Romabii 12:8 - ŊMALƐ KRƆŊKRƆŊ LƐ

⁸ mɔ ni wieɔ tsɔ̃ɔ mɛi lɛ, ehiɛ wiemɔ kɛ tsɔ̃ɔmɔ lɛ mli; mɔ ni kɛ enii feɔ ejurɔ lɛ, efee kɛ tsui krɔŋŋ; mɔ ni yeɔ onukpa lɛ, ebɔ mɔdɛŋ; mɔ ni naa mɔbɔ lɛ, efee kɛ tsuijurɔ.

Ṅmãle̱ Kroṅkroṅ Le̱

⁸ moni wieo̱ tšṍo̱ mei le̱, ehĩe wiemo̱-ke̱-tšõmo̱ le̱ mli; *moni dšaä nii hã mei le̱, efe ke̱ tšui kro̱ṅṅ; moni yeo̱ onukpa le̱, ebo̱ mo̱deṅ; moni naä mo̱bo̱ le̱, efe †ke̱ tšuidšŭrõ. *Mat. 6,3. †2 Kor. 8,2; 9,7.

Romabii 12:8 ပူးပေါင်းရင်းမြစ်များ

1 Mose 18:19

ejaakɛ mile lɛ akɛ eeefã ebii kɛ ewebii ni baa yɛ esɛɛ lɛ koni amɛbo mi toi ni amɛfee nɔ ni hi kɛ nɔ ni ja koni nɔ ni mi, Yehowa, miwo shi yɛ ehe lɛ aba mli.”

Lalai 112:9

Edɛŋ kpɔɔ pam hãa ohiafoi, ejalɛ lɛ hiɔ shi kɛyaa naanɔ; aaahã ena hewalɛ, ni ehiɛ aaaba nyam.

Lalai 37:21

Gbɔmɔ fɔŋ faa shika yɛ mɔ dɛŋ, ni ewooo; shi jalɔ dɛŋ kpɔɔ, ni ehãa mɔ nɔ.

Abe̱i 22:9

Mɔ ni mli jɔ lɛ aaajɔɔ lɛ, ejaakɛ ekɛ eniyenii lɛ eko kumaa ohiafo.

Jajelɔ 11:6

Du odumɔwui leebi kɛ gbɛkɛ fɛɛ, ejaakɛ onyɛŋ ole wui lɛ ateŋ nɔ ni baahi, enɛ loo enɛ, loo kɛji fɛɛ aaahi.

Jajelɔ 9:10

Nɔ fɛɛ nɔ tsumɔ ni ooomɔ mli lɛ, tsu kɛ onyɛmɔ fɛɛ, ejaakɛ gbohiiaje he ni oyaa lɛ, nɔ ni atsɛɔ lɛ nitsumɔ loo yiŋshwiemɔ loo nilee loo jwɛŋmɔ lɛ eko bɛ jɛi.

Yesaia 32:5

Atsɛŋ kwashia akɛ ablade dɔŋŋ ni shishiulɔ hu abuŋ lɛ oje dɔŋŋ.

Yesaia 32:8

Shi mɔ ni ji ablade lɛ, efeɔ abladei anii, ni efãa nɔ kpakpa he hu.

Yesaia 64:5

Ohereɔ mɛi ni kɛ miishɛɛ feɔ jalɛnii, mɛi ni kaiɔ bɔ ni otaoɔ akɛ amɛba amɛjeŋ amɛha lɛ atuu. Omli fu wɔ, shi wɔkã he wɔfee esha lɛ lolo. Yɛ omlifu lɛ sɛɛ lɛ, wɔkã he wɔfee esha lɛ lolo.

Mateo 25:40

Ni maŋtsɛ lɛ aaahere nɔ ekɛɛ amɛ akɛ, ‘Anɔkwale mikɛɔ nyɛ akɛ, gbii abɔ kɛ̃ ni nyɛfee nyɛhã minyɛmimɛi nɛɛ ateŋ bibioo kome lɛ, mi nɔŋŋ nyɛfee nyɛhã lɛ.’

Bɔfoi 11:23

Ni be ni ebashɛ jɛi ni ebana Nyɔŋmɔ dromɔ lɛ, emii shɛ ehe, ni ewo amɛ fɛɛ ekãa akɛ amɛkɛ tsui ni fiɔ shi akpɛtɛ Nuŋtsɔ lɛ he.

Bɔfoi 13:12

Kɛkɛ lɛ, be ni amralo lɛ na nɔ ni afee lɛ, ehe eye, ni ehe jɔ̃ ehe yɛ nɔ ni atsɔ̃ɔ yɛ Nuŋtsɔ lɛ he lɛ hewɔ.

Bɔfoi 13:15

Ni be ni akane Mose Mla lɛ kɛ gbalɔi lɛ sɛɛ lɛ, kpeehe lɛ onukpai lɛ tsu abakɛɛ amɛ akɛ, “Anyɛmimɛi, kɛji nyɛyɛ hewalɛwoo wiemɔ ko kɛhã mɛi lɛ, nyɛkɛ amɛ awiea.”

Bɔfoi 15:32

Shi Yuda kɛ Sila lɛ, akɛni amɛ diɛŋtsɛ hu gbalɔi ji amɛ hewɔ lɛ, amɛwie saŋŋ kɛshɛje nyɛmimɛi lɛ amii ni amɛkɛwo amɛ hewalɛ.

Bɔfoi 20:2

Ni be ni eyatsɔ̃ jɛi niiaŋ ni ekɛ wiemɔi pii wo amɛŋaa lɛ, eba Akaia.

Bɔfoi 20:28

No hewɔ lɛ, nyɛlea nyɛhenɔkwɛmɔ kɛ toiku lɛ fɛɛ ni Mumɔ Krɔŋkrɔŋ lɛ ewo nyɛ amɛnɔkwɛlɔi lɛ, koni nyɛlɛ Nyɔŋmɔ asafo lɛ ni ekɛ lɛ diɛŋtsɛ elá he lɛ.

Bɔfoi 4:36

Ni Yose, mɔ ni bɔfoi lɛ wo lɛ Barnaba (eshishi ji: Miishɛjemɔ bi) lɛ, ni ji Levinyo ni esɛɛ jɛ Kipro lɛ,

Romabii 12:13

Nyɛhãa mɛi krɔŋkrɔŋi lɛ ahiamɔ lɛ afea nyɛ hu nyɛhiamɔ; nyɛbɔa gbɔfeemɔ he mɔdɛŋ.

Romabii 13:6

Enɛ hewɔ ni nyɛtsuɔ onia hu lɛ; ejaakɛ Nyɔŋmɔ tsuji ji amɛ, ni nɛkɛ sɔ̃ɔmɔ nɛɛ nɔŋŋ he amɛyɔɔ.

1 Korintobii 12:28

Ni klɛŋklɛŋ lɛ, Nyɔŋmɔ wo mɛi komɛi bɔfoi yɛ asafo lɛ mli, nɔ ni ji enyɔ lɛ, gbalɔi, nɔ ni ji etɛ̃ lɛ, tsɔɔlɔi, no sɛɛ lɛ, hewalɛ nitsulɔi, no sɛɛ lɛ, mɛi ni yɔɔ helaiatsamɔ he dromɔ keenii, yelikɛbualɔi, hiɛnyiɛlɔi, mɛi ni wieɔ wiemɔi srɔtoi.

1 Korintobii 14:3

Shi mɔ ni gbaa lɛ, gbɔmɛi ekɛwieɔ ni ekɛhã amɛnane amɔ shi, ni ekɛwo amɛ hewalɛ, ni ekɛshɛje amɛmii.

2 Korintobii 1:12

Shi wɔshwãa lɛ nɛ: wɔhenilee odase ni eyeɔ wɔ akɛ hetsemɔ kɛ tsui krɔŋŋ yɛ Nyɔŋmɔ hiɛ wɔkɛba wɔjeŋ yɛ je nɛɛ mli, titri lɛ yɛ wɔkɛ nyɛteŋ shihilɛ mli, ni jeee heloo gbɛfãŋ nilee naa, shi moŋ Nyɔŋmɔ dromɔ naa.

2 Korintobii 11:3

Shi miishe gbeyei akɛ aleenɔ, tamɔ bɔ ni onufu lɛ kɛ ekutumpɔo lɛ laka Hawa lɛ, nakai nɔŋŋ aaafite nyɛ hu nyɛjwɛŋmɔ ni nyɛŋmɛɛ suɔmɔ krɔŋŋ ni nyɛkɛsumɔɔ Kristo lɛ he.

2 Korintobii 8:12

Ejaakɛ kɛ tsui yɛ he lɛ, no lɛ bɔ ni mɔ ko hãa kɛjɛɔ nɔ ni eyɔɔ mli lɛ saa Nyɔŋmɔ hiɛ; jeee kɛjɛ nɔ ni ebɛ mli.

2 Korintobii 9:11

ni nyɛtsɔ̃mɔ niiatsɛmɛi yɛ nɔ fɛɛ nɔ mli, ni nyɛfee mlihilɔi kwraa, ni nyɛmlihilɛ lɛ ahã atsɔ wɔnɔ akɛ shidaa aha Nyɔŋmɔ;

2 Korintobii 9:13

Ejaakɛ odase kpakpa ni nɛkɛ sɔ̃ɔmɔ nɛɛ yeɔ lɛ hãa amɛwoɔ Nyɔŋmɔ hiɛ nyam yɛ ye ni nyɛyeɔ Kristo Sanekpakpa ni nyɛjajeɔ lɛ nɔ, kɛ mlihilɛ ni nyɛkɛyeɔ nyɛbuaa amɛ kɛ mɛi fɛɛ lɛ hewɔ,

2 Korintobii 9:7

Mɔ fɛɛ mɔ ahã bɔ ni ekpɛ mli momo yɛ etsui mli, ni ekajɛ ŋkɔmɔyeli loo nɔnyɛɛ mli, ejaakɛ tsuijurɔnaa halɔ Nyɔŋmɔ sumɔɔ.

Efesobii 6:5

Nyɛ tsuji lɛ, nyɛboa nyɛheloo gbɛfaŋ nuŋtsɔmɛi lɛ atoi kɛ gbeyeishemɔ kɛ hekpokpomɔ kɛ tsui krɔŋŋ, tamɔ akɛ nyɛmiifee nyɛhã Kristo;

5 Mose 15:14

Shi moŋ okɛ otoi lɛ kɛ obele lɛ kɛ owain lɛ eko awo lɛ gbɛ. Okwɛ jɔɔmɔ ni Yehowa, oNyɔŋmɔ lɛ, kɛjɔɔ bo lɛ nɔ koni ohã lɛ nii lɛ bɔ ni sa ni okɛwo lɛ gbɛ.

5 Mose 16:11

Nyɛmii ashɛa nyɛhe yɛ Yehowa, nyɛNyɔŋmɔ lɛ hiɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii ni yɔɔ nyɛmaji lɛ amli kɛ maŋsɛɛ gbɔi kɛ awusãi kɛ okulafoi hu ni yɔɔ nyɛteŋ lɛ. Nyɛyea gbijurɔ nɛɛ yɛ he ni Yehowa, nyɛNyɔŋmɔ lɛ, eŋɔ akɛ jɛi aja lɛ yɛ lɛ.

Kolosebii 3:22

Nyɛ tsuji lɛ, nyɛboa nyɛheloo gbɛfaŋ nuŋtsɔmɛi lɛ atoi yɛ nibii fɛɛ mli, jeee kɛ hiɛiaŋhiɛiaŋ sɔ̃ɔmɔ, tamɔ mɛi ni taoɔ gbɔmɛi ahiɛ amɛsa, shi moŋ yɛ tsui krɔŋŋ mli akɛ mɛi ni sheɔ Nuŋtsɔ lɛ gbeyei.

1 Tesalonikabii 2:3

Ejaakɛ wɔwiemɔ kɛ tsɔ̃ɔmɔ lɛ, jeee shishiumɔ loo nyaŋemɔ nitsumɔ loo kutumpɔo mli ejɛ;

1 Tesalonikabii 2:8

Ni akɛni wɔsumɔɔ nyɛ jogbaŋŋ nɛkɛ hewɔ lɛ, wɔna he tsui akɛ jeee Nyɔŋmɔ Sanekpakpa lɛ kɛkɛ wɔkɛaahã nyɛ, shi moŋ wɔ diɛŋtsɛ wɔwala tete, ejaakɛ wɔmiisumɔ nyɛ naakpa.

1 Timoteo 4:13

Okɛ ojwɛŋmɔ afɔ̃ ŋmalɛi lɛ akanemɔ kɛ asafo lɛ hamɔ kɛ ŋaawoo kɛ nitsɔɔmɔ nɔ kɛyashi beyinɔ ni maba.

1 Timoteo 5:17

Onukpai ni tsuɔ amɛnii jogbaŋŋ akɛ nɔkwɛlɔi lɛ, abu amɛ akɛ amɛsa woo toi enyɔ, titri lɛ mɛi ni tsuɔ shiɛmɔ kɛ nitsɔɔmɔ he nii waa lɛ.

1 Timoteo 6:18

Ni amɛfee ejurɔ ni amɛtsɔ̃mɔ niiatsɛmɛi yɛ nitsumɔi kpakpai amli, amɛsumɔ nihãmɔ, amɛdɛŋ akpɔ.

Hebribii 10:25

Ni wɔkakwa wɔhe naabuamɔ, tamɔ bɔ ni mɛi komɛi fɔɔ feemɔ lɛ, shi moŋ wɔwowoo wɔhe ŋaa, ni titri lɛ akɛni nyɛmiina akɛ Gbi lɛ miibɛŋkɛ nɛɛ.

Hebribii 13:17

Nyɛboa nyɛtsɔ̃ɔlɔi lɛ atoi, ni nyɛbaa nyɛhe shi nyɛhãa amɛ; ejaakɛ amɛ amɛbuɔ nyɛsusumai lɛ ahe akɛ mɛi ni baabu he akɔntaa, koni amɛkɛ miishɛɛ afee nii nɛɛ, shi jeee kɛ ŋtsɔidɔɔmɔ; ejaakɛ no ehiii hãaa nyɛ.

Hebribii 13:22

Shi, anyɛmimɛi, miikpa nyɛ fai ni nyɛmɔ wiemɔ kɛ tsɔ̃ɔmɔ nɛɛ mli, ejaakɛ wiemɔ kukuoo miŋma mimaje nyɛ nɛɛ.

Hebribii 13:24

Wɔmiibi nyɛtsɔ̃ɔlɔi lɛ fɛɛ kɛ mɛi krɔŋkrɔŋi lɛ fɛɛ tswɛm. Mɛi ni jɛ Italia lɛ miibi nyɛ.

Hebribii 13:7

Nyɛkaia nyɛtsɔ̃ɔlɔi, mɛi ni wie Nyɔŋmɔ wiemɔ lɛ tsɔ̃ɔ nyɛ lɛ; nyɛkwɛa amɛshihilɛ lɛ naagbee, ni nyɛkasea amɛhemɔkɛyeli lɛ.