Romabii 4:14 - ŊMALƐ KRƆŊKRƆŊ LƐ

¹⁴ Ejaakɛ kɛ Mla shishibii lɛ ji niyelɔi lɛ, belɛ hemɔkɛyeli lɛ efee yaka, ni shiwoo lɛ hu he bɛ sɛɛnamɔ dɔŋŋ.

Ṅmãle̱ Kroṅkroṅ Le̱

¹⁴ Edšake̱ ké̱ mla šiši bii le̱ dši niyelo̱i le̱, bĕle̱ hemo̱-ke̱-yeli le̱ éfe yaka, ni šiwō le̱ hũ be̱ no̱ doṅṅ.

Romabii 4:14 ပူးပေါင်းရင်းမြစ်များ

Lalai 119:126

Be ni Yehowa baafee nɔ ko lɛ eshɛ; ejaakɛ akwa omla lɛ.

Yesaia 55:11

Nakai nɔŋŋ ni wiemɔ ni jɛɔ midaaŋ lɛ hu aaafee. Ekuŋ esɛɛ kɛbaŋ miŋɔɔ efolo, shi moŋ eeetsu nɔ ni mito mihã lɛ lɛ; ni eeeye kunim yɛ nɔ hewɔ ni mitsu lɛ lɛ mli.

Yeremia 19:7

Mahã Yudabii kɛ Yerusalɛm maŋbii ayiŋtoi fɛɛ afee yaka yɛ biɛ. Mahã amɛnyɔnyɔi yɛ klante naa yɛ amɛhenyɛlɔi kɛ mɛi ni taoɔ amɛ efɔŋ amɛfee lɛ ahiɛ. Mahã ŋwɛi loofɔji kɛ shikpɔŋ nɔ kooloi aye amɛgbohii lɛ.

4 Mose 30:12

Shi kɛji ewu lɛ ekpɛlɛ̃ɛɛ shi ni yoo lɛ wo lɛ nɔ, gbi nɔ ni enu he lɛ nɔŋŋ lɛ, no lɛ yoo lɛ shiwoo lɛ kɛ nɔ fɛɛ nɔ ni yoo lɛ tsi ehe naa yɛ he lɛ egbo, ejaakɛ ewu lɛ etswa efɔ̃, ni Yehowa kɛbaafa yoo lɛ.

4 Mose 30:15

Shi kɛji ete shi fee sɛɛ eshi akɛ ekpɛlɛ̃ɛɛ nɔ dɔŋŋ lɛ, no lɛ lɛ ji mɔ ni sɔ̃ lɛ baatere.’ ”

Romabii 3:31

Belɛ wɔmiitsɔ̃ hemɔkɛyeli nɔ wɔhã Mla lɛ afee yaka lo? Dabida, shi wɔkɛmiima Mla lɛ nɔ mi moŋ.

Romabii 4:16

Enɛ hewɔ ejɛ hemɔkɛyeli mli lɛ, bɔ ni afee ni shiwoo lɛ afee dromɔ sane, ni ama shi shiŋŋ ahã eshwiei lɛ fɛɛ, ni jeee Mla shishibii lɛ kɛkɛ, shi moŋ mɛi ni jɛ Abraham, ni ji wɔ fɛɛ wɔtsɛ lɛ, hemɔkɛyeli lɛ mli lɛ hu;

1 Korintobii 1:13

Ani agbala Kristo mli? Ani Paulo asɛŋ ahã nyɛ lɛ? Aloo Paulo gbɛi mli abaptisi nyɛ awo lɛ?

Galatabii 2:21

Mikwaaa Nyɔŋmɔ dromɔ lɛ; ejaakɛ kɛ Mla nɔ jalɛ tsɔ̃ kɛba lɛ, belɛ Kristo lɛ yakatswaa egbo lɛ.

Galatabii 5:4

Shi nyɛ mɛi ni nyɛtaoɔ akɛ abu nyɛ bem yɛ Mla mli lɛ, nyɛtse nyɛhe kɛjɛ Kristo he; nyɛjɛ dromɔ lɛ mli nyɛgbee shi.

Filipibii 3:9

ni ana mi yɛ emli, akɛ mibɛ mi diɛŋtsɛ mijalɛ ni jɛ Mla mli, shi moŋ jalɛ ni tsɔ̃ Kristo nɔ hemɔkɛyeli nɔ ni jɛ Nyɔŋmɔ dɛŋ yɛ hemɔkɛyeli naa miyɔɔ,

Hebribii 7:19

ejaakɛ Mla lɛ hãaa nɔ ko nɔ ko aye emuu, shi agbɛnɛ ahã hiɛnɔkãmɔ ni hi fe no eba, nɔ nɔ ni wɔtsɔ̃ɔ wɔbɛŋkɛɔ Nyɔŋmɔ.

Hebribii 7:28

Ejaakɛ Mla lɛ, gbɔmɛi gbedelɔi eŋɔ woɔ osɔfonukpai lɛ, shi wiemɔ ni akɛkã kitã yɛ Mla lɛ sɛɛ lɛ ewo Bi ni eye emuu kɛyaa naanɔ lɛ Osɔfonukpa.