Romabii 5:12 - ŊMALƐ KRƆŊKRƆŊ LƐ

¹² Agbɛnɛ, gbɔmɔ kome nɔ esha tsɔ̃ kɛba je lɛ mli, ni gbele tsɔ̃ esha nɔ kɛba. Bɔ ni fee nɛ ni gbele lɛ tsɛŋe gbɔmɛi fɛɛ, ejaakɛ amɛ fɛɛ amɛfee esha lɛ.

Ṅmãle̱ Kroṅkroṅ Le̱

¹² Ene̱hewo̱ le̱, take̱ bo̱ni gbomo kome no̱ eša tšṍ ke̱-ba dše le̱ṅ, ni gbĕle tšṍ eša no̱ ke̱-ba, ni no hã gbĕle le̱ tšēṅe gbomei fẽ, edšake̱ ame̱fẽ ame̱fe eša le̱: — 1 Mose 2,17; 3,19. Rom 6,28.

Romabii 5:12 ပူးပေါင်းရင်းမြစ်များ

1 Mose 2:17

shi ekpakpa kɛ efɔŋlee tso lɛ yibii lɛ kaaye ejaakɛ gbi nɔ ni oooye eko lɛ, gbo ooogbo!”

1 Mose 3:19

Ohiɛ latsaa mli oooye nii yɛ kɛyaashi beyinɔ ni oooku osɛɛ kɛaatee shikpɔŋ sũ mli; ejaakɛ emli ajie bo kɛjɛ; sũ ji bo, ni sũ mli nɔŋŋ oooku osɛɛ kɛaatee.”

1 Mose 3:6

No hewɔ lɛ be ni yoo lɛ na akɛ tso lɛ hi hã yeli ni efeɔ hiŋmɛi akɔnɔ ni tso lɛ baa mɔ tsine ni ehãa mɔ leɔ nii lɛ, etse enɔ yibii lɛ eko ni eye ni ehã ewu lɛ ni kɛ lɛ yɔɔ lɛ hu eko ni eye.

Lalai 51:5

Naa, afɔ mi yɛ esha mli, ni esha mli minyɛ ŋɔ mi hɔ yɛ.

Ezekiel 18:4

“Naa, gbɔmɛi fɛɛ awala lɛ, minɔ ni. Bɔ ni tsɛ wala ji minɔ lɛ, nakai nɔŋŋ bi hu nɔ ji minɔ. Gbɔmɔ ni feɔ esha lɛ, lɛ nɔŋŋ eeegbo.

Romabii 3:23

ejaakɛ mɛi fɛɛ efee esha, ni Nyɔŋmɔ anunyam lɛ ebɔ amɛ,

Romabii 5:18

No hewɔ lɛ, agbɛnɛ, tamɔ bɔ ni atsɔ̃ mɔ kome shigbeemɔ nɔ abu gbɔmɛi fɛɛ fɔ lɛ, nakai nɔŋŋ kɛ̃ atsɔ̃ mɔ kome jalɛ nɔ abu gbɔmɛi fɛɛ awala bem.

Romabii 5:19

Ejaakɛ tamɔ bɔ ni atsɔ̃ gbɔmɔ kome lɛ toigbele lɛ nɔ ahã mɛi pii tsɔ̃mɔ eshafeelɔi lɛ, nakai nɔŋŋ aaatsɔ̃ mɔ kome lɛ toiboo lɛ nɔ ahã mɛi pii hu atsɔ̃mɔ jalɔi.

Romabii 5:21

koni bɔ nɔŋŋ ni esha lɛ ye maŋtsɛ yɛ gbele mli lɛ, nakai nɔŋŋ dromɔ lɛ atsɔ̃ jalɛ nɔ aye maŋtsɛ kɛya naanɔ wala mli yɛ Yesu Kristo, wɔNuŋtsɔ lɛ, hewɔ.

Romabii 6:21

Ni mɛni nyɛna kɛjɛ mli yɛ nakai be lɛ mli? Yibii ni nyɛhiɛ egboi yɛ he agbɛnɛ, ejaakɛ nomɛi anaagbee ji gbele.

Romabii 6:23

Ejaakɛ esha dɛŋ nyɔmɔwoo lɛ gbele ni; shi Nyɔŋmɔ dromɔ keenɔ lɛ naanɔ walaŋ yɛ Yesu Kristo, wɔNuŋtsɔ lɛ, mli.

1 Korintobii 15:56

Shi gbele gãi lɛ ji esha; ni esha hewalɛ ji Mla lɛ.

Efesobii 2:3

Amɛteŋ wɔ fɛɛ hu wɔhi wɔba wɔjeŋ yɛ sa yɛ wɔheloo akɔnɔi lɛ amli, ni wɔtsu nii ni heloo kɛ jwɛŋmɔ sumɔɔ lɛ, ni wɔji bii ni Nyɔŋmɔ mlifu yɔɔ wɔnɔ yɛ wɔfɔmɔsu lɛ naa, tamɔ mɛi ni eshwɛ lɛ nɔŋŋ.

Yakobo 1:15

No sɛɛ lɛ, akɔnɔ lɛ, kɛ eŋɔ hɔ lɛ, efɔɔ esha, ni esha lɛ hu, kɛ eda egbe naa lɛ, efɔɔ gbele.

Yakobo 3:2

Ejaakɛ wɔ fɛɛ wɔtɔ̃ɔ babaoo. Kɛji mɔ ko tɔ̃ɔɔ yɛ wiemɔ mli lɛ, lɛ lɛ gbɔmɔ ni hi kɛwula shi ji lɛ, ni eyɛ hewalɛ akɛ ekɛaawo gbɔmɔtso muu lɛ fɛɛ manyoflɛ.