Romabii 11:14 - ŊMALƐ KRƆŊKRƆŊ LƐ

¹⁴ akɛ aleenɔ mikɛaahã mijakubii lɛ aye awuŋã, ni mahere amɛteŋ mɛi komɛi ayiwala lo.

Ṅmãle̱ Kroṅkroṅ Le̱

¹⁴ ake̱ aleenō mike̱-ahã midšakubii le̱ aye awuṅã, ni *mahere ame̱teṅ meikomei ayiwala lo. *1 Tim. 4,16.

Romabii 11:14 ပူးပေါင်းရင်းမြစ်များ

1 Mose 29:14

ni Laban kɛɛ lɛ akɛ, “Asonɔkwa, mi diɛŋtsɛ mila ji bo!” Yakob kɛ lɛ hi shi nyɔŋ kome.

2 Samuel 19:12

Mɛɛba ni nyɛ ni ji minyɛmimɛi ni mi kɛ nyɛ laŋmɔ kpãa kome lɛ, nyɛ moŋ nyɛkpe sɛɛ yɛ mikpalamɔ kɛbaa mli nɛɛ?”

Romabii 10:19

Shi miibi hu akɛ, “Aso le Israel leee?” Mose etsɔ̃ hiɛ ekɛɛ akɛ, “Mahã nyɛye maŋ ni jeee maŋ ko he awuŋã, ni mikɛ maŋ ko ni leee nɔ ko aaawo nyɛ mlila.”

Romabii 11:11

Agbɛnɛ miibi akɛ, “Belɛ amɛtɛrɛ koni amɛgbee shi?” Dabida! Shi moŋ atsɔ̃ amɛshigbeemɔ lɛ nɔ ahere jeŋmaji lɛ ayi wala, koni Israel aye awuŋã.

Romabii 9:3

Ejaakɛ mina ni kulɛ ajie mi yɛ Kristo he akɛ musumɔ yɛ minyɛmimɛi ni ji miwekumɛi yɛ heloo gbɛfaŋ lɛ ahewɔ.

1 Korintobii 1:21

Shi akɛni yɛ Nyɔŋmɔ nilee naa lɛ je lɛ nyɛɛɛ etsɔ̃ lɛ diɛŋtsɛ enilee nɔ kɛle Nyɔŋmɔ lɛ, esa Nyɔŋmɔ hiɛ akɛ ekɛ kwashiai asane lɛ ni ashiɛɔ lɛ ahere mɛi ni heɔ yeɔ lɛ ayiwala.

1 Korintobii 10:33

tamɔ bɔ nɔŋŋ ni mi hu misumɔɔ akɛ nibii fɛɛ mli lɛ masa mɛi fɛɛ hiɛ, ni mitaooo nɔ ni hi hã mi diɛŋtsɛ, shi moŋ nɔ ni hi hã mɛi pii koni ahere amɛyiwala lɛ.

1 Korintobii 7:16

Shi, bo yoo, bo obaahere owu lɛ yiwala jio, ole? Aloo bo nuu, bo hu obaahere oŋa lɛ yiwala jio, ole?

1 Timoteo 1:15

Eji anɔkwa wiemɔ ni sa akɛ amɔ mli kwraa, akɛ Kristo Yesu ba je nɛɛŋ eba eshafeelɔi ayiwalaheremɔ, mɛi ateŋ ni mi mi ji oti lɛ;

1 Timoteo 2:4

Esumɔɔ akɛ ehere gbɔmɛi fɛɛ ayiwala, koni amɛshɛ anɔkwale lɛ lee mli.

1 Timoteo 4:16

Ohiɛ ahi ohe nɔ, ohiɛ ahi tsɔ̃ɔmɔ lɛ nɔ, hii shi yɛ nii nɛɛ amli; ejaakɛ kɛji ofee enɛ lɛ, ooohere bo diɛŋtsɛ kɛ mɛi ni boɔ bo toi lɛ fɛɛ ayiwala.

2 Timoteo 1:9

Lɛ ehere wɔyiwala ni ekɛ tsɛmɔ krɔŋkrɔŋ tsɛ wɔ, jeee wɔnitsumɔi anaa, shi moŋ yɛ lɛ diɛŋtsɛ eyiŋtoo kɛ edromɔ naa, nɔ ni ekɛ hã wɔ yɛ Kristo Yesu mli dani aje be shishi,

2 Timoteo 2:10

Enɛ hewɔ lɛ, mimiaa mihiɛ yɛ saji fɛɛ amli yɛ mɛi ni ahala amɛ lɛ ahewɔ, koni amɛ hu amɛnine ashɛ yiwalaheremɔ ni yɔɔ Kristo Yesu mli lɛ kɛ naanɔ anunyam lɛ nɔ.

Tito 3:5

jeee jalɛ nitsumɔi ni wɔ diɛŋtsɛ wɔtsu naa, shi moŋ lɛ diɛŋtsɛ emɔbɔnalɛ naa etsɔ̃ eheefɔmɔ hejuu kɛ Mumɔ Krɔŋkrɔŋ eheefeemɔ lɛ nɔ ehere wɔyiwala.

Filemon 1:12

miwo lɛ gbɛ kɛmiiba oŋɔɔ, lɛ ni ji mitsui lɛ.

Hebribii 1:14

Ani amɛ fɛɛ lɛ, jeee mumɔ bɔfoi ni sɔ̃mɔɔ ji amɛ, ni atsuɔ amɛ ni amɛbasɔ̃mɔ mɛi ni nine baashɛ yiwalaheremɔ lɛ nɔ akɛ amɛgboshinii lɛ?

Hebribii 2:3

te wɔ lɛ wɔbaafee tɛŋŋ wɔjo nyɔmɔwoo naa foi hu, kɛji wɔbuuu nɛkɛ yiwalaheremɔ kpeteŋkple nɛɛ lɛ? Nuŋtsɔ lɛ tsutsu wie he, ni mɛi ni nu lɛ hu ma nɔ mí amɛhã wɔ,

Yakobo 5:20

ele akɛ mɔ ni kpaleɔ eshafeelɔ kɛjɛɔ egbɛduu mli lɛ eehere gbɛdulɔ lɛ susuma yiwala kɛjɛ gbele mli, ni eeha eshai pii anɔ.