Romabii 13:12 - ŊMALƐ KRƆŊKRƆŊ LƐ

¹² Nyɔɔŋ lɛ eho etã, ni jetsɛremɔ ebɛŋkɛ; no hewɔ lɛ, nyɛhãa wɔjiea duŋ mli nitsumɔi lɛ wɔshwiea, ni wɔwo la tawuunii lɛ.

Ṅmãle̱ Kroṅkroṅ Le̱

¹² Nyōṅ le̱ eho etã, *ni dšetše̱remo̱ ebe̱ṅke̱: nohewo̱ le̱ †nyehãa wo̱dšiea duṅ mli nitšumo̱i le̱ woſiea, ni wo̱wo la tawūnii le̱. *1 Ioh. 2,8. †Ef. 5,11.

Romabii 13:12 ပူးပေါင်းရင်းမြစ်များ

Salomo Lalai 2:17

Kuu osɛɛ, misuɔlɔ, tamɔ soŋai loo ofrote oblanyo, yɛ Beta gɔji lɛ anɔ, ni oba dani je atsɛre, ni duŋ alaaje.

Yesaia 2:20

Nakai gbi lɛ gbɔmɛi baasherɛ amɛshika amãgãi kɛ jwiɛtɛi amãgãi ni amɛfee amɛhã amɛhe ni amɛjaa lɛ amɛshwie amɛhã obishii kɛ aputupatai.

Yesaia 30:22

Kɛkɛ lɛ nyɛaabule nyɛmãgãi ni ashwie he jwiɛtɛi kɛ amãgãi ni ashwie he shika lɛ hu. Nyɛaashɛrɛ amɛ nyɛshwie tamɔ nibii ni ahe tseee; nyɛaakɛɛ akɛ, “Aloo amɛ ashwie kɛje wɔhiɛ.”

Romabii 13:14

shi moŋ nyɛwoa Nuŋtsɔ Yesu Kristo tamɔ dama, ni nyɛkahãa heloo lɛ nɔ jwɛŋmɔ lɛ miitsɔ̃ heloo lɛ sɛɛdii.

1 Korintobii 10:11

Shi enɛɛmɛi fɛɛ ba amɛnɔ ni akɛto okadi ahã wɔ, ni aŋma ni akɛbɔ wɔ kɔkɔ, wɔ mɛi ni je lɛ naagbee bei lɛ enina wɔ lɛ.

1 Korintobii 7:29

Shi, anyɛmimɛi, nɔ ni mikɛɔ ji akɛ, be lɛ faaa dɔŋŋ; nɔ ni eshwɛ ji akɛ, mɛi ni yɔɔ ŋamɛi tete afee amɛhe tamɔ mɛi ni bɛ eko; ni mɛi ni foɔ lɛ hu afee amɛhe tamɔ mɛi ni fooo;

2 Korintobii 10:4

Ejaakɛ wɔtawuunii lɛ jeee heloo mli nii ni, shi moŋ, yɛ Nyɔŋmɔ hiɛ lɛ, hewalɛnii ni akɛkumɔɔ mɔji ni yɔɔ hewalɛ ni,

2 Korintobii 6:7

Nyɔŋmɔ hewalɛ naa lɛ wɔwieɔ anɔkwale. Ni wɔwoɔ jalɛ tawuunii yɛ ninejurɔ kɛ abɛku fɛɛ.

Efesobii 4:22

akɛ nyɛshɛ nɔ ni ji gbɔmɔ momo yɛ nyɛsa jeŋba lɛ naa gbɔmɔ ni efite yɛ shishiumɔ sɛɛdii lɛ anaa lɛ nyɛfɔ̃.

Efesobii 5:11

ni nyɛkatsua duŋ nitsumɔi ni wooo yibii lɛ eko, shi nyɛjiea amɛ shi.

Efesobii 5:8

Ejaakɛ sa lɛ duŋ ji nyɛ, shi agbɛnɛ lɛ nyɛtsɔ̃mɔ la yɛ Nuŋtsɔ lɛ mli; nyɛnyiɛa tamɔ la bii.

Hebribii 10:25

Ni wɔkakwa wɔhe naabuamɔ, tamɔ bɔ ni mɛi komɛi fɔɔ feemɔ lɛ, shi moŋ wɔwowoo wɔhe ŋaa, ni titri lɛ akɛni nyɛmiina akɛ Gbi lɛ miibɛŋkɛ nɛɛ.

Hebribii 12:1

No hewɔ lɛ, agbɛnɛ wɔ hu, akɛni wɔyɔɔ odasefoi babaoo ni ebɔle wɔ tamɔ atatu nɛɛ, nyɛhãa wɔshɛa jatsu fɛɛ jatsu kɛ esha ni ebɔle wɔ kpula lɛ wɔfɔ̃a. Ni wɔkɛ hiɛmiamɔ ada foi ni kã wɔhiɛ lɛ.

Yakobo 1:21

No hewɔ lɛ, nyɛshɛrɛa nyaŋemɔ nitsumɔ kɛ efɔŋ ni afeɔ kɛtekeɔ nɔ fɛɛ nyɛshwiea, ni nyɛkɛ heshibaa aherea wiemɔ lɛ ni atɛo yɛ nyɛmli ni yɔɔ hewalɛ ni ekɛaahere nyɛsusumai ayiwala lɛ.

Yakobo 5:8

Nyɛ hu nyɛŋmɛa nyɛtsui shi, ni nyɛnaa hiɛnɔkãmɔ ni nyɛdamɔa shi shiŋŋ, ejaakɛ Nuŋtsɔ lɛ baa be lɛ eshɛ etã.

1 Petro 2:1

No hewɔ lɛ, nyɛshɛrɛa efɔŋ fɛɛ kɛ kutumpɔo fɛɛ kɛ shishiumɔ kɛ osato kɛ hetsɛ̃ kɛ mɔhewiemɔ fɛɛ nyɛshwiea.

1 Petro 4:7

Shi nibii fɛɛ anaagbee lɛ eshɛ etã. Hewɔ lɛ nyɛjwɛŋmɔ mli atsea ni nyɛhiɛ akãa shi ahãa sɔlemɔi.

2 Petro 3:11

Agbɛnɛ, akɛni nɛkɛ nibii nɛɛ fɛɛ baafite hewɔ lɛ, mɛɛ gbɔmɛi sa akɛ nyɛtsɔ̃mɔ yɛ jeŋba krɔŋkrɔŋ kɛ Nyɔŋmɔ gbeyeishemɔ mli?

2 Petro 3:9

Jeee tsɛ Nuŋtsɔ lɛ hãa eshiwoo lɛ sɛɛ tsɛɔ, tamɔ bɔ ni mɛi komɛi susuɔ akɛ esɛɛ etsɛ lɛ, shi moŋ etsui shi etoɔ ehãa wɔ, ejaakɛ esumɔ̃ɔɔ akɛ mɛi komɛi alaaje, shi moŋ akɛ mɛi fɛɛ atsake amɛtsui.

1 Yohane 2:18

Gbekɛbii, naagbee ŋmɛlɛtswaa lɛ nɛ; ni bɔ ni nyɛnu akɛ Kristo henyɛlɔ lɛ miiba lɛ, Kristo henyɛlɔi lɛ pii eba amrɔ nɛɛ, hewɔ lɛ wɔle akɛ naagbee ŋmɛlɛtswaa lɛ nɛ.

Kpojiemɔ 1:3

Ajɔɔ mɔ ni kaneɔ gbalɛ wiemɔi lɛ kɛ mɛi ni nuɔ lɛ, kɛ mɛi ni yeɔ nibii ni aŋma yɛ mli lɛ anɔ lɛ; ejaakɛ be lɛ eshɛ etã.

Kpojiemɔ 22:10

Ni ekɛɛ mi akɛ, “Kaasɔo nɛkɛ wolo nɛɛ mli gbalɛ wiemɔi lɛ anaa, ejaakɛ be lɛ ebɛŋkɛ.