Romabii 10:17 - ŊMALƐ KRƆŊKRƆŊ LƐ

¹⁷ Belɛ hemɔkɛyeli lɛ, sane toiboo mli jɛɔ, ni sane toiboo hu tsɔ̃ɔ Nyɔŋmɔ wiemɔ lɛ nɔ kɛbaa.

Ṅmãle̱ Kroṅkroṅ Le̱

¹⁷ Bĕle̱ *hemo̱-ke̱-yeli le̱ sane toibō mli dše̱o̱, ni sane toibō hũ tšṍo̱ Nyoṅmo̱ wiemo̱ le̱ no̱ ke̱-baã. *Ioh. 17,20.

Romabii 10:17 ပူးပေါင်းရင်းမြစ်များ

Galatabii 3:2

Enɛ kɛkɛ mitaoɔ male yɛ nyɛnaa: Mumɔ lɛ ni nyɛna lɛ, Mla nitsumɔi amli nyɛna kɛjɛ, aloo hemɔkɛyeli ni nyɛkɛ bo Sanekpakpa lɛ toi mli?

Galatabii 3:5

Belɛ mɔ ni kɛ Mumɔ lɛ hãa nyɛ ni etsuɔ hewalɛ nii yɛ nyɛmli lɛ, Mla nitsumɔi ahewɔ efeɔ, aloo hemɔkɛyeli ni nyɛkɛboɔ Sanekpakpa lɛ toi lɛ hewɔ ni?

1 Tesalonikabii 2:13

Enɛ hewɔ ni wɔ hu wɔdaa Nyɔŋmɔ shi ni wɔfɔ̃ɔɔ lɛ, ejaakɛ be ni nyɛnine shɛ Nyɔŋmɔ wiemɔ ni nyɛnu yɛ wɔnaa lɛ nɔ lɛ, nyɛmɔ mli akɛ Nyɔŋmɔ wiemɔ, tamɔ bɔ ni eji hu lɛɛlɛŋ lɛ, shi jeee akɛ gbɔmɛi awiemɔ ko. Wiemɔ nɛɛ tsuɔ hewalɛ nii yɛ nyɛ ni nyɛheɔ nyɛyeɔ lɛ nyɛmli.

Kolosebii 3:16

Nyɛhãa Kristo wiemɔ lɛ ahia nyɛmli babaoo; ni nyɛkɛ nilee fɛɛ atsɔ̃a nyɛhe nii ni nyɛwiea nyɛtsɔ̃a nyɛhe yɛ saŋkutswai kɛ yijiemɔ lalai kɛ mumɔŋ lalai amli, ni nyɛkɛ shidaa alaa yɛ nyɛtsuii amli nyɛhãa Nyɔŋmɔ.

Luka 11:28

Shi ehere nɔ akɛ, “Ajɔɔ mɛi ni nuɔ Nyɔŋmɔ wiemɔ lɛ ni amɛyeɔ nɔ lɛ moŋ!”

Marko 4:24

Ni esaa ekɛɛ amɛ akɛ, “Nyɛjwɛŋa nɔ ni nyɛnuɔ nɛɛ he jogbaŋŋ! Nɔ susumɔ nɔ ni nyɛkɛsusuɔ lɛ, no akɛaasusu ahã nyɛ, ni aaafata he ahã nyɛ.

Luka 8:21

Shi Yesu here nɔ ekɛɛ amɛ akɛ, “Minyɛ kɛ minyɛmimɛi ji mɛi ni nuɔ Nyɔŋmɔ wiemɔ lɛ ni amɛyeɔ nɔ lɛ!”

Romabii 1:16

Ejaakɛ mihiɛ gbooo Kristo Sanekpakpa lɛ he, ejaakɛ eji Nyɔŋmɔ hewalɛ ni akɛhereɔ mɔ fɛɛ mɔ ni heɔ yeɔ lɛ yiwala, Yudanyo lɛ tsutsu kɛ Helanyo hu.

Romabii 10:14

Shi te aaafee tɛŋŋ ni amɛaabo amɛtsɛ mɔ ni amɛheko lɛ amɛyeko lɛ hu? Ni te aaafee tɛŋŋ ni amɛaahe mɔ ni amɛnuko ehe sane lɛ amɛye hu? Ni asaŋ te aaafee tɛŋŋ ni amɛaanu kɛ shiɛlɔ ko bɛ lɛ?

1 Petro 1:23

Ejaakɛ afɔ nyɛ ehee, ni jeee wui ni fiteɔ, shi moŋ nɔ ni fiteee mli ajɛ afɔ nyɛ kɛtsɔ̃ Nyɔŋmɔ hiɛkãalɔ ni hiɔ shi daa lɛ wiemɔ lɛ nɔ.

Luka 8:11

“Agbɛnɛ abɛ lɛ shishi nɛ; wu lɛ ji Nyɔŋmɔ wiemɔ lɛ.

Kpojiemɔ 1:9

Mi Yohane ni ji nyɛnyɛmi kɛ nyɛnaanyo yɛ Yesu Kristo amanehulu lɛ kɛ emaŋtsɛyeli lɛ kɛ ehiɛmiamɔ lɛ mli lɛ. Miyɛ ŋshɔkpɔ ni atsɛɔ lɛ Patmo lɛ nɔ yɛ Nyɔŋmɔ wiemɔ lɛ kɛ Yesu Kristo he odaseyeli lɛ hewɔ.

2 Korintobii 2:17

Ejaakɛ wɔtamɔɔɔ mɛi pii ni kɛ nibii krokomɛi futuɔ Nyɔŋmɔ wiemɔ lɛ mli lɛ, shi moŋ wɔwieɔ lɛ ŋmiiŋmi bɔ ni ejɛ Nyɔŋmɔ ŋɔɔ lɛ yɛ Nyɔŋmɔ hiɛ, yɛ Kristo mli.

Hiob 42:5

Mitoi kɛkɛ mikɛnu ohe, shi agbɛnɛ mihiŋmɛi ena bo.

Hebribii 4:2

Ejaakɛ wɔ hu ajaje Sanekpakpa lɛ atsɔ̃ɔ wɔ tamɔ bɔ ni ajaje atsɔ̃ɔ amɛ lɛ nɔŋŋ; shi kɛ̃lɛ wiemɔ ni amɛnu lɛ he eyabaaa sɛɛnamɔ ko hãaa amɛ, ejaakɛ mɛi ni nu lɛ kɛ hemɔkɛyeli mɔɔɔ mli.

Yohane 1:37

Ni kaselɔi enyɔ lɛ nu ewiemɔ lɛ, ni amɛyanyiɛ Yesu sɛɛ.