Romabii 2:29 - ŊMALƐ KRƆŊKRƆŊ LƐ

²⁹ shi moŋ mɔ ni ji Yudanyo yɛ mligbɛ lɛ ji Yudanyo, ni tsui mli ketiafoo ji nɔ ni atsɔ̃ Mumɔ lɛ nɔ afo, shi jeee Mla lɛ nɔ, ni eyijiemɔ lɛ jɛɛɛ gbɔmɛi aŋɔɔ, shi moŋ Nyɔŋmɔ ŋɔɔ ejɛɔ.

Ṅmãle̱ Kroṅkroṅ Le̱

²⁹ ši moṅ moni dši Iudanyo ye̱ mligbe̱ le̱ dši Iudanyo, ni tšuiṅ ketiafō ní yo̱ mumo̱ mli, ní dšee ṅmãle̱-okadi mli le̱, dši *ketiafō ní eyidšiemo̱ le̱ dše̱e̱ gbomei aṅõ, ši Nyoṅmo̱ ṅõ moṅ edše̱o̱. *5 Mose 30,6. Kol. 2,11.

Romabii 2:29 ပူးပေါင်းရင်းမြစ်များ

1 Kronika 29:17

MiNyɔŋmɔ, mile akɛ bo lɛ okaa gbɔmɔ tsui okwɛɔ, ni onaa mɛi ni yeɔ anɔkwa he miishɛɛ. Mijɛ mitsuiŋ fɛɛ kɛ suɔmɔ mli mikɛ nibii nɛɛ fɛɛ ke, ni agbɛnɛ miina akɛ omaŋ ni jwere shi nɛɛ hu miike bo nii kɛ miishɛɛ kɛ nyamɔ.

Lalai 45:13

Maŋtsɛ biyoo lɛ ewula kiŋkaŋŋ yɛ opia lɛŋ. Etade lɛ akɛ shika kpãa elo mli.

Yeremia 4:14

Ao! Yerusalɛm, fɔ otsuiŋ nishaianii lɛ oshwie, bɔ ni afee ni ahere oyiwala. Mɛɛ beyinɔ nɔŋŋ po susumɔ fɔ̃ji aaahi oyiŋ kɛyashi?

Yeremia 4:4

Nyɛjiea nyɛtsuii amli muji lɛ nyɛshwiea tamɔ afoɔ ketia kɛjieɔ foo koni nyɛkɛ nyɛhe ahã Yehowa. Nyɛ Yudahii kɛ nyɛ Yerusalɛmbii, kɛjeee nakai lɛ mimlila lɛ baanina nyɛ tamɔ la yɛ nyɛnifɔɔjianii lɛ ahewɔ, ni ebaashã nii, mɔ ko bɛ ni aaanyɛ agbe.”

Yeremia 9:25

Yehowa kɛɛ akɛ, “Naa, be miiba ni mibagbala Israelbii ni efo ketia lɛ atoi ejaakɛ amɛtamɔ mɛi ni efoko ketia lɛ nɔŋŋ.

Luka 11:39

Ni Nuŋtsɔ lɛ kɛɛ lɛ akɛ, “Nyɛ Farisifoi lɛ nyɛtsumɔɔ kpulu he kɛ kã sɛɛ, shi nyɛmli eyi obɔ̃ kɛ juu kɛ fɔ̃.

Luka 17:21

ni asaŋ amɛkɛŋ akɛ, ‘Naa, eyɛ biɛ! Loo biɛ!’ Ejaakɛ naa, Nyɔŋmɔ maŋtsɛyeli lɛ eyɛ nyɛteŋ.”

Yohane 12:43

ejaakɛ amɛmiisumɔ gbɔmɛi ahiɛnyam fe Nyɔŋmɔ nɔ.

Yohane 4:23

Shi kɛ̃lɛ ŋmɛlɛtswaa lɛ miiba ni eshɛ momo, be ni anɔkwa jalɔi lɛ aaaja Tsɛ lɛ yɛ mumɔ kɛ anɔkwale mli, ejaakɛ jalɔi ni tamɔ mɛnɛɛmɛi Tsɛ lɛ taoɔ.

Yohane 5:44

Te aaafee tɛŋŋ ni nyɛaanyɛ nyɛhe nyɛyeŋ, nyɛ ni nyɛtaoɔ anunyam yɛ nyɛteaŋ, shi anunyam ni jɛɔ Nyɔŋmɔ koome lɛ ŋɔɔ lɛ nyɛdii sɛɛ lɛ?

Romabii 14:17

Ejaakɛ Nyɔŋmɔ maŋtsɛyeli lɛ jeee niyeli kɛ ninumɔ ni, shi moŋ jalɛ kɛ hejɔlɛ kɛ Mumɔ Krɔŋkrɔŋ mli miishɛɛ ni;

Romabii 2:27

Ni heloo gbɛfaŋ foolɔ lɛ ni yeɔ Mla lɛ nɔ lɛ, aaakojo bo ni ohiɛ Mla ni aŋma lɛ ni afo bo ketia hu ni ofee ohe mlatɔ̃lɔ lɛ.

Romabii 3:1

Belɛ agbɛnɛ, mɛni Yudanyo kɛfe mɛi krokomɛi mɔ? Aloo mɛɛ sɛɛnamɔ yɔɔ ketiafoo mli?

Romabii 7:6

Shi agbɛnɛ wɔkɛ Mla lɛ bɛ sane ko dɔŋŋ, ejaakɛ wɔtsɔ̃mɔ tamɔ gbohii yɛ nɔ ni fi wɔ kpɛŋŋ lɛ gbɛfaŋ, bɔ ni afee ni wɔsɔ̃mɔ yɛ mumɔ ni etsɔ̃ ehee mli, shi jeee yɛ gbɛ momo lɛ ni ji Mla ni aŋma lɛ nɔ.

1 Korintobii 4:5

No hewɔ lɛ, nyɛkakojoa nɔ ko dani shɛ be lɛ, kɛyashi beyinɔ ni Nuŋtsɔ lɛ aaaba, mɔ ni kɛ dujiaŋ nibii ni akɛtee lɛ tete aaaba la hiɛ, ni eeejie tsuiiaŋ ajinai lɛ ashi lɛ. Ni no mli lɛ mɔ fɛɛ mɔ aaana eyijiemɔ kɛaajɛ Nyɔŋmɔ dɛŋ.

1 Korintobii 7:19

Ketiafoo jeee nɔ ko, ni foo hu jeee nɔ ko, shi Nyɔŋmɔ kitãi lɛ anɔyeli moŋ ji nɔ ko.

2 Korintobii 10:18

Ejaakɛ jeee mɔ ni jieɔ ehe yi lɛ ji mɔ ni sa, shi moŋ mɔ ni Nuŋtsɔ lɛ jieɔ eyi lɛ.

2 Korintobii 3:6

lɛ ehã wɔtsɔ̃mɔ mɛi ni sa akɛ akɛfee kpãŋmɔ hee lɛ sɔ̃ɔlɔi, jeee nɔ ni aŋma shi moŋ Mumɔ nɔ; ejaakɛ nɔ ni aŋma lɛ gbeɔ mɔ; shi Mumɔ lɛ hãa mɔ yi naa wala.

5 Mose 10:16

No hewɔ lɛ, nyɛtsakea nyɛtsui ni nyɛkpliŋ lɛ, ni nyɛkafea nyɛhe kuɛŋtilɔi dɔŋŋ.

5 Mose 30:6

Yehowa, nyɛNyɔŋmɔ lɛ, aaahã nyɛ kɛ nyɛshwiei hu atsake nyɛtsui bɔ ni afee ni nyɛkɛ nyɛtsui kɛ nyɛnyɛmɔ fɛɛ asumɔ Yehowa, nyɛNyɔŋmɔ lɛ, koni nyɛyi ana wala.

Filipibii 3:3

Ejaakɛ wɔ moŋ wɔji ketiafolɔi lɛ, wɔ mɛi ni wɔjaa Nyɔŋmɔ yɛ mumɔ naa, ni wɔshwãa wɔfɔ̃ɔ Kristo Yesu nɔ, ni wɔkɛ wɔhiɛ efɔ̃ɔɔ gbɔmɔtso nifeemɔ nɔ lɛ,

1 Tesalonikabii 2:4

shi moŋ tamɔ bɔ ni Nyɔŋmɔ ebu wɔ akɛ wɔsa akɛ atu Sanekpakpa lɛ awo wɔdɛŋ lɛ, nakai wɔwieɔ, jeee tamɔ mɛi ni taoɔ asa gbɔmɛi ahiɛ, shi moŋ tamɔ mɛi ni taoɔ asa Nyɔŋmɔ ni kaa wɔtsuii kwɛɔ lɛ hiɛ.

1 Petro 3:4

Shi moŋ efee tsui mli gbɔmɔ ni akɛtee yɛ mumɔ ni he jɔ ni yɔɔ kpoo lɛ hewulamɔ ni fiteee lɛ mli lɛ; no ji nɔ ni jara wa yɛ Nyɔŋmɔ hiɛ.

1 Samuel 16:7

Shi Yehowa kɛɛ Samuel akɛ, “Kaahã ehiɛŋtso loo ekwɔlɛ nyɛnyereŋŋ lɛ miilaka bo. Jeee bɔ ni gbɔmɔ adesa kwɛɔ nii Yehowa kwɛɔ nii. Gbɔmɔ adesa kwɛɔ kpo nɔ gbɛ nii ekɛyeɔ sane, shi Yehowa lɛ kwɛɔ tsuiŋ.”