Romabii 3:25 - ŊMALƐ KRƆŊKRƆŊ LƐ

²⁵ Lɛ ji mɔ ni Nyɔŋmɔ jie to akɛ kpãtãmɔ nɔ kɛtsɔ̃ elá lɛ nɔ hemɔkɛyeli nɔ koni ekɛjie ejalɛ lɛ kpo, yɛ ehiɛ ni eku efɔ̃ eshai ni afee sa lɛ anɔ yɛ etsuishiŋmɛɛ mli lɛ hewɔ;

Ṅmãle̱ Kroṅkroṅ Le̱

²⁵ le̱ dši moni Nyoṅmo̱ dšie to ake̱ *kpãtãmo̱nõ ke̱-tšṍ elá le̱ no̱ hemo̱-ke̱-yeli no̱, koni edšie edšale̱ le̱ kpo, ye̱ ehĩe ní ekũ efõ ešai ní afe sá le̱ ano̱ ye̱ Nyoṅmo̱ tšuišiṅmē̃ mli le̱ hewo̱; *3 Mose 16,12-15. Heb 4.16.

Romabii 3:25 ပူးပေါင်းရင်းမြစ်များ

Lalai 119:142

Ojalɛ lɛ, naanɔ jalɛ ni, ni omla lɛ, anɔkwale ni.

Lalai 22:31

Abaajaje atsɔ̃ɔ yinɔbii ni afɔko tete lɛ akɛ lɛ, Yehowa lɛ, ehere maŋ lɛ yiwala.

Lalai 40:10

Oyelikɛbuamɔ ni okɛhereɔ yiwala lɛ, mitsimɔko nɔ yɛ mitsui mli. Mijaje onɔkwayeli kɛ oyiwalaheremɔ lɛ mitsɔ̃ɔ; Mishiuko osuɔmɔ ni tsakeee lɛ kɛ onɔkwale lɛ nɔ yɛ asafo kpele lɛŋ.

Lalai 50:6

Ŋwɛi tete jajeɔ ejalɛ lɛ, ejaakɛ Nyɔŋmɔ diɛŋtsɛ ji kojolɔ lɛ.

Lalai 97:6

Ŋwɛi jajeɔ ejalɛ lɛ etsɔ̃ɔ, ni maji fɛɛ tswɛm naa enunyam lɛ.

Lalai 98:2

Yehowa ehã ale kunim ni eye lɛ; ejie edɛŋ yiwalaheremɔ lɛ kpo faŋŋ etsɔ̃ɔ yɛ majimaji lɛ ahiɛ.

Yesaia 53:11

Esusuma haomɔ lɛ hewɔ lɛ, eeena nii ni aaahã etsui anyɔ emli. Kɛtsɔ̃ mitsulɔ jalɔ lɛ nilee nɔ lɛ, eeehã aŋɔ mɛi babaoo akɛ jalɔi, ni eeetere amɛnishaianii lɛ.

3 Mose 16:10

Shi too kpakpo ni Azazel oshiki lɛ gbee enɔ lɛ, ekɛ lɛ abadamɔ Yehowa hiɛ ni kooloo lɛ hiɛ kã. Eŋmɛɛ kooloo lɛ he ehã Azazel yɛ ŋa kplanaa lɛ nɔ koni ewo maŋ lɛ he eshai lɛ kɛya.

3 Mose 16:15

“No sɛɛ lɛ, egbe too kpakpo ni ji maŋ lɛ nɔ ni akɛbaashã esha afɔle lɛ. Ekɛ lá lɛ abote He Krɔŋkrɔŋ fe fɛɛ lɛ mli, ni etsɔ eko eshwã mɔbɔnalɛ sɛi lɛ hiɛgbɛ kɛ Kpãŋmɔ Adeka lɛ hiɛgbɛ tamɔ bɔ ni ekɛ tsina lá lɛ fee lɛ.

Yohane 6:47

Anɔkwale mikɛɔ nyɛ akɛ, mɔ ni heɔ yeɔ lɛ eyɛ naanɔ wala.

Bɔfoi 14:16

Yinɔi ni eho lɛ amli lɛ ehã jeŋmaji lɛ fɛɛ nyiɛ amɛ diɛŋtsɛ amɛgbɛi lɛ anɔ,

Bɔfoi 15:18

Nuŋtsɔ lɛ ni hã ale enɛ kɛjɛ teteete lɛ kɛɛ.

Bɔfoi 17:30

No hewɔ lɛ, bei ni aleee lɛ Nyɔŋmɔ eku ehiɛ efɔ̃ nɔ, shi agbɛnɛ lɛ eewo gbɔmɛi fɛɛ ni yɔɔ he fɛɛ he kitã akɛ amɛtsake amɛtsui,

Bɔfoi 2:23

Yesu nɛɛ ni ajie lɛ yɛ Nyɔŋmɔ yiŋtoo kɛ enii ni ele eto lɛ naa ahã lɛ, nyɛtsɔ̃ mɛi ni bɛ mla lɛ anine nɔ nyɛsɛŋ lɛ ni nyɛgbe lɛ.

Bɔfoi 3:18

shi nii ni Nyɔŋmɔ ekɛɛ eto momo yɛ egbalɔi lɛ fɛɛ anaa akɛ eKristo lɛ aaana amanehulu lɛ, ehã eba mli nakai.

Bɔfoi 4:28

koni amɛfee nii abɔ ni onine kɛ oyiŋtoo lɛ eto efɔ shi akɛ afee lɛ.

Romabii 2:4

Aloo obuuu emlihilɛ kɛ eyishiŋmɛɛ kɛ etsuishitoo babaoo lɛ, ni oleee akɛ Nyɔŋmɔ mlihilɛ lɛ gbɛ etsɔ̃ɔ bo kɛya tsuitsakemɔ mli?

Romabii 3:26

koni ejie ejalɛ lɛ etsɔ̃ɔ yɛ benɛ be nɛɛ mli, ni eye bem ni ebu mɔ ni heɔ Yesu nɔ yeɔ lɛ hu bem.

Romabii 5:1

Agbɛnɛ akɛni adamɔ hemɔkɛyeli nɔ abu wɔ bem hewɔ lɛ, wɔ kɛ Nyɔŋmɔ teŋ yɛ hejɔlɛ kɛtsɔ̃ wɔNuŋtsɔ Yesu Kristo nɔ.

Romabii 5:11

Shi jeee no kɛkɛ, shi asaŋ wɔshwãa wɔfɔ̃ɔ Nyɔŋmɔ nɔ hu yɛ wɔNuŋtsɔ Yesu Kristo, mɔ nɔ ni tsɔ̃ ni agbɛnɛ wɔna kpãtãmɔ lɛ hewɔ.

Romabii 5:18

No hewɔ lɛ, agbɛnɛ, tamɔ bɔ ni atsɔ̃ mɔ kome shigbeemɔ nɔ abu gbɔmɛi fɛɛ fɔ lɛ, nakai nɔŋŋ kɛ̃ atsɔ̃ mɔ kome jalɛ nɔ abu gbɔmɛi fɛɛ awala bem.

Romabii 5:9

No hewɔ lɛ, agbɛnɛ ni abu wɔ bem yɛ elá lɛ hewɔ lɛ, aaatsɔ̃ enɔ ahere wɔyiwala kɛjɛ mlifu lɛ mli aahu.

1 Korintobii 5:7

No hewɔ lɛ, nyɛjiea masha momo lɛ, koni nyɛtsɔ̃mɔ ma hee, tamɔ bɔ ni akpiti ji nyɛ lɛ; ejaakɛ agbe wɔHehoo Toobi ni ji Kristo lɛ.

2 Korintobii 5:21

Ejaakɛ mɔ ni leee esha lɛ, wɔhewɔ lɛ ehã etsɔ̃ esha, koni wɔ lɛ wɔtsɔ̃mɔ Nyɔŋmɔ jalɛ yɛ emli.

Efesobii 1:7

Lɛ emli wɔna kpɔ̃mɔ lɛ yɛ, ni ji nɔtɔmɔi afaa lɛ, kɛtsɔ̃ elá lɛ nɔ, yɛ edromɔ falɛ lɛ naa.

Efesobii 2:13

Shi agbɛnɛ, Kristo Yesu mli lɛ, nyɛ ni sa ni nyɛyɔɔ shɔŋŋ lɛ, nyɛtsɔ̃ Kristo lá lɛ nɔ nyɛbɛŋkɛ.

1 Timoteo 1:15

Eji anɔkwa wiemɔ ni sa akɛ amɔ mli kwraa, akɛ Kristo Yesu ba je nɛɛŋ eba eshafeelɔi ayiwalaheremɔ, mɛi ateŋ ni mi mi ji oti lɛ;

Hebribii 10:4

ejaakɛ anyɛŋ akɛ tsinai kɛ too kpakpoi alá ajie eshai.

Hebribii 11:14

Ejaakɛ mɛi ni wieɔ nakai nibii lɛ, amɛtsɔ̃ɔ faŋŋ akɛ amɛmiishwe amɛ diɛŋtsɛ amɛmaŋ.

Hebribii 11:17

Hemɔkɛyeli naa Abraham ŋɔ Isak eyashã afɔle be ni aka lɛ lɛ, ni ekɛ ebi kome lɛ ba ebahã, be ni enine eshɛ shiwoi lɛ anɔ momo lɛ.

Hebribii 11:7

Hemɔkɛyeli Noa hu kɛbo Nyɔŋmɔ toi be ni ehã ele nii ni anako lɛ he nɔ ko lɛ, ni ekɛkpɛ adeka ehã ewe lɛ yiwalaheremɔ lɛ; no nɔ hu etsɔ̃ ebu je lɛ fɔ, ni enine shɛ jalɛ ni jɛ hemɔkɛyeli mli lɛ nɔ.

Hebribii 9:28

nakai nɔŋŋ Kristo hu, akɛni aŋɔ lɛ ahã shi kome koni etere mɛi pii ahe eshai kɛya lɛ, nɔ ni ji shii enyɔ lɛ eeeshi esha ebapue ehã mɛi ni kwɛɔ lɛ gbɛ lɛ ni ehere amɛyiwala.

Hebribii 9:5

Ni no nɔ anunyam kerubim ni ha kpãtãmɔ sɛi lɛ nɔ lɛ yɔɔ; nii ni amrɔ nɛɛ wɔnyɛŋ amɛhe wɔwie ekomekome lɛ.

1 Yohane 1:10

Kɛji wɔkɛɛ akɛ wɔfeko esha lɛ, belɛ wɔhã Nyɔŋmɔ etsɔ̃ amalelɔ, ni ewiemɔ lɛ bɛ wɔmli.

1 Yohane 2:2

Lɛ ji wɔhe eshai lɛ ahe kpãtãmɔnɔ; shi jeee wɔnɔ lɛ kɛkɛ, shi moŋ jeŋ muu lɛ fɛɛ nɔ lɛ hu.

1 Yohane 4:10

Enɛ mli suɔmɔ lɛ yɔɔ, jeee akɛ wɔ ni wɔsumɔ Nyɔŋmɔ, shi moŋ lɛ ni esumɔ wɔ, ni etsu eBi lɛ akɛ ebafee wɔhe eshai lɛ ahe kpãtãmɔnɔ.

Kpojiemɔ 1:5

kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,

Kpojiemɔ 13:8

Ni mɛi fɛɛ ni yɔɔ shikpɔŋ lɛ nɔ lɛ aaaja lɛ. Ja mɔ fɛɛ mɔ ni aŋma egbɛi kɛjɛ jeŋ shishijee yɛ Toobi ni agbe lɛ wala wolo lɛ mli lɛ kɛkɛ.

Kpojiemɔ 20:15

Ni kɛji mɔ ko yɛ ni anãaa akɛ aŋma egbɛi yɛ wala wolo lɛ mli lɛ, ashɛɔ lɛ afɔ̃ɔ la kpaakpo lɛ mli.

Kpojiemɔ 5:9

Ni amɛla lala hee ko amɛkɛɛ, “Osa akɛ oheɔ wolo lɛ ni otserɛɔ enaasɔomɔi lɛ, ejaakɛ agbe bo, ni okɛ olá lɛ ekpɔ̃ mɛi ehã Nyɔŋmɔ kɛjɛ akutso fɛɛ akutso kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ mli.