Romabii 13:4 - ŊMALƐ KRƆŊKRƆŊ LƐ

⁴ ejaakɛ Nyɔŋmɔ sɔ̃ɔlɔ ji lɛ yɛ ohewɔ, koni ahi ahã bo. Shi kɛji ofee efɔŋ lɛ, she gbeyei; ejaakɛ jeee yaka ehiɛ tsi lɛ; shi eji Nyɔŋmɔ sɔ̃ɔlɔ kɛ oweletɔlɔ ni hãa Nyɔŋmɔ mlifu baa mɔ ni tsuɔ nifɔɔjianii lɛ nɔ.

Ṅmãle̱ Kroṅkroṅ Le̱

⁴ edšake̱ *Nyoṅmo̱ súolo̱ dšile̱ ye̱ ohewo̱, koni ahĩ ahão. Ši ke̱dši ofe noni dši efõṅ le̱, še gbeyei! edšake̱ dšee yaka ehĩe tši le̱; ši edši Nyoṅmo̱ súolo̱ ni ke̱ mlifũ to̱ö̱ owele ye̱ moni tšuo̱ nifõdšianii le̱ no̱. *Lal. 82,6.

Romabii 13:4 ပူးပေါင်းရင်းမြစ်များ

1 Maŋtsɛmɛi 10:9

Yijiemɔ ahã Yehowa, oNyɔŋmɔ lɛ, mɔ ni ena ohe tsuijurɔ, ni ekɛ bo eta Israel maŋtsɛ sɛ̃i lɛ nɔ lɛ. Yehowa sumɔɔ Israel kɛmiiya naanɔ. No hewɔ ni ewo bo maŋtsɛ lɛ koni okojo ni oye jalɛ sane.”

2 Kronika 19:6

ni ekɛɛ kojolɔi nɛɛ akɛ, “Nyɛkwɛa jogbaŋŋ kɛji nyɛbuaa sane ko he, ejaakɛ jeee gbɔmɛi adɛŋ hewalɛ ahã nyɛ lɛ, shi Yehowa dɛŋ hewalɛ ni; ni eyɛ nyɛmasɛi be mli ni nyɛmiibua sane ko he.

Abe̱i 16:14

Kɛji maŋtsɛ mli fu lɛ, gbele aaanyɛ ajɛ mli aba; shi nilelɔ jɔɔ maŋtsɛ tsui he.

Abe̱i 20:2

Maŋtsɛ mlifu ni naawa lɛ etamɔ jata huumɔ; mɔ ni woɔ maŋtsɛ mlifu lɛ, ewala ŋmɛɔ lɛ.

Abe̱i 20:26

Maŋtsɛ nilelɔ shaa efɔŋfeelɔi amli, ni ekɛ shwiili nane tsɔ̃ɔ amɛnɔ kɛgbɛlɛɔ amɛ.

Abe̱i 20:8

Maŋtsɛ ni taa kojomɔ sɛi nɔ lɛ, enaa efɔŋ fɛɛ efɔŋ.

Yesaia 1:17

Nyɛkasea ekpakpafeemɔ, nyɛtaoa jalɛ sane sɛɛgbɛ; nyɛkwɛa koni akayea amim, nyɛfãa awusa he, ni nyɛwiea nyɛhãa okulafo.”

Yeremia 5:28

amɛshwishwii, ni amɛhewolo hiɛ kpɛlɛɔ; amɛyeɔ sane fɔŋ hoɔ he, ni amɛkojooo yɛ jalɛ naa amɛhãaa awusa, bɔ ni afee ni ahi ahã lɛ; amɛfãaa ohiafo gbɛnaa he amɛhãaa lɛ hu.

Ezekiel 22:27

“Emli lumɛi lɛ tamɔ klãji ni tserɛɔ milɛloo mli, amɛshwieɔ lá shi, amɛkpãtãa mɛi ahiɛ, bɔ ni afee ni amɛwo shishiumɔ ninamɔ.

Ezekiel 25:14

Mibatsɔ̃ mimaŋ Israelbii anɔ matɔ mihe owele yɛ Edom nɔ. Israelbii kɛ Edom baaye yɛ mimlifu kɛ mimlila naa. Ni amɛaale bɔ ni mitɔɔ owele mihãa.” Nuŋtsɔ Yehowa kɛɛ.

Mika 3:9

Nyɛ Yakob we onukpai, nyɛ Israel nɔyelɔi, nyɛ mɛi ni nyɛhiɔ jalɛ, ni nyɛhãa jalɛ tsɔ̃ɔ nɔ ni ejaaa, nyɛboa toi koo!

Romabii 12:19

Suɔlɔi, nyɛkatɔa nyɛ diɛŋtsɛ nyɛhe owele, shi moŋ nyɛŋmɛa Nyɔŋmɔ mlifu lɛ gbɛ; ejaakɛ aŋma akɛ, “Minɔ ji oweletɔɔ, mi mato najiaŋ, Nuŋtsɔ lɛ kɛɛ.”

Romabii 13:6

Enɛ hewɔ ni nyɛtsuɔ onia hu lɛ; ejaakɛ Nyɔŋmɔ tsuji ji amɛ, ni nɛkɛ sɔ̃ɔmɔ nɛɛ nɔŋŋ he amɛyɔɔ.

1 Tesalonikabii 4:6

Ni mɔ ko akatɔ̃ enyɛmi nɔ ni eye lɛ amim yɛ sane nɛɛ mli, ejaakɛ enɛɛmɛi fɛɛ ahe oweletɔlɔ ji Nuŋtsɔ lɛ, tamɔ bɔ ni wɔkɛɛ nyɛ wɔto ni wɔye he odase lɛ.

Yoshua 20:5

Kɛji mɛi ni taoɔ owele atɔ lɛ tiu gbɔmɔgbelɔ lɛ kɛba maŋ lɛ mli lɛ, onukpai lɛ kɛ gbɔmɔgbelɔ ni ebaba abo lɛ akahã oweletɔlɔ lɛ ejaakɛ jeee gbɛ eje egbe enaanyo lɛ, ni asaŋ enyɛɛɛ lɛ etooo.

Yoshua 20:9

Ahala maji nɛɛ ato ahã Israelbii fɛɛ kɛ gbɔi hu ni ebato amɛ lɛ akɛ abobaa maji koni mɔ fɛɛ mɔ ni aaagbe mɔ ko ni jeee gbɛ eje lɛ, ajo foi kɛya eko mli eyaba abo, koni mɔ ni taoɔ lá he owele atɔ lɛ nine akashɛ mɔ ni egbe gbɔmɔ lɛ nɔ; asaŋ koni gbɔmɔgbelɔ nɛɛ ahi abobaahe lɛ kɛyashi beyinɔ ni aaatsɛ lɛ onukpai lɛ ahiɛ ni aaabote esane lɛ mli.

1 Petro 2:14

lumɛi ni etsu yɛ efɔŋfeelɔi anɔ oweletɔɔ hewɔ kɛ ekpakpafeelɔi ayijiemɔ hewɔ lɛ jio.