Romabii 4:25 - ŊMALƐ KRƆŊKRƆŊ LƐ

²⁵ shi akɛ lɛ hã yɛ wɔtɔ̃mɔi lɛ ahewɔ, ni atee lɛ shi ekoŋŋ yɛ wɔbembuu hewɔ.

Ṅmãle̱ Kroṅkroṅ Le̱

²⁵ ši aṅõle̱ ahi *ye̱ wo̱tõmo̱i le̱ ahewo̱, ni atēle̱ ši ekoṅ †ye̱ wo̱-bembū hewo̱. *Ies. 43,4. 5. †1 Kor. 15,17.

Romabii 4:25 ပူးပေါင်းရင်းမြစ်များ

Yesaia 53:4

“Anɔkwa, wɔhelai lɛ, lɛ etere, ni wɔhejaramɔi lɛ, lɛ ehole eshwie enɔ. Shi wɔ lɛ, wɔbu lɛ akɛ mɔ ko kɛkɛ ni Nyɔŋmɔ gbala etoi, ni ena nɔ.

Daniel 9:24

“Be ni Nyɔŋmɔ eto ni ekɛbaafo omaŋbii lɛ kɛ omaŋ krɔŋkrɔŋ lɛ eshai kɛ nifɔɔjianii ni afee lɛ sɛɛ lɛ ji afii nyɔŋmai kpawo toi kpawo; abaafo eshafeemɔ sɛɛ; abaakpãtã eshafeelɔ kɛ Nyɔŋmɔ teŋ; ni jalɛ saneyeli aaabaye nɔ kɛya naanɔ; abaawo ninaa kɛ gbalɛ fɛɛ obɔ̃; ni abaasaa ajɔɔ He Krɔŋkrɔŋ lɛ nɔ ekoŋŋ.

Daniel 9:26

Nɛkɛ be nɛɛ naagbee mli lɛ, abaagbe hiɛnyiɛlɔ ni Nyɔŋmɔ efɔ lɛ mu lɛ trukaa, ni enaŋ mɔ ko; ni lumɔ ni baa abaye nɔ lɛ webii lɛ baafite Yerusalɛm maŋ lɛ kɛ He Krɔŋkrɔŋ lɛ. Ta kɛ nibii ahiɛkpãtãmɔ baaba tamɔ nu afua yɛ be lɛ naagbee nɛɛ mli, tamɔ bɔ ni Nyɔŋmɔ ewo shi eto lɛ.

Zakaria 13:7

Yehowa Taiatsɛ lɛ kɛɛ ekoŋŋ akɛ, “Bo klante, wo ohe nɔ owo mitookwɛlɔ lɛ, mɔ ni ji misɛɛ mɔ lɛ, koni toi lɛ agbɛ ashwã. Mawo minine nɔ yɛ too bibiibii tete anɔ ni maplenee amɛ.

Mateo 20:28

Tamɔ bɔ ni Gbɔmɔ Bi lɛ baaa ni asɔmɔ lɛ, shi eba sɔ̃ɔmɔ moŋ ni ekɛ esusuma lɛ ahã yɛ mɛi pii akpɔ̃mɔ hewɔ lɛ.”

Romabii 3:25

Lɛ ji mɔ ni Nyɔŋmɔ jie to akɛ kpãtãmɔ nɔ kɛtsɔ̃ elá lɛ nɔ hemɔkɛyeli nɔ koni ekɛjie ejalɛ lɛ kpo, yɛ ehiɛ ni eku efɔ̃ eshai ni afee sa lɛ anɔ yɛ etsuishiŋmɛɛ mli lɛ hewɔ;

Romabii 5:18

No hewɔ lɛ, agbɛnɛ, tamɔ bɔ ni atsɔ̃ mɔ kome shigbeemɔ nɔ abu gbɔmɛi fɛɛ fɔ lɛ, nakai nɔŋŋ kɛ̃ atsɔ̃ mɔ kome jalɛ nɔ abu gbɔmɛi fɛɛ awala bem.

Romabii 8:3

Ejaakɛ nɔ ni Mla lɛ nyɛɛɛ afee yɛ gbedemɔ ni heloo lɛ ehã egbede hewɔ lɛ, no Nyɔŋmɔ fee: etsu lɛ diɛŋtsɛ eBi lɛ yɛ su ni tamɔ esha heloo su mli, yɛ esha hewɔ; ni ebu esha lɛ fɔ yɛ heloo lɛ mli,

1 Korintobii 15:17

Ni asaŋ kɛ ateee Kristo shi lɛ, no lɛ nyɛhemɔkɛyeli lɛ efee yaka, ni nyɛkãmɔ nyɛhe eshai lɛ amli lolo;

2 Korintobii 5:15

Ni egbo mɛi fɛɛ ayigbele, koni mɛi ni hiɛ kãmɔ lɛ ahiɛ akakãmɔ miihã amɛ diɛŋtsɛ amɛhe dɔŋŋ, shi moŋ amɛhiɛ akãmɔ ahã mɔ ni gbo ni atee lɛ shi ekoŋŋ ahã amɛ lɛ.

2 Korintobii 5:21

Ejaakɛ mɔ ni leee esha lɛ, wɔhewɔ lɛ ehã etsɔ̃ esha, koni wɔ lɛ wɔtsɔ̃mɔ Nyɔŋmɔ jalɛ yɛ emli.

Galatabii 1:4

Yesu Kristo ni kɛ lɛ diɛŋtsɛ ehe hã yɛ wɔhe eshai lɛ ahewɔ, koni ejie wɔ kɛjɛ jeŋ fɔ̃ŋ ni yɔɔ ŋmɛnɛŋmɛnɛ nɛɛ mli, yɛ Nyɔŋmɔ ni ji wɔTsɛ lɛ suɔmɔ naa lɛ.

Galatabii 2:20

Asɛŋ mi kɛ Kristo; hewɔ lɛ jeee mi mihiɛ kã dɔŋŋ, shi Kristo ni hiɛ kã yɛ mimli; shi mihiɛ ni kã yɛ heloo mli agbɛnɛ nɛɛ, Nyɔŋmɔ Bi lɛ ni sumɔ mi ni ekɛ ehe hã yɛ mihewɔ lɛ nɔ hemɔkɛyeli mli mihiɛ kã yɛ.

Galatabii 3:13

Kristo kpɔ̃ wɔ kɛjɛ Mla lɛ loomɔ lɛ mli, akɛni etsɔ̃ loomɔ ehã wɔ lɛ, ejaakɛ aŋma akɛ, “Alomɔ mɔ fɛɛ mɔ ni tsotsoro tso nɔ lɛ;”

Efesobii 5:2

Ni nyɛnyiɛa yɛ suɔmɔ mli, tamɔ bɔ ni Kristo hu sumɔ wɔ ni ekɛ lɛ diɛŋtsɛ ehe hã yɛ wɔhewɔ akɛ nikeenii kɛ afɔle ni akɛhã Nyɔŋmɔ ni jeɔ ŋma krɔŋŋ lɛ.

Tito 2:14

Lɛ ekɛ lɛ diɛŋtsɛ ehe hã yɛ wɔnajiaŋ, koni ekpɔ̃ wɔ kɛjɛ nɔtɔmɔ fɛɛ mli, ni etsuu wɔhe ehã ehe akɛ lɛ diɛŋtsɛ enɔ, maŋ ni hiɛ dɔɔ yɛ nitsumɔi kpakpai ahe lɛ.

Hebribii 8:3

Ejaakɛ osɔfonukpa fɛɛ osɔfonukpa lɛ, awo lɛ koni eŋɔ nikeenii kɛ afɔlei ebahã; no hewɔ lɛ, ehĩa akɛ mɔ nɛ hu ana nɔ ko ni ekɛbahã.

Hebribii 9:28

nakai nɔŋŋ Kristo hu, akɛni aŋɔ lɛ ahã shi kome koni etere mɛi pii ahe eshai kɛya lɛ, nɔ ni ji shii enyɔ lɛ eeeshi esha ebapue ehã mɛi ni kwɛɔ lɛ gbɛ lɛ ni ehere amɛyiwala.

1 Petro 1:21

Nyɛtsɔ̃ enɔ nyɛheɔ Nyɔŋmɔ, mɔ ni tee lɛ shi kɛjɛ gbohii ateŋ ni ewo ehiɛ nyam lɛ nɔ nyɛyeɔ lɛ, no hewɔ lɛ, nyɛhemɔkɛyeli kɛ nyɛhiɛnɔkãmɔ yɛ Nyɔŋmɔ mli.

1 Petro 2:24

Kristo diɛŋtsɛ etere wɔhe eshai lɛ yɛ egbɔmɔtso lɛ mli kɛtee sɛŋmɔtso lɛ nɔ, koni wɔfee tamɔ mɛi ni egboi yɛ esha gbɛfaŋ ni wɔhiɛ akamɔ yɛ jalɛ gbɛfaŋ lɛ; lɛ ehe faji akɛtsa nyɛ lɛ.

1 Petro 3:18

Ejaakɛ Kristo hu na amanehulu yɛ eshai ahewɔ shi kome, lɛ jalɔ lɛ yɛ mɛi ni ejaaa lɛ anajiaŋ, koni ekɛ wɔ aya Nyɔŋmɔ ŋɔɔ. Ni agbe lɛ yɛ heloo gbɛfaŋ moŋ, shi ahã lɛ wala yɛ mumɔ gbɛfaŋ.

1 Yohane 2:2

Lɛ ji wɔhe eshai lɛ ahe kpãtãmɔnɔ; shi jeee wɔnɔ lɛ kɛkɛ, shi moŋ jeŋ muu lɛ fɛɛ nɔ lɛ hu.

Kpojiemɔ 1:5

kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,

Kpojiemɔ 5:9

Ni amɛla lala hee ko amɛkɛɛ, “Osa akɛ oheɔ wolo lɛ ni otserɛɔ enaasɔomɔi lɛ, ejaakɛ agbe bo, ni okɛ olá lɛ ekpɔ̃ mɛi ehã Nyɔŋmɔ kɛjɛ akutso fɛɛ akutso kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ mli.

Kpojiemɔ 7:14

Ni mikɛɛ lɛ akɛ, “Minuŋtsɔ, bo ole” Ni ekɛɛ mi akɛ, “Mɛnɛɛmɛi ji mɛi ni jɛ amanehulu kpeteŋkple lɛ mli lɛ, ni amɛfɔ amɛtadei lɛ ahe, ni amɛhã eyɛ futaa yɛ Toobi lɛ lá lɛ mli.