Romabii 15:16 - ŊMALƐ KRƆŊKRƆŊ LƐ

¹⁶ koni mitsɔ̃ Yesu Kristo sɔ̃ɔlɔ mihã jeŋmaji lɛ, ni mitsu Nyɔŋmɔ Sanekpakpa lɛ he nii akɛ osɔfo, ni jeŋmaji lɛ atsɔ̃mɔ afɔle ni sa ehiɛ jogbaŋŋ ni atsuu he yɛ Mumɔ Krɔŋkrɔŋ mli.

Ṅmãle̱ Kroṅkroṅ Le̱

¹⁶ koni mitšṍ Iesu Kristo *súolo̱ mihã dšeṅmãdši le̱, ní †mitšu Nyoṅmo̱ sanekpakpa le̱ he oso̱fonitšumo̱ le̱, ni dšeṅmãdši le̱ atšṍmo̱ afo̱le ní sa ehĩe dšogbāṅ ní atšū he ye̱ Mumo̱ kroṅkroṅ mli. *11,13. †Fil. 2.17.

Romabii 15:16 ပူးပေါင်းရင်းမြစ်များ

Romabii 11:13

Agbɛnɛ nyɛ ni nyɛ ji jeŋmajiabii lɛ, miikɛɛ nyɛ akɛ, “Gbii abɔ ni mi mi ji jeŋmaji abɔfo lɛ, mawo misɔ̃ɔmɔ lɛ hiɛ nyam,

Romabii 1:1

Wolo nɛɛ jɛ mi Paulo, Yesu Kristo tsulɔ kɛ bɔfo ni atsɛ lɛ ni ajie lɛ ato ahã Nyɔŋmɔ Sanekpakpa lɛ, dɛŋ.

Filipibii 2:17

Shi kɛji afɔse milá ashwie nyɛhemɔkɛyeli ni akɛhãa Nyɔŋmɔ akɛ afɔle lɛ nɔ tete lɛ, miyɛ he tsuijurɔ, ni mikɛ nyɛ fɛɛ aaana tsuijurɔ;

Bɔfoi 9:15

Shi Nuŋtsɔ lɛ kɛɛ lɛ akɛ, “Yaa, ejaakɛ mɔ nɛ ji midɛŋ dade ni mihala mihã mihe koni ehiɛ migbɛi lɛ kɛya jeŋmaji lɛ kɛ maŋtsɛmɛi kɛ Israelbii lɛ hu ahiɛ.

2 Timoteo 1:11

Enɛ he awo mi shiɛlɔ kɛ bɔfo kɛ tsɔɔlɔ yɛ lɛ.

1 Timoteo 1:11

yɛ Nyɔŋmɔ ni ajɔɔ lɛ lɛ anunyam Sanekpakpa ni atu awo midɛŋ lɛ naa.

Hebribii 13:16

Shi ejurɔfeemɔ kɛ nikee lɛ, nyɛhiɛ akakpaa nɔ; ejaakɛ nakai afɔlei saa Nyɔŋmɔ hiɛ jogbaŋŋ.

Romabii 15:18

ejaakɛ mikaŋ akɛ mawie nɔ ko akɛ ja nɔ ni Kristo tsɔ̃ minɔ etsu ehã jeŋmaji lɛ atoiboo yɛ wiemɔ kɛ nifeemɔnii amli,

Bɔfoi 20:24

Shi kɛ̃lɛ mibuuu miwala akɛ ejara wa hã mi, bɔ ni afee ni mikɛ miishɛɛ agbe migbɛnyiɛmɔ lɛ kɛ sɔ̃ɔmɔ ni mina yɛ Nuŋtsɔ Yesu dɛŋ akɛ miye Nyɔŋmɔ dromɔ lɛ he Sanekpakpa lɛ he odase faŋŋ lɛ naa.

1 Timoteo 2:7

ni no hewɔ awo mi shiɛlɔ kɛ bɔfo (anɔkwale miwieɔ yɛ Kristo mli, mimaleee), jeŋmaji atsɔ̃ɔlɔ yɛ hemɔkɛyeli kɛ anɔkwale mli lɛ.

2 Korintobii 5:20

No hewɔ lɛ, wɔji bɔfoi yɛ Kristo najiaŋ, tamɔ akɛ Nyɔŋmɔ etsɔ̃ wɔnɔ eewie eetsɔ̃ɔ mɛi: wɔdamɔ Kristo najiaŋ wɔmiikpa nyɛ fai akɛ, nyɛhãa akpãtã nyɛ kɛ Nyɔŋmɔ teŋ!

1 Korintobii 4:1

Bɔ pɛ ni gbɔmɛi abu wɔ nɛ, akɛ Kristo sɔ̃ɔlɔi kɛ Nyɔŋmɔ teemɔ saji lɛ anɔ tsuji nukpai.

1 Petro 2:5

Ni nyɛ hu nyɛhãa atswaa nyɛ akɛ tɛi ni hiɛ kãmɔ afea mumɔŋ tsu ni afee nyɛ osɔfoi aweku krɔŋkrɔŋ, koni akɛshã mumɔŋ afɔlei ni sa Nyɔŋmɔ hiɛ yɛ Yesu Kristo hewɔ.

1 Petro 1:12

Ni ajie atsɔ̃ɔ amɛ akɛ, jeee amɛ diɛŋtsɛ amɛhewɔ, shi moŋ nyɛhewɔ ni amɛsɔ̃mɔ yɛ nɛkɛ nii nɛɛ ahe, nii ni agbɛnɛ mɛi ni jaje Sanekpakpa lɛ tsɔ̃ɔ nyɛ yɛ Mumɔ Krɔŋkrɔŋ ni atsu kɛjɛ ŋwɛi lɛ mli lɛ eshiɛ etsɔ̃ɔ nyɛ lɛ, ni ŋwɛi bɔfoi tete shweɔ akɛ amɛaana mli lɛ.

1 Tesalonikabii 5:23

Shi hejɔlɛ Nyɔŋmɔ lɛ diɛŋtsɛ atsuu nyɛhe kwraa kɛmɔ shi, ni eto nyɛmumɔ kɛ nyɛsusuma kɛ nyɛgbɔmɔtso muu lɛ fɛɛ ni shwamɔ ko akahi he yɛ wɔNuŋtsɔ Yesu Kristo baa be lɛ mli.

1 Tesalonikabii 2:9

Ejaakɛ, anyɛmimɛi, nyɛkaiɔ wɔtɔlɛ kɛ wɔdeŋmegbomɔ lɛ, akɛ bɔ ni afee ni wɔkatsɔ̃ jatsu wɔmiihã nyɛteŋ mɔ ko hewɔ lɛ nyɔɔŋ kɛ shwane fɛɛ wɔmiitsu nii, ni wɔsaa wɔmiijaje Nyɔŋmɔ Sanekpakpa lɛ wɔmiitsɔ̃ɔ nyɛ.

1 Tesalonikabii 2:2

Wɔna nɔ momo, ni afee wɔ niseniianii hu yɛ Filipi, tamɔ bɔ ni nyɛle lɛ, kɛ̃lɛ wɔna ekãa yɛ wɔNyɔŋmɔ lɛ mli ni wɔkɛjaje Nyɔŋmɔ Sanekpakpa lɛ wɔtsɔ̃ɔ nyɛ, tsɛbelɛ ate shi ashi wɔ babaoo.

Filipibii 4:18

Shi mina nii fɛɛ ni eteke nɔ; ni akɛni minine eshɛ nii ni nyɛkɛmaje Epafrodito kɛbahã mi lɛ nɔ nɛɛ, mina nɔ fɛɛ nɔ ni mitaoɔ; eji ŋmajee kpakpa kɛ afɔle kɛ ŋɔɔmɔ ni sa Nyɔŋmɔ hiɛ.

Efesobii 2:22

ni emli atswaa nyɛ awoɔ afee Nyɔŋmɔ shihilɛhe yɛ Mumɔ mli lɛ.

Efesobii 2:18

Ejaakɛ enɔ wɔyi enyɔ lɛ fɛɛ wɔtsɔ̃ɔ wɔnaa gbɛ, yɛ Mumɔ kome mli, kɛyaa Tsɛ lɛ ŋɔɔ.

Galatabii 3:5

Belɛ mɔ ni kɛ Mumɔ lɛ hãa nyɛ ni etsuɔ hewalɛ nii yɛ nyɛmli lɛ, Mla nitsumɔi ahewɔ efeɔ, aloo hemɔkɛyeli ni nyɛkɛboɔ Sanekpakpa lɛ toi lɛ hewɔ ni?

2 Korintobii 11:23

Kristo sɔ̃ɔlɔi ji amɛ? Miiwie tamɔ mɔ ni yitsoŋ kãa lɛ. Mife amɛ yɛ tɔlɛ nitsumɔi ni tɛke nɔ amli, yɛ tsuŋwoi babaoi amli, yɛ yii ni fa tsɔ̃ amli, yɛ gbelei amli kpitiokpitio.

2 Korintobii 8:5

ni jeee bɔ ni wɔhiɛ kã nɔ lɛ kɛkɛ, shi moŋ amɛŋɔ amɛ diɛŋtsɛ amɛhe amɛhã Nuŋtsɔ lɛ tsutsu kɛ wɔ hu, yɛ Nyɔŋmɔ suɔmɔ naa.

1 Korintobii 6:19

Ani nyɛleee akɛ nyɛgbɔmɔtso lɛ Mumɔ Krɔŋkrɔŋ ni yɔɔ nyɛmli ni nyɛna kɛjɛ Nyɔŋmɔ ŋɔɔ lɛ Sɔlemɔtsu ni, ni nyɛjeee nyɛ diɛŋtsɛ nyɛnɔ lo?

1 Korintobii 3:5

Agbɛnɛ, Namɔ ji Apolo? Namɔ ji Paulo? Amɛ ji sɔ̃ɔlɔi ni nyɛtsɔ̃ amɛnɔ nyɛhe nyɛye, amɛteŋ mɔ fɛɛ mɔ lɛ bɔ ni Nuŋtsɔ lɛ kɛhã lɛ.

Romabii 15:29

Ni mile akɛ, kɛ miba nyɛŋɔɔ lɛ, Kristo Sanekpakpa lɛ mli jɔɔmɔ falɛ mli maba yɛ.

Romabii 5:5

ni hiɛnɔkãmɔ lɛ efeee efolo; ejaakɛ atsɔ̃ Mumɔ Krɔŋkrɔŋ ni akɛhã wɔ lɛ nɔ afɔse Nyɔŋmɔ suɔmɔ awo wɔtsuii amli.

Bɔfoi 22:21

Ni ekɛɛ mi akɛ, ‘Yaa, ejaakɛ mibatsu bo jeŋmaji lɛ ni yɔɔ shɔŋŋ lɛ aŋɔɔ.’ ”

Bɔfoi 20:32

“Ni agbɛnɛ lɛ, anyɛmimɛi, miitu nyɛ miiwo Nyɔŋmɔ kɛ edromɔ wiemɔ lɛ dɛŋ; lɛ eyɔɔ hewalɛ ni ekɛaahã nyɛnane amɔ shi ni ekɛ gboshinii lɛ ahã nyɛ yɛ mɛi fɛɛ ni atsuu amɛhe lɛ ateŋ.

Bɔfoi 13:2

Shi be ni amɛjaa Nuŋtsɔ lɛ ni amɛhiɔ ŋmaa lɛ, Mumɔ Krɔŋkrɔŋ lɛ kɛɛ, “Nyɛjiea Barnaba kɛ Saul nyɛhãa mi kɛhã nitsumɔ ni mitsɛ amɛ yɛ hewɔ lɛ.”

Romabii 15:19

yɛ okadii kɛ naakpɛɛnii ahewalɛ mli, yɛ Mumɔ hewalɛ mli; bɔ ni fee nɛ ni mijɛ Yerusalɛm mibɔle shi aahu kɛyashi Ilirikum ni mishiɛ Kristo Sanekpakpa lɛ migbe naa.

Romabii 15:20

Nɔ ni mikɛmã mihiɛ titri ji akɛ, he ni atsiko Kristo gbɛi tã yɛ lɛ, jɛi majaje Sanekpakpa lɛ yɛ, bɔ ni afee ni mikayatswa mɔ kroko shishitoo nɔ;

Efesobii 5:2

Ni nyɛnyiɛa yɛ suɔmɔ mli, tamɔ bɔ ni Kristo hu sumɔ wɔ ni ekɛ lɛ diɛŋtsɛ ehe hã yɛ wɔhewɔ akɛ nikeenii kɛ afɔle ni akɛhã Nyɔŋmɔ ni jeɔ ŋma krɔŋŋ lɛ.

4 Mose 7:62

Nikeenii lɛ ekomɛi hu ji shika okpolu pɛmpɛoo kome ni tsiimɔ ji shekeli nyɔŋma ni eyi obɔ̃ kɛ tsofakɛŋma