Romabii 12:3 - ŊMALƐ KRƆŊKRƆŊ LƐ

³ Shi miitsɔ̃ dromɔ ni akɛduro mi lɛ nɔ miikɛɛ nyɛteŋ mɔ fɛɛ mɔ akɛ, ekabu lɛ diɛŋtsɛ ehe tuutu fe bɔ ni sa; shi moŋ ejwɛŋ kɛ hiɛshikãmɔ, mɔ fɛɛ mɔ lɛ yɛ hemɔkɛyeli bɔ ni Nyɔŋmɔ ehã lɛ lɛ naa.

Ṅmãle̱ Kroṅkroṅ Le̱

³ Ši mike̱ dromo̱ ni aṅõ-dromi le̱ mīkē̱ nyeteṅ mofẽmo ake̱, ekabu le̱dientše̱ ehe tūtu fè bo̱ni sa ake̱ ebuo̱ ehe; ši moṅ edſẽṅ hĩešikãmo̱ dſẽṅmo̱, mofẽmo le̱ take̱ bo̱ni *Nyoṅmo̱ esusu hemo̱-ke̱-yeli susumo̱ ehãle̱ le̱. *1 Kor. 12,11. Ef. 4,7.

Romabii 12:3 ပူးပေါင်းရင်းမြစ်များ

Abe̱i 25:27

Woyeli tsɔ̃ ehiii, hiɛtaomɔ tsɔ̃ hu ehiii.

Abe̱i 26:12

Hiɛnɔkãmɔ yɛ ha kwashia fe gbɔmɔ ni buɔ ehe nilelɔ yɛ lɛ diɛŋtsɛ ehiɛ.

Jajelɔ 7:16

Kaafee ohe jalɔ tuutu; asaŋ kaafee ohe nilelɔ tuutu. Mɛɛba oookpãtã bo diɛŋtsɛ ohiɛ?

Mika 6:8

Dabida! Ao Adesa, Yehowa etsɔ̃ɔ bo nɔ ni hi. Nɔ ni ebiɔ yɛ odɛ̃ŋ nɛ, akɛ ofee nɔ ni ja gbɛ, osumɔ onyɛmimɛi, okɛ oNyɔŋmɔ lɛ anyiɛ yɛ heshibaa mli.

Luka 18:11

Farisifonyo lɛ yadamɔ shi, ni esɔle nɛkɛ, ‘Nyɔŋmɔ, miida bo shi akɛ mitamɔ̃ɔɔ mɛi krokomɛi lɛ, ojotswalɔi, kutumpɔfoi, gbãlãfitelɔi, loo tamɔ nɛkɛ toohelɔ nɛɛ po;

Yohane 3:34

Ejaakɛ mɔ ni Nyɔŋmɔ tsu lɛ, Nyɔŋmɔ wiemɔi ewieɔ; ejaakɛ jeee susumɔ Nyɔŋmɔ susuɔ Mumɔ lɛ ehãa lɛ.

Romabii 1:5

Enɔ mitsɔ̃ mina dromɔ kɛ bɔfo nitsumɔ koni mihã jeŋmaji lɛ fɛɛ abo hemɔkɛyeli lɛ toi, yɛ egbɛi lɛ hewɔ.

Romabii 11:20

Ojogbaŋŋ! He ni amɛheee amɛyeee hewɔ akumɔ amɛ; ni bo lɛ, hemɔkɛyeli okɛdamɔ shi lɛ. Kaawo ohe nɔ, shi moŋ she ohe gbeyei;

Romabii 11:25

Ejaakɛ misumɔɔɔ akɛ mishiuɔ nyɛ nɛkɛ teemɔ sane nɛɛ nɔ, anyɛmimɛi, koni nyɛkabu nyɛhe oleetei, akɛ, wajemɔ awaje Israel tsui fã kɛ fã kɛyashi beyinɔ ni jeŋmaji lɛ fɛɛ aaaba mli.

Romabii 12:16

Nyɛjwɛŋjwɛŋa nyɛhe jwɛŋmɔ kome; nyɛkajwɛŋa henɔwomɔ jwɛŋmɔ, shi moŋ nyɛkɛ heshibalɔi lɛ abɔa. Nyɛkabua nyɛhe nilelɔi.

1 Korintobii 15:10

Shi Nyɔŋmɔ dromɔ naa mi ji mɔ ni mi ji nɛɛ, ni edromɔ ni eduro mi lɛ efeee yaka; shi moŋ mitsu nii waa fe amɛ fɛɛ; shi jeee mi mitsu, shi moŋ Nyɔŋmɔ dromɔ ni kɛ mi yɔɔ lɛ.

1 Korintobii 3:10

Nyɔŋmɔ dromɔ ni ekɛduro mi lɛ naa lɛ, mito shishi tamɔ tsutswalɔ ko ni hiɛ yɔɔ ŋaa, shi mɔ kroko tswaa nɔ. Shi mɔ fɛɛ mɔ akwɛ ni ahi bɔ ni etswaa nɔ ehãa lɛ.

1 Korintobii 7:17

Mɔ fɛɛ mɔ lɛ, bɔ ni Nuŋtsɔ lɛ eja nikeenii ehã lɛ, kɛ bɔ ni eyɔɔ ni Nyɔŋmɔ tsɛ lɛ lɛ, ehi shi nakai. Ni nakai mito hu yɛ asafoi lɛ fɛɛ mli.

2 Korintobii 10:13

Shi wɔ lɛ, wɔshwãŋ fe nine, shi moŋ wɔshwãa yɛ susumɔ kpãa ni Nyɔŋmɔ esusu ehã wɔ ni kɛlɛ shɛɔ nyɛ hu nyɛŋɔɔ lɛ naa.

2 Korintobii 12:13

Ejaakɛ mɛni mli nyɛkpeɔ sɛɛ yɛ fe asafoi krokomɛi lɛ, fe akɛ mi diɛŋtsɛ lɛ mikãaa nyɛnɔ? Nyɛkɛ nɛkɛ tɔ̃mɔ nɛɛ afaa mi!

2 Korintobii 12:7

Shi bɔ ni afee ni mikawo mihe nɔ tuutu ko yɛ kpojiemɔi lɛ adaramɔ ni amɛdara kɛtɛke nɔ lɛ hewɔ lɛ, ahã mi ŋmei ko yɛ miheloo mli, ni ji Satan bɔfo, koni egbala mi mai, ni mikawo mihe nɔ tuutu.

Galatabii 6:3

Ejaakɛ kɛji efeɔ mɔ ko akɛ mɔ ko ji lɛ be mli ni ejeee mɔ ko lɛ eeshishiu ehe.

Efesobii 3:2

kɛji nyɛnu akɛ Nyɔŋmɔ kɛ edromɔ ehã mi hã nyɛsɔ̃ɔmɔ lɛ,

Efesobii 3:4

Kɛji nyɛkane lɛ, nyɛaanyɛ nyɛyoo akɛ mina Kristo teemɔ sane lɛ shishi.

Efesobii 4:16

Lɛ emli gbɔmɔtso muu lɛ fɛɛ tsɔ̃ɔ talɔ fɛɛ talɔ ni ahã lɛ lɛ nɔ emɔmɔɔ ehe eshimɔshimɔɔ ehe nɔ yɛ. Ni ehe mɔɔ ehe, ni kɛ henɔ fɛɛ henɔ miitsu enii jogbaŋŋ lɛ, ehãa gbɔmɔtso lɛ daa, ni emaa ehe yɛ suɔmɔ mli.

Filipibii 2:13

ejaakɛ suɔmɔ ni aaasumɔ jio, feemɔ ni aaafee jio, Nyɔŋmɔ ji mɔ ni tsuɔ fɛɛ yɛ nyɛ mli bɔ ni lɛ etaoɔ.

Kolosebii 1:29

No he deŋme migboɔ ni mipeleɔ yɛ ehewalɛ ni tsuɔ nii kɛ hewalɛ yɛ mimli lɛ naa.

Kolosebii 2:13

Ni nyɛ ni nyɛ ji gbohii yɛ nyɛnɔtɔ̃mɔi lɛ kɛ nyɛheloofoo lɛ mli lɛ, ehã nyɛ kɛ lɛ fɛɛ wala, ni ekɛ nyɛnɔtɔ̃mɔi lɛ fɛɛ efa nyɛ.

1 Timoteo 1:14

Shi wɔNuŋtsɔ lɛ dromɔ lɛ fa hã mi aahu kɛteke nɔ, ni nɔ ni fata he kɛba ji hemɔkɛyeli kɛ suɔmɔ ni yɔɔ Kristo Yesu mli lɛ.

1 Timoteo 2:15

Shi aaahere eyiwala kɛaatsɔ̃ bifɔmɔ nɔ, kɛji ehi shi kɛ hemɔkɛyeli kɛ suɔmɔ kɛ hetsemɔ kɛ heshibaa jwɛŋmɔ.

1 Timoteo 2:9

Nakai nɔŋŋ yei hu, amɛkɛ atade ni sa kɛ hiɛ ni gboɔ nɔ kɛ heshibaa jwɛŋmɔ awula amɛhe, jeee kɛ yigbɔɔ loo shika loo adiagbai loo atade ni jara wa,

Tito 2:12

Ni etsɔseɔ wɔ koni wɔkwa she ni asheee Nyɔŋmɔ gbeyei kɛ je nɛɛŋ akɔnɔi lɛ ni wɔkɛ hiɛshikãmɔ kɛ jalɛ nifeemɔ kɛ Nyɔŋmɔ gbeyeishemɔ ahi shi yɛ je nɛɛŋ,

Tito 2:2

Hiimeji lɛ, amɛhiɛ akã shi, amɛfee mɛi ni hiɛ tsii, amɛjwɛŋmɔ akã shi, amɛfee mɛi ni yɔɔ hemɔkɛyeli kpakpa kɛ suɔmɔ kɛ hiɛmiamɔ.

Tito 2:4

Koni amɛtsɔ̃ɔ oblayei lɛ ni amɛsumɔ amɛwumɛi, amɛsumɔ amɛbii,

Tito 2:6

Oblahii hu nakai nɔŋŋ, wiemɔ otsɔ̃ɔ amɛ koni amɛjwɛŋmɔ akã shi.

Yakobo 4:6

“Shi Nyɔŋmɔ lɛ, ekuɔ hewolɔi anaa, shi eduroɔ heshibalɔi.”

1 Petro 1:13

No hewɔ lɛ, nyɛsaa nyɛjwɛŋmɔ, nyɛhiɛ akãa shi, ni nyɛkɛ nyɛhiɛ afɔa dromɔ ni akɛbaahã nyɛ yɛ Yesu Kristo kpojiemɔ mli lɛ nɔ kwraa.

1 Petro 4:11

Kɛ wiemɔ mɔ ko wieɔ lɛ, ewie lɛ akɛ Nyɔŋmɔ wiemɔi; kɛ sɔ̃ɔmɔ mɔ ko sɔ̃mɔɔ lɛ, esɔ̃mɔ akɛ hewalɛ ni Nyɔŋmɔ hãa lɛ lɛ mli ejeɔ esɔ̃mɔɔ, koni atsɔ̃ Yesu Kristo nɔ awo Nyɔŋmɔ hiɛ nyam yɛ nii fɛɛ mli; lɛ enɔ ji anunyam lɛ kɛ hewalɛ lɛ kɛyashiɔ naanɔi anaanɔ lɛ. Amen!

1 Petro 4:7

Shi nibii fɛɛ anaagbee lɛ eshɛ etã. Hewɔ lɛ nyɛjwɛŋmɔ mli atsea ni nyɛhiɛ akãa shi ahãa sɔlemɔi.

1 Petro 5:5

Nakai nɔŋŋ nyɛ oblahii kɛ oblayei, nyɛbaa nyɛhe shi nyɛhãa onukpai lɛ. Ni nyɛ fɛɛ nyɛbabaa nyɛhe shi nyɛhãa nyɛhe ni nyɛkɛ heshibaa afee mama nyɛŋmɔa nyɛhɛ, ejaakɛ ŋmalɛ lɛ kɛɛ, “Nyɔŋmɔ kuɔ hewolɔi anaa, shi eduroɔ heshibalɔi.”

1 Petro 5:8

Nyɛhiɛ akãa shi, nyɛsaraa ejaakɛ nyɛhenyɛlɔ, abonsam lɛ, nyiɛ tamɔ jata ni huɔ eetao mɔ ko emi.

3 Yohane 1:9

Miŋma wolo ko mimaje asafo lɛ, shi Diotrefe mɔ ni taoɔ amɛnɔ onukpa aye lɛ hereee wɔ.