Romabii 3:29 - ŊMALƐ KRƆŊKRƆŊ LƐ

²⁹ Aloo Nyɔŋmɔ lɛ Yudafoi kɛkɛ aNyɔŋmɔ ni? Ani jeee jeŋmaji lɛ hu aNyɔŋmɔ ni? Hɛɛ, jeŋmaji lɛ hu aNyɔŋmɔ

Ṅmãle̱ Kroṅkroṅ Le̱

²⁹ Ši ani Nyoṅmo̱ le̱ Iudafoi ke̱ke̱ a-Nyoṅmo̱ ni? ani dšee dšeṅmădši le̱ hũ anõ ni? Hē̃, dšeṅmãdši le̱ hũ anõṅ. 10,12.

Romabii 3:29 ပူးပေါင်းရင်းမြစ်များ

Kolosebii 3:11

Enɛ mli lɛ Helanyo kɛ Yudanyo, ketiafolɔ kɛ foolɔ, gbɔ, Sikitianyo, nyɔŋ kɛ odehe ko bɛ dɔŋŋ, shi moŋ Kristo ji nii fiaa yɛ mɛi fɛɛ mli.

Zakaria 2:11

Nakai gbi lɛ nɔ lɛ, maji babaoo kɛ amɛhe aaahã Yehowa ni amɛaatsɔ̃ mimɛi, ni mahi amɛteŋ. No nyɛkɛaale akɛ Yehowa Taiatsɛ lɛ ni tsu mi nyɛŋɔɔ lɛ.

Efesobii 3:6

No ji akɛ jeŋmajiaŋbii lɛ hu niyelɔi lɛ ekomɛi kɛ gbɔmɔtso lɛ henii lɛ ekomɛi kɛ mɛi ni awo amɛ shi yɛ Kristo Yesu mli lɛ hu ekomɛi ji amɛ kɛtsɔ̃ Sanekpakpa lɛ nɔ.

Galatabii 3:14

koni Abraham jɔɔmɔ lɛ aba jeŋmaji lɛ anɔ yɛ Kristo Yesu mli, ni wɔkɛ hemɔkɛyeli ana Mumɔ ni awo he shi lɛ.

Romabii 15:16

koni mitsɔ̃ Yesu Kristo sɔ̃ɔlɔ mihã jeŋmaji lɛ, ni mitsu Nyɔŋmɔ Sanekpakpa lɛ he nii akɛ osɔfo, ni jeŋmaji lɛ atsɔ̃mɔ afɔle ni sa ehiɛ jogbaŋŋ ni atsuu he yɛ Mumɔ Krɔŋkrɔŋ mli.

Romabii 10:12

Ejaakɛ srɔto ko bɛ Yudanyo kɛ Helanyo teŋ; ejaakɛ Nuŋtsɔ kome amɛ fɛɛ amɛyɔɔ, ni niiatsɛ hu ji lɛ ha mɛi fɛɛ ni boɔ tsɛɔ lɛ lɛ.

Romabii 1:16

Ejaakɛ mihiɛ gbooo Kristo Sanekpakpa lɛ he, ejaakɛ eji Nyɔŋmɔ hewalɛ ni akɛhereɔ mɔ fɛɛ mɔ ni heɔ yeɔ lɛ yiwala, Yudanyo lɛ tsutsu kɛ Helanyo hu.

Yeremia 16:19

“Yehowa, bo ji mihewalɛ kɛ mimɔɔ ni wa kɛ mibobaahe yɛ fimɔ be mli. Bo oŋɔɔ maji aaajɛ je lɛ naagbeehei aba, ni amɛaakɛɛ akɛ, Wɔtsɛmɛi lɛ ebanaaa gboshinii ko akɛ ja lakamɔ kɛ yaka nibii ni ahe bɛ sɛɛnamɔ ko.

Bɔfoi 26:17

Ni majie bo kɛjɛ maŋ lɛ kɛ jeŋmaji lɛ ni mitsuɔ bo kɛya amɛŋɔɔ nɛɛ adɛŋ,

Bɔfoi 22:21

Ni ekɛɛ mi akɛ, ‘Yaa, ejaakɛ mibatsu bo jeŋmaji lɛ ni yɔɔ shɔŋŋ lɛ aŋɔɔ.’ ”

Bɔfoi 9:15

Shi Nuŋtsɔ lɛ kɛɛ lɛ akɛ, “Yaa, ejaakɛ mɔ nɛ ji midɛŋ dade ni mihala mihã mihe koni ehiɛ migbɛi lɛ kɛya jeŋmaji lɛ kɛ maŋtsɛmɛi kɛ Israelbii lɛ hu ahiɛ.

Mateo 28:19

No hewɔ lɛ, nyɛyaa ni nyɛyafea jeŋmaji fɛɛ mikaselɔi, nyɛbaptisia amɛ nyɛwoa Tsɛ lɛ kɛ Bi lɛ kɛ Mumɔ Krɔŋkrɔŋ lɛ gbɛi mli,

Mateo 22:32

‘Mi lɛ, Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ ji mi lɛ?’ Nyɔŋmɔ lɛ jeee gbohii aNyɔŋmɔ ni, shi moŋ hiɛkãalɔi aNyɔŋmɔ ni.”

Maleaki 1:11

Kɛjɛ hulu shitee mli aahu kɛyashi eshinyɔɔ mli lɛ, mɛi miikafo mi yɛ jeŋ majimaji amli. Ni aashãshãa tsofakɛŋma aahã mi, ni akɛ nibii ni ahe tsetsee miishãshãa afɔle miihã mi, ejaakɛ migbɛi ehehe yɛ jeŋ majimaji lɛ anɔ.

Hosea 1:10

Shi kɛ̃lɛ Israelbii ayikulɛ aaatamɔ ŋshɔnaa shia ni anyɛŋ asusu aloo akane. Kɛji nakai be lɛ shɛ lɛ, he ni akɛɛ amɛ yɛ akɛ, ‘Nyɛjeee mimaŋ lɛ,’ jɛi nɔŋŋ abaakɛɛ amɛ yɛ akɛ, “Nyɔŋmɔ hiɛkãalɔ lɛ bii ji nyɛ.”

Yeremia 31:33

Kpãŋmɔ hee ni mikɛ Israel baakpãŋ yɛ nakai gbi lɛ sɛɛ nɛ: Mibaŋɔ mimla lɛ mawo amɛmli, ni mibaŋmã mlai lɛ mawo amɛtsuii amli, ni mibatsɔ̃ amɛNyɔŋmɔ, ni amɛbaatsɔ mimaŋ.

Yesaia 54:5

Ejaakɛ obɔlɔ lɛ aaatsɔ̃ wu aha bo. Yehowa Taiatsɛ ji egbɛi, ni Israel Mɔ Krɔŋkrɔŋ Koome lɛ ji Okpɔ̃lɔ lɛ. Je lɛ fɛɛ Nyɔŋmɔ ji egbɛi.

Lalai 72:17

Maŋtsɛ lɛ gbɛi ahe shi kɛya naanɔ; gbii abɔ ni hulu yɔɔ nɛɛ, enunyam akagbo. Gbɔmɛi aaanya yɛ ehewɔ; ni majimaji fɛɛ aaajɔɔ lɛ.

Lalai 67:2

koni je lɛ fɛɛ ale osuɔmɔnaanii koni majimaji fɛɛ ale oyiwalaheremɔ hewalɛ lɛ!

Lalai 22:7

Mɛi fɛɛ ni naa mi lɛ yeɔ mihe fɛo; amɛgbɛɔ amɛdaaŋ, ni amɛhosoɔ amɛyitsei,

1 Mose 17:18

Abraham kɛɛ Nyɔŋmɔ akɛ, “Ao, mina ni kulɛ Ishmael yi na wala yɛ ohiɛ.”

Bɔfoi 10:34

Kɛkɛ ni Petro gbele enaa ni ekɛɛ, “Lɛɛlɛŋ, miyoo akɛ Nyɔŋmɔ jeee mɛiahĩɛiaŋkwɛlɔ;