Romabii 12:9 - ŊMALƐ KRƆŊKRƆŊ LƐ

⁹ Suɔmɔ lɛ osato akahi mli. Nyɛhia efɔŋ kwraa; nyɛ kpɛtɛa ekpakpa he;

Ṅmãle̱ Kroṅkroṅ Le̱

⁹ *Suomo̱ le̱ osato akahĩ mli. †Nyehĩa efõṅ kwrā; nyekpe̱te̱a ekpakpa he; *1 Tim. 1,5. †Amos 5,15.

Romabii 12:9 ပူးပေါင်းရင်းမြစ်များ

Lalai 101:3

Mikɛ nɔ ko gbonyo ko emaŋ mihiɛ. Mihiɔ mɛi fɔ̃ji anifeemɔnii; egbaleŋ mi fɔŋfɔ̃.

Lalai 119:104

Kɛtsɔ̃ omlai lɛ anɔ lɛ, minaa niiashishinumɔ; hewɔ lɛ miihi jeŋba fɔŋ fɛɛ jeŋba fɔŋ.

Lalai 119:163

Minyɛɔ, ni mihiɔ apasa; shi misumɔɔ omla lɛ.

Lalai 34:14

Wii ohe kɛje efɔŋ he, ni ofee ekpakpa. Taomɔ toiŋjɔlɛ ni onyiɛ no sɛɛ.

Lalai 36:4

Etoɔ efɔŋfeemɔ he ŋaa be ni ekã esaa nɔ; ni eyiɔ gbɛ fɔŋ nɔ; nɔ fɔŋ ko kwraa bɛ ni enyaŋeɔ.

Lalai 45:7

Osumɔɔ jalɛ saneyeli, ni onyɛɔ efɔŋfeemɔ. No hewɔ ni Nyɔŋmɔ, oNyɔŋmɔ lɛ, ehã oyi obɔ̃ kɛ miishɛɛ fe onanemɛi maŋtsɛmɛi fɛɛ lɛ.

Lalai 55:21

Enaa jɔ fe shwie, shi ebɔɔ yɛ etsui mli; ewiemɔ he jɔ fe mlɛ, shi kɛ̃lɛ klante ni naa ba ni.

Lalai 97:10

Nyɛ mɛi ni nyɛsumɔɔ Yehowa lɛ, nyɛnyɛa efɔŋ! Nuŋtsɔ lɛ baa emɛi anɔkwafoi lɛ awala yi; ehereɔ amɛyiwala kɛjeɔ mɛi fɔ̃ji adɛŋ.

Abe̱i 26:25

Kɛji eewie dɔkɔbii lɛ, kaahe lɛ oye, ejaakɛ yiŋtoi fɔ̃ji eyi etsui mli obɔ̃.

Abe̱i 8:13

Yehowa gbeyeishemɔ ji ohi nɔ fɔŋ. Hewoo kɛ hetsɔ̃ɔmɔ kɛ jeŋba fɔŋ kɛ kutumpɔo wiemɔ lɛ miihi.

Ezekiel 33:31

Ni amɛbuaa amɛhenaa kɛbaa oŋɔɔ akɛ maŋ, ni amɛbataraa ohiɛ akɛ mimaŋbii, ni amɛboɔ owiemɔ lɛ toi, shi amɛyeee nɔ. Ejaakɛ amɛsumɔɔ gbɔmɔ kɛ amɛnaabu, shi amɛkɛ amɛtsui fɔɔ amɛsɛɛnamɔ nɔ.

Mateo 26:49

Ni amrɔ lɛ eba Yesu ŋɔɔ ebakɛɛ, “Oshwiee, Rabi! Ni eshwɔ enaa.”

Yohane 12:6

Shi enɛ ni ekɛɛ nɛɛ, jeee ohiafoi lɛ ahe ni dɔɔ lɛ hewɔŋ, shi moŋ julɔ ji lɛ, ni lɛ etoɔ fotro lɛ, ni ejuɔ nɔ ni akɛwoɔ mli lɛ.

Bɔfoi 11:23

Ni be ni ebashɛ jɛi ni ebana Nyɔŋmɔ dromɔ lɛ, emii shɛ ehe, ni ewo amɛ fɛɛ ekãa akɛ amɛkɛ tsui ni fiɔ shi akpɛtɛ Nuŋtsɔ lɛ he.

2 Korintobii 6:6

ni wɔbɔɔ hetsemɔ he mɔdɛŋ kɛ nilee. Wɔŋmɛɔ wɔtsui shi; wɔmli hi. Yɛ Mumɔ Krɔŋkrɔŋ hewalɛ naa lɛ, wɔsuɔmɔ lɛ osato bɛ mli.

2 Korintobii 8:8

Miwieee yɛ nɔnyɛɛ naa, shi moŋ mɛi krokomɛi amɔdɛŋbɔɔ mikɛkaa nyɛ hu nyɛsuɔmɔ lɛ makwɛ akɛ eyɛ krɔŋŋ lo.

1 Tesalonikabii 2:3

Ejaakɛ wɔwiemɔ kɛ tsɔ̃ɔmɔ lɛ, jeee shishiumɔ loo nyaŋemɔ nitsumɔ loo kutumpɔo mli ejɛ;

1 Tesalonikabii 5:15

Nyɛkwɛa ni ahĩa koni mɔ ko kɛ efɔŋ akato efɔŋ najiaŋ, shi moŋ daa nɛɛ nyɛnyiɛa ekpakpafeemɔ sɛɛ nyɛhãhãa nyɛhe kɛ mɛi fɛɛ.

1 Tesalonikabii 5:21

Nyɛkaa nii fiaa nyɛkwɛa, ni nɔ ni hi lɛ nyɛmɔa no mli.

1 Timoteo 1:5

Shi ŋaawoo lɛ oti ji suɔmɔ ni jɛ tsui ni mli tse kɛ henilee kpakpa kɛ hemɔkɛyeli ni osato ko bɛ mli lɛ mli.

Hebribii 1:9

Osumɔɔ jalɛ, ni onyɛɔ efɔŋfeemɔ; hewɔ lɛ Nyɔŋmɔ ni ji oNyɔŋmɔ lɛ kɛ mliflimɔ mu lɛ efɔ bo fe onanemɛi lɛ.”

Hebribii 12:14

Nyɛtiua nyɛ kɛ mɛi fɛɛ ateŋ hejɔlɛ sɛɛ kɛ hetsemɔ ni kɛ mɔ ko shi ni enaŋ Nuŋtsɔ lɛ.

Yakobo 3:17

Shi nilee ni jɛ ŋwɛi lɛ, klɛŋklɛŋ lɛ ehe tse, no sɛɛ lɛ ehe jɔ, ehiɛ kã shi, eboɔ toi, eyi obɔ̃ kɛ mɔbɔnalɛ kɛ yibii kpakpai, ejieee niiaŋ, efeee osato.

1 Petro 1:22

Ni akɛni nyɛtsuu nyɛsusumai ahe yɛ anɔkwale lɛ toiboo mli nyɛhã nyɛmimɛi asuɔmɔ ni osato bɛ mli lɛ hewɔ lɛ, nyɛkɛ tsui krɔŋŋ asumɔsumɔa nyɛhe jogbaŋŋ.

1 Petro 4:8

Shi titri lɛ nyɛsuɔmɔ ni nyɛkɛsumɔsumɔɔ nyɛhe lɛ mli awa, ejaakɛ suɔmɔ haa eshai babaoo nɔ.