Romabii 12:12 - ŊMALƐ KRƆŊKRƆŊ LƐ

¹² Nyɛnyãa yɛ hiɛnɔkãmɔ mli; nyɛmiaa nyɛhiɛ yɛ amanehulu mli; nyɛhiɛa sɔlemɔ mli daa.

Ṅmãle̱ Kroṅkroṅ Le̱

¹² Nyenyã́a ye̱ hĩeno̱kãmo̱ mli; nyemĩaä nyehĩe ye̱ amanehũlũ mli; *nyehĩea so̱lemo̱ mli dā. *1 Tes. 5,17.

Romabii 12:12 ပူးပေါင်းရင်းမြစ်များ

Lalai 109:4

Be ni miisumɔ amɛ ni miisɔle miihã amɛ lɛ, amɛ lɛ amɛmiinyɛ mi moŋ.

Lalai 37:7

Feemɔ dioo yɛ Yehowa hiɛ, ni oto otsui shi omɛ lɛ. Kaawo otsui he la yɛ mɔ ni egbɛ eja ehã lɛ lɛ hewɔ. Kaawo otsui he la yɛ mɔ ni toɔ ŋaai fɔ̃ji ni etsuɔ amɛhenii hu lɛ hewɔ.

Lalai 40:1

Mikɛ tsuishitoo kwɛ Yehowa gbɛ; eba etoi shi, ni enu mibolɔmɔ lɛ.

Lalai 62:8

Nyɛ maŋbii, nyɛkɛ nyɛhiɛ afɔ̃a Nyɔŋmɔ nɔ be fɛɛ be; nyɛfɔsea nyɛtsuiiaŋ saji fɛɛ nyɛshwiea ehiɛ; ejaakɛ Nyɔŋmɔ ji wɔbobaahe.

Abe̱i 10:28

Jalɔi ahiɛnɔkãmɔ lɛ baafee miishɛɛ; shi mɛi fɔ̃ji agbɛkwɛmɔ lɛ baafee yaka.

Abe̱i 14:32

Mɔ fɔŋ lɛ, enifɔjianii lɛ nɔŋŋ butuɔ lɛ; shi jalɔ lɛ, ejalɛ ji ebobaahe.

Mateo 5:12

nyɛnyaa ni nyɛmli afilia nyɛ ejaakɛ nyɛnyɔmɔwo fa yɛ ŋwɛi; shi nakai amɛwa gbalɔi ni tsɔ̃ nyɛhiɛ lɛ ayi.”

Luka 10:20

Kɛ̃lɛ nyɛkanaa enɛ he miishɛɛ, akɛ mumɔi lɛ baa amɛhe shi amɛhãa nyɛ lɛ; shi moŋ nyɛnaa miishɛɛ akɛ aŋma nyɛgbɛi yɛ ŋwɛi.”

Luka 21:19

Hiɛmiamɔ nyɛkɛaahere nyɛsusumai lɛ.”

Luka 8:15

Shi shikpɔŋ kpakpa nɔ bii lɛ ji mɛi ni kɛji amɛnu wiemɔ lɛ amɛkɛtoɔ tsui ni hi ni yɔɔ krɔŋŋ mli, ni amɛkɛ tsuishiŋmɛɛ woɔ yibii.”

Bɔfoi 1:14

Mɛnɛɛmɛi fɛɛ kɛ yei lɛ kɛ Yesu nyɛ Maria kɛ enyɛmimɛi hii lɛ kɛ jwɛŋmɔ kome hiɛ sɔlemɔ mli waa.

Bɔfoi 12:5

Be mli ni atsi Petro naa yɛ tsu lɛ mli fɛɛ lɛ, asafo lɛ hiɛ sɔlemɔ mli kɛ lɛ hãmɔ waa diɛŋtsɛ yɛ Nyɔŋmɔ hiɛ.

Bɔfoi 2:42

Ni amɛhiɛ bɔfoi lɛ atsɔ̃ɔmɔ lɛ kɛ naanyobɔɔ lɛ kɛ abolookuumɔ lɛ kɛ sɔlemɔi lɛ amli.

Bɔfoi 6:4

shi wɔ lɛ wɔɔhiɛ sɔlemɔ kɛ wiemɔ lɛ he sɔ̃ɔmɔ lɛ mli.”

Romabii 15:13

Shi Nyɔŋmɔ ni ji wɔhiɛnɔkãmɔ lɛ kɛ miishɛɛ kɛ hejɔlɛ fɛɛ awo nyɛ obɔ̃bɔ̃ɔbɔ̃ yɛ hemɔkɛyeli mli, koni nyɛna hiɛnɔkãmɔ ni ateke nɔ yɛ Mumɔ Krɔŋkrɔŋ hewalɛ mli.

Romabii 15:4

Ejaakɛ nibii abɔ ni aŋma ato momo lɛ, aŋma ni etsɔ̃ɔ wɔ nii, koni wɔkɛ hiɛmiamɔ kɛ ŋmalɛi lɛ amli miishɛjemɔ lɛ ana hiɛnɔkãmɔ.

Romabii 2:7

mɛi ni kɛ tsuishiŋmɛɛ hiɛɔ ekpakpafeemɔ mli ni amɛtaoɔ anunyam kɛ woo kɛ shihilɛ ni fiteŋ lɛ, eeehã amɛ naanɔ wala;

Romabii 8:25

Shi kɛ nɔ ni wɔnaaa lɛ nɔ wɔhiɛ kã lɛ, belɛ wɔkɛ tsuishiŋmɛɛ kwɛɔ lɛ gbɛ.

1 Korintobii 13:13

Shi agbɛnɛ hemɔkɛyeli, hiɛnɔkãmɔ, suɔmɔ, nɛkɛ nibii etɛ̃ nɛɛ, hiɔ shi; shi suɔmɔ ji amɛteŋ nɔ ni fe fɛɛ.

2 Korintobii 12:8

Enɛ hewɔ lɛ, mikpa Nuŋtsɔ lɛ fai shii etɛ̃ sɔŋŋ koni eje minɔ;

Filipibii 3:1

Naagbee lɛ, minyɛmimɛi, nyɛmii ashɛa yɛ Nuŋtsɔ lɛ mli! Akɛ maŋma nyɛ nɛkɛ nii nɛɛ nɔŋŋ lɛ, efeee mi ahuntoo, ni ehãa nyɛfeɔ shweshweeshwe.

Filipibii 4:4

Nyɛmii ashɛa yɛ Nuŋtsɔ lɛ mli daa! Miikɛɛ ekoŋŋ! Nyɛmii ashɛa!

Kolosebii 1:11

ni awaje nyɛ kɛ hewalɛ fɛɛ yɛ enunyam nyɛmɔ lɛ naa. No ahã nyɛnyɛ nyɛmia nyɛhiɛ ni nyɛto nyɛtsui shi kɛ miishɛɛ yɛ nɔ fɛɛ nɔ mli.

Kolosebii 1:27

Ni Nyɔŋmɔ sumɔ akɛ ahã amɛle nɔ ni ji nɛkɛ teemɔ sane nɛɛ anunyam falɛ lɛ yɛ jeŋmaji lɛ ateŋ. Teemɔ sane nɛɛ ji akɛ Kristo yɛ nyɛmli koni nyɛna anunyam lɛ hiɛnɔkãmɔ lɛ.

Kolosebii 4:12

Epafra ni jɛ nyɛteŋ ni ji Kristo tsulɔ ni daa nɛɛ ekɛ mɔdɛŋbɔɔ hiɛ sɔlemɔi amli waa kɛhã nyɛ, koni nyɛdamɔ shi akɛ mɛi ni eye emuu ni amɛyimɔ obɔ̃bɔ̃ kɛ Nyɔŋmɔ suɔmɔnaanii fɛɛ feemɔ lɛ, miibi nyɛ.

Kolosebii 4:2

Nyɛhiɛa sɔlemɔ mli, ni nyɛshia kpe yɛ mli kɛ shidaa.

1 Tesalonikabii 1:3

Ni wɔkaiɔ nyɛhemɔkɛyeli nitsumɔ lɛ kɛ nyɛsuɔmɔ mɔdɛŋbɔɔ lɛ kɛ nyɛhiɛ ni kã wɔNuŋtsɔ Yesu Kristo nɔ lɛ mli hiɛmiamɔ lɛ yɛ Nyɔŋmɔ ni ji wɔTsɛ lɛ hiɛ.

1 Tesalonikabii 5:8

Shi wɔ lɛ, akɛni shwanebii ji wɔ hewɔ lɛ, nyɛhãa wɔhiɛ akãa shi ni wɔwo hemɔkɛyeli kɛ suɔmɔ dama lɛ ni wɔbumɔ dade fai ni ji yiwalaheremɔ hiɛnɔkãmɔ lɛ.

2 Tesalonikabii 1:4

No hewɔ lɛ, wɔdiɛŋtsɛ tete wɔshwãa wɔfɔ̃ɔ nyɛnɔ yɛ Nyɔŋmɔ asafoi lɛ amli, yɛ nyɛhiɛmiamɔ kɛ nyɛhemɔkɛyeli ni nyɛhiɛ yɛ nyɛyiwalɛi kɛ nyɛmanehului ni nyɛnaa lɛ amli lɛ hewɔ.

2 Tesalonikabii 3:5

Nuŋtsɔ lɛ akudɔ nyɛtsuii kɛya Nyɔŋmɔ suɔmɔ kɛ Kristo tsuishiŋmɛɛ lɛ mli.

1 Timoteo 6:11

Shi bo lɛ, Ao Nyɔŋmɔ gbɔmɔ, joo nibii nɛɛ anaa foi, ni onyiɛ jalɛ, Nyɔŋmɔjamɔ, hemɔkɛyeli, suɔmɔ, hiɛmiamɔ, kɛ kpoofeemɔ sɛɛ.

2 Timoteo 3:10

Shi bo lɛ, ole mitsɔ̃ɔmɔ, mijeŋba, miyiŋtoo, mihemɔkɛyeli, mitsuishitoo, misuɔmɔ, mihiɛmiamɔ,

Tito 2:13

be mli ni wɔmiikwɛ jɔɔmɔ ni wɔhiɛ kã nɔ kɛ wɔNyɔŋmɔ kpeteŋkple kɛ wɔyiwalaherelɔ Yesu Krito anunyam lɛ puemɔ lɛ gbɛ lɛ.

Tito 3:7

koni ahã wɔtsɔ̃mɔ niyelɔi yɛ naanɔ wala lɛ gbɛfaŋ yɛ hiɛnɔkãmɔ naa, akɛni abu wɔ bem yɛ lɛ nɔŋŋ edromɔ naa lɛ.

Hebribii 10:32

Shi nyɛkaia be ni eho lɛ, be ni la etso yɛ nyɛnɔ lɛ, bɔ ni nyɛmia nyɛhiɛ yɛ amanehulu ta babaoo mli.

Hebribii 10:36

Ejaakɛ tsuishitoo he ehĩa nyɛ, koni, be ni nyɛfee Nyɔŋmɔ suɔmɔnaanii lɛ, nyɛnine ashɛ shiwoo lɛ nɔ.

Hebribii 12:1

No hewɔ lɛ, agbɛnɛ wɔ hu, akɛni wɔyɔɔ odasefoi babaoo ni ebɔle wɔ tamɔ atatu nɛɛ, nyɛhãa wɔshɛa jatsu fɛɛ jatsu kɛ esha ni ebɔle wɔ kpula lɛ wɔfɔ̃a. Ni wɔkɛ hiɛmiamɔ ada foi ni kã wɔhiɛ lɛ.

Hebribii 3:6

Shi Kristo lɛ, eye anɔkwa akɛ Bi yɛ lɛ diɛŋtsɛ ewe; lɛ ewe ji wɔ, kɛji wɔhiɛ nɔhiɛkãmɔ mli ekãa kɛ shwãa lɛ mli kpɛŋŋ kɛyashi naagbee lɛ.

Hebribii 5:7

Kristo lɛ, be ni eyɔɔ shikpɔŋ nɛɛ nɔ lɛ ekɛ blɔmɔ ni naa wa kɛ yaafonui ŋɔ sɔlemɔi kɛ faikpamɔi ehã mɔ ni baanyɛ eyiwala ahere kɛjɛ gbele mli lɛ, tamɔ afɔle, ni eNyɔŋmɔ gbeyeishemɔ hewɔ lɛ abo lɛ toi.

Hebribii 6:12

koni nyɛkafee kpɔkee, shi moŋ nyɛkɔ mɛi ni tsɔ̃ɔ hemɔkɛyeli kɛ tsuishitoo nɔ naa shiwoi lɛ anane.

Hebribii 6:15

Ni akɛni Abraham to etsui shi hewɔ lɛ, enine shɛ shiwoo lɛ nɔ.

Yakobo 5:7

No hewɔ lɛ, anyɛmimɛi, nyɛŋmɛa nyɛtsui shi kɛyashia Nuŋtsɔ lɛ baa be lɛ. Naa, okwaafonyo lɛ mɛɔ shikpɔŋ nɔ nibaanii ni jara wa lɛ, ni eŋmɛɔ etsui shi yɛ he kɛyashiɔ beyinɔ ni enaa Agbiɛnaa kɛ Gbo nunɛmɔ lɛ.

1 Petro 4:13

shi moŋ bɔbɔ ni nyɛnaa Kristo amanehului lɛ eko lɛ, nakai nyɛmii ashɛa, koni enunyam kpojiemɔ lɛ mli hu nyɛmii ashɛ ni nyɛmli afili nyɛ.

1 Petro 4:7

Shi nibii fɛɛ anaagbee lɛ eshɛ etã. Hewɔ lɛ nyɛjwɛŋmɔ mli atsea ni nyɛhiɛ akãa shi ahãa sɔlemɔi.

2 Petro 1:6

nyɛkɛ henɔyeli afataa nilee lɛ he; nyɛkɛ hiɛmiamɔ afataa henɔyeli lɛ he; nyɛkɛ Nyɔŋmɔ gbeyeishemɔ afataa hiɛmiamɔ lɛ he;

Kpojiemɔ 13:10

Kɛji ato akɛ aŋɔ mɔ ko nom lɛ, aaaŋɔ lɛ nom; ni kɛ ato akɛ akɛ klante agbe mɔ ko lɛ, klante akɛaagbe lɛ. Biɛ wɔnaa krɔŋkrɔŋbii lɛ ahiɛmiamɔ lɛ kɛ amɛhemɔkɛyeli lɛ yɛ.