Romabii 12:16 - ŊMALƐ KRƆŊKRƆŊ LƐ

¹⁶ Nyɛjwɛŋjwɛŋa nyɛhe jwɛŋmɔ kome; nyɛkajwɛŋa henɔwomɔ jwɛŋmɔ, shi moŋ nyɛkɛ heshibalɔi lɛ abɔa. Nyɛkabua nyɛhe nilelɔi.

Ṅmãle̱ Kroṅkroṅ Le̱

¹⁶ Nyedſẽṅa nyehewo̱ *dſẽṅmo̱ kome; nyekadſẽṅa nii wudši, ši moṅ nyeke̱ hešibalo̱i le̱ abaä nyehe ši. †Nyekabua nyehe ake̱ nilelo̱i. *15,5. †Ies. 5,21.

Romabii 12:16 ပူးပေါင်းရင်းမြစ်များ

1 Petro 3:8

Shi naagbee lɛ, nyɛ fɛɛ nyɛhiɛa jwɛŋmɔ kome, nyɛnanaa nyɛhãa nyɛhe, nyɛsumɔsumɔa nyɛhe akɛ nyɛmimɛi, nyɛmli ashãa nyɛ ahãa nyɛhe, nyɛjwɛŋa heshibaa jwɛŋmɔ.

Abe̱i 3:7

Kaabu ohe nilelɔ; she Yehowa gbeyei, ni owi ohe kɛje efɔŋ he.

Hebribii 13:5

Shikasuɔmɔ akaba nyɛjeŋba mli; ni nyɛmii ashɛ nii ni nyɛyɔɔ lɛ he; ejaakɛ Nyɔŋmɔ diɛŋtsɛ ekɛɛ, “Mishiŋ bo ni misaa mikwaŋ bo gbi ko gbi ko.”

Yesaia 5:21

Kpoo hã mɛi ni buɔ amɛhe nilelɔi kɛ mɛi ni tsɛɔ amɛhe hiɛtɛ̃lɔi lɛ!

Romabii 15:5

Ni Nyɔŋmɔ ni hãa wɔnyɛɔ wɔhiɛ wɔmĩaa ni eshɛjeɔ wɔmii lɛ ahã nyɛna jwɛŋmɔ kome yɛ nyɛteŋ tamɔ Kristo Yesu,

Romabii 12:3

Shi miitsɔ̃ dromɔ ni akɛduro mi lɛ nɔ miikɛɛ nyɛteŋ mɔ fɛɛ mɔ akɛ, ekabu lɛ diɛŋtsɛ ehe tuutu fe bɔ ni sa; shi moŋ ejwɛŋ kɛ hiɛshikãmɔ, mɔ fɛɛ mɔ lɛ yɛ hemɔkɛyeli bɔ ni Nyɔŋmɔ ehã lɛ lɛ naa.

1 Korintobii 3:18

Mɔ ko akalaka lɛ diɛŋtsɛ ehe. Kɛji mɔ ko susuɔ akɛ nilelɔ ji lɛ yɛ nyɛteŋ yɛ je nɛɛ mli lɛ, efee ehe kwashia, koni etsɔ̃ nilelɔ.

2 Korintobii 13:11

Naagbee lɛ, anyɛmimɛi, nyɛmii ashɛa, nyɛyea emuu, nyɛshɛjea nyɛhe mii, nyɛjwɛŋmɔ afea ekome, nyɛhĩa shi yɛ hejɔlɛ mli, ni suɔmɔ kɛ hejɔlɛ Nyɔŋmɔ lɛ kɛ nyɛ aaahi shi.

Romabii 11:25

Ejaakɛ misumɔɔɔ akɛ mishiuɔ nyɛ nɛkɛ teemɔ sane nɛɛ nɔ, anyɛmimɛi, koni nyɛkabu nyɛhe oleetei, akɛ, wajemɔ awaje Israel tsui fã kɛ fã kɛyashi beyinɔ ni jeŋmaji lɛ fɛɛ aaaba mli.

Luka 14:13

Shi kɛ oŋmɛ okplɔ̃ lɛ, kpeemɔ ohiafoi kɛ kpajelɔi kɛ akpaketsɛmɛi kɛ shwilafoi moŋ,

Abe̱i 26:12

Hiɛnɔkãmɔ yɛ ha kwashia fe gbɔmɔ ni buɔ ehe nilelɔ yɛ lɛ diɛŋtsɛ ehiɛ.

1 Korintobii 8:2

Kɛ mɔ ko susuɔ akɛ ele nɔ ko lɛ, eleko bɔ ni sa akɛ ele lolo.

1 Korintobii 6:5

Miikɛɛ enɛ ni mikɛwo nyɛ hiɛgbele. Aso nilelɔ kome flo bɛ nyɛteŋ, mɔ ni aaanyɛ enyɛmimɛi ateŋ ekojo?

Yeremia 45:5

Ani bo lɛ nibii wuji otaoɔ ohã ohe nɛɛ? Kaadi nomɛi asɛɛ, ejaakɛ mibahã sane fɔŋ aye gbɔmɛi adesai fɛɛ. Shi bo lɛ mibaŋɔ owala make bo tamɔ ta mli juromɔ nii yɛ he fɛɛ he ni oootee. Mi Yehowa mikɛɛ.”

Filipibii 4:2

Miikpa Euodia fai, ni miikpa Sintike fai, akɛ amɛjwɛŋmɔ afee ekome yɛ Nuŋtsɔ lɛ mli.

1 Korintobii 4:10

Wɔ lɛ, kwashiai ji wɔ yɛ Kristo hewɔ, shi nyɛ lɛ, nilelɔi ji nyɛ yɛ Kristo mli; wɔ lɛ, gbɔjɔlɔi ji wɔ, shi nyɛ lɛ hewalɔi ji nyɛ; nyɛ nyɛhiɛ yɔɔ nyam, shi wɔ lɛ, wɔhiɛ bɛ nyam.

Luka 6:20

Ni ehole ehiŋmɛi anɔ ekwɛ ekaselɔi lɛ ni ekɛɛ, “Ajɔɔ nyɛ ohiafoi lɛ; ejaakɛ nyɛnɔ ji Nyɔŋmɔ Maŋtsɛyeli lɛ.

Mateo 26:11

Ejaakɛ ohiafoi lɛ, nyɛkɛ amɛ yɛ daa, shi mi lɛ, jeee daa mikɛ nyɛ aaahi shi.

Mateo 11:5

shwilafoi miina nii, ni obubuafoi miinyiɛ; kpitiyelɔi ahe miitse, ni toimulɔi miinu nii, gbohii miite shi, ni ohiafoi lɛ aajaje sane kpakpa lɛ aatsɔ̃ɔ amɛ.

1 Petro 5:3

asaŋ jeee akɛ mɛi ni yeɔ mɛi ni akɛhã nyɛ nɔkwɛmɔ lɛ anɔ akɛ nuŋtsɔmɛi, shi moŋ mɛi ni feɔ amɛhe nɔkwɛmɔnɔ amɛhãa toiku lɛ.

Filipibii 3:16

Shi nɔ ni wɔkɛba wɔjeŋ kɛbashi he ni wɔshɛ nɛɛ, wɔya nɔ wɔkɛ no nɔŋŋ aba wɔjeŋ.

Filipibii 1:27

Nɔ kome kɛkɛ ji akɛ, nyɛbaa nyɛjeŋ bɔ ni sa Kristo Sanekpakpa lɛ, koni kɛ miba mibana nyɛ jio, mikɛ nyɛ bɛ jio, manu nyɛhe akɛ nyɛdamɔ shi yɛ mumɔ kome mli, ni nyɛkɛ jwɛŋmɔ kome miipele Sanekpakpa lɛ hemɔkɛyeli lɛ he,

1 Korintobii 1:10

Shi, anyɛmimɛi, miikpa nyɛ fai yɛ wɔNuŋtsɔ Yesu Kristo gbɛi mli, akɛ nyɛnaabu afee ekome ni mligbalamɔi akaba nyɛteŋ, shi moŋ nyɛ fɛɛ nyɛhiɛa jwɛŋmɔ kome kɛ susumɔ kome.

Bɔfoi 4:32

Shi mɛi babaoo lɛ ni heɔ yeɔ lɛ fɛɛ hiɛ tsui koome kɛ susuma koome, ni amɛteŋ mɔ ko mɔ ko tsɛɛɛ enii ni eyɔɔ lɛ amli eko akɛ lɛ diɛŋtsɛ enɔ, shi eyɛ hã amɛ fɛɛ.

Yeremia 32:39

Mahã amɛna jwɛŋmɔ koome kɛ jeŋba koome, bɔ ni afee ni amɛshe mi gbeyei kɛya naanɔ, bɔ ni afee ni ahi ahã amɛ kɛ amɛbii ni baa yɛ amɛsɛɛ lɛ.

Abe̱i 19:22

Anɔkwayeli ataoɔ yɛ gbɔmɔ dɛŋ; ni ohiafo hi fe amalelɔ.

Abe̱i 19:17

Mɔ ni naa ohiafo mɔbɔ lɛ, ekɛ miifa Yehowa; ni ejurɔ ni efee lɛ, Yehowa aaato lɛ najiaŋ kɛteke nɔ.

Abe̱i 19:7

Ohiafo nyɛmimɛi tete nyɛɔ lɛ; enyiɛ nɔŋŋ ni enanemɛi tsiŋ amɛhe kɛyaŋ sɛɛ flɛŋŋ? Enyiɛɔ amɛsɛɛ kɛ wiemɔ, shi amɛfooo mli.

Hiob 36:5

Naa, Nyɔŋmɔ je agbo, ni enyaŋeee mɔ ko mɔ ko; eniiashishinumɔ naa wa jogbaŋŋ.

2 Kronika 30:12

Nyɔŋmɔ nine kã Yudabii lɛ ahe, ni ehã amɛ fɛɛ amɛna jwɛŋmɔ kome kɛfee ekome, ni amɛye maŋtsɛ lɛ kɛ maŋ onukpai lɛ agbɛjianɔtoi lɛ anɔ, ni amɛkɛfee Nyɔŋmɔ suɔmɔnaanii.

3 Yohane 1:9

Miŋma wolo ko mimaje asafo lɛ, shi Diotrefe mɔ ni taoɔ amɛnɔ onukpa aye lɛ hereee wɔ.

Romabii 6:2

Dabida! Wɔ ni esha gbɛfaŋ lɛ wɔtamɔ mɛi ni egboi lɛ, te aaafee tɛŋŋ ni wɔhiɛ aaakãmɔ yɛ emli loloŋ?

Abe̱i 17:5

Mɔ ni yeɔ ohiafo he fɛo lɛ, eebɔ Nyɔŋmɔ ni bɔ ohiafo lɛ ahora; ni mɔ ni naa miishɛɛ yɛ mɔ ko amanehulu he lɛ, eyeŋ ehe.

Abe̱i 26:5

Kwɛmɔ kwashia sanebimɔ ni oha lɛ hetoo, koni ekabu ehe nilelɔ.

Romabii 11:20

Ojogbaŋŋ! He ni amɛheee amɛyeee hewɔ akumɔ amɛ; ni bo lɛ, hemɔkɛyeli okɛdamɔ shi lɛ. Kaawo ohe nɔ, shi moŋ she ohe gbeyei;