Romabii 2:12 - ŊMALƐ KRƆŊKRƆŊ LƐ

¹² Ejaakɛ mɛi abɔ ni bɛ Mla lɛ ni amɛfee esha lɛ amɛaalaaje akɛ mɛi ni bɛ Mla; ni mɛi abɔ ni yɔɔ Mla lɛ shishi ni amɛfee esha lɛ, Mla lɛ nɔŋŋ akɛaakojo amɛ.

Ṅmãle̱ Kroṅkroṅ Le̱

¹² Edšake̱ mei abo̱ ní be̱ mla ní ame̱fe eša le̱, ame̱alādše hũ ní ame̱be̱ mla; ni mei abo̱ ní tšṍ mla no̱ fe eša le̱, mla noṅṅ ake̱-akodšoame̱;

Romabii 2:12 ပူးပေါင်းရင်းမြစ်များ

Mateo 11:22

Shi miikɛɛ nyɛ akɛ, ejaraŋ haŋ Tiro kɛ Sidon yɛ kojomɔ gbi lɛ nɔ tamɔ nyɛ.

Mateo 11:24

Shi miikɛɛ bo akɛ, ejaraŋ haŋ Sodom shikpɔŋ lɛ yɛ kojomɔ gbi lɛ nɔ tamɔ bo.”

Yohane 19:11

Yesu here nɔ akɛ, “Kɛjeee ŋwɛi ajɛ akɛhã bo lɛ, kulɛ onaŋ hewalɛ ko yɛ minɔ. No hewɔ lɛ, mɔ ni jie mi wo odɛ̃ŋ lɛ he esha lɛ da fe onɔ lɛ.”

Bɔfoi 2:23

Yesu nɛɛ ni ajie lɛ yɛ Nyɔŋmɔ yiŋtoo kɛ enii ni ele eto lɛ naa ahã lɛ, nyɛtsɔ̃ mɛi ni bɛ mla lɛ anine nɔ nyɛsɛŋ lɛ ni nyɛgbe lɛ.

Romabii 1:32

Amɛle Nyɔŋmɔ mla lɛ krɛdɛɛ nɛ, akɛ mɛi ni tsuɔ nakai nii lɛ sa gbele, shi kɛ̃lɛ jeee feemɔ kɛkɛ amɛfeɔ, shi moŋ amɛnaa mɛi ni tsuɔ nakai nii lɛ ahe miishɛɛ hu.

Romabii 4:15

Mla lɛ kɛ Nyɔŋmɔ mlifu baa, shi he ni mla bɛ lɛ, mlatɔ̃mɔ hu bɛ.

Romabii 8:3

Ejaakɛ nɔ ni Mla lɛ nyɛɛɛ afee yɛ gbedemɔ ni heloo lɛ ehã egbede hewɔ lɛ, no Nyɔŋmɔ fee: etsu lɛ diɛŋtsɛ eBi lɛ yɛ su ni tamɔ esha heloo su mli, yɛ esha hewɔ; ni ebu esha lɛ fɔ yɛ heloo lɛ mli,

1 Korintobii 9:21

Mɛi ni bɛ Mla lɛ, mitsɔ̃ tamɔ mɔ ko ni bɛ Mla mihã amɛ, bɔ ni afee ni minine ashɛ mɛi ni bɛ Mla lɛ anɔ, tsɛ mijeee mɔ ko ni bɛ Nyɔŋmɔ Mla, shi moŋ miyɛ Kristo mla shishi.

Galatabii 3:10

Ejaakɛ mɛi abɔ ni kɛ amɛhe fɔ̃ɔ Mla nitsumɔi anɔ lɛ, loomɔ kã amɛnɔ; ejaakɛ aŋma akɛ, “Alomɔ mɔ fɛɛ mɔ ni eyaaa nɔ efeee nii fɛɛ ni aŋma yɛ Mla Wolo lɛ mli lɛ.”

Galatabii 3:22

Shi moŋ; ŋmalɛ lɛ eŋa nibii fɛɛ yi ewo esha shishi, koni atsɔ̃ Yesu Kristo nɔ hemɔkɛyeli nɔ akɛ shiwoo lɛ ahã mɛi ni heɔ yeɔ lɛ.

5 Mose 27:26

“‘Alomɔ mɔ ni yeee nɛkɛ mlai nɛɛ anɔ, ni no hewɔ lɛ, ehaŋ mlai lɛ ama shi lɛ.’ Ni maŋ muu lɛ fɛɛ ahere nɔ akɛ, ‘Amen!’ ”

Yakobo 2:10

Ejaakɛ mɔ ni aaaye Mla muu lɛ fɛɛ nɔ tete, shi eeetɔ̃ yɛ ekome mli lɛ, eye fɔ yɛ fɛɛ mli.