Romabii 15:5 - ŊMALƐ KRƆŊKRƆŊ LƐ

⁵ Ni Nyɔŋmɔ ni hãa wɔnyɛɔ wɔhiɛ wɔmĩaa ni eshɛjeɔ wɔmii lɛ ahã nyɛna jwɛŋmɔ kome yɛ nyɛteŋ tamɔ Kristo Yesu,

Ṅmãle̱ Kroṅkroṅ Le̱

⁵ Ši tšuišiṅmē̃ ke̱ mīše̱dšemo̱ Nyoṅmo̱ le̱ ahă *nyená dſẽṅmo̱ kome ye̱ nyeteṅ tamo̱ Kristo Iesu; *Fil. 3,16.

Romabii 15:5 ပူးပေါင်းရင်းမြစ်များ

2 Kronika 30:12

Nyɔŋmɔ nine kã Yudabii lɛ ahe, ni ehã amɛ fɛɛ amɛna jwɛŋmɔ kome kɛfee ekome, ni amɛye maŋtsɛ lɛ kɛ maŋ onukpai lɛ agbɛjianɔtoi lɛ anɔ, ni amɛkɛfee Nyɔŋmɔ suɔmɔnaanii.

Lalai 86:5

Oo Nuŋtsɔ, ejaakɛ ohi, ni oŋɔɔ tɔ̃mɔ ofaa; ni suɔmɔ ni osumɔɔ mɛi fɛɛ ni sɔleɔ tsɛɔ bo lɛ fa babaoo.

2 Mose 34:6

Yehowa batsɔ̃ Mose hiɛ kɛho, ni etsɛ ehe ekɛɛ, “Yehowa, Yehowa, Nyɔŋmɔ musuŋtsɔlɔ kɛ durolɔ lɛ, mɔ ni toɔ etsui shi, ni emli eyi kɛ suɔmɔ kɛ anɔkwale babaoo lɛ,

Yeremia 32:39

Mahã amɛna jwɛŋmɔ koome kɛ jeŋba koome, bɔ ni afee ni amɛshe mi gbeyei kɛya naanɔ, bɔ ni afee ni ahi ahã amɛ kɛ amɛbii ni baa yɛ amɛsɛɛ lɛ.

Ezekiel 11:19

Ni mahã amɛ tsui kroko, ni mikɛ mumɔ hee baawo amɛmli; majie amɛtsui ni wa tamɔ tɛ lɛ kɛje amɛmli ni mahã amɛ loo tsui;

Bɔfoi 4:32

Shi mɛi babaoo lɛ ni heɔ yeɔ lɛ fɛɛ hiɛ tsui koome kɛ susuma koome, ni amɛteŋ mɔ ko mɔ ko tsɛɛɛ enii ni eyɔɔ lɛ amli eko akɛ lɛ diɛŋtsɛ enɔ, shi eyɛ hã amɛ fɛɛ.

Romabii 12:16

Nyɛjwɛŋjwɛŋa nyɛhe jwɛŋmɔ kome; nyɛkajwɛŋa henɔwomɔ jwɛŋmɔ, shi moŋ nyɛkɛ heshibalɔi lɛ abɔa. Nyɛkabua nyɛhe nilelɔi.

Romabii 15:13

Shi Nyɔŋmɔ ni ji wɔhiɛnɔkãmɔ lɛ kɛ miishɛɛ kɛ hejɔlɛ fɛɛ awo nyɛ obɔ̃bɔ̃ɔbɔ̃ yɛ hemɔkɛyeli mli, koni nyɛna hiɛnɔkãmɔ ni ateke nɔ yɛ Mumɔ Krɔŋkrɔŋ hewalɛ mli.

Romabii 15:3

Ejaakɛ Kristo hu hãaa ehe asa ehiɛ; shi moŋ tamɔ bɔ ni aŋma lɛ, “Mɛi ni bɔɔ bo ahora lɛ ahorabɔi lɛ ebakã minɔ.”

1 Korintobii 1:10

Shi, anyɛmimɛi, miikpa nyɛ fai yɛ wɔNuŋtsɔ Yesu Kristo gbɛi mli, akɛ nyɛnaabu afee ekome ni mligbalamɔi akaba nyɛteŋ, shi moŋ nyɛ fɛɛ nyɛhiɛa jwɛŋmɔ kome kɛ susumɔ kome.

2 Korintobii 13:11

Naagbee lɛ, anyɛmimɛi, nyɛmii ashɛa, nyɛyea emuu, nyɛshɛjea nyɛhe mii, nyɛjwɛŋmɔ afea ekome, nyɛhĩa shi yɛ hejɔlɛ mli, ni suɔmɔ kɛ hejɔlɛ Nyɔŋmɔ lɛ kɛ nyɛ aaahi shi.

2 Korintobii 7:6

Shi Nyɔŋmɔ, mɔ ni shɛjeɔ mɛi ni baa amɛhe shi lɛ amii lɛ, kɛ Tito baa lɛ shɛje wɔmii;

Efesobii 5:2

Ni nyɛnyiɛa yɛ suɔmɔ mli, tamɔ bɔ ni Kristo hu sumɔ wɔ ni ekɛ lɛ diɛŋtsɛ ehe hã yɛ wɔhewɔ akɛ nikeenii kɛ afɔle ni akɛhã Nyɔŋmɔ ni jeɔ ŋma krɔŋŋ lɛ.

Filipibii 1:27

Nɔ kome kɛkɛ ji akɛ, nyɛbaa nyɛjeŋ bɔ ni sa Kristo Sanekpakpa lɛ, koni kɛ miba mibana nyɛ jio, mikɛ nyɛ bɛ jio, manu nyɛhe akɛ nyɛdamɔ shi yɛ mumɔ kome mli, ni nyɛkɛ jwɛŋmɔ kome miipele Sanekpakpa lɛ hemɔkɛyeli lɛ he,

Filipibii 2:2

nyɛhãa mimiishɛɛ lɛ ayia obɔ̃, akɛ nyɛmiijwɛŋ nɔ kome, nyɛhiɛ suɔmɔ kome, susuma kome, mumɔ kome.

Filipibii 3:16

Shi nɔ ni wɔkɛba wɔjeŋ kɛbashi he ni wɔshɛ nɛɛ, wɔya nɔ wɔkɛ no nɔŋŋ aba wɔjeŋ.

Filipibii 4:2

Miikpa Euodia fai, ni miikpa Sintike fai, akɛ amɛjwɛŋmɔ afee ekome yɛ Nuŋtsɔ lɛ mli.

1 Petro 3:20

Amɛ mɛi ni blema lɛ amɛbooo toi, be ni Nyɔŋmɔ ŋmɛ etsui shi ni emɛ amɛ aahu yɛ Noa bei lɛ amli, be ni afeɔ adeka kpeteŋkple lɛ, nɔ mli ni ahere mɛi fioo ni ji mɛi kpaanyɔ lɛ asusumai ayiwala yɛ kɛtsɔ̃ nu mli lɛ,

1 Petro 3:8

Shi naagbee lɛ, nyɛ fɛɛ nyɛhiɛa jwɛŋmɔ kome, nyɛnanaa nyɛhãa nyɛhe, nyɛsumɔsumɔa nyɛhe akɛ nyɛmimɛi, nyɛmli ashãa nyɛ ahãa nyɛhe, nyɛjwɛŋa heshibaa jwɛŋmɔ.

2 Petro 3:15

ni nyɛbua wɔNuŋtsɔ lɛ tsuishitoo lɛ akɛ yiwalaheremɔ, tamɔ bɔ nɔŋŋ ni wɔsuɔmɔ nyɛmi Paulo lɛ hu ŋma nyɛ, yɛ nilee ni akɛhã lɛ lɛ naa lɛ,

2 Petro 3:9

Jeee tsɛ Nuŋtsɔ lɛ hãa eshiwoo lɛ sɛɛ tsɛɔ, tamɔ bɔ ni mɛi komɛi susuɔ akɛ esɛɛ etsɛ lɛ, shi moŋ etsui shi etoɔ ehãa wɔ, ejaakɛ esumɔ̃ɔɔ akɛ mɛi komɛi alaaje, shi moŋ akɛ mɛi fɛɛ atsake amɛtsui.