fɔ lɛ, nakai nɔŋŋ kɛ̃ atsɔ̃ mɔ kome jalɛ nɔ abu gbɔmɛi fɛɛ awala bem.

Ṅmãle̱ Kroṅkroṅ Le̱

¹⁸ Nohewo̱ le̱ agbe̱ne̱, take̱ bo̱ni atšṍ mokome šigbēmo̱ no̱ abu gbomei fẽ fo̱ le̱, nakai noṅṅ kẽ atšṍ mokome dšale̱ no̱ abu gbomei fẽ wala bem. 1 Kor. 15,22.

Romabii 5:18 ပူးပေါင်းရင်းမြစ်များ

Yesaia 53:11

Esusuma haomɔ lɛ hewɔ lɛ, eeena nii ni aaahã etsui anyɔ emli. Kɛtsɔ̃ mitsulɔ jalɔ lɛ nilee nɔ lɛ, eeehã aŋɔ mɛi babaoo akɛ jalɔi, ni eeetere amɛnishaianii lɛ.

Yohane 1:7

Eba odaseyeli, ni ebaye la lɛ he odase koni mɛi fɛɛ atsɔ̃ enɔ ahe aye.

Yohane 12:32

Ni mi lɛ, kɛji awo minɔ kɛjɛ shikpɔŋ lɛ nɔ lɛ, magbala mɛi fɛɛ kɛaaba miŋɔɔ.”

Yohane 3:26

Ni amɛba Yohane ŋɔɔ ni amɛbakɛɛ lɛ akɛ, “Rabi, mɔ ni kɛ bo hi Yordan sɛɛ ni oye ehe odase lɛ, naa, lɛ diɛŋtsɛ eebaptisi, ni mɛi fɛɛ miiya eŋɔɔ.”

Bɔfoi 13:39

mɔ nɛ mli lɛ mɔ fɛɛ mɔ ni heɔ yeɔ lɛ, abuɔ lɛ bem.

Romabii 3:25

Lɛ ji mɔ ni Nyɔŋmɔ jie to akɛ kpãtãmɔ nɔ kɛtsɔ̃ elá lɛ nɔ hemɔkɛyeli nɔ koni ekɛjie ejalɛ lɛ kpo, yɛ ehiɛ ni eku efɔ̃ eshai ni afee sa lɛ anɔ yɛ etsuishiŋmɛɛ mli lɛ hewɔ;

Romabii 4:25

shi akɛ lɛ hã yɛ wɔtɔ̃mɔi lɛ ahewɔ, ni atee lɛ shi ekoŋŋ yɛ wɔbembuu hewɔ.

Romabii 5:12

Agbɛnɛ, gbɔmɔ kome nɔ esha tsɔ̃ kɛba je lɛ mli, ni gbele tsɔ̃ esha nɔ kɛba. Bɔ ni fee nɛ ni gbele lɛ tsɛŋe gbɔmɛi fɛɛ, ejaakɛ amɛ fɛɛ amɛfee esha lɛ.

Romabii 5:15

Shi Nyɔŋmɔ dromɔ nɔkeenɔ lɛ tamɔɔɔ shigbeemɔnɔ lɛ. Ejaakɛ, kɛ mɔ kome lɛ shigbeemɔ lɛ hewɔ ni mɛi pii lɛ gboi lɛ, Nyɔŋmɔ dromɔ lɛ kɛ nɔkeenɔ ni tsɔ̃ gbɔmɔ kome ni ji Yesu Kristo lɛ dromɔ nɔ ba lɛ fa kɛteke nɔ hã mɛi pii lɛ aahu.

Romabii 5:19

Ejaakɛ tamɔ bɔ ni atsɔ̃ gbɔmɔ kome lɛ toigbele lɛ nɔ ahã mɛi pii tsɔ̃mɔ eshafeelɔi lɛ, nakai nɔŋŋ aaatsɔ̃ mɔ kome lɛ toiboo lɛ nɔ ahã mɛi pii hu atsɔ̃mɔ jalɔi.

Romabii 6:14

Ejaakɛ esha naŋ nyɛnɔ hewalɛ, ejaakɛ jeee Mla shishi nyɛyɔɔ, shi moŋ dromɔ shishi nyɛyɔɔ.

1 Korintobii 15:22

Ejaakɛ tamɔ bɔ ni Adam mli ni mɛi fɛɛ gboiɔ yɛ lɛ, nakai nɔŋŋ kɛ̃ Kristo mli lɛ aaahã mɛi fɛɛ yi ana wala yɛ.

Hebribii 2:9

Shi mɔ ni be kuku ko mli lɛ ahã shwɛ fioo ni ekɛ ŋwɛi bɔfoi aye egbɔ lɛ, wɔna akɛ Yesu ni, mɔ ni gbele mli nɔnaa hewɔ ni akɛ anunyam kɛ woo fi lɛ akekre lɛ, bɔ ni afee ni Nyɔŋmɔ dromɔ naa lɛ esa enaa gbele ehã mɔ fɛɛ mɔ.

2 Petro 1:1

Simon Petro ni ji Yesu Kristo tsulɔ kɛ bɔfo lɛ ŋma yahã mɛi ni nine eshɛ hemɔkɛyeli ni jara wa tamɔ wɔnɔ lɛ nɔŋŋ nɔ kɛtsɔ̃ wɔNyɔŋmɔ kɛ wɔyiwalaherelɔ Yesu Kristo jalɛ lɛ nɔ lɛ.

1 Yohane 2:20

Ni nyɛ lɛ, nyɛna mufɔɔ kɛjɛ Mɔ Krɔŋkrɔŋ lɛ dɛŋ, ni nyɛle nii fɛɛ.