Romabii 5:1 - ŊMALƐ KRƆŊKRƆŊ LƐ

¹ Agbɛnɛ akɛni adamɔ hemɔkɛyeli nɔ abu wɔ bem hewɔ lɛ, wɔ kɛ Nyɔŋmɔ teŋ yɛ hejɔlɛ kɛtsɔ̃ wɔNuŋtsɔ Yesu Kristo nɔ.

Ṅmãle̱ Kroṅkroṅ Le̱

¹ Agbe̱ne̱, ake̱ noni atšṍ hemo̱-ke̱-yeli no̱ *abuwo̱ bem hewo̱ le̱, wo̱ ke̱ Nyoṅmo̱ teṅ ye̱ †hedšo̱le̱ ye̱ wo̱-Nuṅtšo̱ Iesu Kristo hewo̱, *3,24. 28; 4.25. †Ies. 53,5.

Romabii 5:1 ပူးပေါင်းရင်းမြစ်များ

Hiob 21:21

Ejaakɛ mɛɛ ŋkɔmɔ eyeɔ yɛ ebii ni eshi he, kɛji egbii asɛɛ efo yɛ jeŋ?

Lalai 122:6

Nyɛbaa hejɔlɛ nyɛhãa Yerusalɛm. “Mɛi ni sumɔɔ bo lɛ ashwere.”

Yesaia 27:5

Kɛji miwebii ahenyɛlɔi lɛ miitao mihebuu lɛ, ja amɛbaba mi abo, ni amɛkɛ mi kpãtã. Hɛɛ! Ja amɛna amɛkɛ mi kpãtã!”

Yesaia 32:17

Jalɛ saneyeli lɛ hesɛɛnamɔ baafee toiŋjɔlɛ kɛ hejɔlɛ shihilɛ kɛ nyɛmi hemɔkɛyeli.

Yesaia 54:13

Yehowa diɛŋtsɛ ni baatsɔ̃ɔ omli bii lɛ nii, ni amɛbaashwere jogbaŋŋ.

Yesaia 55:12

“Ejaakɛ nyɛbaashi Babilon kɛ nyamɔ, ni aaakpala nyɛ kɛshi yɛ toiŋjɔlɛ mli. Gɔji lɛ kɛ gɔŋkpɔi lɛ aaawo nyamɔ lala nɔ yɛ nyɛhiɛ, ni ŋa nɔ tsei lɛ fɛɛ aaatswa amɛdɛ̃ kɛ miishɛɛ.

Habakuk 2:4

Ni shɛɛ wiemɔ lɛ nɛ: ‘Naa, mɔ ni efeee jalɛnii lɛ, eyi naŋ wala; shi mɔ ni feɔ jalɛnii lɛ ehemɔkɛyeli nɔ ebaatsɔ̃ ni eyi ana wala.’ ”

Zakaria 6:13

Lɛ ji mɔ ni ebaama Yehowa Sɔlemɔ we lɛ, ni abaawo ehiɛ nyam akɛ lumɔ, ni ebaata emaŋtsɛ sɛi lɛ nɔ kɛye elumɔ lɛ. Osɔfo ko hu baahi emaŋtsɛ sɛi lɛ he, ni shishinumɔ kɛ toiŋjɔlɛ baahi amɛyi enyɔ lɛ fɛɛ amɛteŋ.’

Luka 19:38

amɛkɛɛ, “Ajɔɔ maŋtsɛ ni baa yɛ Nuŋtsɔ lɛ gbɛi mli lɛ! Hejɔlɛ yɛ ŋwɛi, ni anunyam yɛ ŋwɛi flooflo!”

Luka 19:42

ni ekɛɛ, “Eji yɛ ogbi nɛɛ nɔ lɛ ona ole nii ni hi hã ohejɔlɛ lɛ kulɛ! Shi agbɛnɛ akɛtee bo.

Luka 2:14

“Anunyam ahã Nyɔŋmɔ yɛ ŋwɛi flooflo, ni hejɔlɛ aba shikpɔŋ lɛ nɔ, ni ana gbɔmɛi ahe tsuijurɔ!”

Yohane 14:27

“Hejɔlɛ mishiɔ mahã nyɛ, hejɔlɛ ni ji minɔ lɛ mikɛhãa nyɛ, jeee bɔ ni je lɛ hãa lɛ mihãa nyɛ nɛɛ. Nyɛtsui akayea, ni asaŋ nyɛkashea gbeyei.

Yohane 16:33

Mikɛɛ nyɛ nii nɛɛ, koni nyɛna hejɔlɛ yɛ mimli. Je lɛ mli lɛ, nyɛbaana amanehulu, shi nyɛtsui anyɔa nyɛmli, miye je lɛ nɔ kunim.”

Yohane 20:31

shi enɛɛmɛi lɛ aŋma koni nyɛhe nyɛye akɛ Yesu ji Kristo, Nyɔŋmɔ Bi lɛ, ni kɛ nyɛhe nyɛye lɛ, nyɛaana wala kɛtsɔ̃ egbɛi lɛ nɔ.

Yohane 5:24

“Anɔkwale mikɛɔ nyɛ akɛ, mɔ ni nuɔ miwiemɔ ni eheɔ mɔ ni tsu mi lɛ eyeɔ lɛ, eyɛ naanɔ wala, ni ebaŋ kojomɔ mli, shi moŋ efo mli yɛ gbele mli kɛtee wala mli.

Bɔfoi 10:36

Nyɔŋmɔ tsu akɛ wiemɔ lɛ yahã Israelbii ni etsɔ̃ Yesu Kristo nɔ ejaje hejɔlɛ Sanekpakpa etsɔ̃ɔ amɛ. Yesu nɛɛ ji mɛi fɛɛ aNuŋtsɔ.

Romabii 1:17

Ejaakɛ no mli ajieɔ Nyɔŋmɔ jalɛ kpo yɛ, kɛjɛɔ hemɔkɛyeli mli kɛyaa hemɔkɛyeli mli, tamɔ bɔ ni aŋma lɛ akɛ, “Shi jalɔ ni tsɔ̃ hemɔkɛyeli nɔ lɛ yi aaana wala.”

Romabii 1:7

Miiŋma nyɛ mɛi ni Nyɔŋmɔ sumɔɔ ni etsɛ nyɛ ni nyɛ ji mɛi krɔŋkrɔŋi ni yɔɔ Roma lɛ fɛɛ, dromɔ kɛ hejɔlɛ ni jɛ wɔTsɛ Nyɔŋmɔ lɛ kɛ Nuŋtsɔ Yesu Kristo dɛŋ lɛ ahã nyɛ!

Romabii 10:10

Ejaakɛ tsui akɛheɔ ayeɔ kɛshɛɔ jalɛ he, ni naabu akɛjajeɔ kɛshɛɔ yiwalaheremɔ he.

Romabii 10:15

Ni te aaafee tɛŋŋ ni amɛaashiɛ, kɛ atsuko amɛ lɛ? Tamɔ bɔ ni aŋma akɛ, “Kwɛ bɔ ni Sanekpakpashiɛlɔi ni shiɛɔ nikpakpai lɛ anaji yɔɔ fɛo ha!”

Romabii 14:17

Ejaakɛ Nyɔŋmɔ maŋtsɛyeli lɛ jeee niyeli kɛ ninumɔ ni, shi moŋ jalɛ kɛ hejɔlɛ kɛ Mumɔ Krɔŋkrɔŋ mli miishɛɛ ni;

Romabii 15:13

Shi Nyɔŋmɔ ni ji wɔhiɛnɔkãmɔ lɛ kɛ miishɛɛ kɛ hejɔlɛ fɛɛ awo nyɛ obɔ̃bɔ̃ɔbɔ̃ yɛ hemɔkɛyeli mli, koni nyɛna hiɛnɔkãmɔ ni ateke nɔ yɛ Mumɔ Krɔŋkrɔŋ hewalɛ mli.

Romabii 15:33

Hejɔlɛ Nyɔŋmɔ lɛ kɛ nyɛ fɛɛ ahi shi. Amen!

Romabii 3:22

no ji Nyɔŋmɔ jalɛ ni atsɔ̃ɔ Yesu Kristo nɔ hemɔkɛyeli nɔ akɛhãa mɛi fɛɛ ni heɔ yeɔ lɛ. Ejaakɛ srɔto ko bɛ;

Romabii 3:30

akɛni Nyɔŋmɔ lɛ Nyɔŋmɔ kome ni, ni hemɔkɛyeli naa ebuɔ ketiafoo bem, ni esaa edamɔɔ hemɔkɛyeli nɔ ebuɔ foo bem lɛ.

Romabii 4:5

Shi mɔ ni jeee nii etsuɔ, shi eheɔ mɔ ni buɔ eshafeelɔ bem lɛ nɔ eyeɔ lɛ, Nyɔŋmɔ buɔ ehemɔkɛyeli lɛ akɛ jalɛ ehãa lɛ.

Romabii 5:11

Shi jeee no kɛkɛ, shi asaŋ wɔshwãa wɔfɔ̃ɔ Nyɔŋmɔ nɔ hu yɛ wɔNuŋtsɔ Yesu Kristo, mɔ nɔ ni tsɔ̃ ni agbɛnɛ wɔna kpãtãmɔ lɛ hewɔ.

Romabii 5:18

No hewɔ lɛ, agbɛnɛ, tamɔ bɔ ni atsɔ̃ mɔ kome shigbeemɔ nɔ abu gbɔmɛi fɛɛ fɔ lɛ, nakai nɔŋŋ kɛ̃ atsɔ̃ mɔ kome jalɛ nɔ abu gbɔmɛi fɛɛ awala bem.

Romabii 6:23

Ejaakɛ esha dɛŋ nyɔmɔwoo lɛ gbele ni; shi Nyɔŋmɔ dromɔ keenɔ lɛ naanɔ walaŋ yɛ Yesu Kristo, wɔNuŋtsɔ lɛ, mli.

Romabii 9:30

Belɛ te wɔɔkɛɛ tɛŋŋ? Akɛ jeŋmajiaŋbii ni ediii jalɛ sɛɛ lɛ ena jalɛ ni ji jalɛ ni jɛ hemɔkɛyeli mli lɛ;

Galatabii 2:16

shi akɛni wɔle akɛ abuuu gbɔmɔ bem kɛjɛɛɛ Mla nitsumɔi amli, akɛ ja atsɔ̃ Yesu Kristo nɔ hemɔkɛyeli lɛ nɔ kɛkɛ lɛ, wɔ hu wɔhe Kristo Yesu nɔ wɔye, koni abu wɔ bem yɛ Kristo nɔ hemɔkɛyeli mli, ni jeee Mla nitsumɔi amli, ejaakɛ abuŋ gbɔmɔ ko gbɔmɔ ko bem kɛjɛŋ Mla nitsumɔi amli.

Galatabii 3:25

Shi ni hemɔkɛyeli ba nɛɛ, wɔbɛ tsɔselɔ lɛ shishi dɔŋŋ.

Galatabii 5:22

Shi Mumɔ lɛ yibii ji suɔmɔ, miishɛɛ, hejɔlɛ, tsuishitoo, mlihilɛ, ejurɔfeemɔ, hemɔkɛyeli,

Efesobii 2:7

Efee enɛ koni bei ni baaba lɛ amli lɛ ejie lɛ diɛŋtsɛ edromɔ falɛ ni teke nɔ lɛ kpo yɛ emli ni hi hã wɔ yɛ Kristo Yesu mli lɛ mli.

Filipibii 3:9

ni ana mi yɛ emli, akɛ mibɛ mi diɛŋtsɛ mijalɛ ni jɛ Mla mli, shi moŋ jalɛ ni tsɔ̃ Kristo nɔ hemɔkɛyeli nɔ ni jɛ Nyɔŋmɔ dɛŋ yɛ hemɔkɛyeli naa miyɔɔ,

Kolosebii 1:20

Nyɔŋmɔ tsɔ̃ esɛŋmɔtso nɔ lá lɛ nɔ ekɛ hejɔlɛ ba, ni etsɔ̃ enɔ ekɛ nibii fɛɛ kpãtã, nii ni yɔɔ shikpɔŋ lɛ nɔ kɛ nii ni yɔɔ ŋwɛi lɛ.

Kolosebii 3:15

Ni nyɛhãa Kristo hejɔlɛ lɛ ayea lumɔ yɛ nyɛtsuii amli; nɔ he ni atsɛ nyɛ kɛba yɛ gbɔmɔtso kome mli lɛ. Ni nyɛlea shidaa.

1 Tesalonikabii 5:23

Shi hejɔlɛ Nyɔŋmɔ lɛ diɛŋtsɛ atsuu nyɛhe kwraa kɛmɔ shi, ni eto nyɛmumɔ kɛ nyɛsusuma kɛ nyɛgbɔmɔtso muu lɛ fɛɛ ni shwamɔ ko akahi he yɛ wɔNuŋtsɔ Yesu Kristo baa be lɛ mli.

2 Tesalonikabii 3:16

Shi lɛ hejɔlɛ Nuŋtsɔ lɛ diɛŋtsɛ ahã nyɛ hejɔlɛ daa yɛ gbɛ fɛɛ gbɛ nɔ. Nuŋtsɔ lɛ kɛ nyɛ fɛɛ ahi shi.

Hebribii 13:20

Shi hejɔlɛ Nyɔŋmɔ lɛ, mɔ ni jie toi lɛ akwɛlɔ kpeteŋkple ni ji wɔNuŋtsɔ Yesu kɛjɛ gbohii ateŋ yɛ naanɔ kpãŋmɔ lɛ lá lɛ mli lɛ,