Romabii 5:17 - ŊMALƐ KRƆŊKRƆŊ LƐ

¹⁷ Ejaakɛ kɛ mɔ kome shigbeemɔ lɛ hewɔ jɛ ni gbele tsɔ̃ nakai mɔ kome lɛ nɔ ye maŋtsɛ lɛ, belɛ mɛi ni ena dromɔ kɛ jalɛ nɔkeenɔ ni fa kɛteke nɔ lɛ aaatsɔ̃ mɔ kome ni ji Yesu Kristo lɛ nɔ aye maŋtsɛ yɛ wala mli aahu.

Ṅmãle̱ Kroṅkroṅ Le̱

¹⁷ Edšake̱ ke̱ mokome šigbēmo̱ le̱ hewo̱ dše̱ ni gbĕle tšṍ nakai mokome le̱ no̱ ye maṅtše̱ le̱; bĕle̱ mei ní ená dromo̱ ke̱ dšale̱ nõkēnõ ní fá ke̱-teke no̱ le̱ aatšṍ mokome ní dši Iesu Kristo le̱ no̱ aye maṅtše̱ ye̱ wala mli āhũ.

Romabii 5:17 ပူးပေါင်းရင်းမြစ်များ

1 Mose 2:17

shi ekpakpa kɛ efɔŋlee tso lɛ yibii lɛ kaaye ejaakɛ gbi nɔ ni oooye eko lɛ, gbo ooogbo!”

1 Mose 3:19

Ohiɛ latsaa mli oooye nii yɛ kɛyaashi beyinɔ ni oooku osɛɛ kɛaatee shikpɔŋ sũ mli; ejaakɛ emli ajie bo kɛjɛ; sũ ji bo, ni sũ mli nɔŋŋ oooku osɛɛ kɛaatee.”

1 Mose 3:6

No hewɔ lɛ be ni yoo lɛ na akɛ tso lɛ hi hã yeli ni efeɔ hiŋmɛi akɔnɔ ni tso lɛ baa mɔ tsine ni ehãa mɔ leɔ nii lɛ, etse enɔ yibii lɛ eko ni eye ni ehã ewu lɛ ni kɛ lɛ yɔɔ lɛ hu eko ni eye.

Yesaia 61:10

Manya waa yɛ Yehowa hewɔ; ni misusuma mli aaafli lɛ yɛ miNyɔŋmɔ lɛ hewɔ, ejaakɛ ewo mi yiwalaheremɔ atade, ni ekɛ jalɛ mama eha mi, tamɔ bɔ ni ayɛmforo wu wulaa ehe loo bɔ ni ayɛmforo wulaa kɛ jwine lɛ.

Mateo 25:34

Kɛkɛ lɛ Maŋtsɛ lɛ aaakɛɛ mɛi ni yɔɔ eninejurɔ nɔ lɛ akɛ, ‘Nyɛbaa, nyɛ mɛi ni miTsɛ ejɔɔ nyɛ, nyɛbaŋɔa maŋtsɛyeli lɛ ni asaa ato nyɛ kɛjɛ jeŋ shishijee lɛ!

Yohane 10:10

Julɔ baaa yaka, shi juu kɛ gbee kɛ hiɛkpãtãmɔ hewɔ ebaa; mi lɛ miba bɔ ni afee ni amɛna wala ni amɛna ni ateke nɔ.

Romabii 5:12

Agbɛnɛ, gbɔmɔ kome nɔ esha tsɔ̃ kɛba je lɛ mli, ni gbele tsɔ̃ esha nɔ kɛba. Bɔ ni fee nɛ ni gbele lɛ tsɛŋe gbɔmɛi fɛɛ, ejaakɛ amɛ fɛɛ amɛfee esha lɛ.

Romabii 5:15

Shi Nyɔŋmɔ dromɔ nɔkeenɔ lɛ tamɔɔɔ shigbeemɔnɔ lɛ. Ejaakɛ, kɛ mɔ kome lɛ shigbeemɔ lɛ hewɔ ni mɛi pii lɛ gboi lɛ, Nyɔŋmɔ dromɔ lɛ kɛ nɔkeenɔ ni tsɔ̃ gbɔmɔ kome ni ji Yesu Kristo lɛ dromɔ nɔ ba lɛ fa kɛteke nɔ hã mɛi pii lɛ aahu.

Romabii 5:20

Shi Mla lɛ babote mli koni nɔtɔmɔ lɛ afa kɛteke nɔ. Shi he ni esha fa yɛ lɛ, dromɔ lɛ fa kɛteke nɔ yɛ jɛi,

Romabii 6:14

Ejaakɛ esha naŋ nyɛnɔ hewalɛ, ejaakɛ jeee Mla shishi nyɛyɔɔ, shi moŋ dromɔ shishi nyɛyɔɔ.

Romabii 6:23

Ejaakɛ esha dɛŋ nyɔmɔwoo lɛ gbele ni; shi Nyɔŋmɔ dromɔ keenɔ lɛ naanɔ walaŋ yɛ Yesu Kristo, wɔNuŋtsɔ lɛ, mli.

Romabii 8:39

ŋwɛi jio, shishi jio, aloo nibii ni abɔ lɛ amli nɔ kroko jio, amɛnyɛŋ amɛgbala wɔ kɛ Nyɔŋmɔ suɔmɔ ni yɔɔ Kristo Yesu, wɔNuŋtsɔ lɛ, mli lɛ mli.

1 Korintobii 15:49

Ni tamɔ bɔ ni wɔhiɛ mɔ ni jɛ su mli lɛ subaŋ lɛ, nakai nɔŋŋ wɔbaahiɛ ŋwɛinyo lɛ hu subaŋ.

1 Korintobii 4:8

Nyɛtɔrɔ momo! Nyɛna nii momo! Nyɛshi wɔsɛɛ ni nyɛmiiye maŋtsɛ! Ni mina ni kulɛ nyɛmiiye maŋtsɛ lɛɛlɛŋ, koni wɔ hu wɔkɛ nyɛ aye!

Filipibii 3:9

ni ana mi yɛ emli, akɛ mibɛ mi diɛŋtsɛ mijalɛ ni jɛ Mla mli, shi moŋ jalɛ ni tsɔ̃ Kristo nɔ hemɔkɛyeli nɔ ni jɛ Nyɔŋmɔ dɛŋ yɛ hemɔkɛyeli naa miyɔɔ,

1 Timoteo 1:14

Shi wɔNuŋtsɔ lɛ dromɔ lɛ fa hã mi aahu kɛteke nɔ, ni nɔ ni fata he kɛba ji hemɔkɛyeli kɛ suɔmɔ ni yɔɔ Kristo Yesu mli lɛ.

2 Timoteo 2:12

kɛ wɔmia wɔhiɛ lɛ, wɔ kɛ lɛ aaaye maŋtsɛ hu; kɛ wɔkpa yɛ esɛɛ lɛ, lɛ hu eeekpa yɛ wɔsɛɛ.

Yakobo 2:5

Minyɛmimɛi ni misumɔɔ, nyɛboa toi! Ani jeee je nɛɛ mli ohiafoi ni ji niiatsɛmɛi yɛ hemɔkɛyeli gbɛfaŋ lɛ Nyɔŋmɔ ehala, koni maŋtsɛyeli ni ewo mɛi ni sumɔɔ lɛ lɛ shi yɛ he lɛ atsɔ̃ amɛnɔ?

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;

Kpojiemɔ 1:6

ni ekɛ wɔ efee maŋtsɛmɛi kɛ osɔfoi ehã eTsɛ Nyɔŋmɔ lɛ, lɛ aŋɔ anunyam kɛ hewalɛ ahã kɛyashi naanɔi anaanɔ. Amen!

Kpojiemɔ 20:4

Ni mina maŋtsɛ sɛ̃ii ni mɛi ni akɛ kojomɔ ehã amɛ lɛ tara nɔ. Ni mina mɛi ni afolɔ amɛyii yɛ Yesu he odaseyeli lɛ kɛ Nyɔŋmɔ wiemɔ lɛ hewɔ lɛ asusumai lɛ, kɛ mɛi ni jako kooloo lɛ loo emãgã lɛ ni amɛheko ekadi lɛ yɛ amɛhiɛŋtsei anɔ loo amɛdɛ̃ lɛ. Amɛtsɔ̃mɔ hiɛkãalɔi ekoŋŋ, ni amɛkɛ Kristo ye maŋtsɛ afii akpe.

Kpojiemɔ 20:6

Mɔ ni naa gbɛ yɛ klɛŋklɛŋ shitee lɛ mli lɛ ajɔɔ lɛ ni mɔ krɔŋkrɔŋ ji lɛ. Gbele ni ji enyɔ lɛ bɛ hewalɛ ko yɛ nakai mɛi lɛ anɔ; moŋ amɛaatsɔ̃mɔ Nyɔŋmɔ kɛ Kristo osɔfoi, ni amɛkɛ lɛ aaaye maŋtsɛ afii akpe.

Kpojiemɔ 22:5

Ni nyɔɔŋ bɛ jɛi, ni kane la loo hulu la he ehiaŋ amɛ, ejaakɛ Nuŋtsɔ Nyɔŋmɔ lɛ aaatso ahã amɛ, ni amɛaaye maŋtsɛ kɛaatee naanɔi anaanɔ.

Kpojiemɔ 3:21

Kunimyelɔ lɛ mahã ekɛ mi ata mimaŋtsɛ sɛi lɛ nɔ tamɔ bɔ nɔŋŋ ni mi hu miye kunim ni mikɛ miTsɛ ta emaŋtsɛ sɛi lɛ nɔ lɛ.