Romabii 2:8 - ŊMALƐ KRƆŊKRƆŊ LƐ

⁸ shi mɛi ni sumɔɔ bei ni amɛbooo anɔkwale lɛ toi, shi amɛboɔ nii ni ejaaa moŋ toi lɛ, amɛnɔ ji mlifu kɛ mlila.

Ṅmãle̱ Kroṅkroṅ Le̱

⁸ ši mei hũ ní sumoo̱ béi ni ame̱boo ano̱kwale le̱ toi, ši ame̱boo̱ nišaianii moṅ toi le̱, ame̱nõ dši mlifũ ke̱ mlila. 2 Tes. 1,8.

Romabii 2:8 ပူးပေါင်းရင်းမြစ်များ

2 Kronika 6:23

no lɛ jɛɛ ŋwɛi he ni oyɔɔ lɛ ni obo toi ni okojo otsuji lɛ, ni owo mɔ fɔŋ lɛ nyɔmɔ, ni ohã emusu abua eyiteŋ, ni obu bemyelɔ lɛ bem, ni owo lɛ nyɔmɔ yɛ ejalɛ lɛ naa.

Hiob 24:13

Mɛi yɛ ni amɛkwa la lɛ, amɛnuuu egbɛjianɔtoo shishi, ni amɛhiii shi yɛ egbɛi lɛ anɔ hu.

Lalai 90:11

Namɔ le omlifu lɛ mli walɛ? Namɔ le gbeyei ni esa akɛ asheɔ bo yɛ omlila lɛ hewɔ?

Abe̱i 11:23

Jalɔi shweɔ nibii kpakpai sɔŋŋ; shi mɛi fɔ̃ji agbɛkwɛmɔnii lɛ mlifu ni.

Abe̱i 13:10

Hewoo lɛ bei kɛkɛ ekɛbaa; shi mɛi ni boɔ ŋaawoo toi lɛ, amɛleɔ nii.

Yesaia 50:10

Nyɛteŋ namɔ sheɔ Yehowa gbeyei? Namɔ boɔ etsulɔ lɛ gbee toi? Kɛji mɔ lɛ nyiɛ duŋ mli, ni la etsooo hãaa lɛ po, hã ekɛ ehiɛ afɔ Yehowa gbɛi lɛ nɔ, ni ekɛ ehe akpasa eNyɔŋmɔ lɛ.

Yeremia 34:18

Ni hii lɛ ni yeee mikpãŋmɔ lɛ nɔ lɛ, mibafee amɛ tamɔ afee kpãŋmɔ tsinabi lɛ ni agba emli enyɔ, ni amɛtsɔ̃ fãfãafãi lɛ ateŋ kɛho lɛ.

Ezekiel 22:31

No hewɔ lɛ, mimli wo amɛ la, ni mikɛ mlifu plenee amɛ, ni miha amɛmusu ebua amɛyiteŋ.” Nuŋtsɔ Yehowa kɛɛ.

Nahum 1:6

Namɔ aaanyɛ emlila naa adamɔ? Namɔ aaanyɛ emlifu ni naa wa lɛ naa ekpee? Emlifu tsɛ̃ɔ kɛbaa tamɔ la, ni efɛlɛɔ tɛsai amli.

Romabii 1:18

Ejaakɛ ajieɔ Nyɔŋmɔ mlifu kpo kɛjɛɔ ŋwɛi kɛbaa gbɔmɛi ni kɛ nishaianii tsĩɔ anɔkwale lɛ gbɛ lɛ amusubɔɔ kɛ nishaianii lɛ fɛɛ nɔ,

Romabii 10:16

Shi kɛ̃lɛ jeee mɛi fɛɛ bo Sanekpakpa lɛ toi, ejaakɛ Yesaia kɛɔ akɛ, “Nuŋtsɔ, namɔ ehe wɔsane lɛ eye?”

Romabii 15:18

ejaakɛ mikaŋ akɛ mawie nɔ ko akɛ ja nɔ ni Kristo tsɔ̃ minɔ etsu ehã jeŋmaji lɛ atoiboo yɛ wiemɔ kɛ nifeemɔnii amli,

Romabii 6:17

Shi shidaa ahã Nyɔŋmɔ, akɛ kulɛ sa lɛ esha tsuji ji nyɛ, shi agbɛnɛ nyɛjɛ nyɛtsui fiaa mli nyɛbo nɛkɛ tsɔ̃ɔmɔ ni akɛ nyɛ ewo mli nɛɛ toi.

Romabii 9:22

Shi kɛ Nyɔŋmɔ miisumɔ akɛ ejie emlifu kpo etsɔ̃ɔ ni ehã ale ehe ni wa lɛ, ni kɛ̃lɛ eŋmɛɔ etsui shi babaoo ehiɛɔ mlifu nii ni sa fitemɔ lɛ,

1 Korintobii 11:16

Shi kɛji mɔ ko miisumɔ akɛ efee ehe naataalɔ yɛ enɛ he lɛ, wɔ lɛ jeee wɔkusum ji no, ni Nyɔŋmɔ asafoi lɛ hu nakai nɔŋŋ.

2 Korintobii 12:20

Ejaakɛ miishe gbeyei akɛ ekolɛ kɛ miba lɛ, mibanaŋ nyɛ bɔ ni misumɔɔ, ni nyɛ hu nyɛnaŋ mi bɔ ni nyɛsumɔɔ; bei, awuŋayeli, mlilawoo, pɛsɛŋkuminya, oshekuyeli, mɔhewiemɔ, hefaa, sakasakafeemɔ;

Galatabii 5:20

wɔŋjamɔ, suu, nyɛɛ, bei, awuŋayeli, mlilawoo, bei mumɔ, atuatsemɔ, mligbalamɔ,

Filipibii 1:17

Shi mɛi krokomɛi lɛ, amɛkɛ mligbalamɔ mumɔ shiɛɔ Kristo, ni jeee krɔŋŋ ni, shi moŋ amɛjwɛŋmɔ ji akɛ amɛtee amanehulu shi amɛwo mi yɛ migboklɛi lɛ amli.

Filipibii 2:3

Ni nyɛkafea nɔ ko kɛ mligbalamɔ mumɔ loo yaka anunyam taomɔ, shi moŋ nyɛkɛ heshibaa jwɛŋmɔ abua nyɛnanemɛi akɛ amɛfe nyɛ.

2 Tesalonikabii 1:8

Ekɛ lalilɛi aaatɔ owele yɛ mɛi ni leee Nyɔŋmɔ kɛ mɛi ni booo wɔNuŋtsɔ Yesu Kristo Sanekpakpa lɛ toi lɛ anɔ.

Tito 3:9

Shi kwashiai aŋwanejei kɛ wekukpãa tsɔ̃ɔmɔ kɛ naataamɔ kɛ Mla he bei lɛ, tsi ohe kɛjɛ he, ejaakɛ ehe bɛ sɛɛnamɔ ni ejeee fɛi hu.

Hebribii 10:27

shi kojomɔ gbɛkwɛmɔ ni yɔɔ gbeyei kɛkɛ, kɛ la grigri ni baashã henyɛlɔi lɛ.

Hebribii 11:8

Hemɔkɛyeli Abraham kɛbo toi be ni Nyɔŋmɔ tsɛ lɛ lɛ, ni eyiŋ etee he ni baatsɔ̃ enɔ lɛ, ni eyiŋ etee, tsɛ eleee he ni eyaa.

Hebribii 5:9

Ni be ni ehi kɛwula shi lɛ, etsɔ̃ mɔ ni naanɔ yiwalaheremɔ jeɔ emli ehã mɛi fɛɛ ni boɔ lɛ toi lɛ,

Yakobo 3:14

Shi kɛ awuŋayeli fɔŋ kɛ bei yɛ nyɛtsui mli lɛ, nyɛkashwãa ni nyɛmalea nyɛshia anɔkwale lɛ.

Yakobo 3:16

Ejaakɛ he ni awuŋayeli kɛ bei yɔɔ lɛ, jɛi sakasakafeemɔ kɛ nishaianii fɛɛ yɔɔ.

1 Petro 3:1

Nakai nɔŋŋ nyɛ yeigbãyei lɛ hu, nyɛbaa nyɛhe shi nyɛhãa nyɛ diɛŋtsɛ nyɛwumɛi lɛ, koni, kɛ mɛi komɛi booo wiemɔ lɛ toi tete lɛ, ashi wiemɔ lɛ sɛɛ ni atsɔ̃ yei lɛ ajeŋba nɔ ni nine ashɛ amɛnɔ,

1 Petro 4:17

Ejaakɛ be ni abaaje kojomɔ shishi kɛjɛ Nyɔŋmɔ We lɛ eshɛ etã; shi kɛ wɔnɔ tsutsu ejɛ lɛ, belɛ mɛi ni booo Nyɔŋmɔ Sanekpakpa lɛ toi lɛ, te amɛnaagbee aaafee tɛŋŋ?

Kpojiemɔ 14:10

lɛ hu eeenu Nyɔŋmɔ mlifu dãa ŋmiiŋmi ni akɛwo emlifu kpulu lɛ mli lɛ eko, ni aaapiŋ lɛ yɛ la kɛ swɔɔ mli yɛ bɔfoi krɔŋkrɔŋi lɛ ahiɛ kɛ Toobi lɛ hiɛ.

Kpojiemɔ 16:19

Ni maŋ kpeteŋkple lɛ mli gbala etɛ̃, ni jeŋmaji lɛ amaji lɛ fɛɛ wule, ni akai Babilon kpeteŋkple lɛ yɛ Nyɔŋmɔ hiɛ, koni akɛ emlifu ni naa wa lɛ dãa kpulu lɛ ahã lɛ.