Romabii 5:10 - ŊMALƐ KRƆŊKRƆŊ LƐ

¹⁰ Ejaakɛ kɛ be mli ni wɔji henyɛlɔi lɛ ni akɛ Nyɔŋmɔ Bi lɛ gbele lɛ bakpãtã wɔ kɛ Nyɔŋmɔ teŋ lɛ, agbɛnɛ ni akpãtã wɔteŋ nɛɛ, aaahere wɔyiwala yɛ ewala lɛ mli aahu.

Ṅmãle̱ Kroṅkroṅ Le̱

¹⁰ Edšake̱ ké̱ be mli ní we̱dši *henye̱lo̱i le̱ ni ake̱ Nyoṅmo̱ bi le̱ gbĕle le̱ bakpãtã wo̱ke̱ Nyoṅmo̱ teṅ le̱, agbene̱ ni akpãtã ne̱, aahere wo̱yiwala ye̱ ewala le̱ mli āhũ. *8,7.

Romabii 5:10 ပူးပေါင်းရင်းမြစ်များ

2 Kronika 29:24

No sɛɛ lɛ, osɔfoi lɛ gbe too kpakpoi lɛ, ni akɛ amɛlã lɛ fee Israel he esha hefaikpamɔ afɔle yɛ afɔleshãa latɛ lɛ nɔ. Ejaakɛ maŋtsɛ lɛ efã akɛ shãa afɔle lɛ kɛ esha he afɔle lɛ ashã fɛɛ ahã Israel akutsei lɛ fɛɛ.

Ezekiel 45:20

Nyɛfea nakai nɔŋŋ yɛ nyɔŋ lɛ nɔ gbi ni ji kpawo lɛ nɔ nyɛhã mɔ ni jeee kwa ekwa efee esha, loo mɔ ni leee ni efee esha ko lɛ, koni akɛtsuu Sɔlemɔ we lɛ he.

Daniel 9:24

“Be ni Nyɔŋmɔ eto ni ekɛbaafo omaŋbii lɛ kɛ omaŋ krɔŋkrɔŋ lɛ eshai kɛ nifɔɔjianii ni afee lɛ sɛɛ lɛ ji afii nyɔŋmai kpawo toi kpawo; abaafo eshafeemɔ sɛɛ; abaakpãtã eshafeelɔ kɛ Nyɔŋmɔ teŋ; ni jalɛ saneyeli aaabaye nɔ kɛya naanɔ; abaawo ninaa kɛ gbalɛ fɛɛ obɔ̃; ni abaasaa ajɔɔ He Krɔŋkrɔŋ lɛ nɔ ekoŋŋ.

3 Mose 6:30

Shi esha afɔle fɛɛ esha afɔle ni akɛ kooloo lɛ lá lɛ eko aaaba Kpe Buu lɛ mli ni akɛaakpãtã yɛ he krɔŋkrɔŋ lɛ yɛ esha ko hewɔ lɛ, akaye; ashã kɛ la.

Yohane 14:19

Eshwɛ fioo kɛkɛ ni je lɛ enaŋ mi dɔŋŋ; shi nyɛ lɛ nyɛaana mi; ejaakɛ mihiɛ kã, ni nyɛ hu nyɛhiɛ aaakã.

Yohane 5:26

Ejaakɛ bɔ ni Tsɛ lɛ yɔɔ wala yɛ lɛ diɛŋtsɛ emli lɛ, nakai nɔŋŋ ehã Bi lɛ wala yɛ lɛ diɛŋtsɛ emli.

Yohane 6:40

Ejaakɛ enɛ ji mí-Tsɛ suɔmɔnaanii, akɛ mɔ fɛɛ mɔ ni kwɛɔ Bi lɛ ni eheɔ enɔ eyeɔ lɛ ana naanɔ wala, ni mi lɛ mitee lɛ shi yɛ naagbee gbi lɛ nɔ.”

Yohane 6:57

Bɔ ni Tsɛ, hiɛkãalɔ lɛ, tsu mi, ni Tsɛ lɛ hewɔ mihiɛ kã lɛ, nakai nɔŋŋ mɔ ni yeɔ mi lɛ hu hiɛ aaakã yɛ mihewɔ.

Romabii 11:28

Yɛ Sanekpakpa lɛ gbɛfaŋ lɛ henyɛlɔi ji amɛ yɛ nyɛhewɔ; shi yɛ halamɔ lɛ gbɛfaŋ lɛ asumɔɔ amɛ yɛ tsɛmɛi lɛ ahewɔ.

Romabii 5:11

Shi jeee no kɛkɛ, shi asaŋ wɔshwãa wɔfɔ̃ɔ Nyɔŋmɔ nɔ hu yɛ wɔNuŋtsɔ Yesu Kristo, mɔ nɔ ni tsɔ̃ ni agbɛnɛ wɔna kpãtãmɔ lɛ hewɔ.

Romabii 5:6

Ejaakɛ be mli ni wɔhe waaa lɛ beebe Kristo bagbo yɛ be ni sa mli ehã mɛi ni efeee Nyɔŋmɔ suɔmɔnaa nii lɛ.

Romabii 8:32

Lɛ mɔ ni kãmãaa wɔ lɛ diɛŋtsɛ eBi lɛ, shi moŋ ekɛ lɛ hã yɛ wɔ fɛɛ wɔnajiaŋ lɛ, ani eŋɔŋ nibii fiaa efataŋ ehe ekeŋ wɔ?

Romabii 8:34

Namɔ ji mɔ ni buɔ fɔ lɛ? Kristo, mɔ ni gbo, shi nɔ ni fe no lɛ, mɔ ni atee lɛ shi ni eyɔɔ Nyɔŋmɔ ninejurɔ nɔ, ni esaa edamɔɔ mli ehãa wɔ lɛ?

Romabii 8:7

Heloo jwɛŋmɔ lɛ, Nyɔŋmɔ nyɛɛ ni, akɛni ebaaa ehe shi ehãaa Nyɔŋmɔ Mla lɛ, ni esaa enyɛŋ tete lɛ;

2 Korintobii 5:20

No hewɔ lɛ, wɔji bɔfoi yɛ Kristo najiaŋ, tamɔ akɛ Nyɔŋmɔ etsɔ̃ wɔnɔ eewie eetsɔ̃ɔ mɛi: wɔdamɔ Kristo najiaŋ wɔmiikpa nyɛ fai akɛ, nyɛhãa akpãtã nyɛ kɛ Nyɔŋmɔ teŋ!

2 Korintobii 5:21

Ejaakɛ mɔ ni leee esha lɛ, wɔhewɔ lɛ ehã etsɔ̃ esha, koni wɔ lɛ wɔtsɔ̃mɔ Nyɔŋmɔ jalɛ yɛ emli.

Efesobii 2:16

ni ekpãtã amɛyi enyɔ lɛ fɛɛ kɛ Nyɔŋmɔ yɛ gbɔmɔtso kome mli yɛ sɛŋmɔtso lɛ nɔ, nɔ nɔ ni egbe nyɛɛ lɛ yɛ lɛ.

Efesobii 2:3

Amɛteŋ wɔ fɛɛ hu wɔhi wɔba wɔjeŋ yɛ sa yɛ wɔheloo akɔnɔi lɛ amli, ni wɔtsu nii ni heloo kɛ jwɛŋmɔ sumɔɔ lɛ, ni wɔji bii ni Nyɔŋmɔ mlifu yɔɔ wɔnɔ yɛ wɔfɔmɔsu lɛ naa, tamɔ mɛi ni eshwɛ lɛ nɔŋŋ.

Hebribii 2:17

No hewɔ lɛ, nibii fɛɛ gbɛfaŋ lɛ esa akɛ etamɔ enyɛmimɛi lɛ, koni etsɔ̃ mɔbɔnalɔ kɛ anɔkwa osɔfonukpa yɛ Nyɔŋmɔ hiɛ, koni ekpãtã ehã maŋ lɛ yɛ amɛhe eshai lɛ ahewɔ.

Hebribii 7:25

No hewɔ hu lɛ enyɛɔ mɛi ni tsɔ̃ɔ enɔ kɛbaa Nyɔŋmɔ ŋɔɔ lɛ ayiwala ehereɔ kwraa, akɛni eyɛ daa koni edamɔ mli ehã amɛ lɛ.

1 Yohane 2:1

Mibii bibii, miiŋma nyɛ nii nɛɛ koni nyɛkafee esha. Ni kɛ mɔ ko fee esha jiŋŋ, wɔyɛ mlidaamɔlɔ yɛ Tsɛ lɛ ŋɔɔ, Yesu Kristo jalɔ lɛ.

1 Yohane 4:10

Enɛ mli suɔmɔ lɛ yɔɔ, jeee akɛ wɔ ni wɔsumɔ Nyɔŋmɔ, shi moŋ lɛ ni esumɔ wɔ, ni etsu eBi lɛ akɛ ebafee wɔhe eshai lɛ ahe kpãtãmɔnɔ.

Kpojiemɔ 1:18

kɛ hiɛkãalɔ lɛ. Migbo, ni naa, mihiɛ kã kɛmiiya naanɔi anaanɔ, ni mihiɛ gbele kɛ gbohiiaje naa samfei lɛ.