Romabii 14:1 - ŊMALƐ KRƆŊKRƆŊ LƐ

¹ Mɔ ni ji gbedelɔ yɛ hemɔkɛyeli mli lɛ nyɛherea lɛ atuu; shi nyɛkɛ lɛ akakojoa yɛ esusumɔi ahe.

Ṅmãle̱ Kroṅkroṅ Le̱

¹ Ši moni egbede ye̱ hemo̱-ke̱-yeli mli le̱ nyehereale̱ atū; ši nyekabua susumo̱i atẽṅ. 15,1. 1 Kor 8,9.

Romabii 14:1 ပူးပေါင်းရင်းမြစ်များ

Hiob 4:3

Naa, otsɔ̃ɔ mɛi babaoo anii kɛho, ni owo mɛi hu ni nijiaŋ eje wui hewalɛ.

Yesaia 40:11

Eeelɛ etooku lɛ tamɔ tookwɛlɔ; eeehiɛ etoobii lɛ yɛ ekpɔkɔiaŋ; Eeeloo amɛ eshãkã etsitsiŋ ni eeekpala toonyɛmɛi lɛ blɛoo.

Yesaia 42:3

Glã ni edɔ lɛ, ekuŋ, ni kane ni tsoɔ sulii lɛ, egbeŋ; eeejie jalɛ kpo anɔkwayeli mli.

Ezekiel 34:16

“Too fɛɛ too ni elaaje lɛ, matao lɛ, ni nɔ ni edu gbɛ lɛ, makpala lɛ kɛba shĩa; ni nɔ ni epila lɛ, mafi epilamɔ lɛ nɔ; ni nɔ ni egbɔjɔ lɛ mawaje lɛ. Nɔ ni ewo fɔ, kɛ nɔ ni yɔɔ hewalɛ lɛ makpãtã ehiɛ. Mikɛ amɛ baaye yɛ jalɛ naa.

Ezekiel 34:4

Toi ni egbɔjɔ lɛ, nyɛwajeee amɛ; nii ni he yeɔ lɛ, nyɛtsaaa amɛ; nii ni epila lɛ nyɛfimɔɔɔ amɛpilamɔi lɛ anɔ; nii ni edu gbɛ lɛ, nyɛyakpalaaa amɛ kɛbaaa shĩa; ni nii ni elaaje lɛ nyɛyataooo amɛ; shi moŋ nyɛkɛ nɔnyɛɛ kɛ yiwalɛ yeɔ amɛnɔ.

Zakaria 11:16

Shi naa, miitee tookwɛlɔ ko shi yɛ shikpɔŋ lɛ nɔ; lɛ lɛ, jeee ehe sane ko ji too ni miigbo lɛ. Toi ni egbɛ eshwã lɛ ebuaŋ amɛnaa. Nɔ ni epila lɛ, etsaŋ lɛ; ni toi ni yɔɔ hewalɛ lɛ lɛ ehaŋ amɛ niyenii amɛyeŋ; shi moŋ gbe eeegbe toi ni ewowoi fɔ lɛ eye, belɛ eekpɔlɔ amɛnaji ahe koklotoi lɛ eeshwie.

Mateo 12:20

Glã ni amia lɛ, ekuŋ, ni kane mli tako ni tsoɔ sulii lɛ, egbeŋ, Kɛyashi beyinɔ ni eeehã jalɛ aye kunim.

Mateo 14:31

Ni amrɔ lɛ Yesu kpã enine mli esɔo lɛ, ni ekɛɛ lɛ akɛ, “Bo ni ohemɔkɛyeli faaa, mɛni hewɔ oje ŋwane?”

Mateo 18:10

“Nyɛkwɛa jogbaŋŋ koni nyɛkabu mɛi bibii nɛɛ ateŋ mɔ ko mɔ ko akɛ ejeee mɔ ko; ejaakɛ miikɛɛ nyɛ akɛ, amɛbɔfoi ni yɔɔ ŋwɛi lɛ kwɛɔ miTsɛ ni yɔɔ ŋwɛi lɛ hiɛ daa. [

Marko 7:19

ejaakɛ jeee etsui mli eboteɔ shi emusuŋ eyaa, ni eyajeɔ kpo yɛ tiafi mli?” (Yesu kɛɛ enɛ kɛtsɔ̃ɔ akɛ ŋmaa fɛɛ ŋmaa he tse.)

Luka 17:2

Aaawa ahã lɛ fe nɔ ni akɛ teji wiɛ ŋmɔ ekuɛ ni ayashɛ lɛ afɔ̃ ŋshɔŋ kɛji mɔ ko tɔ̃tɔ̃ bibii nɛɛ ateŋ mɔ kome nane lɛ.”

Yohane 13:20

Anɔkwale mikɛɔ nyɛ akɛ, mɔ ni hereɔ mɔ ni mitsuɔ lɛ, mi nɔŋŋ ehereɔ lɛ; ni mɔ ni hereɔ mi lɛ, ehereɔ mɔ ni tsu mi lɛ.”

Bɔfoi 28:2

Jɛibii lɛ fee wɔ ejurɔ pii, ejaakɛ amɛshɛre la, ni amɛhere wɔ fɛɛ tswɛm hiɛmɛɛ yɛ nunɛmɔ babaoo kɛ fɛ̃i lɛ hewɔ.

Romabii 11:15

Ejaakɛ kɛ amɛshɛmɔkɛfɔ̃ɔ lɛ ehã Nyɔŋmɔ kɛ je lɛ ekpãtã lɛ, belɛ amɛheremɔ lɛ, ani jeee wala ni jɛ gbohii ateŋ ni?

Romabii 14:2

Mɔ ko yɛ hemɔkɛyeli ni ekɛyeɔ nɔ fɛɛ nɔ; shi mɔ ni egbede lɛ, shwie kɛkɛ eyeɔ.

Romabii 14:21

Ehi akɛ okaye loo ni asaŋ okanu wain loo nɔ ko ni aaato onyɛmi pampi.

Romabii 14:3

Mɔ ni yeɔ lɛ akagbe mɔ ni yeee lɛ he guɔ, ni mɔ ni yeee lɛ akakojo mɔ ni yeɔ lɛ; ejaakɛ Nyɔŋmɔ ehere lɛ atuu.

Romabii 15:1

Wɔ mɛi ni wɔyɔɔ hewalɛ lɛ, esa akɛ wɔkɛ mɛi ni bɛ hewalɛ lɛ agbɔjɔmɔi lɛ kpeɔ amɛ, ni wɔhe akasa wɔ diɛŋtsɛ wɔhiɛ.

Romabii 15:7

No hewɔ lɛ, nyɛhereherea nyɛhe, tamɔ bɔ ni Kristo ehere nyɛ kɛba Nyɔŋmɔ anunyam lɛ mli lɛ.

Romabii 4:19

Ni ehemɔkɛyeli lɛ gbɔjɔɔɔ, ni ejwɛŋŋ lɛ diɛŋtsɛ egbɔmɔtso gbo ni egbo momo, akɛni eye aaafee afii oha lɛ, kɛ Sara fɔ ni efɔɔɔ lɛ he;

1 Korintobii 9:22

Mitsɔ̃ tamɔ gbedelɔ mihã gbedelɔi lɛ, bɔ ni afee ni minine ashɛ gbedelɔi lɛ anɔ; mitsɔ̃ mihe nɔ fɛɛ nɔ mihã mɛi fɛɛ, koni bɔ fɛɛ bɔ ni fee lɛ mikɛhere mɛi komɛi ayiwala.

Filipibii 2:29

No hewɔ lɛ, nyɛkɛ miishɛɛ fɛɛ aherea lɛ atuu yɛ Nuŋtsɔ lɛ mli, ni nyɛbua gbɔmɛi ni tamɔ nɛkɛ akɛ mɛi ni sa woo;

1 Tesalonikabii 5:14

Ni wɔmiikpa nyɛ fai, anyɛmimɛi, nyɛwiea nyɛtsɔ̃a hejɔ̃lɔi lɛ, nyɛwoa gbeyelɔi lɛ ekãa; nyɛwaa mɛi ni yɔɔ gbedee lɛ; nyɛtoa nyɛtsui shi nyɛhãa mɛi fɛɛ.

Hebribii 5:14

Shi mɛi ni edara lɛ anɔ ji niyenii ni tsii, mɛi ni fɔ ni amɛfɔɔ feemɔ lɛ ehã amɛhenumɔnii lɛ ele ekpakpa kɛ efɔŋ teŋ srɔto.

2 Yohane 1:10

Kɛ mɔ ko ba nyɛŋɔɔ ni ehiɛɛɛ nɛkɛ tsɔ̃ɔmɔ nɛɛ lɛ, nyɛkaherea lɛ kɛbaa nyɛwe, ni nyɛkafalaa lɛ tete;