Romabii 4:16 - ŊMALƐ KRƆŊKRƆŊ LƐ

¹⁶ Enɛ hewɔ ejɛ hemɔkɛyeli mli lɛ, bɔ ni afee ni shiwoo lɛ afee dromɔ sane, ni ama shi shiŋŋ ahã eshwiei lɛ fɛɛ, ni jeee Mla shishibii lɛ kɛkɛ, shi moŋ mɛi ni jɛ Abraham, ni ji wɔ fɛɛ wɔtsɛ lɛ, hemɔkɛyeli lɛ mli lɛ hu;

Ṅmãle̱ Kroṅkroṅ Le̱

¹⁶ Ši ene̱hewo̱ edše̱ hemo̱-ke̱-yeli mli le̱, heni afe ní efe dromo̱ sane, ní šiwō le̱ amã ši šiṅṅ ahã eseši le̱ ſẽ, dšee mla šiši bii le̱ ke̱ke̱, ši moṅ mei ni dše̱ Abraham, ní dši wo̱fẽ wo̱tše̱ le̱, hemo̱-ke̱-yeli le̱ mli le̱ hũ;

Romabii 4:16 ပူးပေါင်းရင်းမြစ်များ

Yesaia 51:2

Nyɛkwɛa nyɛtsɛ Abraham kɛ Sara, mɛi amli ni nyɛjɛ lɛ. Be ni mitsɛ Abraham lɛ, ekome ni; shi mijɔɔ lɛ, ni mihã ewo shwiei babaoo.

Luka 19:9

Yesu kɛɛ lɛ akɛ, “Ŋmɛnɛ yiwalaheremɔ eba shĩa nɛɛ, akɛni lɛ hu Abraham bi ji lɛ lɛ.

Romabii 15:8

Shi miikɛɛ akɛ Yesu Kristo tsɔ̃ sɔ̃ɔlɔ ehã Yudafoi lɛ yɛ Nyɔŋmɔ anɔkwale lɛ hewɔ, koni ekɛmã shiwoi ni awo tsɛmɛi lɛ anɔ mi;

Romabii 3:22

no ji Nyɔŋmɔ jalɛ ni atsɔ̃ɔ Yesu Kristo nɔ hemɔkɛyeli nɔ akɛhãa mɛi fɛɛ ni heɔ yeɔ lɛ. Ejaakɛ srɔto ko bɛ;

Romabii 3:30

akɛni Nyɔŋmɔ lɛ Nyɔŋmɔ kome ni, ni hemɔkɛyeli naa ebuɔ ketiafoo bem, ni esaa edamɔɔ hemɔkɛyeli nɔ ebuɔ foo bem lɛ.

Romabii 4:11

Ni enine shɛ ketiafoo okadi lɛ nɔ akɛ jalɛ naasɔomɔnɔ ni akɛsɔo ehemɔkɛyeli ni ena be mli ni eji foolɔ beebe lɛ naa, ni efee mɛi fɛɛ ni heɔ yeɔ be ni amɛ ji foolɔi lɛ atsɛ, ni abu hemɔkɛyeli ahã amɛ hu akɛ jalɛ;

Romabii 5:1

Agbɛnɛ akɛni adamɔ hemɔkɛyeli nɔ abu wɔ bem hewɔ lɛ, wɔ kɛ Nyɔŋmɔ teŋ yɛ hejɔlɛ kɛtsɔ̃ wɔNuŋtsɔ Yesu Kristo nɔ.

Romabii 9:8

No ji akɛ, jeee heloo naa bii lɛ ji Nyɔŋmɔ bii, shi shiwoo naa bii lɛ moŋ abuɔ akɛ oshwiei.

Galatabii 3:14

koni Abraham jɔɔmɔ lɛ aba jeŋmaji lɛ anɔ yɛ Kristo Yesu mli, ni wɔkɛ hemɔkɛyeli ana Mumɔ ni awo he shi lɛ.

Galatabii 3:16

Shi Abraham lɛ, akɛ lɛ kɛ eshwie lɛ wie shiwoo wiemɔi lɛ. Ekɛɛɛ akɛ, “kɛ oshwiei lɛ” tamɔ nɔ ni ekɛ mɛi pii miiwie, shi moŋ tamɔ mɔ kome akɛ, “kɛ oshwie lɛ”, mɔ ni ji Kristo lɛ.

Galatabii 3:22

Shi moŋ; ŋmalɛ lɛ eŋa nibii fɛɛ yi ewo esha shishi, koni atsɔ̃ Yesu Kristo nɔ hemɔkɛyeli nɔ akɛ shiwoo lɛ ahã mɛi ni heɔ yeɔ lɛ.

Efesobii 2:5

ni wɔ ni kulɛ gbohii ji wɔ yɛ nɔtɔmɔi amli lɛ, etsiɛ wɔ kɛ Kristo fɛɛ hiɛ, dromɔ akɛhere nyɛyiwala!

Efesobii 2:8

Ejaakɛ dromɔ akɛhere nyɛyiwala kɛtsɔ hemɔkɛyeli nɔ, ni enɛ lɛ, jeee nyɛmli ejɛ, Nyɔŋmɔ nɔkeenɔ ni,

Tito 3:7

koni ahã wɔtsɔ̃mɔ niyelɔi yɛ naanɔ wala lɛ gbɛfaŋ yɛ hiɛnɔkãmɔ naa, akɛni abu wɔ bem yɛ lɛ nɔŋŋ edromɔ naa lɛ.

2 Petro 1:10

Belɛ no hewɔ lɛ, anyɛmimɛi, nyɛbɔa mɔdɛŋ ni nyɛtsɛmɔ kɛ nyɛhalamɔ lɛ ama shi shiŋŋ; ejaakɛ, kɛ nyɛfee enɛ lɛ, nyɛtɛrɛŋ gbi ko gbi ko.