Romabii 10:2 - ŊMALƐ KRƆŊKRƆŊ LƐ

² Ejaakɛ miiye amɛhe odase akɛ amɛhiɛ dɔɔ yɛ Nyɔŋmɔ he moŋ, shi jeee nilee naa.

Ṅmãle̱ Kroṅkroṅ Le̱

² Edšake̱ miye ame̱he odase ake̱ ame̱hĩe do̱o̱ ye̱ Nyoṅmo̱ he moṅ, ši dšee nilē nā.

Romabii 10:2 ပူးပေါင်းရင်းမြစ်များ

2 Maŋtsɛmɛi 10:16

Yehu kɛɛ lɛ akɛ, “Hã ni wɔtee koni oyakwɛ bɔ ni miyeɔ Yehowa he awuŋã mihãa.” Kɛkɛ ni Yehu hã eta eshwiili lɛ mli.

Lalai 14:4

Ani nɔfɔŋfeelɔi lɛ amɛleee nii? Mɛi ni yeɔ mimaŋbii tamɔ ayeɔ kɔmi, ni amɛsɔleee amɛtsɛɛɛ Yehowa lɛ, amɛbɛ jwɛŋmɔ!

Abe̱i 19:2

Shwe ni ashweɔ nɔ ko ni nilee bɛ mli lɛ ehiii; ni mɔ ni nyiɛɔ kplakpla lɛ eduɔ gbɛ.

Yesaia 27:1

Nakai gbi lɛ nɔ lɛ, Yehowa kɛ klante agbo ni naa ba ni wa hu baabamɔ Leviatan, onufu lɔgɔligi lɛ, ni eeegbe ogboole ni yɔɔ ŋshɔ lɛ mli lɛ.

Yohane 16:2

Amɛaashwie nyɛ kɛaajɛ kpeehei lɛ. Ni be baaba tete, ni mɔ fɛɛ mɔ ni gbeɔ nyɛ lɛ aaasusu akɛ ekɛmiija Nyɔŋmɔ.

Bɔfoi 21:20

Shi be ni amɛnu lɛ, amɛwo Nyɔŋmɔ hiɛ nyam, ni amɛkɛɛ lɛ akɛ, “Anyɛmi, kwɛmɔ Yudafoi akpei abɔ ni ehe eye nɛɛ, ni amɛ fɛɛ lɛ, Mla lɛ he hiɛdɔlɔi ji amɛ.

Bɔfoi 21:28

ni amɛbolɔ akɛ, “Ataamɛi Israelbii, nyɛbafataa wɔhe! Naa nuu lɛ ni wieɔ maŋ nɛɛ kɛ Mla lɛ kɛ biɛ nɛɛ he efɔŋ etsɔ̃ɔ mɛi fɛɛ yɛ he fɛɛ he lɛ; ni esaa ekɛ Helabii eba Sɔlemɔ we lɛ ekɛbabule He Krɔŋkrɔŋ nɛɛ hu.”

Bɔfoi 22:22

Ni amɛbo lɛ toi kɛbashi nɛkɛ wiemɔ nɛɛ nɔ, ni amɛwo amɛgbee nɔ amɛkɛɛ, “Akɛ nɛkɛ gbɔmɔ aje shikpɔŋ lɛ nɔ! Ejaakɛ esaaa akɛ ehiɔ jeŋ.”

Bɔfoi 22:3

“Yudanyo ji mi, ni afɔ mi yɛ Tarso yɛ Kilikia moŋ, shi maŋ nɛɛ mli alɛ mi yɛ, ni Gamaliel naji anaa atsɔse mi yɛ, yɛ wɔtsɛmɛi lɛ amla lɛ naa fitsofitso, ni mihiɛ dɔɔ Nyɔŋmɔ sane he, tamɔ bɔ ni nyɛ fɛɛ nyɛfeɔ ŋmɛnɛ nɛɛ;

Romabii 10:1

Anyɛmimɛi, nɔ ni mitsui shweɔ kɛ fai ni mikpaa Nyɔŋmɔ mihãa Israel ji akɛ ahere amɛyiwala.

Romabii 10:3

Ejaakɛ amɛleee Nyɔŋmɔ jalɛ lɛ, shi amɛ diɛŋtsɛ amɛjalɛ moŋ amɛtaoɔ amɛkɛma shi, hewɔ lɛ amɛbaaa amɛhe shi amɛhãaa Nyɔŋmɔ jalɛ lɛ.

2 Korintobii 4:4

amɛ ji mɛi amli ni je nɛɛ mli nyɔŋmɔ lɛ eshwila mɛi ni heee yeee lɛ ajwɛŋmɔi lɛ yɛ, koni Kristo ni ji Nyɔŋmɔ subaŋ lɛ anunyam Sanekpakpa la lɛ akakpɛ miihã amɛ.

2 Korintobii 4:6

ejaakɛ Nyɔŋmɔ ni kɛɛ akɛ la ajɛ duŋ mli akpɛ lɛ, lɛ nɔŋŋ ekpɛ yɛ wɔtsuii amli hu, koni Nyɔŋmɔ anunyam he nilee la lɛ akpɛ yɛ Yesu Kristo hiɛ.

2 Korintobii 8:3

ejaakɛ miiye odase akɛ amɛhã bɔ ni amɛaanyɛ, ni amɛhã fe bɔ ni amɛaanyɛ tete yɛ amɛ diɛŋtsɛ amɛsuɔmɔ naa,

Galatabii 1:14

ni mitee hiɛ yɛ Yudafoi ajamɔ lɛ mli fe mitipɛŋfoi pii yɛ mijakubii ateŋ, ni mihiɛ dɔ naakpa yɛ wɔtsɛmɛi ablema tsɔ̃ɔmɔi ni akɛhã wɔ lɛ he.

Galatabii 4:15

Agbɛnɛ nɛgbɛ nyɛmiishɛɛ lɛ yɔɔ? Ejaakɛ miiye nyɛhe odase akɛ ehiɔ feemɔ jikulɛ nyɛfamɔ nyɛhiŋmɛii tete nyɛhã mi.

Filipibii 1:9

Ni enɛ he fai mikpaa, akɛ nyɛsuɔmɔ lɛ afa kɛya nɔ, ni eteke nɔ yɛ nilee kɛ sɛɛyoomɔ fɛɛ gbɛfaŋ

Filipibii 3:6

ni jamɔ he hiɛdɔɔ gbɛfaŋ lɛ asafo lɛ yiwalɔ ji mi, ni yɛ jalɛ ni Mla lɛ taoɔ gbɛfaŋ lɛ mihe bɛ shwamɔ ko.

Kolosebii 4:13

Ejaakɛ miiye ehe odase akɛ ebɔɔ mɔdɛŋ naakpa yɛ nyɛ kɛ mɛi ni yɔɔ Laodikea kɛ mɛi ni yɔɔ Hierapoli lɛ ahe.