Romabii 1:8 - ŊMALƐ KRƆŊKRƆŊ LƐ

⁸ Klɛŋklɛŋ lɛ, miitsɔ̃ Yesu Kristo nɔ miida miNyɔŋmɔ lɛ shi yɛ nyɛ fɛɛ nyɛhewɔ, akɛ agbaa nyɛhemɔkɛyeli lɛ he sane yɛ je lɛ mli fɛɛ.

Ṅmãle̱ Kroṅkroṅ Le̱

⁸ Kleṅkleṅ le̱ mītšṍ Iesu Kristo no̱ mīda mi-Nyoṅmo̱ le̱ ši ye̱ nyefẽ nyehewo̱, ake̱ *agbaä nyehemo̱-ke̱-yeli le̱ he sane ye̱ dše le̱ṅ fẽ. *16,19. 1 Tes. 1,8.

Romabii 1:8 ပူးပေါင်းရင်းမြစ်များ

Mateo 24:14

Ni aaashiɛ maŋtsɛyeli lɛ he sane kpakpa nɛɛ atsɔ̃ɔ yɛ je lɛ mli fɛɛ, ni akɛye jeŋmaji lɛ fɛɛ odase; ni no dani naagbee lɛ aaaba.”

Luka 2:1

Nakai bei lɛ amli lɛ akpɔ ko jɛ Kaisare Augusto ŋɔɔ ba, akɛ akane jeŋ fɛɛ ni aŋma.

Bɔfoi 11:28

Ni amɛteŋ mɔ ko ni atsɛɔ lɛ Agabo lɛ te shi damɔ shi, ni etsɔ̃ɔ yɛ Mumɔ lɛ naa akɛ hɔmɔ waa baaba jeŋ fɛɛ, ni eba mli nakai yɛ Kaisare Klaudio yinɔ.

Bɔfoi 28:22

Shi wɔmiisumɔ akɛ wɔle ojwɛŋmɔ, ejaakɛ nɛkɛ kuu nɛɛ wɔle akɛ he fɛɛ he lɛ awieɔ ashiɔ.”

Romabii 10:18

Shi miibi akɛ, “Aso nu amɛnuuu?” Anɔkwale mli lɛ amɛnu, tamɔ bɔ ni ŋmalɛ lɛ kɛɔ akɛ, “Amɛgbee ejije kɛtee shikpɔŋ muu lɛ fɛɛ nɔ. Ni amɛwiemɔi lɛ eshɛ jeŋ naagbeehei lɛ.”

Romabii 16:19

Shi nyɛtoiboo lɛ mɛi fɛɛ enu he; no hewɔ lɛ, mina nyɛhe miishɛɛ; shi miisumɔ akɛ nyɛfee nyɛhe nilelɔi yɛ ekpakpa gbɛfãŋ; shi efɔŋ gbɛfaŋ lɛ, mɛi ni leee nɔ ko.

Romabii 6:17

Shi shidaa ahã Nyɔŋmɔ, akɛ kulɛ sa lɛ esha tsuji ji nyɛ, shi agbɛnɛ nyɛjɛ nyɛtsui fiaa mli nyɛbo nɛkɛ tsɔ̃ɔmɔ ni akɛ nyɛ ewo mli nɛɛ toi.

1 Korintobii 1:4

Miida miNyɔŋmɔ lɛ shi daa nɛɛ yɛ nyɛhewɔ, yɛ Nyɔŋmɔ dromɔ ni akɛhã nyɛ yɛ Kristo Yesu mli lɛ hewɔ.

2 Korintobii 2:14

Shi shidaa ahã Nyɔŋmɔ, mɔ ni tsɔ̃ɔ Yesu Kristo nɔ nyiɛɔ wɔhiɛ be fɛɛ be yɛ ekunimyeli lɛ mli lɛ, ni etsɔ̃ɔ wɔnɔ ehãa enilee ŋmajee lɛ jeɔ kpo yɛ he fɛɛ he lɛ.

Efesobii 1:15

Enɛ hewɔ lɛ, mi hu, be ni minu nyɛhemɔkɛyeli ni nyɛyɔɔ yɛ Nuŋtsɔ Yesu mli lɛ kɛ nyɛsuɔmɔ ni nyɛkɛsumɔɔ mɛi krɔŋkrɔŋi lɛ fɛɛ he lɛ,

Efesobii 1:16

mifɔ̃ɔɔ Nyɔŋmɔ shidaa, shi mikaiɔ nyɛ yɛ misɔlemɔi amli,

Efesobii 3:21

lɛ aŋɔ anunyam ahã yɛ asafo lɛ mli kɛ Kristo Yesu mli yɛ yinɔi fɛɛ nɔ kɛyashi naanɔi anaanɔ. Amen!

Efesobii 5:20

Nyɛdaa Tsɛ Nyɔŋmɔ lɛ shi daa yɛ nii fiaa hewɔ yɛ wɔ Nuŋtsɔ Yesu Kristo gbɛi mli,

Filipibii 1:11

ni nyɛyimɔ obɔ̃bɔ̃ kɛ jalɛ yibii ni awoɔ kɛtsɔ̃ɔ Yesu Kristo nɔ lɛ, hã Nyɔŋmɔ anunyam kɛ yijiemɔ.

Filipibii 1:3

Midaa miNyɔŋmɔ lɛ shi be fɛɛ be ni mikaiɔ nyɛ

Kolosebii 1:3

Wɔdaa Nyɔŋmɔ ni ji wɔNuŋtsɔ Yesu Kristo Tsɛ lɛ shi yɛ nyɛhewɔ daa nɛɛ yɛ wɔsɔlemɔi amli.

1 Tesalonikabii 1:2

Wɔdaa Nyɔŋmɔ shi daa yɛ nyɛ fɛɛ nyɛhewɔ, ni wɔfɔ̃ɔɔ nyɛtãtsii yɛ wɔsɔlemɔi amli.

1 Tesalonikabii 2:13

Enɛ hewɔ ni wɔ hu wɔdaa Nyɔŋmɔ shi ni wɔfɔ̃ɔɔ lɛ, ejaakɛ be ni nyɛnine shɛ Nyɔŋmɔ wiemɔ ni nyɛnu yɛ wɔnaa lɛ nɔ lɛ, nyɛmɔ mli akɛ Nyɔŋmɔ wiemɔ, tamɔ bɔ ni eji hu lɛɛlɛŋ lɛ, shi jeee akɛ gbɔmɛi awiemɔ ko. Wiemɔ nɛɛ tsuɔ hewalɛ nii yɛ nyɛ ni nyɛheɔ nyɛyeɔ lɛ nyɛmli.

2 Tesalonikabii 1:3

Eji wɔgbɛnaa akɛ wɔdaa Nyɔŋmɔ shi daa yɛ nyɛhewɔ, anyɛmimɛi, tamɔ bɔ ni sa lɛ, ejaakɛ nyɛhemɔkɛyeli lɛ miida naakpa, ni nyɛteŋ mɔ fɛɛ mɔ suɔmɔ ni ekɛsumɔɔ enanemɛi lɛ miifa kɛmiiya nɔ hu.

2 Timoteo 1:3

Midaa Nyɔŋmɔ ni mijaa lɛ kɛ henilee krɔŋŋ tamɔ bɔ ni miniimɛi ja lɛ lɛ shi daa kɛ mikai bo yɛ mifaikpamɔi amli nyɔɔŋ kɛ shwane.

Filemon 1:4

Midaa miNyɔŋmɔ lɛ shi daa ni mitsiɔ otã, nyɛmi nuu Filemon, yɛ misɔlemɔi amli,

Hebribii 13:15

Belɛ nyɛhãa wɔtsɔ̃a enɔ ni wɔkɛ yijiemɔ afɔle abahãa Nyɔŋmɔ daa; no ji, naabui ni jajeɔ egbɛi lɛ yibii lɛ.

1 Petro 2:5

Ni nyɛ hu nyɛhãa atswaa nyɛ akɛ tɛi ni hiɛ kãmɔ afea mumɔŋ tsu ni afee nyɛ osɔfoi aweku krɔŋkrɔŋ, koni akɛshã mumɔŋ afɔlei ni sa Nyɔŋmɔ hiɛ yɛ Yesu Kristo hewɔ.

1 Petro 4:11

Kɛ wiemɔ mɔ ko wieɔ lɛ, ewie lɛ akɛ Nyɔŋmɔ wiemɔi; kɛ sɔ̃ɔmɔ mɔ ko sɔ̃mɔɔ lɛ, esɔ̃mɔ akɛ hewalɛ ni Nyɔŋmɔ hãa lɛ lɛ mli ejeɔ esɔ̃mɔɔ, koni atsɔ̃ Yesu Kristo nɔ awo Nyɔŋmɔ hiɛ nyam yɛ nii fɛɛ mli; lɛ enɔ ji anunyam lɛ kɛ hewalɛ lɛ kɛyashiɔ naanɔi anaanɔ lɛ. Amen!