Romabii 10:1 - ŊMALƐ KRƆŊKRƆŊ LƐ

¹ Anyɛmimɛi, nɔ ni mitsui shweɔ kɛ fai ni mikpaa Nyɔŋmɔ mihãa Israel ji akɛ ahere amɛyiwala.

Ṅmãle̱ Kroṅkroṅ Le̱

¹ Anyemimei, noni mitsui ſeo̱ ke̱ fai ni mikpaä Nyoṅmo̱ mihãa Israel dši ake̱ ahere ame̱yi wala.

Romabii 10:1 ပူးပေါင်းရင်းမြစ်များ

2 Mose 32:10

No hewɔ lɛ, hã mimli awo la awo amɛ koni maplenee amɛ; shi bo lɛ mahã otsɔ̃ maŋ kpeteŋkple.”

2 Mose 32:13

Kaimɔ otsuji Abraham kɛ Isak kɛ Yakob, mɛi ni bo diɛŋtsɛ okã amɛ kitã, ni okɛɛ amɛ akɛ, ‘Mahã nyɛshwiei afa tamɔ ŋwɛi ŋulamii lɛ, ni shikpɔŋ nɛɛ fɛɛ ni miwo nyɛ shi yɛ he lɛ mikɛbaahã amɛ akɛ amɛgboshinii kɛya naanɔ.’ ”

Yeremia 17:16

Yehowa, minyɛko onɔ pɛŋ akɛ ohã nɔ fɔŋ aba maŋ nɛɛ nɔ, ni mishweko hu akɛ gbi fɔŋ lɛ aba. Yehowa, bo ole enɛ, ni nii fɛɛ ni je minaa lɛ jwere ohiɛ.

Yeremia 18:20

Aso efɔŋ moŋ akɛtoɔ ekpakpa najiaŋ? Shi kɛ̃lɛ amɛtsa bu amɛhã mi koni migbee mli. Yehowa, kaimɔ bɔ ni midamɔ ohiɛ ni mikpa fai mihã amɛ koni omli ni efu amɛ lɛ sɛɛ afo.

Luka 13:34

Yerusalɛm, Yerusalɛm, bo mɔ ni ogbeɔ gbalɔi lɛ ni otswiaa mɛi ni atsuɔ amɛ oŋɔɔ lɛ atɛi, shii enyiɛ mitao akɛ mibuaa obii anaa, tamɔ bɔ ni wuɔ buaa ebii anaa ewoɔ efiji ashishi lɛ, ni nyɛkpɛlɛ̃ɛɛ!

Yohane 5:34

Shi mi lɛ, mikɛ mihe efɔ̃ɔɔ gbɔmɔ ko odase nɔ; shi bɔ ni afee ni ahere nyɛyiwala hewɔ miwieɔ enɛɛmɛi nɛɛ.

Romabii 10:2

Ejaakɛ miiye amɛhe odase akɛ amɛhiɛ dɔɔ yɛ Nyɔŋmɔ he moŋ, shi jeee nilee naa.

Romabii 9:33

tamɔ bɔ ni aŋma lɛ akɛ, “Naa, mikɛ tɛmɔ tɛ kɛ nanetɔ̃tɔ̃mɔ tɛsaa ko miima shi yɛ Zion, Ni mɔ fɛɛ mɔ ni heɔ enɔ eyeɔ lɛ, ehiɛ gboŋ.”

1 Samuel 12:23

Mi hu enɛ akagbale mi fɔ̃ŋfɔ akɛ makpa sɔlemɔ kɛ nyɛ hãmɔ ni mikɛfee esha mishi Yehowa. Shi moŋ mibatsɔ̃ɔ nyɛ nɔ ni hi kɛ nɔ ni ja ni sa akɛ nyɛfee.

1 Samuel 15:11

“Mishwa mihe akɛ miwo Saul maŋtsɛ, ejaakɛ ekpale yɛ misɛɛ, ni eyeee mikitãi lɛ anɔ.” Sane lɛ fee Samuel mlifu, ni esɔle ekpa Yehowa fai nyɔɔŋnyɔɔŋ fɛɛ.

1 Samuel 15:35

Enɛ sɛɛ lɛ Samuel kɛ ehiŋmɛitsei enyɔ nɛkɛ enaaa Saul dɔŋŋ aahu kɛyashi Saul gbo; shi Samuel ye Saul he ŋkɔmɔ. Ni Yehowa shwa ehe akɛ ewo Saul Israel maŋtsɛ.