Romabii 2:5 - ŊMALƐ KRƆŊKRƆŊ LƐ

⁵ Shi okɛ otsuiwalɛ kɛ ohe ni oshwaaa lɛ miitĩa mlifu naa ohã ohe oto Nyɔŋmɔ mlifu gbi lɛ, nɔ nɔ ni ebaatsɔ̃ ejie ejalɛ kojomɔ lɛ kpo lɛ;

Ṅmãle̱ Kroṅkroṅ Le̱

⁵ Ši oke̱ otšuiwale̱ ke̱ ohe ní oſaa le̱ mītĩa mlifũ ohã bodientše̱ ohe oto mlifũ ke̱ Nyoṅmo̱ dšale̱kodšomo̱ kpodšiemo̱ gbĩ le̱;

Romabii 2:5 ပူးပေါင်းရင်းမြစ်များ

2 Kronika 30:8

Nyɛkafea nyɛhe kuɛŋtilɔi tamɔ nyɛtsɛmɛi lɛ; shi moŋ nyɛbaa nyɛhe shi nyɛhãa Yehowa. Nyɛbaa Sɔlemɔ we lɛ yɛ Yerusalɛm; etsuu he eto kɛmiiya naanɔ koni nyɛbaja Yehowa, nyɛNyɔŋmɔ lɛ, yɛ jɛi koni Yehowa mli ni efu nyɛ lɛ sɛɛ afo.

2 Kronika 36:13

Zedekia hu tse Maŋtsɛ Nebukadnezar hiɛ atua be mli ni Nebukadnezar ehã Zedekia kɛ Nyɔŋmɔ ekã lɛ, Nebukadnezar lɛ, kitã. Zedekia kuɛŋ yati, ni ekpliŋ etsui, ni emiii akɛ ejeɔ ehe sɛɛ ni eboɔ Yehowa, Israel Nyɔŋmɔ lɛ, toi.

Hiob 21:30

akɛ abaa yiwalɔ yi yɛ amanehulu gbi lɛ nɔ; ni mlifu gbi lɛ nɔ lɛ ahereɔ eyiwala?

Lalai 110:5

Nuŋtsɔ lɛ yɛ oninejurɔ nɔ; eeetswia maŋtsɛmɛi ashi yɛ emlifu gbi lɛ nɔ.

Lalai 95:8

Nyɛkawajea nyɛtsuii tamɔ eba lɛ yɛ Meriba lɛ, tamɔ bɔ ni amɛfee yɛ Masa gbi lɛ nɔ, yɛ ŋa lɛ nɔ lɛ.

2 Mose 14:17

Mahã Ijiptbii lɛ akpliŋ amɛtsui koni amɛnyiɛ Israelbii lɛ asɛɛ, ni maye Farao kɛ eta shwiilii kɛ ekpɔŋɔnɔtalɔi lɛ fɛɛ anɔ kunim.

2 Mose 32:34

No hewɔ lɛ, agbɛnɛ, yaa ni oyakpala maŋ lɛ kɛya he ni mi kɛ bo ewie he eto lɛ. Naa, mibɔfo lɛ aaanyiɛ ohiɛ, shi moŋ kɛji gbi lɛ shɛ lɛ, mibagbala amɛtoi yɛ esha ni amɛfee lɛ hewɔ.”

2 Mose 8:15

Shi be ni Farao na akɛ ena mumɔhe fioo lɛ, ekpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

Abe̱i 1:18

Nɛkɛ gbɔmɛi lɛ amɛ diɛŋtsɛ amɛhe tsɔne amɛtsɔ̃ɔ lɛ, amɛwoɔ amɛ diɛŋtsɛ amɛwala antɛo.

Abe̱i 11:4

Mlifu gbi lɛ nɔ lɛ, ninamɔ he bɛ sɛɛnamɔ ko; shi jalɛ jieɔ mɔ kɛjɛɔ gbele dɛŋ.

Abe̱i 28:14

Ajɔɔ mɔ ni sheɔ Yehowa gbeyei daa; shi mɔ ni wajeɔ etsui lɛ, egbeɔ haomɔ mli.

Abe̱i 29:1

Mɔ ni afɔɔ lɛ kãmɔ, shi loloolo lɛ ekuɛŋ ti lɛ, trukaa ni aaakumɔ lɛ bɔ ni anaŋ ehe tsabaa.

Jajelɔ 12:14

Ejaakɛ Nyɔŋmɔ baakojo wɔ yɛ nɔ fɛɛ nɔ ni wɔfee gbɛfaŋ, ehi jio, ehiii jio, teemɔŋ nibii fɛɛ fata he.

Yesaia 48:4

Akɛni mile akɛ ofeɔ ntɛŋ, ni okuɛŋ ti tamɔ dade, ni ohiɛŋtso wa keketee tamɔ akɔɔble hewɔ lɛ,

Yeremia 40:3

ni Yehowa ehã ena eba mli hu, ni efee nɔ ni ekɛɛ lɛ. Nɛkɛ sane nɛɛ eba nyɛnɔ, ejaakɛ nyɛfee esha nyɛshi Yehowa, ni nyɛbooo lɛ toi.

Ezekiel 11:19

Ni mahã amɛ tsui kroko, ni mikɛ mumɔ hee baawo amɛmli; majie amɛtsui ni wa tamɔ tɛ lɛ kɛje amɛmli ni mahã amɛ loo tsui;

Ezekiel 3:7

Shi Israel we lɛ boŋ bo toi, ejaakɛ amɛsumɔ̃ɔɔ akɛ amɛboɔ mi toi; ejaakɛ Israelbii lɛ akuɛŋ ti ni amɛtsui hu wa.

Daniel 5:20

Shi be ni ewo ehe nɔ, ni ekpliŋ etsui, ni etsɛ ehe lɛ, akpa lɛ yɛ emaŋtsɛ sɛ̃i lɛ nɔ, ni enunyam lɛ bɔ lɛ.

Hosea 13:12

“Abua Israel nishaianii lɛ kɛ etɔ̃mɔi lɛ anaa ato ahã lɛ.

Amos 3:10

Yehowa kɛɛ akɛ, “Amɛkɛ yiwalɛ kɛ juu buaa nibii anaa yɛ mɔji lɛ amli. Amɛleee nɔ ni ja gbɛ feemɔ tete.

Romabii 1:18

Ejaakɛ ajieɔ Nyɔŋmɔ mlifu kpo kɛjɛɔ ŋwɛi kɛbaa gbɔmɛi ni kɛ nishaianii tsĩɔ anɔkwale lɛ gbɛ lɛ amusubɔɔ kɛ nishaianii lɛ fɛɛ nɔ,

Romabii 11:25

Ejaakɛ misumɔɔɔ akɛ mishiuɔ nyɛ nɛkɛ teemɔ sane nɛɛ nɔ, anyɛmimɛi, koni nyɛkabu nyɛhe oleetei, akɛ, wajemɔ awaje Israel tsui fã kɛ fã kɛyashi beyinɔ ni jeŋmaji lɛ fɛɛ aaaba mli.

Romabii 9:22

Shi kɛ Nyɔŋmɔ miisumɔ akɛ ejie emlifu kpo etsɔ̃ɔ ni ehã ale ehe ni wa lɛ, ni kɛ̃lɛ eŋmɛɔ etsui shi babaoo ehiɛɔ mlifu nii ni sa fitemɔ lɛ,

2 Korintobii 5:10

Ejaakɛ ja wɔ fɛɛ wɔpue faŋŋ yɛ Kristo kojomɔ sɛi lɛ hiɛ, koni mɔ fɛɛ mɔ ana nii ni efee yɛ gbɔmɔtso mli lɛ he nyɔmɔwobɔɔ ni efee lɛ, ekpakpa jio, efɔŋ jio.

5 Mose 2:30

“Shi Heshbon Maŋtsɛ Sihon ekpɛlɛ̃ɛɛ nɔ akɛ wɔtsɔ̃ eshikpɔŋ lɛ nɔ kɛho, ejaakɛ Yehowa, nyɛNyɔŋmɔ lɛ, hã ekuɛŋ ti, ni ekpliŋ etsui bɔ ni afee ni wɔ kɛ lɛ awu ni wɔye enɔ kunim tamɔ eyɔɔ ŋmɛnɛ nɛɛ lɛ.

5 Mose 32:34

“Mikɛ amɛnifeemɔnii lɛ eto; mikɛŋmɛ shi, ni eemɛ amɛ.

2 Tesalonikabii 1:5

Eji Nyɔŋmɔ kojomɔ ni ja gbɛ lɛ he okadi, koni abu nyɛ akɛ nyɛsa Nyɔŋmɔ maŋtsɛyeli ni nyɛnaa he nɔ lɛ,

Hebribii 3:13

Shi moŋ nyɛwiea nyɛtsɔ̃tsɔ̃ɔa nyɛhe gbi fɛɛ gbi ni atsɛɔ lɛ “ŋmɛnɛ” lɛ, koni esha lakamɔ akahã nyɛteŋ mɔ ko tsui kpliŋ.

Hebribii 3:15

Ni akɛɛ akɛ, “Ŋmɛnɛ, kɛji nyɛnu egbee lɛ, Nyɛkawajea nyɛtsui, tamɔ bɔ ni nyɛtsɛmɛi lɛ fee yɛ mlilawoo lɛ mli” lɛ,

Hebribii 4:7

esaa eto gbi ko ekoŋŋ, ni etsɛ lɛ “Ŋmɛnɛ” yɛ nɔ ni etsɔ̃ David nɔ ewie be babaoo nɛɛ sɛɛ lɛ mli, ni atsĩ tã momo lɛ, akɛ, “Ŋmɛnɛ, kɛji nyɛnu egbee lɛ, nyɛkawajea nyɛtsui.”

Yakobo 5:3

Nyɛshika kɛ nyɛjwiɛtɛi lɛ edɔ ŋkanale, ni amɛhe ŋkanale lɛ aaaye odase ashi nyɛ, ni eeeye nyɛhewojiaŋ tamɔ lá. Nyɛbɔ jwetri yɛ naagbee gbii lɛ amli.

Yoshua 11:20

Ejaakɛ Yehowa ninenaa nitsumɔ nɛ, akɛ ehã maji lɛ amli bii lɛ kpliŋ amɛtsui, bɔ ni afee ni amɛ kɛ Israelbii lɛ awu ta koni atsɔ̃ no nɔ amɛkpãtã amɛhiɛ ni mɔbɔnalɛ bɛ mli, tamɔ bɔ ni Yehowa fã Mose lɛ.

2 Petro 2:9

belɛ Nuŋtsɔ lɛ le bɔ ni efeɔ ejieɔ Nyɔŋmɔ gbeyeishelɔi yɛ kaa mli, kɛ bɔ ni efeɔ etoɔ mɛi fɔ̃ji yɛ piŋmɔ mli kɛyashi kojomɔ gbi lɛ nɔ;

2 Petro 3:7

Shi ŋwɛi kɛ shikpɔŋ ni yɔɔ amrɔ nɛɛ, nakai wiemɔ lɛ nɔŋŋ nɔ etsɔ̃ ekɛ amɛ to hã là kɛyashi kojomɔ gbi lɛ ni aaakpãtã mɛi ni sheee Nyɔŋmɔ gbeyei lɛ ahiɛ lɛ.

Yuda 1:6

Ni ŋwɛi bɔfoi hu ni ehiɛɛɛ amɛnukpayeli lɛ mli, shi moŋ amɛshi amɛ diɛŋtsɛ amɛshihilɛhe lɛ, ekɛ naanɔ kpãi efimɔ amɛ eto duŋ kpii mli ehã Gbi Wulu lɛ nɔ kojomɔ lɛ.

Kpojiemɔ 2:21

Ni mihã lɛ be koni ekɛtsake etsui, shi esumɔ̃ɔɔ akɛ etsake ni efɔ̃ɔ ejwamaŋbɔɔ lɛ.

Kpojiemɔ 6:17

Ejaakɛ emlifu gbi wulu lɛ eshɛ, ni namɔ aaanyɛ shi adamɔ?”

1 Samuel 6:6

Mɛni hewɔ esa akɛ nyɛkpliŋ nyɛtsui tamɔ Ijiptbii lɛ kɛ amɛmaŋtsɛ lɛ fee lɛ? Kwɛ, be ni ehã amɛna amɛnii ni amɛleee sɛɛ lɛ, bɛ amɛŋmɛɛ Israelbii lɛ ahe ni amɛtee?