Romabii 16:2 - ŊMALƐ KRƆŊKRƆŊ LƐ

² koni nyɛhere lɛ hiɛmɛɛ yɛ Nuŋtsɔ lɛ mli, bɔ ni sa mɛi krɔŋkrɔŋi lɛ, ni nyɛfata ehe yɛ nitsumɔ fɛɛ nitsumɔ ni nyɛhe hiaa lɛ yɛ mli lɛ mli; ejaakɛ lɛ diɛŋtsɛ hu eji mɛi pii kɛ mi diɛŋtsɛ hu miyelikɛbualɔ.

Ṅmãle̱ Kroṅkroṅ Le̱

² koni nyeherele̱ hĩemẽ ye̱ Nuṅtšo̱ le̱ mli, bo̱ni sa meikroṅkroṅi le̱, ni nyefata ehe ye̱ nitšumo̱-fẽ-nitšumo̱ ni nyehe hĩaäle̱ ye̱ mli le̱ṅ; edšake̱ le̱dientše̱ hũ, edši mei pī ke̱ midientše̱ hũ mihefatalo̱.

Romabii 16:2 ပူးပေါင်းရင်းမြစ်များ

Mateo 25:40

Ni maŋtsɛ lɛ aaahere nɔ ekɛɛ amɛ akɛ, ‘Anɔkwale mikɛɔ nyɛ akɛ, gbii abɔ kɛ̃ ni nyɛfee nyɛhã minyɛmimɛi nɛɛ ateŋ bibioo kome lɛ, mi nɔŋŋ nyɛfee nyɛhã lɛ.’

Bɔfoi 9:13

Shi Anania here nɔ ni ekɛɛ, “Nuŋtsɔ, minu nɛkɛ nuu nɛɛ he sane yɛ mɛi pii anaa, akɛ efee omɛi krɔŋkrɔŋi ni yɔɔ Yerusalɛm lɛ efɔŋ babaoo;

Bɔfoi 9:15

Shi Nuŋtsɔ lɛ kɛɛ lɛ akɛ, “Yaa, ejaakɛ mɔ nɛ ji midɛŋ dade ni mihala mihã mihe koni ehiɛ migbɛi lɛ kɛya jeŋmaji lɛ kɛ maŋtsɛmɛi kɛ Israelbii lɛ hu ahiɛ.

Bɔfoi 9:36

Shi yoo kaselɔ ko yɛ Yopa ni atsɛɔ lɛ Tabita, eshishi ji Dorka. Nitsumɔi kpakpai kɛ ejurɔfeemɔ eyi yoo nɛɛ obɔ̃.

Bɔfoi 9:39

Ni Petro te shi ni ekɛ amɛ tee. Ni be ni eshɛ jɛi lɛ, amɛkɛ lɛ tee ŋwɛitsu lɛ mli, ni yei okulafoi lɛ fɛɛ badamɔdamɔɔ emasɛi amɛmiifofoi, ni amɛkɛ flakai kɛ atadei ni Dorka fee be ni ekɛ amɛ yɔɔ lolo lɛ miitsɔ̃ɔ lɛ.

Bɔfoi 9:41

Ni Petro mɔ enine mli, ni ewo enɔ; ni etsɛ mɛi krɔŋkrɔŋi lɛ kɛ okulafoi lɛ kɛba, ni ekɛ lɛ damɔ amɛhiɛ hiɛkãalɔ.

Romabii 15:7

No hewɔ lɛ, nyɛhereherea nyɛhe, tamɔ bɔ ni Kristo ehere nyɛ kɛba Nyɔŋmɔ anunyam lɛ mli lɛ.

Romabii 16:15

Nyɛŋaa Filologo kɛ Yulia, Nerea kɛ enyɛmi yoo lɛ, kɛ Olimpa kɛ mɛi krɔŋkrɔŋi lɛ ni kɛ amɛ yɔɔ lɛ fɛɛ.

Romabii 16:23

Gaio ni ji mi kɛ asafo lɛ fɛɛ shĩatsɛ lɛ miibi nyɛ. Erasto ni ji maŋ shikatolɔ lɛ, kɛ wɔnyɛmi Kwarto miibi nyɛ. [

Romabii 16:6

Nyɛŋaa Maria ni gba ehe naa pii yɛ nyɛhewɔ lɛ.

Romabii 16:9

Nyɛŋaa Urbano ni ji wɔnaanyo nitsulɔ yɛ Kristo mli lɛ, kɛ misuɔlɔ Staki.

Efesobii 5:3

Shi ajwamãŋbɔɔ kɛ nyaŋemɔ nitsumɔ fɛɛ loo hiɛjoomɔ lɛ akatsĩ tã tete yɛ nyɛteŋ, tamɔ bɔ ni sa mɛi krɔŋkrɔŋi.

Filipibii 1:27

Nɔ kome kɛkɛ ji akɛ, nyɛbaa nyɛjeŋ bɔ ni sa Kristo Sanekpakpa lɛ, koni kɛ miba mibana nyɛ jio, mikɛ nyɛ bɛ jio, manu nyɛhe akɛ nyɛdamɔ shi yɛ mumɔ kome mli, ni nyɛkɛ jwɛŋmɔ kome miipele Sanekpakpa lɛ hemɔkɛyeli lɛ he,

Filipibii 2:29

No hewɔ lɛ, nyɛkɛ miishɛɛ fɛɛ aherea lɛ atuu yɛ Nuŋtsɔ lɛ mli, ni nyɛbua gbɔmɛi ni tamɔ nɛkɛ akɛ mɛi ni sa woo;

Kolosebii 4:10

Aristarko, minaanyo gboklɛfonyo lɛ, miibi nyɛ; kɛ Marko ni ji Barnaba nyɛmi bi (mɔ ni miwo nyɛ shi yɛ ehe akɛ nyɛhere lɛ atuu kɛ eba nyɛŋɔɔ lɛ)

1 Timoteo 2:10

shi moŋ kɛ nitsumɔi kpakpai ni sa yei ni tsɛɔ amɛhe akɛ Nyɔŋmɔ jalɔi lɛ.

2 Timoteo 1:18

Nuŋtsɔ lɛ ahã ena Nuŋtsɔ lɛ dɛŋ mɔbɔnalɛ yɛ nakai Gbi lɛ nɔ. Ni bɔ ni etsɔ̃ esɔ̃mɔ mi yɛ Efeso lɛ fɛɛ lɛ, ole jogbaŋŋ.

Tito 2:3

Yeimeji hu nakai nɔŋŋ, amɛba amɛjeŋ bɔ ni sa mɛi krɔŋkrɔŋi lɛ. Amɛkafee amɛhe oshekuyelɔi, amɛkafee amɛhe mɛi ni dãa eŋɔ amɛ nom, amɛfee mɛi ni tsɔ̃ɔ nii kpakpai.

Filemon 1:12

miwo lɛ gbɛ kɛmiiba oŋɔɔ, lɛ ni ji mitsui lɛ.

Filemon 1:17

Hewɔ lɛ agbɛnɛ kɛ oŋɔɔ mi akɛ onaanyo lɛ, heremɔ lɛ tamɔ bɔ ni obaahere mi diɛŋtsɛ.

2 Yohane 1:10

Kɛ mɔ ko ba nyɛŋɔɔ ni ehiɛɛɛ nɛkɛ tsɔ̃ɔmɔ nɛɛ lɛ, nyɛkaherea lɛ kɛbaa nyɛwe, ni nyɛkafalaa lɛ tete;