Romabii 4:11 - ŊMALƐ KRƆŊKRƆŊ LƐ

¹¹ Ni enine shɛ ketiafoo okadi lɛ nɔ akɛ jalɛ naasɔomɔnɔ ni akɛsɔo ehemɔkɛyeli ni ena be mli ni eji foolɔ beebe lɛ naa, ni efee mɛi fɛɛ ni heɔ yeɔ be ni amɛ ji foolɔi lɛ atsɛ, ni abu hemɔkɛyeli ahã amɛ hu akɛ jalɛ;

Ṅmãle̱ Kroṅkroṅ Le̱

¹¹ Ni enine še̱ ketiafō he okadi le̱ no̱ ake̱ dšale̱ *nãso̱omo̱nõ ní aṅõ-so̱o hemo̱-ke̱-yeli ní ehe eye be mli ní edši fōlo̱ bēbe le̱ nā, ní efe mei fẽ ni heo̱ yeo̱ beni ame̱dši fōlo̱i le̱ atše̱, ni abu dšale̱ le̱ ahãame̱ hũ; *1 Mose 17,10. 11.

Romabii 4:11 ပူးပေါင်းရင်းမြစ်များ

1 Mose 17:24

Abraham eye afii nyɔŋmai nɛɛhu kɛ nɛɛhu be ni afo lɛ ketia lɛ,

Lalai 47:9

Maji lɛ amli lumɛi lɛ ebua amɛhe naa kɛba; ni amɛbatsɔ̃mɔ Abraham Nyɔŋmɔ lɛ webii. Ejaakɛ shikpɔŋ lɛ nɔ tawuu nibii lɛ, Naa Nyɔŋmɔ nɔ ni. Awo enɔ gojoo.

2 Mose 12:13

Lá lɛ aaatsɔ̃ shĩai amli ni nyɛyɔɔ lɛ ahe okadi. Kɛji mina lá lɛ pɛ mateke nyɛ, ni mikpataŋ nyɛhiɛ be ni matswia Ijipt gbɔmɛi kɛ kooloi nii lɛ.

2 Mose 31:13

“Kɛɛmɔ Israelbii lɛ akɛ, ‘Asaŋ mihejɔɔmɔ gbi lɛ nyɛyea, ejaakɛ eji okadi yɛ mi kɛ nyɛ teŋ kɛmiiya nyɛyinɔi fɛɛ koni nyɛkɛna nyɛle akɛ mi, Yehowa, mi mifeɔ nyɛ krɔŋkrɔŋ.

2 Mose 31:17

Mi kɛ Israelbii lɛ ateŋ okadi ji no kɛmiiya naanɔ; ejaakɛ gbii ekpaa, mi, Yehowa, mikɛbɔ ŋwɛi kɛ shikpɔŋ, ni gbi ni ji kpawo lɛ mijɔɔ mihe, ni miwo mitsui.’ ”

Ezekiel 20:12

Asaŋ miŋɔ mihejɔɔmɔ gbii lɛ mihã amɛ, koni nomɛi atsɔ̃ okadi yɛ mi kɛ amɛteŋ, koni amɛkɛle akɛ mi Yehowa, mi ji mɔ ni tsuɔ amɛhe.

Ezekiel 20:20

Ni nyɛfea mihejɔɔmɔ gbii lɛ krɔŋkrɔŋ koni nomɛi atsɔ̃ okadi yɛ mi kɛ nyɛ teŋ; koni nyɛkɛle akɛ mi, Yehowa, mi ji nyɛNyɔŋmɔ lɛ.’

Mateo 16:16

Simon Petro here nɔ ekɛɛ, “Bo ji Kristo lɛ, Nyɔŋmɔ hiɛkãalɔ lɛ Bi lɛ!”

Mateo 8:11

Shi miikɛɛ nyɛ akɛ mɛi pii aaajɛ bokã kɛ anai aba, ni amɛkɛ Abraham kɛ Isak kɛ Yakob aaabatara okplɔ̃ he yɛ ŋwɛi maŋtsɛyeli lɛ mli.

Luka 19:9

Yesu kɛɛ lɛ akɛ, “Ŋmɛnɛ yiwalaheremɔ eba shĩa nɛɛ, akɛni lɛ hu Abraham bi ji lɛ lɛ.

Yohane 3:33

Mɔ ni ŋɔɔ edase lɛ, esɔo naa akɛ anɔkwafo ji Nyɔŋmɔ.

Yohane 3:36

Mɔ ni heɔ Bi lɛ nɔ eyeɔ lɛ, eyɛ naanɔ wala; shi mɔ ni booo Bi lɛ toi lɛ, enaŋ wala; shi moŋ Nyɔŋmɔ mlifu hiɔ enɔ.

Yohane 6:35

Ni Yesu kɛɛ amɛ akɛ, “Mi ji wala aboloo lɛ; mɔ ni baa miŋɔɔ lɛ, hɔmɔ yeŋ lɛ gbi ko gbi ko, ni mɔ ni heɔ minɔ yeɔ lɛ, kumai hu yeŋ lɛ gbi ko gbi ko.

Yohane 6:40

Ejaakɛ enɛ ji mí-Tsɛ suɔmɔnaanii, akɛ mɔ fɛɛ mɔ ni kwɛɔ Bi lɛ ni eheɔ enɔ eyeɔ lɛ ana naanɔ wala, ni mi lɛ mitee lɛ shi yɛ naagbee gbi lɛ nɔ.”

Yohane 6:47

Anɔkwale mikɛɔ nyɛ akɛ, mɔ ni heɔ yeɔ lɛ eyɛ naanɔ wala.

Yohane 8:33

Amɛhere lɛ nɔ akɛ, “Abraham shwiei ji wɔ, ni wɔtsɔ̃mɔ̃ko mɔ ko nyɔji pɛŋ; te tɛŋŋ ni bo okɛɔ akɛ, ‘Nyɛaaye nyɛheŋ?’ ”

Romabii 10:11

Ejaakɛ ŋmalɛ lɛ kɛɔ akɛ, “Mɔ fɛɛ mɔ ni heɔ enɔ yeɔ lɛ, ehiɛ gboŋ.”

Romabii 10:4

Ejaakɛ Kristo ji Mla lɛ naagbee, ni lɛ ji jalɛ hã mɔ fɛɛ mɔ ni heɔ yeɔ lɛ.

Romabii 10:6

Shi bɔ ni jalɛ ni jɛ hemɔkɛyeli mli lɛ kɛɔ nɛ, “Kaakɛɛ yɛ otsui mli akɛ, ‘Namɔ aaakwɔ kɛaatee ŋwɛi?’ ” No ji, koni eyaŋɔ Kristo kɛkpeleke shi.

Romabii 3:22

no ji Nyɔŋmɔ jalɛ ni atsɔ̃ɔ Yesu Kristo nɔ hemɔkɛyeli nɔ akɛhãa mɛi fɛɛ ni heɔ yeɔ lɛ. Ejaakɛ srɔto ko bɛ;

Romabii 3:26

koni ejie ejalɛ lɛ etsɔ̃ɔ yɛ benɛ be nɛɛ mli, ni eye bem ni ebu mɔ ni heɔ Yesu nɔ yeɔ lɛ hu bem.

Romabii 3:30

akɛni Nyɔŋmɔ lɛ Nyɔŋmɔ kome ni, ni hemɔkɛyeli naa ebuɔ ketiafoo bem, ni esaa edamɔɔ hemɔkɛyeli nɔ ebuɔ foo bem lɛ.

Romabii 4:10

Agbɛnɛ te abu lɛ jalɛ ahã lɛ tɛŋŋ? Be ni afo lɛ ketia lɛ aloo be mli ni afoko lɛ ketia lɛ? Jeee be mli ni afo lɛ ketia, shi moŋ be ni eji foolɔ lɛ.

Romabii 9:30

Belɛ te wɔɔkɛɛ tɛŋŋ? Akɛ jeŋmajiaŋbii ni ediii jalɛ sɛɛ lɛ ena jalɛ ni ji jalɛ ni jɛ hemɔkɛyeli mli lɛ;

Romabii 9:33

tamɔ bɔ ni aŋma lɛ akɛ, “Naa, mikɛ tɛmɔ tɛ kɛ nanetɔ̃tɔ̃mɔ tɛsaa ko miima shi yɛ Zion, Ni mɔ fɛɛ mɔ ni heɔ enɔ eyeɔ lɛ, ehiɛ gboŋ.”

Romabii 9:6

Shi jeee akɛ Nyɔŋmɔ wiemɔ lɛ efee yaka. Ejaakɛ jeee mɛi ni jɛ Israel mli lɛ fɛɛ ji “Israel musuŋ bii”,

2 Korintobii 1:22

lɛ nɔŋŋ esɔo wɔnaa, ni ekɛ Mumɔ lɛ ehã wɔ akɛ yibaafoo nɔ yɛ wɔtsuii amli hu.

Galatabii 3:22

Shi moŋ; ŋmalɛ lɛ eŋa nibii fɛɛ yi ewo esha shishi, koni atsɔ̃ Yesu Kristo nɔ hemɔkɛyeli nɔ akɛ shiwoo lɛ ahã mɛi ni heɔ yeɔ lɛ.

Galatabii 3:29

Shi kɛji Kristo nii ji nyɛ lɛ, belɛ Abraham shwiei ji nyɛ, kɛ gboshiniiyelɔi hu yɛ shiwoo lɛ naa.

Galatabii 3:7

No hewɔ lɛ, nyɛnaa nyɛlea akɛ mɛi ni heɔ yeɔ lɛ, amɛ ji Abrahambii.

Galatabii 5:5

Ejaakɛ wɔ lɛ, Mumɔ lɛ nɔ wɔtsɔ̃ɔ wɔkɛ hemɔkɛyeli mɛɔ jalɛ ni wɔhiɛ kã nɔ lɛ.

Galatabii 6:16

Ni mɛi abɔ ni aaanyiɛ yɛ nɛkɛ jeŋba he mla nɛɛ naa lɛ, hejɔlɛ kɛ mɔbɔnalɛ aba amɛ kɛ “Nyɔŋmɔ Israel” lɛ nɔ.

Efesobii 1:13

Lɛ emli akɛ Mumɔ Krɔŋkrɔŋ ni awo he shi lɛ sɔo nyɛ hu nyɛnaa yɛ be ni nyɛnu anɔkwale lɛ wiemɔ lɛ ni ji yiwalaheremɔ Sanekpakpa lɛ ni nyɛhe nyɛye lɛ.

Efesobii 4:30

Ni nyɛkafea Nyɔŋmɔ Mumɔ Krɔŋkrɔŋ lɛ nidɔɔnii; lɛ emli asɔo nyɛnaa yɛ ato kpɔ̃mɔ gbi lɛ.

5 Mose 30:6

Yehowa, nyɛNyɔŋmɔ lɛ, aaahã nyɛ kɛ nyɛshwiei hu atsake nyɛtsui bɔ ni afee ni nyɛkɛ nyɛtsui kɛ nyɛnyɛmɔ fɛɛ asumɔ Yehowa, nyɛNyɔŋmɔ lɛ, koni nyɛyi ana wala.

Filipibii 3:9

ni ana mi yɛ emli, akɛ mibɛ mi diɛŋtsɛ mijalɛ ni jɛ Mla mli, shi moŋ jalɛ ni tsɔ̃ Kristo nɔ hemɔkɛyeli nɔ ni jɛ Nyɔŋmɔ dɛŋ yɛ hemɔkɛyeli naa miyɔɔ,

Hebribii 11:7

Hemɔkɛyeli Noa hu kɛbo Nyɔŋmɔ toi be ni ehã ele nii ni anako lɛ he nɔ ko lɛ, ni ekɛkpɛ adeka ehã ewe lɛ yiwalaheremɔ lɛ; no nɔ hu etsɔ̃ ebu je lɛ fɔ, ni enine shɛ jalɛ ni jɛ hemɔkɛyeli mli lɛ nɔ.

2 Petro 1:1

Simon Petro ni ji Yesu Kristo tsulɔ kɛ bɔfo lɛ ŋma yahã mɛi ni nine eshɛ hemɔkɛyeli ni jara wa tamɔ wɔnɔ lɛ nɔŋŋ nɔ kɛtsɔ̃ wɔNyɔŋmɔ kɛ wɔyiwalaherelɔ Yesu Kristo jalɛ lɛ nɔ lɛ.

Kpojiemɔ 9:4

ni akɛɛ amɛ akɛ amɛkafee shikpɔŋ lɛ nɔ jwɛi loo baaŋmɔŋ loo tso ko efɔŋ ko, akɛ ja gbɔmɛi ni bɛ Nyɔŋmɔ naasɔomɔnɔ lɛ okadi yɛ amɛhiɛŋtsei anɔ lɛ kɛkɛ.