Romabii 12:1 - ŊMALƐ KRƆŊKRƆŊ LƐ

¹ No hewɔ lɛ, anyɛmimɛi, mikɛ Nyɔŋmɔ mlitsɔlɛ miikpa nyɛ fai akɛ nyɛŋɔ nyɛgbɔmɔtsei lɛ nyɛdamɔ shi akɛ afɔle ni hiɛ kã ni he tse ni sa Nyɔŋmɔ hiɛ; enɛ ji jamɔ ni sa.

Ṅmãle̱ Kroṅkroṅ Le̱

¹ Nohewo̱ le̱, anyemimei, mike̱ Nyoṅmo̱ mlitšõle̱i mīkpanye fai, ake̱ nyeṅõ *nyegbomotšei le̱ nyedamo̱ ši ake̱ afo̱le ní hĩe kã ní he tše ní sa Nyoṅmo̱ hĩe ní nyedšámo̱ le̱ afe mumo̱ṅ dšámo̱. *6,13. 1 Pet. 2,5.

Romabii 12:1 ပူးပေါင်းရင်းမြစ်များ

Lalai 116:12

Mɛni maŋɔ to Yehowa najiaŋ, yɛ ejuji fɛɛ ni efee mi lɛ hewɔ?

Lalai 19:14

Yehowa, hã midaaŋ wiemɔ kɛ mitsuiŋ susumɔi asa ohiɛ; bo mitɛsaa kɛ mikpɔlɔ lɛ!

Yesaia 56:7

amɛ ji mɛi ni mikɛaaba Zion, ni ji migɔŋ krɔŋkrɔŋ lɛ nɔ, ni maha amɛnya yɛ miSɔlemɔ we lɛ. Amɛshãa afɔlei lɛ kɛ amɛfɔlei krokomɛi lɛ aaasa mihiɛ yɛ mifɔleshãa latɛ lɛ nɔ. Ejaakɛ aaatsɛ miwe lɛ akɛ gbɔmɛi fɛɛ aSɔlemɔ we.

Yeremia 6:20

Mɛni mifeɔ krɔbɔo ni jɛ Sheba, kɛ maŋsɛɛ shɔŋŋ sinamon ni jeɔ ŋma he? Shãa afɔlei ni nyɛshãa nyɛhãa mi lɛ, miheee; nyɛkooloo afɔlei lɛ hu esaa mihiɛ.

Hosea 14:2

Nyɛkpalea kɛyaa Yehowa ŋɔɔ, nyɛyakpaa lɛ fai kɛ wiemɔi nɛɛ akɛ, “Kɛ efɔŋ ni wɔfee lɛ afa koni omɔ wɔfaikpamɔ nɛɛ mli, ni wɔɔkafo bo.

4 Mose 7:21

tsina oblanyo kome kɛ too ojwɛni kome kɛ too gwantɛŋ binuu kome ni eye afi ni akɛ amɛ baashã shãa afɔle,

Luka 7:47

No hewɔ lɛ, miikɛɛ bo akɛ, ehe eshai ni fa lɛ, akɛfa lɛ, ni no hewɔ esuɔmɔ fa babaoo lɛ; shi mɔ ni akɛ fioo efa lɛ lɛ, esuɔmɔ fioo.”

Romabii 12:2

Ni nyɛkabaa nyɛjeŋ tamɔ jeŋbii, shi moŋ nyɛkɛ nyɛjwɛŋmɔ ni etsɔ̃ ehee lɛ afea nyɛhe gbɔmɛi hei, koni nyɛyoo nii ni ji Nyɔŋmɔ suɔmɔnaanii kpakpai ni sa ehiɛ jogbaŋŋ ni hi kɛwula shi lɛ.

Romabii 15:16

koni mitsɔ̃ Yesu Kristo sɔ̃ɔlɔ mihã jeŋmaji lɛ, ni mitsu Nyɔŋmɔ Sanekpakpa lɛ he nii akɛ osɔfo, ni jeŋmaji lɛ atsɔ̃mɔ afɔle ni sa ehiɛ jogbaŋŋ ni atsuu he yɛ Mumɔ Krɔŋkrɔŋ mli.

Romabii 15:30

Shi miikpa nyɛ fai, anyɛmimɛi, yɛ wɔNuŋtsɔ Yesu Kristo hewɔ kɛ Mumɔ lɛ suɔmɔ lɛ hewɔ, akɛ nyɛfata mihe kɛpele yɛ nyɛsɔlemɔi ni nyɛsɔleɔ nyɛhãa mi yɛ Nyɔŋmɔ hiɛ lɛ amli,

Romabii 2:4

Aloo obuuu emlihilɛ kɛ eyishiŋmɛɛ kɛ etsuishitoo babaoo lɛ, ni oleee akɛ Nyɔŋmɔ mlihilɛ lɛ gbɛ etsɔ̃ɔ bo kɛya tsuitsakemɔ mli?

Romabii 6:13

ni asaŋ nyɛkɛ nyɛhenii lɛ akahãa esha akɛ esha lɛ tawuunii; shi moŋ nyɛkɛ nyɛhe ahãa Nyɔŋmɔ akɛ mɛi ni hiɛ etsɛ̃ kɛjɛ gbohii ateŋ, ni nyɛkɛ nyɛhenii lɛ afea jalɛ tawuunii nyɛhãa Nyɔŋmɔ.

Romabii 6:16

Ani nyɛleee akɛ, mɔ ni nyɛkɛ nyɛhe feɔ tsuji nyɛhãa ni nyɛboɔ lɛ toi lɛ, nakai gbɔmɔ lɛ ni nyɛboɔ lɛ toi lɛ tsuji ji nyɛ; esha ni kɛ mɔ yaa gbele mli lɛ tsuji jio, aloo toiboo ni kɛ mɔ yaa jalɛ mli lɛ tsuji jio?

Romabii 6:19

Miiwie akɛ gbɔmɔ yɛ nyɛgbedemɔ ni jɛ gbɔmɔfɔmɔ su mli lɛ hewɔ. Tamɔ bɔ ni nyɛkɛ nyɛhenii lɛ fee tsuji nyɛhã nyaŋemɔ nii kɛ mlatɔ̃mɔ koni nyɛkɛtɔ̃ Mla lɛ, nakai nɔŋŋ kɛ̃ agbɛnɛ nyɛkɛ nyɛhenii lɛ afea jalɛ tsuji ahãa krɔŋkrɔŋfeemɔ.

Romabii 9:23

bɔ ni afee ni ehã ale enunyam falɛ lɛ hu yɛ emɔbɔnalɛ nii ni esaa eto ehã anunyam lɛ anɔ lɛ, mɛni obaakɛɛ?

1 Korintobii 1:10

Shi, anyɛmimɛi, miikpa nyɛ fai yɛ wɔNuŋtsɔ Yesu Kristo gbɛi mli, akɛ nyɛnaabu afee ekome ni mligbalamɔi akaba nyɛteŋ, shi moŋ nyɛ fɛɛ nyɛhiɛa jwɛŋmɔ kome kɛ susumɔ kome.

2 Korintobii 10:1

Shi mi Paulo diɛŋtsɛ miikpa nyɛ fai yɛ Kristo hejɔlɛ kɛ kpoofeemɔ lɛ hewɔ, mi ni akɛɛ kɛ miyɛ nyɛhiɛ lɛ mifeɔ mihe humi yɛ nyɛteŋ, shi kɛ mibɛ nyɛŋɔɔ lɛ, mijeɔ ekãa miwoɔ nyɛ lɛ.

2 Korintobii 4:1

No hewɔ lɛ, akɛni akɛ sɔ̃ɔmɔ nɛɛ ehã wɔ yɛ Nyɔŋmɔ mɔbɔnalɛ naa lɛ, wɔnijiaŋ ejeee wui,

2 Korintobii 4:16

No hewɔ ni wɔtsui efãaa lɛ, shi moŋ kɛ wɔkponɔgbɛ gbɔmɔ lɛ fiteɔ kwraa tete lɛ, kɛ̃lɛ wɔmli gbɔmɔ lɛ tsɔ̃ɔ ehee gbi fɛɛ gbi.

2 Korintobii 5:20

No hewɔ lɛ, wɔji bɔfoi yɛ Kristo najiaŋ, tamɔ akɛ Nyɔŋmɔ etsɔ̃ wɔnɔ eewie eetsɔ̃ɔ mɛi: wɔdamɔ Kristo najiaŋ wɔmiikpa nyɛ fai akɛ, nyɛhãa akpãtã nyɛ kɛ Nyɔŋmɔ teŋ!

2 Korintobii 6:1

Shi akɛni Nyɔŋmɔ hefatalɔi ji wɔ yɛ enitsumɔ lɛ mli lɛ, wɔmiikpa nyɛ fai ni nyɛkahã Nyɔŋmɔ dromɔ ni nyɛnine eshɛ nɔ lɛ fee yaka.

Efesobii 4:1

No hewɔ lɛ, mi ni mi ji gboklɛfonyo yɛ Nuŋtsɔ lɛ mli lɛ, miikpa nyɛ fai akɛ nyɛnyiɛ bɔ ni sa tsɛmɔ ni akɛtsɛ nyɛ lɛ.

Efesobii 5:10

Nyɛkaa nyɛkwɛa ni nyɛna nɔ ni sa Nuŋtsɔ lɛ hiɛ;

5 Mose 14:2

Ejaakɛ Yehowa je gbɛ eŋɔ nyɛ yɛ shikpɔŋ lɛ nɔ maji fɛɛ ateŋ ehã ehe akɛ lɛ diɛŋtsɛ emaŋ.

Filipibii 1:20

Migbɛkwɛmɔ kɛ hiɛnɔkãmɔ kɛkɛ ji akɛ mihiɛ akagbo yɛ nɔ ko nɔ ko mli, shi moŋ, bɔ ni afeɔ daa lɛ, nakai agbɛnɛ hu akɛ ekãa fɛɛ aaawo Kristo hiɛ nyam yɛ migbɔmɔtso mli, yɛ wala mli jio, gbele mli jio.

Filipibii 2:17

Shi kɛji afɔse milá ashwie nyɛhemɔkɛyeli ni akɛhãa Nyɔŋmɔ akɛ afɔle lɛ nɔ tete lɛ, miyɛ he tsuijurɔ, ni mikɛ nyɛ fɛɛ aaana tsuijurɔ;

Filipibii 4:18

Shi mina nii fɛɛ ni eteke nɔ; ni akɛni minine eshɛ nii ni nyɛkɛmaje Epafrodito kɛbahã mi lɛ nɔ nɛɛ, mina nɔ fɛɛ nɔ ni mitaoɔ; eji ŋmajee kpakpa kɛ afɔle kɛ ŋɔɔmɔ ni sa Nyɔŋmɔ hiɛ.

1 Tesalonikabii 4:1

Naagbee lɛ, anyɛmimɛi, nyɛkase yɛ wɔŋɔɔ bɔ ni sa akɛ nyɛba nyɛjeŋ ni esa Nyɔŋmɔ hiɛ. Nyɛmiifee nakai, shi wɔmiikpa nyɛ fai ni wɔmiiwo nyɛ ŋaa yɛ Nuŋtsɔ Yesu mli akɛ nyɛfee ni ateke nɔ fe tsutsu lɛ.

1 Tesalonikabii 4:10

ejaakɛ nyɛfeɔ nakai hu nyɛhãa nyɛmimɛi fɛɛ ni yɔɔ Makedonia muu lɛ fɛɛ lɛ. Shi wɔmiikpa nyɛ fai, anyɛmimɛi, akɛ nyɛfee kɛteke nɔ fe tsutsu lɛ.

1 Tesalonikabii 5:12

Shi, anyɛmimɛi, wɔmiikpa nyɛ fai akɛ nyɛle mɛi ni tsuɔ nii yɛ nyɛteŋ ni amɛyeɔ nyɛnɔ onukpa yɛ Nuŋtsɔ lɛ mli ni amɛwieɔ amɛtsɔ̃ɔ nyɛ lɛ.

1 Timoteo 2:3

Ejaakɛ enɛ hi ni esa Nyɔŋmɔ ni ji wɔyiwalaherelɔ lɛ hiɛ.

1 Timoteo 5:4

Shi kɛ yoo okulafo ko yɛ bii loo nabii lɛ, amɛkase Nyɔŋmɔ gbeyeishemɔ yɛ amɛ diɛŋtsɛ amɛshĩa tsutsu, ni amɛto amɛfɔlɔi lɛ anajiaŋ pɛpɛɛpɛ; ejaakɛ enɛ sa Nyɔŋmɔ hiɛ.

Filemon 1:10

Miikpa bo fai yɛ mibi ni mifɔ yɛ Kristo mli yɛ mikpãi lɛ amli ni ji Onesimo lɛ hewɔ,

Filemon 1:9

shi kɛ̃lɛ suɔmɔ hewɔ lɛ fai moŋ mikpaa bo, mi Paulo ni mi ji nuumo ni amrɔ nɛɛ mi ji Yesu Kristo gboklɛfonyo hu lɛ.

Hebribii 13:22

Shi, anyɛmimɛi, miikpa nyɛ fai ni nyɛmɔ wiemɔ kɛ tsɔ̃ɔmɔ nɛɛ mli, ejaakɛ wiemɔ kukuoo miŋma mimaje nyɛ nɛɛ.

1 Petro 2:20

Ejaakɛ kɛ tɔ̃ nyɛtɔ̃ ni ayi nyɛ ni nyɛmia nyɛhiɛ yɛ mli lɛ, mɛɛ anunyam yɔɔ mli? Shi kɛ nyɛfee ekpakpa ni nyɛna he amanehulu ni nyɛmia nyɛhiɛ lɛ, no ji nɔ ni sa Nyɔŋmɔ hiɛ.

1 Petro 2:5

Ni nyɛ hu nyɛhãa atswaa nyɛ akɛ tɛi ni hiɛ kãmɔ afea mumɔŋ tsu ni afee nyɛ osɔfoi aweku krɔŋkrɔŋ, koni akɛshã mumɔŋ afɔlei ni sa Nyɔŋmɔ hiɛ yɛ Yesu Kristo hewɔ.