Romabii 5:14 - ŊMALƐ KRƆŊKRƆŊ LƐ

¹⁴ Kɛ̃lɛ gbele lɛ ye maŋtsɛ kɛjɛ Adam yinɔ kɛbashi Mose yinɔ yɛ mɛi po ni efeko esha ni tamɔ Adam nɔtɔmɔ lɛ anɔ, Adam ni ji mɔ ni baaba lɛ mfoniri lɛ.

Ṅmãle̱ Kroṅkroṅ Le̱

¹⁴ ši kẽle̱ gbĕle le̱ ye maṅtše̱ ke̱-dše̱ Adam yino̱ ke̱-baši Mose yino̱ ye̱ mei po ní efee eša ni tamo̱ *Adam ní dši moni baba le̱ he okadi le̱ no̱tõmo̱ le̱ ane̱ hũ.

Romabii 5:14 ပူးပေါင်းရင်းမြစ်များ

1 Mose 19:25

ni ekpãtã nɛkɛ maji nɛɛ kɛ jɔɔ shikpɔŋ lɛ fɛɛ kɛ maji lɛ amli bii fɛɛ kɛ shikpɔŋ lɛ nɔ nibii ni ekwɛ̃kwɛ̃ɛ fɛɛ lɛ ahiɛ.

1 Mose 4:8

Kɛkɛ ni Kain kɛɛ enyɛmi Habel akɛ, “Hã ni wɔya ŋa lɛ nɔ wɔba.” Be ni amɛyɔɔ ŋa lɛ nɔ lɛ, Kain te shi wo enyɛmi Habel ni egbe lɛ.

1 Mose 7:22

Bɔɔnii fɛɛ ni muɔ ni yɔɔ shikpɔŋ gbiŋ nɔ lɛ gboi.

2 Mose 1:22

Kɛkɛ ni Farao wo emaŋbii lɛ fɛɛ akpɔ akɛ, “Binuu fɛɛ binuu ni Hebri yoo aaafɔ lɛ nyɛshɛa lɛ nyɛfɔ̃a Nilo faa lɛ mli, shi biyoo lɛ nyɛhãa eyi ana wala.”

2 Mose 1:6

Fee sɛɛ lɛ Yosef kɛ enyɛmimɛi lɛ kɛ nakai yinɔbii lɛ fɛɛ bagboi.

Hosea 6:7

“Shi amɛ lɛ amɛtɔ̃ kpãŋmɔ lɛ nɔ tamɔ bɔ ni Adam fee lɛ, ni amɛyeee mi anɔkwa.

Yona 4:11

Mɛɛba esaaa akɛ mi lɛ Nineve sane adɔ mi, maŋ kpeteŋkple nɛkɛ kɛ emli gbɔmɛi fe akpei oha kɛ nyɔŋmai enyɔ ni efeko efɔŋ ko kɛ emli toi kɛ tsinai babaoo hu lɛ?”

Romabii 5:12

Agbɛnɛ, gbɔmɔ kome nɔ esha tsɔ̃ kɛba je lɛ mli, ni gbele tsɔ̃ esha nɔ kɛba. Bɔ ni fee nɛ ni gbele lɛ tsɛŋe gbɔmɛi fɛɛ, ejaakɛ amɛ fɛɛ amɛfee esha lɛ.

Romabii 5:17

Ejaakɛ kɛ mɔ kome shigbeemɔ lɛ hewɔ jɛ ni gbele tsɔ̃ nakai mɔ kome lɛ nɔ ye maŋtsɛ lɛ, belɛ mɛi ni ena dromɔ kɛ jalɛ nɔkeenɔ ni fa kɛteke nɔ lɛ aaatsɔ̃ mɔ kome ni ji Yesu Kristo lɛ nɔ aye maŋtsɛ yɛ wala mli aahu.

Romabii 5:21

koni bɔ nɔŋŋ ni esha lɛ ye maŋtsɛ yɛ gbele mli lɛ, nakai nɔŋŋ dromɔ lɛ atsɔ̃ jalɛ nɔ aye maŋtsɛ kɛya naanɔ wala mli yɛ Yesu Kristo, wɔNuŋtsɔ lɛ, hewɔ.

Romabii 8:20

Ejaakɛ akɛ bɔɔnii lɛ ewo yakayakanii ashishi, jeee yɛ amɛ diɛŋtsɛ amɛsuɔmɔ naa, shi moŋ yɛ mɔ ni ba amɛ shi lɛ suɔmɔ naa; kɛ̃lɛ hiɛnɔkãmɔ yɛ

Romabii 8:22

Ejaakɛ wɔle akɛ bɔɔnii lɛ fɛɛ kɛ̃mɔɔ ni amɛkɔ̃mɔ̃ɔ kɛbashi amrɔ nɛɛ.

1 Korintobii 15:22

Ejaakɛ tamɔ bɔ ni Adam mli ni mɛi fɛɛ gboiɔ yɛ lɛ, nakai nɔŋŋ kɛ̃ Kristo mli lɛ aaahã mɛi fɛɛ yi ana wala yɛ.

1 Korintobii 15:45

Nakai aŋma hu akɛ, “Adam ni ji klɛŋklɛŋ gbɔmɔ lɛ tsɔ̃ susuma ni hiɛ kã;” naagbee Adam lɛ tsɔ̃ mumɔ ni hãa mɔ yi naa wala.

Hebribii 9:27

Gbii abɔ ni ekã shi ehã gbɔmɛi akɛ shi kome amɛgboiɔ, shi no sɛɛ lɛ abaakojo amɛ lɛ,