Romabii 14:6 - ŊMALƐ KRƆŊKRƆŊ LƐ

⁶ Mɔ ni buɔ gbi titri ko lɛ, Nuŋtsɔ lɛ hewɔ efeɔ. Mɔ ni yeɔ nii lɛ, Nuŋtsɔ lɛ hewɔ eyeɔ, ejaakɛ edaa Nyɔŋmɔ shi; ni mɔ ni yeee nii lɛ, Nuŋtsɔ lɛ hewɔ eyeee, ni lɛ hu edaa Nyɔŋmɔ shi.

Ṅmãle̱ Kroṅkroṅ Le̱

⁶ Moni buo̱ gbĩ le̱, Nuṅtšo̱ le̱ ebuo̱ ehãa; ni moni ebuu gbĩ le̱, Nuṅtšo̱ le̱ hũ ebuu ehãã. Moni yeo̱ nii le̱, Nuṅtšo̱ le̱ eyeo̱ ehãa, edšake̱ edaä Nyoṅmo̱ ši; ni moni yee nii le̱, Nuṅtšo̱ le̱ eyee nii ehãã, ni edaä Nyoṅmo̱ ši hũ.

Romabii 14:6 ပူးပေါင်းရင်းမြစ်များ

Mateo 15:36

Ni ekɔlɔ aboloi kpawo lɛ kɛ loi lɛ, ni eda shi, ni ekumɔ mli ni ekɛhã ekaselɔi lɛ, ni amɛ hu amɛkɛhã asafoi lɛ.

Mateo 14:19

Ni efã asafoi lɛ akɛ amɛtaratara shi yɛ jwɛi lɛ anɔ. Ni ekɔlɔ aboloi enumɔ lɛ kɛ loi enyɔ lɛ, ni ekwɛ ŋwɛi ni ejɔɔ nɔ; ni ekumɔ aboloi lɛ amli ni ekɛhã ekaselɔi lɛ ni ekaselɔi lɛ hu kɛhã asafoi lɛ.

Galatabii 4:10

Nyɛyeɔ gbii kɛ nyɔji kɛ bei kɛ afii ahe gbɛjianɔ ni ato lɛ nɔ.

Yohane 6:28

Kɛkɛ ni amɛbi lɛ akɛ, “Te wɔfee tɛŋŋ ni wɔtsu Nyɔŋmɔ nitsumɔi lɛ?”

Yesaia 58:5

Ani nɛkɛ ŋmaahilɛ mito lɛ? Enɛ ji ŋmaahilɛ ni gbɔmɔ kɛhumiɔ shi lɛ? Ani no ji yishimaa kɛ kpekpebumɔ kɛ lamlumlikamɔ lo? Enɛ nyɛtsɛɔ lɛ ŋmaahilɛ gbi ni sa Yehowa hiɛ lɛ?

2 Mose 16:25

Ni Mose kɛɛ maŋbii lɛ akɛ, “Nyɛyea enɛ ŋmɛnɛ ejaakɛ Yehowa hejɔɔmɔ gbi ji ŋmɛnɛ, ni no hewɔ lɛ, ŋmɛnɛ nyɛnaŋ eko yɛ ŋa lɛ nɔ nyɛkɔlɔ.

2 Mose 12:42

Ni akɛni Yehowa shi kpe nyɔɔŋnyɔɔŋ kɛjie Israelbii lɛ kɛje Ijipt hewɔ lɛ, nakai gbi lɛ nyɔɔŋ lɛ batsɔ̃ kpeshii nyɔɔŋ ehã Israelbii kɛ amɛyinɔi fɛɛ, ni amɛyeɔ lɛ akɛ Yehowa gbijurɔ.

2 Mose 12:14

Nɛkɛ gbi nɛɛ atsɔ̃ kaimɔ gbi ahã nyɛ, ni nyɛye lɛ akɛ Yehowa gbi jurɔ, ni etsɔ̃ akpɔ ehã nyɛ kɛ nyɛshwiei kɛya naanɔ.”

Zakaria 14:21

Kukwɛi fɛɛ kukwɛi ni yɔɔ Yerusalɛm kɛ Yuda fɛɛ hu baatsɔ̃ nɔ krɔŋkrɔŋ ahã Yehowa Taiatsɛ lɛ; bɔ ni afee ni mɛi fɛɛ ni baashã afɔle ahole amɛ kɛhoo afɔleshãa loo lɛ. Ni nakai gbi lɛ nɔ lɛ jarayelɔ ko jarayelɔ ko eyayeŋ jara yɛ Yehowa, Taiatsɛ lɛ we lɛ dɔŋŋ.