Romabii 2:6 - ŊMALƐ KRƆŊKRƆŊ LƐ

⁶ lɛ ebaawo mɔ fɛɛ mɔ nyɔ̃mɔ bɔ ni sa enitsumɔi lɛ:

Ṅmãle̱ Kroṅkroṅ Le̱

⁶ le̱ ebawo moſẽmo nyōmo̱ bo̱ni sa enitšumo̱i le̱: Mat. 16,27. 2 Kor. 5,10. Ioh. 5,29.

Romabii 2:6 ပူးပေါင်းရင်းမြစ်များ

Hiob 34:11

Ejaakɛ Nyɔŋmɔ woɔ gbɔmɔ nyɔmɔ yɛ enitsumɔ naa, ni ekɛ gbɔmɔ yeɔ yɛ ejeŋba naa.

Lalai 62:12

Oo Naa Nyɔŋmɔ, bo oyɔɔ suɔmɔ ni tsakeee, ejaakɛ owoɔ mɔ fɛɛ mɔ nyɔmɔ yɛ enitsumɔi anaa.

2 Mose 32:34

No hewɔ lɛ, agbɛnɛ, yaa ni oyakpala maŋ lɛ kɛya he ni mi kɛ bo ewie he eto lɛ. Naa, mibɔfo lɛ aaanyiɛ ohiɛ, shi moŋ kɛji gbi lɛ shɛ lɛ, mibagbala amɛtoi yɛ esha ni amɛfee lɛ hewɔ.”

Abe̱i 24:12

Kɛji okɛɛ akɛ, “Wɔleee enɛ wɔto” lɛ, ani mɔ ni naa tsuiaŋnii lɛ, mɔ ni buɔ osusuma he lɛ, eleee, eleee akɛ ole oto lo? Ani ewooo mɔ fɛɛ mɔ nyɔmɔ yɛ enitsumɔ naa?

Abe̱i 24:2

Ejaakɛ be fɛɛ be lɛ yiwalɛ nifeemɔi ahe ŋaa amɛjwɛŋmɔ toɔ, ni amɛwieɔ wiemɔi gbohii.

Abe̱i 26:10

Mɔ ni bɔɔ kwashia loo dãatɔlɔ ni miiho apaa lɛ, etamɔ gãitsɛ̃lɔ ni miipila mɔ fɛɛ mɔ kɛkɛ.

Jajelɔ 3:17

Mikɛɛ mihe akɛ, “Nyɔŋmɔ baakojo jalɔ lɛ kɛ mɔ fɔŋ lɛ fɛɛ, ejaakɛ eto be ehã sane fɛɛ sane kɛ nitsumɔ fɛɛ nitsumɔ.”

Yeremia 17:10

Mi, Yehowa, mitaoɔ gbɔmɔ yitsoŋ, ni mikaa tsui mikwɛɔ. Mikɛ mɔ fɛɛ mɔ yeɔ yɛ ejeŋba naa; mikɛ mɔ fɛɛ mɔ yeɔ yɛ yibii ni ewoɔ naa.

Yeremia 32:19

oŋaalee mli kwɔ, ni ofeɔ nibii wuji. Bo ni onaa gbɔmɛi ajeŋbai fɛɛ, ni bɔ ni mɔ fɛɛ mɔ nifeemɔ yɔɔ lɛ nakai he nyɔmɔ owoɔ lɛ; ni nɔ ni mɔ fɛɛ mɔ duɔ lɛ no yibii ohãa ekpaa.

Ezekiel 18:20

Gbɔmɔ ni feɔ esha lɛ gbo eeegbo. Bi enaŋ amanehulu yɛ eshai ni etsɛ efee ahewɔ, ni tsɛ hu enaŋ amanehulu yɛ eshai ni ebii efee ahewɔ. Jalɔ aaana ejalɛnii ni efee lɛ he nyɔmɔwoo, ni mɔ fɔŋ hu aaana efɔŋ ni efee lɛ he nyɔmɔwoo.

Ezekiel 18:30

“No hewɔ lɛ, Ao, nyɛ Israelbii, makojo nyɛ, makojo nyɛteŋ mɔ fɛɛ mɔ yɛ enifeemɔ nii anaa. Nuŋtsɔ Yehowa kɛɛ. Nyɛtsakea nyɛtsuiiaŋ, ni nyɛfɔ̃a nyɛnifɔɔjianii lɛ fɛɛ; koni nyɛnifɔɔjianii lɛ akakpãtã nyɛhiɛ.

Ezekiel 36:19

Migbɛ amɛ mishwã majimaji lɛ ateŋ kɛ shikpɔji lɛ anɔ. Amɛjeŋba kɛ amɛnifeemɔnii ahewɔ lɛ migbala amɛtoi.

Mateo 16:27

Ejaakɛ Gbɔmɔ Bi lɛ baaba yɛ eTsɛ anunyam lɛ mli kɛ ebɔfoi lɛ; ni no mli lɛ eeewo mɔ fɛɛ mɔ nyɔmɔ yɛ enitsumɔ naa.

Romabii 14:22

Bo lɛ oyɛ hemɔkɛyeli? Okɛto oha bo diɛŋtsɛ ohe yɛ Nyɔŋmɔ hiɛ. Ajɔɔ mɔ ni ekojooo lɛ diɛŋtsɛ ehe yɛ nɔ ni ebuɔ akɛ ehi lɛ mli lɛ.

1 Korintobii 3:8

Shi mɔ ni tɛoɔ lɛ kɛ mɔ ni shwieɔ nɔ nu lɛ fɛɛ lɛ ekomeŋ; shi amɛteŋ mɔ fɛɛ mɔ aaana lɛ diɛŋtsɛ enyɔmɔwoo yɛ lɛ diɛŋtsɛ edeŋmegbomɔ naa.

1 Korintobii 4:5

No hewɔ lɛ, nyɛkakojoa nɔ ko dani shɛ be lɛ, kɛyashi beyinɔ ni Nuŋtsɔ lɛ aaaba, mɔ ni kɛ dujiaŋ nibii ni akɛtee lɛ tete aaaba la hiɛ, ni eeejie tsuiiaŋ ajinai lɛ ashi lɛ. Ni no mli lɛ mɔ fɛɛ mɔ aaana eyijiemɔ kɛaajɛ Nyɔŋmɔ dɛŋ.

2 Korintobii 11:15

no hewɔ lɛ, kɛ esɔ̃ɔlɔi lɛ hu tsakeɔ amɛhe amɛfeɔ tamɔ jalɛ sɔ̃ɔlɔi lɛ, ejeee nɔ ko wulu ko; amɛnaagbee baafee tamɔ bɔ ni amɛnitsumɔi lɛ yɔɔ lɛ.

2 Korintobii 5:10

Ejaakɛ ja wɔ fɛɛ wɔpue faŋŋ yɛ Kristo kojomɔ sɛi lɛ hiɛ, koni mɔ fɛɛ mɔ ana nii ni efee yɛ gbɔmɔtso mli lɛ he nyɔmɔwobɔɔ ni efee lɛ, ekpakpa jio, efɔŋ jio.

2 Timoteo 4:14

Aleksandro, sɔ̃lɔ lɛ, fee mi efɔŋ naakpa; Nuŋtsɔ lɛ ato lɛ najiaŋ yɛ enitsumɔi lɛ anaa.

Kpojiemɔ 2:23

Ni ebii lɛ, gbe magbe amɛ; ni asafoi lɛ fɛɛ aaana ale akɛ mi ji mɔ ni taoɔ jwɛŋmɔi kɛ tsuii amli, ni mahã nyɛteŋ mɔ fɛɛ mɔ enyɔmɔwo bɔ ni nyɛnitsumɔi lɛ yɔɔ lɛ.

Kpojiemɔ 20:12

Ni mina gbohii lɛ, mɛi bibii kɛ mɛi wuji, damɔ maŋtsɛ sɛ̃i lɛ hiɛ, ni agbele woji anaa; ni agbele wolo kroko ni ji wala wolo lɛ hu naa. Ni adamɔ nibii ni aŋmala yɛ woji lɛ amli lɛ anɔ akojo gbohii lɛ yɛ amɛnitsumɔi lɛ anaa.

Kpojiemɔ 22:12

“Naa, miiba nɔŋŋ, ni mihiɛ minyɔmɔwo lɛ kɛmiiba, ni mawo mɔ fɛɛ mɔ nyɔmɔ bɔ ni sa enitsumɔ lɛ.