Romabii 2:4 - ŊMALƐ KRƆŊKRƆŊ LƐ

⁴ Aloo obuuu emlihilɛ kɛ eyishiŋmɛɛ kɛ etsuishitoo babaoo lɛ, ni oleee akɛ Nyɔŋmɔ mlihilɛ lɛ gbɛ etsɔ̃ɔ bo kɛya tsuitsakemɔ mli?

Ṅmãle̱ Kroṅkroṅ Le̱

⁴ Alo gbe ogbeo̱ emlihīle̱ ke̱ eyišiṅmē̃ ke̱ etšuišitō babaō le̱ he guo̱, ši olee ake̱ Nyoṅmo̱ mlihīle̱ le̱ wa ewaäo ní oſa ohe? 2 Pet. 8,15.

Romabii 2:4 ပူးပေါင်းရင်းမြစ်များ

Lalai 10:11

Mɔ fɔŋ susuɔ yɛ etsuiŋ akɛ, “Nyɔŋmɔ hiɛ ekpa nɔ, ekɛ ehiɛ etee; ni enaŋ gbi ko gbi ko.”

Lalai 104:24

Oo Yehowa, onitsumɔi lɛ fa naakpa, fɛɛ jɛ onilee mli. Shikpɔŋ lɛ nɔ eyi tɔ kɛ onibɔɔnii sɔŋŋ.

Lalai 31:19

Oo, kwɛ bɔ ni omlihilɛ ni oyɔɔ kɛhã mɛi ni sheɔ bo gbeyei lɛ fa babaoo hã. Ojieɔ otsɔ̃ɔ mɛi ni baa bo abo lɛ yɛ gbɔmɛi ahiɛ.

Lalai 78:38

Shi lɛ lɛ, akɛni mlitsɔ̃lɔ ji lɛ hewɔ lɛ, ekɛ amɛnɔsha lɛ fa amɛ, ni ekpãtãaa amɛhiɛ. Bei pii lɛ, emiɔ ŋɔɔ, ni ehãaa emli awo la kɛteke nɔ.

Lalai 86:15

Oo Nuŋtsɔ, shi bo lɛ Nyɔŋmɔ musuŋtsɔlɔ kɛ durolɔ ji bo! Omli fuuu mra, ni osuɔmɔ ni tsakeee lɛ kɛ onɔkwayeli lɛ fa babaoo.

Lalai 86:5

Oo Nuŋtsɔ, ejaakɛ ohi, ni oŋɔɔ tɔ̃mɔ ofaa; ni suɔmɔ ni osumɔɔ mɛi fɛɛ ni sɔleɔ tsɛɔ bo lɛ fa babaoo.

2 Mose 34:6

Yehowa batsɔ̃ Mose hiɛ kɛho, ni etsɛ ehe ekɛɛ, “Yehowa, Yehowa, Nyɔŋmɔ musuŋtsɔlɔ kɛ durolɔ lɛ, mɔ ni toɔ etsui shi, ni emli eyi kɛ suɔmɔ kɛ anɔkwale babaoo lɛ,

Jajelɔ 8:11

Akɛ ni awooo esha he nyɔmɔ oya hewɔ lɛ, gbɔmɛi ahe ehomɔ kɛ efɔŋfeemɔ.

Yesaia 30:18

No hewɔ lɛ, Yehowa miimɛ koni eduro nyɛ, ni no hewɔ lɛ, efee kralo koni ena nyɛ mɔbɔ, ejaakɛ Yehowa lɛ Nyɔŋmɔ ni yeɔ jalɛ sane ni. Ajɔɔ mɛi fɛɛ ni hiɛ kã enɔ lɛ.”

Yeremia 7:10

kɛkɛ lɛ nyɛba nyɛbadamɔ mihiɛ yɛ mishĩa nɛɛ ni nyɛmiikɛɛ akɛ, ‘Wɔhe eje mli;’ kɛkɛ lɛ no sɛɛ lɛ nyɛtee nyɛyafee nihiinii ni mihiɔ lɛ ekoŋŋ lo?

Ezekiel 11:19

Ni mahã amɛ tsui kroko, ni mikɛ mumɔ hee baawo amɛmli; majie amɛtsui ni wa tamɔ tɛ lɛ kɛje amɛmli ni mahã amɛ loo tsui;

Ezekiel 16:63

Oookai enɛ ni ohiɛ aaagbo, ni okatswa odaaŋ dɔŋŋ yɛ ohiɛgbele lɛ hewɔ, be ni mikɛ nifɔɔjianii ni ofee lɛ fɛɛ efa bo lɛ,” Yehowa kɛɛ.

Hosea 3:5

Kɛfee sɛɛ lɛ Israelbii baaku amɛsɛɛ, amɛaakpale, ni amɛaabatao Yehowa, amɛNyɔŋmɔ lɛ sɛɛgbɛ, amɛaabatao amɛmaŋtsɛ ni ji David shwie ko hu sɛɛgbɛ. Nakai be lɛ amɛkɛ gbeyeishemɔ aaaba Yehowa ŋɔɔ, ni eeejɔɔ amɛ kɛ nibii kpakpai yɛ naagbee bei lɛ amli.

Yona 4:2

No hewɔ lɛ, esɔle, ni ekɛɛ akɛ, “Ao, Yehowa, ani jeee nɔ ni mikɛɛ be mli ni miyɔɔ mimaŋ lɛ eba mli nɛɛ? Enɛ hewɔ nɔŋŋ ni mijɛ mra mijo foi kɛmiiya Tarshish lɛ. Ejaakɛ mile akɛ bo lɛ, Nyɔŋmɔ durolɔ kɛ musuŋtsɔlɔ ji bo; omli fuuu mra, ni omɔbɔnalɛ fa, ni otsakeɔ oyiŋtoo yɛ toigbalamɔ he.

4 Mose 14:18

‘Mi, Yehowa, mimli fuuu mra, ni mimɔbɔnalɛ hu fa; ni mikɛ tɔ̃mɔ kɛ efɔŋfeemɔ faa; shi kɛ̃lɛ mihãaa tɔ̃lɔ aŋɔ ehe aye, ni miwoɔ bii anyɔmɔ yɛ tsɛmɛi atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete nɔ.’

Romabii 10:12

Ejaakɛ srɔto ko bɛ Yudanyo kɛ Helanyo teŋ; ejaakɛ Nuŋtsɔ kome amɛ fɛɛ amɛyɔɔ, ni niiatsɛ hu ji lɛ ha mɛi fɛɛ ni boɔ tsɛɔ lɛ lɛ.

Romabii 11:22

No hewɔ lɛ, kwɛmɔ Nyɔŋmɔ mlihilɛ kɛ bɔ ni ekɛ mɔ yeɔ waa hu, ekɛ mɛi ni egbee shi lɛ yeɔ waa, shi bo lɛ, emli hi yɛ onɔ kɛji ohi emlihilɛ lɛ mli lɛ; kɛjeee nakai lɛ, bo hu aaafo bo ashɛ afɔ̃.

Romabii 11:33

Ao, Nyɔŋmɔ nifalɛ kɛ ŋaa kɛ nilee mlikwɔlɛ! Ekojomɔi lɛ anyɛɛɛ shishi ana, ni egbɛi lɛ hu anyɛɛɛ sɛɛ mo aja!

Romabii 3:25

Lɛ ji mɔ ni Nyɔŋmɔ jie to akɛ kpãtãmɔ nɔ kɛtsɔ̃ elá lɛ nɔ hemɔkɛyeli nɔ koni ekɛjie ejalɛ lɛ kpo, yɛ ehiɛ ni eku efɔ̃ eshai ni afee sa lɛ anɔ yɛ etsuishiŋmɛɛ mli lɛ hewɔ;

Romabii 6:1

Belɛ te wɔɔkɛɛ tɛŋŋ? Aso wɔkã he wɔhi esha lɛ mli, koni dromɔ lɛ afa?

Romabii 6:15

Belɛ mɛni? Aso wɔfee esha akɛni wɔbɛ mla shishi shi dromɔ moŋ shishi wɔyɔɔ lɛ? Dabida!

2 Korintobii 8:2

akɛ aka amɛ yɛ amanehulu babaoo mli, shi kɛ̃lɛ amɛmiishɛɛ lɛ tɛke nɔ, ni amɛhĩa katekate lɛ mli po, amɛ jie mlihilɛ falɛ kpo;

Efesobii 1:18

Nyɛmligbɛ hiŋmɛii anɔ atse, koni nyɛna nyɛle nɔ ni ji hiɛnɔkãmɔ ni yɔɔ etsɛmɔ lɛ mli, kɛ egboshinii lɛ anunyam lɛ falɛ yɛ mɛi krɔŋkrɔŋi amli,

Efesobii 1:7

Lɛ emli wɔna kpɔ̃mɔ lɛ yɛ, ni ji nɔtɔmɔi afaa lɛ, kɛtsɔ̃ elá lɛ nɔ, yɛ edromɔ falɛ lɛ naa.

Efesobii 2:4

Shi Nyɔŋmɔ ni emɔbɔnalɛ fa babaoo lɛ, etsɔ̃ lɛ diɛŋtsɛ esuɔmɔ babaoo ni ekɛsumɔ wɔ lɛ nɔ,

Efesobii 2:7

Efee enɛ koni bei ni baaba lɛ amli lɛ ejie lɛ diɛŋtsɛ edromɔ falɛ ni teke nɔ lɛ kpo yɛ emli ni hi hã wɔ yɛ Kristo Yesu mli lɛ mli.

Efesobii 3:16

Ni yɛ enunyam falɛ naa lɛ ehã nyɛtsɔ̃ eMumɔ lɛ nɔ nyɛhe awa kpiŋtiŋŋ yɛ nyɛmli gbɔmɔ lɛ gbɛfaŋ,

Efesobii 3:8

mi ni mi ji bibioo fe hetselɔi lɛ fɛɛ lɛ, akɛ nɛkɛ dromɔ nɛɛ ehã mi, akɛ mijaje Kristo nifalɛ ni anyɛɛɛ shishi ana lɛ he Sanekpakpa lɛ mitsɔ̃ɔ jeŋmaji lɛ.

Filipibii 4:19

MiNyɔŋmɔ lɛ aaahã nyɛ nii ni hiaa nyɛ lɛ fɛɛ yɛ enifalɛ lɛ naa yɛ anunyam mli, yɛ Kristo Yesu mli.

Kolosebii 1:27

Ni Nyɔŋmɔ sumɔ akɛ ahã amɛle nɔ ni ji nɛkɛ teemɔ sane nɛɛ anunyam falɛ lɛ yɛ jeŋmaji lɛ ateŋ. Teemɔ sane nɛɛ ji akɛ Kristo yɛ nyɛmli koni nyɛna anunyam lɛ hiɛnɔkãmɔ lɛ.

Kolosebii 2:2

Miifee enɛ koni amɛtsɛ amɛtsui amɛŋmɛ amɛmli ni amɛfee ekome yɛ suɔmɔ mli ni amɛna hewalɛ falɛ fɛɛ ni anaa kɛjɛɔ niiashishinumɔ mli lɛ ni amɛle Nyɔŋmɔ teemɔ sane lɛ ni ji Kristo.

1 Timoteo 1:16

shi kɛ̃lɛ enɛ hewɔ ni ana mi mɔbɔ lɛ, koni mi tsutsu mimli Yesu Kristo ajie etsuishitoo lɛ fɛɛ kpo yɛ, ni akɛto mɛi ni baahe enɔ aye ni amɛna naanɔ wala lɛ okadi.

1 Timoteo 6:17

Niiatsɛmɛi ni yɔɔ je nɛɛŋ lɛ, wo amɛ kitã ni amɛkabu amɛhe tsɔ̃, ni amɛkɛ amɛhiɛ akafɔ̃ ninamɔ ni anyɛ̃ɛɛ akɛ he afɔ̃ nɔ lɛ nɔ, shi moŋ amɛkɛfɔ̃ Nyɔŋmɔ, mɔ hu ni kɛ nibii fɛɛ hãa wɔ babaoo, akɛ wɔye mliŋɔɔmɔ lɛ nɔ.

1 Petro 3:20

Amɛ mɛi ni blema lɛ amɛbooo toi, be ni Nyɔŋmɔ ŋmɛ etsui shi ni emɛ amɛ aahu yɛ Noa bei lɛ amli, be ni afeɔ adeka kpeteŋkple lɛ, nɔ mli ni ahere mɛi fioo ni ji mɛi kpaanyɔ lɛ asusumai ayiwala yɛ kɛtsɔ̃ nu mli lɛ,

2 Petro 1:11

Ejaakɛ nakai ni aaaŋmɛ nyɛ wɔNuŋtsɔ kɛ yiwalaherelɔ Yesu Kristo naanɔ maŋtsɛyeli lɛ mlibotemɔ gbɛ aahu tsɔ̃.

2 Petro 3:15

ni nyɛbua wɔNuŋtsɔ lɛ tsuishitoo lɛ akɛ yiwalaheremɔ, tamɔ bɔ nɔŋŋ ni wɔsuɔmɔ nyɛmi Paulo lɛ hu ŋma nyɛ, yɛ nilee ni akɛhã lɛ lɛ naa lɛ,

2 Petro 3:3

Klɛŋklɛŋ lɛ nyɛle enɛ, akɛ naagbee gbii lɛ anɔ lɛ, hefɛoyelɔi aaaba kɛ hefɛoyeli, ni amɛaanyiɛ yɛ amɛ diɛŋtsɛ amɛkɔnɔi lɛ anaa,

2 Petro 3:9

Jeee tsɛ Nuŋtsɔ lɛ hãa eshiwoo lɛ sɛɛ tsɛɔ, tamɔ bɔ ni mɛi komɛi susuɔ akɛ esɛɛ etsɛ lɛ, shi moŋ etsui shi etoɔ ehãa wɔ, ejaakɛ esumɔ̃ɔɔ akɛ mɛi komɛi alaaje, shi moŋ akɛ mɛi fɛɛ atsake amɛtsui.

Kpojiemɔ 2:21

Ni mihã lɛ be koni ekɛtsake etsui, shi esumɔ̃ɔɔ akɛ etsake ni efɔ̃ɔ ejwamaŋbɔɔ lɛ.

Kpojiemɔ 3:20

Naa, Midamɔ shinaa lɛ naa ni miishi; kɛji mɔ ko nu migbee ni egbele shinaa lɛ, maba eŋɔɔ ni mikɛ lɛ aaabaye nii, ni lɛ hu ekɛ mi aaaye.