Romabii 10:14 - ŊMALƐ KRƆŊKRƆŊ LƐ

¹⁴ Shi te aaafee tɛŋŋ ni amɛaabo amɛtsɛ mɔ ni amɛheko lɛ amɛyeko lɛ hu? Ni te aaafee tɛŋŋ ni amɛaahe mɔ ni amɛnuko ehe sane lɛ amɛye hu? Ni asaŋ te aaafee tɛŋŋ ni amɛaanu kɛ shiɛlɔ ko bɛ lɛ?

Ṅmãle̱ Kroṅkroṅ Le̱

¹⁴ Ši té aafe tẽṅ ní ame̱abo ame̱tšé̱ moni ame̱hekole̱ ame̱yeko le̱? ni té aafe tēṅ ni ame̱ahe moni ame̱nuko ehe sane le̱ ame̱yeṅ? ni asaṅ tē aafe tēṅ ni ame̱-anu ké̱ šie̱lo̱ ko be̱ le̱?

Romabii 10:14 ပူးပေါင်းရင်းမြစ်များ

Yona 1:16

Amlakui lɛ she Yehowa gbeyei bɔ sɔŋŋ ni ehã amɛshã afɔle amɛhã Yehowa, asaŋ mɛi wowoo shii srɔtoi hu.

Yona 1:5

Amlakui lɛ she gbeyei, kɛkɛ ni amɛteŋ mɔ fɛɛ mɔ bolɔ etsɛ nɔ ni ejaa akɛ ebahere amɛ. Fee sɛɛ lɛ amlakui lɛ jie lɛlɛ lɛ mli jatsu lɛ amɛwo ŋshɔ lɛ mli, bɔ ni afee ni lɛlɛ lɛ afee huyɛhuyɛ ahã amɛ. Nɛkɛ be mli lɛ Yona etee lɛlɛ lɛ shishigbɛ eyakã shi, ni lɛ lɛ, ewɔ vii diɛŋtsɛ.

Mateo 20:7

Amɛkɛɛ lɛ akɛ, ‘Akɛni mɔ ko ebɔko wɔ apaa lɛ hewɔŋ.’ Ekɛɛ amɛ akɛ, ‘Nyɛ hu nyɛyaa waintrom lɛ mli.’

Yohane 20:31

shi enɛɛmɛi lɛ aŋma koni nyɛhe nyɛye akɛ Yesu ji Kristo, Nyɔŋmɔ Bi lɛ, ni kɛ nyɛhe nyɛye lɛ, nyɛaana wala kɛtsɔ̃ egbɛi lɛ nɔ.

Yohane 9:36

Ehere nɔ ekɛɛ, “Namɔ ji lɛ, Nuŋtsɔ koni mahe enɔ maye?”

Bɔfoi 19:2

ni ebi amɛ akɛ, “Ani be ni nyɛhe nyɛye lɛ nyɛna Mumɔ Krɔŋkrɔŋ lo?” Ni amɛkɛɛ lɛ akɛ, “Mumɔ Krɔŋkrɔŋ ko yɛ he ko jiŋŋ, wɔnuko tete.”

Bɔfoi 8:31

Ni ekɛɛ, “Te mafee tɛŋŋ ni manyɛ manu shishiŋ, akɛ ja mɔ ko tsɔ̃ɔ mi dã?” Kɛkɛ ni ekpa Filipo fai akɛ eba ni ekɛ lɛ abata shi.

Romabii 1:5

Enɔ mitsɔ̃ mina dromɔ kɛ bɔfo nitsumɔ koni mihã jeŋmaji lɛ fɛɛ abo hemɔkɛyeli lɛ toi, yɛ egbɛi lɛ hewɔ.

Efesobii 2:17

Ni eba ebajaje hejɔlɛ Sanekpakpa lɛ etsɔ̃ɔ nyɛ ni nyɛyɔɔ shɔŋŋ lɛ kɛ mɛi ni bɛŋkɛ lɛ hu.

Efesobii 4:21

kɛji eyɛ mli akɛ nyɛnu ehe, ni atsɔ̃ɔ nyɛ nii yɛ emli hu, tamɔ bɔ ni ji anɔkwale yɛ Yesu mli lɛ,

5 Mose 30:13

Ni jeee ŋshɔ sɛɛ hu eyɔɔ ni nyɛaakɛɛ akɛ, ‘namɔ aaafo ŋshɔ koni eyaŋɔ ekɛbahã wɔ, ni wɔnu ni wɔye nɔ?’

2 Timoteo 4:17

Shi Nuŋtsɔ lɛ fi misɛɛ ni ewo mi hewalɛ, koni atsɔ̃ minɔ ashiɛ shiɛmɔ muu lɛ fɛɛ, ni jeŋmaji lɛ fɛɛ anu; ni ajie mi yɛ jata lɛ daaŋ.

Tito 1:3

Shi yɛ lɛ diɛŋtsɛ ebe ni sa lɛ mli lɛ ejie ewiemɔ lɛ shi etsɔ̃ɔ yɛ shiɛmɔ sane ni atuu awo midɛŋ yɛ Nyɔŋmɔ ni ji wɔyiwalaherelɔ lɛ fãmɔ naa lɛ mli.

Hebribii 11:6

Shi kɛji hemɔkɛyeli bɛ lɛ anyɛŋ Nyɔŋmɔ hiɛ asa; ejaakɛ mɔ ni baa Nyɔŋmɔ ŋɔɔ lɛ, ja ehe eye akɛ eyɛ, ni eji mɛi ni taoɔ esɛɛgbɛ lɛ anyɔmɔwolɔ hu.

Yakobo 5:15

Ni sɔlemɔ ni jɛ hemɔkɛyeli mli lɛ aaahere helatsɛ lɛ yiwala, ni Nuŋtsɔ lɛ aaatee lɛ shi, ni kɛji efee esha lɛ, akɛaafa lɛ.