Romabii 2:17 - ŊMALƐ KRƆŊKRƆŊ LƐ

¹⁷ Shi kɛji bo lɛ atsɛɔ bo Yudanyo, ni okɛ ohe fɔ̃ɔ Mla lɛ nɔ, ni oshwãa ofɔ̃ɔ Nyɔŋmɔ nɔ,

Ṅmãle̱ Kroṅkroṅ Le̱

¹⁷ Ši ke̱dši bo le̱ atšé̱o̱o Iudanyo, ni ohĩe kã mla le̱ no̱, ni oſãa ofõo̱ Nyoṅmo̱ no̱,

Romabii 2:17 ပူးပေါင်းရင်းမြစ်များ

Lalai 135:4

Ejaakɛ Yehowa eŋɔ Yakob ehã lɛ diɛŋtsɛ ehe, eŋɔ Israel efee lɛ diɛŋtsɛ enɔ.

Yesaia 45:25

Yehowa mli Israel shwiei fɛɛ aaaye bem yɛ, ni enɔ amɛaashwã amɛfɔ̃.

Mika 3:11

Maŋ onukpai lɛ, nyɔɔŋnii amɛheɔ dani amɛbuaa sane he; osɔfoi lɛ, nyɔmɔwoo hewɔ amɛtsɔ̃ɔ Nyɔŋmɔ Mla lɛ, ni gbalɔi lɛ shika hewɔ amɛgbaa nɔ ni ajie atsɔ̃ɔ amɛ. Kɛ̃lɛ amɛkɛ amɛhe kpasaa Yehowa ni amɛkɛɔ akɛ, “Yehowa kɛ wɔ yɛ; nɔ fɔŋ ko nɔ fɔŋ ko baŋ wɔnɔ.”

Zefania 3:11

Nakai gbi lɛ nɔ lɛ, nyɛhiɛ gboŋ dɔŋŋ yɛ nibii ni nyɛfeefee nyɛkɛtse mihiɛ atua lɛ ahewɔ, ejaakɛ majie ntɛŋfeelɔi ni woɔ amɛhe nɔ fɛɛ yɛ nyɛteŋ, ni nyɛwoŋ nyɛhe nɔ dɔŋŋ yɛ migɔŋ krɔŋkrɔŋ lɛ nɔ,

Mateo 3:9

Ni nyɛkasusua ni nyɛkɛɛ yɛ nyɛmli akɛ, ‘Wɔ lɛ wɔtsɛ ji Abraham;’ shi miikɛɛ nyɛ akɛ, Nyɔŋmɔ aaanyɛ etee bii ashi kɛjɛ tɛi nɛɛ amli ehã Abraham.

Luka 10:28

Ekɛɛ lɛ akɛ, “Bɔ ni oto he lɛ ja; feemɔ nakai, ni oyi aaana wala.”

Yohane 5:39

Nyɛtaoɔ ŋmalɛi lɛ amli, ejaakɛ nyɛ diɛŋtsɛ nyɛsusuɔ akɛ nomɛi amli nyɛnaa naanɔ wala yɛ; ni nomɛi nɔŋŋ ji nii ni yeɔ mihe odase lɛ.

Yohane 5:45

Nyɛkasusua akɛ mi mibafolɔ nyɛnaa mahã Tsɛ lɛ; mɔ ko yɛ ni miifolɔ nyɛnaa, lɛ ji Mose, mɔ nɔ ni nyɛŋɔ nyɛhiɛ nyɛfɔ̃ lɛ.

Yohane 7:19

Ani jeee Mose hã nyɛ Mla lɛ? Ni nyɛteŋ mɔ ko mɔ ko yeee Mla lɛ nɔ. Mɛni hewɔ nyɛtaoɔ mi nyɛgbe lɛ?”

Yohane 8:33

Amɛhere lɛ nɔ akɛ, “Abraham shwiei ji wɔ, ni wɔtsɔ̃mɔ̃ko mɔ ko nyɔji pɛŋ; te tɛŋŋ ni bo okɛɔ akɛ, ‘Nyɛaaye nyɛheŋ?’ ”

Yohane 8:41

Nyɛ lɛ, nyɛtsɛ nitsumɔi nyɛtsuɔ lɛ.” Kɛkɛ lɛ amɛkɛɛ lɛ akɛ, “Wɔ lɛ afɔɔɔ wɔ yɛ ajwamãŋbɔɔ mli; Tsɛ kome wɔyɔɔ, lɛ ji Nyɔŋmɔ.”

Romabii 2:23

Bo ni okɛ Mla lɛ shwãa lɛ okɛ Mla lɛ nɔtɔmɔ lɛ gbeɔ Nyɔŋmɔ he guɔ.

Romabii 3:27

Agbɛnɛ mɛni nɔ wɔshwãa wɔfɔ̃ɔ? Nɔ ko bɛ. Mɛɛ Mla nɔ atsɔ̃? Nitsumɔi anɔ lɛ nɔ lo? Dabi, shi hemɔkɛyeli mla lɛ nɔ moŋ atsɔ̃.

Romabii 9:32

Mɛɛ hewɔ ni? Ejaakɛ amɛtsɔ̃ɔɔ hemɔkɛyeli nɔ amɛtaooo, shi moŋ tamɔ mɛi ni tsɔ̃ɔ nitsumɔi anɔ taoɔ. Ejaakɛ amɛtɛrɛ tɛmɔ tɛ lɛ;

2 Korintobii 11:22

Hebribii ji amɛ? Mi hu eko ji mi. Israelbii ni? Mi hu eko ji mi. Abraham shwiei ni? Mi hu eko ji mi.

Galatabii 2:15

Afɔ wɔ Yudafoi akɛ ni wɔjeee eshafeelɔi ni jɛ jeŋmaji lɛ amli,

Efesobii 2:11

No hewɔ lɛ, nyɛkaia akɛ nyɛ ni sa ni nyɛ ji jeŋmajiaŋbii yɛ heloo gbɛfaŋ ni mɛi ni atsɛɔ amɛ ketiafolɔi ni akɛ niji folɔ amɛ ketia yɛ heloo mli lɛ tsɛɔ nyɛ foolɔi lɛ,

Kpojiemɔ 2:9

Mile omanehulu lɛ kɛ ohia lɛ, shi kɛ̃lɛ niiatsɛ ji bo, ni mile mɛi ni kɛ oshekuyeli kɛɔ akɛ Yudafoi ji amɛ, yɛ be mli ni jeee nakai ni, shi moŋ amɛ ji Satan kpeehe lɛ mli bii.

Kpojiemɔ 3:1

“Ni Sarde asafo lɛ bɔfo lɛ; ŋmaa oyahã lɛ akɛ, ‘Nii ni mɔ ni yɔɔ Nyɔŋmɔ mumɔi kpawo lɛ kɛ ŋulamii kpawo lɛ kɛɛ nɛ: Mile onitsumɔi lɛ; mile akɛ ohiɛ gbɛi akɛ ohiɛ kã, shi ogbo.

Kpojiemɔ 3:9

Naa, mikɛ mɛi ni jɛ Satan kpeehe lɛ ni kɛɔ akɛ Yudafoi ji amɛ shi ebɛ mli, shi malemɔ moŋ amɛmaleɔ lɛ aaaba ni amɛbakoto onaji anaa, ni amɛle akɛ mi lɛ miisumɔ bo.