Romabii 10:18 - ŊMALƐ KRƆŊKRƆŊ LƐ

¹⁸ Shi miibi akɛ, “Aso nu amɛnuuu?” Anɔkwale mli lɛ amɛnu, tamɔ bɔ ni ŋmalɛ lɛ kɛɔ akɛ, “Amɛgbee ejije kɛtee shikpɔŋ muu lɛ fɛɛ nɔ. Ni amɛwiemɔi lɛ eshɛ jeŋ naagbeehei lɛ.”

Ṅmãle̱ Kroṅkroṅ Le̱

¹⁸ Ši mīkē̱ ake̱: Aso nu ame̱nuu? Le̱le̱ṅ ake̱ *ame̱gbē edšidše ke̱-te šikpoṅ mū le̱ fẽ no̱, ni ame̱wiemo̱i le̱ eše̱ dšeṅ nāgbēhei le̱. *Lal. 19,5.

Romabii 10:18 ပူးပေါင်းရင်းမြစ်များ

1 Maŋtsɛmɛi 18:10

Mina Yehowa, oNyɔŋmɔ lɛ, akɛ maŋ ko maŋ ko loo nɔyelihe ko nɔyelihe ko kwraa bɛ jeŋ ni minuŋtsɔ tsuko kɛyako jɛi akɛ ayatao bo ahã lɛ. Kɛji he ko bii kɛ wiemɔ ba akɛ, ‘Ebɛ biɛ lɛ,’ ehãa nakai maŋtsɛyeli loo maŋ lɛ kãa lɛ kitã akɛ amɛnako bo lɛɛlɛŋ.

Lalai 19:4

shi kɛ̃lɛ nɔ ni amɛwieɔ lɛ kpeleɔ jeŋ fɛɛ, ni anuɔ yɛ he fɛɛ he. Nyɔŋmɔ eshi buu yɛ ŋwɛi ehã hulu, ni hulu fãa kɛjeɔ kpo,

Lalai 22:27

Jeŋ koji kpawo lɛ aaakai, ni amɛaakpale kɛaaba Yehowa ŋɔɔ; ni majimaji lɛ amli akutsei lɛ fɛɛ aaakula shi amɛja lɛ.

Lalai 98:3

Ekai esuɔmɔ ni tsakeee lɛ kɛ enɔkwayeli ni eyɔɔ hã Israel we lɛ. Je lɛ naagbeehei fɛɛ ena kunim ni wɔNyɔŋmɔ lɛ ye lɛ.

Yesaia 24:16

Wɔmiinu yijiemɔ kɛ Jalɔ Koome lɛ hiɛ nyamwoo lalai kɛmiijɛ shikpɔŋ lɛ naagbeehei fɛɛ. Shi mi lɛ mikɛɛ akɛ, “Miitã loo! Miitã loo! Kpoo ha mi, ejaakɛ kutumpɔfoi miiye mihe kutumpɔo! Kutumpɔfoi miiye mihe kutumpɔo waa diɛŋtsɛ!

Yesaia 49:6

Ekɛɛ, “Efaaa akɛ ooofee mitsulɔ ni otee Israel akutsei lɛ ashi, ni okɛ Israelbii ni abaa amɛyi lɛ aku sɛɛ kɛba amɛjaku shikpɔŋ nɔ kɛkɛ; shi moŋ miiŋɔ bo mafee jeŋ majimaji lɛ ala, koni midɛŋ yiwalaheremɔ lɛ ayashɛ je lɛ naagbeehe.”

Yesaia 52:10

Yehowa ejie ehewalɛ krɔŋkrɔŋ lɛ kpo etsɔ̃ɔ majimaji lɛ fɛɛ, ni jeŋ muu lɛ fɛɛ aaana wɔNyɔŋmɔ lɛ dɛŋ yiwalaheremɔ lɛ.

Yeremia 16:19

“Yehowa, bo ji mihewalɛ kɛ mimɔɔ ni wa kɛ mibobaahe yɛ fimɔ be mli. Bo oŋɔɔ maji aaajɛ je lɛ naagbeehei aba, ni amɛaakɛɛ akɛ, Wɔtsɛmɛi lɛ ebanaaa gboshinii ko akɛ ja lakamɔ kɛ yaka nibii ni ahe bɛ sɛɛnamɔ ko.

Mateo 24:14

Ni aaashiɛ maŋtsɛyeli lɛ he sane kpakpa nɛɛ atsɔ̃ɔ yɛ je lɛ mli fɛɛ, ni akɛye jeŋmaji lɛ fɛɛ odase; ni no dani naagbee lɛ aaaba.”

Mateo 26:13

Anɔkwale mikɛɔ nyɛ akɛ, he fɛɛ he ni aajaje sane kpakpa nɛɛ yɛ, yɛ jeŋ fɛɛ lɛ, aaagba nɔ ni yoo nɛɛ fee nɛɛ hu akɛkai lɛ.”

Mateo 28:19

No hewɔ lɛ, nyɛyaa ni nyɛyafea jeŋmaji fɛɛ mikaselɔi, nyɛbaptisia amɛ nyɛwoa Tsɛ lɛ kɛ Bi lɛ kɛ Mumɔ Krɔŋkrɔŋ lɛ gbɛi mli,

Mateo 4:8

Asaŋ abonsam lɛ ŋɔ lɛ kɛtee gɔŋ ni kwɔ somromoo ko nɔ, ni ekɛ jeŋ maŋtsɛyelii fɛɛ kɛ amɛnunyam lɛ tsɔ̃ɔ lɛ;

Marko 16:15

Ni ekɛɛ amɛ akɛ, “Nyɛyaa je lɛ mli fɛɛ kwa nyɛyashiɛa Sanekpakpa lɛ nyɛtsɔ̃a nɔ fɛɛ nɔ ni abɔ lɛ.

Marko 16:20

Shi amɛ lɛ, amɛje jɛi, ni amɛyashiɛ yɛ he fɛɛ he, ni Nuŋtsɔ lɛ kɛ amɛ tsu nii, ni ekɛ okadii ni fata wiemɔ lɛ he lɛ wo wiemɔ lɛ hewalɛ.]

Bɔfoi 1:8

Shi moŋ kɛ Mumɔ Krɔŋkrɔŋ lɛ na ba nyɛnɔ lɛ, nyɛaana hewalɛ ni nyɛaatsɔ̃mɔ midasefoi yɛ Yerusalɛm kɛ Yudea kɛ Samaria fɛɛ, kɛyashi jeŋ koji ejwɛ lɛ.”

Bɔfoi 26:20

shi moŋ mijaje mitsɔ̃ɔ mɛi ni yɔɔ Damasko lɛ tsutsu, kɛ mɛi ni yɔɔ Yerusalɛm kɛ Yuda shikpɔŋ lɛ nɔ fɛɛ, kɛ jeŋmaji lɛ hu akɛ amɛtsake amɛtsui ni amɛkpale kɛba Nyɔŋmɔ ŋɔɔ ni amɛtsu nii ni sa tsuitsakemɔ.

Bɔfoi 28:23

Ni be ni amɛto lɛ gbi lɛ, amɛteŋ mɛi pii ba eŋɔɔ yɛ etoohe lɛ, ni kɛjɛ leebi kɛyashi gbɛkɛ lɛ, ejaje Nyɔŋmɔ maŋtsɛyeli lɛ he sane etsɔ̃ɔ amɛ, ni eye he odase faŋŋ, ni ejɛ Mose Mla lɛ kɛ gbalɔi lɛ amli etao ni amɛyiŋ atsɔ̃ kɛba Yesu gbɛfaŋ.

Romabii 1:8

Klɛŋklɛŋ lɛ, miitsɔ̃ Yesu Kristo nɔ miida miNyɔŋmɔ lɛ shi yɛ nyɛ fɛɛ nyɛhewɔ, akɛ agbaa nyɛhemɔkɛyeli lɛ he sane yɛ je lɛ mli fɛɛ.

Romabii 15:19

yɛ okadii kɛ naakpɛɛnii ahewalɛ mli, yɛ Mumɔ hewalɛ mli; bɔ ni fee nɛ ni mijɛ Yerusalɛm mibɔle shi aahu kɛyashi Ilirikum ni mishiɛ Kristo Sanekpakpa lɛ migbe naa.

Kolosebii 1:23

Shi esa ni nyɛhiɛ hemɔkɛyeli lɛ mli ni nyɛdamɔ shi shiŋŋ yɛ shishitoo lɛ nɔ, ni nyɛkatsi nyɛhe kɛjɛ Sanekpakpa lɛ hiɛnɔkãmɔ lɛ he, Sanekpakpa lɛ ni nyɛnu ni ashiɛɔ atsɔ̃ɔ bɔɔnii fɛɛ ni yɔɔ ŋwɛi shishi, ni mi Paulo misɔ̃mɔɔ yɛ he lɛ.

Kolosebii 1:6

Sanekpakpa lɛ eshɛ nyɛŋɔɔ tamɔ bɔ nɔŋŋ ni eyɔɔ yɛ jeŋ muu lɛ fɛɛ mli, ni eewo yibii ni eeshwere, tamɔ bɔ ni efeɔ yɛ nyɛ hu nyɛteŋ kɛjɛ gbi nɔ ni nyɛnu ni nyɛna nyɛle Nyɔŋmɔ dromɔ lɛ yɛ anɔkwale mli lɛ.

1 Tesalonikabii 1:8

Ejaakɛ nyɛŋɔɔ Nuŋtsɔ lɛ wiemɔ lɛ jɛ ni egbɛ eshwã, jeee yɛ Makedonia kɛ Akaia kɛkɛ, shi moŋ nyɛhe ni nyɛheɔ Nyɔŋmɔ nɔ nyɛyeɔ lɛ ejije kɛtee he fɛɛ he, ni ehĩaaa wɔ nɔ ko kɛɛmɔ tete.