Romabii 1:25 - ŊMALƐ KRƆŊKRƆŊ LƐ

²⁵ Amɛŋɔɔ Nyɔŋmɔ anɔkwale lɛ amɛtsakeɔ amale, ni amɛjaa ni amɛsɔ̃mɔɔ bɔɔnɔ lɛ yɛ bɔlɔ lɛ najiaŋ, bɔlɔ ni ajɔɔ lɛ kɛyaa naanɔ lɛ! Amen.

Ṅmãle̱ Kroṅkroṅ Le̱

²⁵ mei ní ṅõo̱ Nyoṅmo̱ ano̱kwale le̱ ame̱tšakeo̱ amale, ni ame̱dšáa ni ame̱súmoo̱ bo̱nõ le̱ fè bo̱lo̱ le̱, ní adšō̱o̱le̱ ke̱-yaši nāno̱ le̱. Amen.

Romabii 1:25 ပူးပေါင်းရင်းမြစ်များ

Lalai 72:19

Ajie enunyam gbɛi lɛ yi kɛya naanɔ! Jeŋ muu lɛ fɛɛ ayi tɔ kɛ enunyam lɛ! Amen! Amen!

Yesaia 44:20

Mɔ ni yeɔ lamlu tete po, aaanu lɛ shishi. Esusumɔ kɔɔdɔŋ lɛ eha edu gbɛ, ni enyɛŋ eyiwala ehere, ni ekpɛlɛŋ nɔ, ni eeekɛɛ akɛ, “Kwɛ, nɔ ni yɔɔ mininejurɔ mli lɛ, jeee lakamɔnii ni lo?”

Yeremia 13:25

Enɛ ji nɔ ni mito akɛ mibafee bo, ejaakɛ ohiɛ kpa minɔ, ni okɛ ohiɛ fɔ̃ amale nyɔŋmɔi moŋ anɔ. Mi, Yehowa, mikɛɛ.

Yeremia 16:19

“Yehowa, bo ji mihewalɛ kɛ mimɔɔ ni wa kɛ mibobaahe yɛ fimɔ be mli. Bo oŋɔɔ maji aaajɛ je lɛ naagbeehei aba, ni amɛaakɛɛ akɛ, Wɔtsɛmɛi lɛ ebanaaa gboshinii ko akɛ ja lakamɔ kɛ yaka nibii ni ahe bɛ sɛɛnamɔ ko.

Amos 2:4

Bɔ ni Yehowa kɛɛ nɛ, “Tɔ̃mɔi babaoo ni Yudabii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ amɛkwa Yehowa mlai lɛ, ni amɛyeee ekpɔi lɛ anɔ. Apasa jemawɔji asɛɛ ni amɛyanyiɛ, tamɔ amɛtsɛmɛi lɛ yanyiɛ lɛ, hã amɛdu gbɛ.

Habakuk 2:18

Mɛni ji amãgã he sɛɛnamɔ? Ŋaalɔ ninenaa nitsumɔ kɛkɛ ni; ni egbaaa mɔ ko nɔ ko fe amale. Mɛni hewɔ esa akɛ mɔ ni fee amãgã lɛ kɛ ehiɛ afɔ̃ lɛ diɛŋtsɛ eninenaa nitsumɔnii, ni ji amãgã mumui nɔ?

Mateo 10:37

Mɔ ni dɔɔ tsɛ loo nyɛ he fe mi lɛ, esaaa mi; ni mɔ ni dɔɔ binuu loo biyoo he fe mi lɛ, esaaa mi.

Mateo 6:24

“Mɔ ko nyɛŋ nuŋtsɔmɛi enyɔ asɔ̃mɔ; ejaakɛ no lɛ eeenyɛ mɔ kome ni eeesumɔ mɔ kroko lɛ; aloo eeekpɛtɛ mɔ kome he, ni eeebu mɔ kroko lɛ akɛ ejeee mɔ ko. Nyɛnyɛŋ Nyɔŋmɔ kɛ mamona (ninamɔ) nyɛsɔ̃mɔ.

Yohane 2:8

Ni ekɛɛ amɛ akɛ, “Nyɛyɛa eko nyɛyahãa piafonyo lɛ.” Ni amɛyɛ kɛtee.

Romabii 1:18

Ejaakɛ ajieɔ Nyɔŋmɔ mlifu kpo kɛjɛɔ ŋwɛi kɛbaa gbɔmɛi ni kɛ nishaianii tsĩɔ anɔkwale lɛ gbɛ lɛ amusubɔɔ kɛ nishaianii lɛ fɛɛ nɔ,

Romabii 1:23

ni Nyɔŋmɔ ni gbooo lɛ anunyam lɛ amɛtsake amɛhã gbɔmɔ ni gboɔ lɛ subaŋ henɔ ko kɛ loofɔji kɛ kooloi naji ejwɛjwɛɛjwɛtsɛmɛi kɛ waamɔnii anɔ.

Romabii 9:5

amɛnɔ ji tsɛmɛi lɛ, ni amɛmli hu Kristo tete jɛ yɛ heloo gbɛfaŋ lɛ, lɛ ji nii fiaa nɔ Nyɔŋmɔ ni ajɔɔ lɛ kɛyashiɔ naanɔ lɛ. Amen!

2 Korintobii 11:31

Nyɔŋmɔ ni ji wɔNuŋtsɔ Yesu Kristo Tsɛ, mɔ ni ajɔɔ lɛ kɛyashiɔ naanɔ lɛ, le akɛ mimaleee.

Efesobii 3:21

lɛ aŋɔ anunyam ahã yɛ asafo lɛ mli kɛ Kristo Yesu mli yɛ yinɔi fɛɛ nɔ kɛyashi naanɔi anaanɔ. Amen!

1 Tesalonikabii 1:9

Ejaakɛ amɛ diɛŋtsɛ amɛgbaa wɔhe sane bɔ ni wɔba nyɛŋɔɔ kɛ bɔ ni nyɛkpale kɛjɛ amãgãi ahe kɛba Nyɔŋmɔ ŋɔɔ ni nyɛbasɔ̃mɔ anɔkwa Nyɔŋmɔ hiɛkãalɔ lɛ

1 Timoteo 1:11

yɛ Nyɔŋmɔ ni ajɔɔ lɛ lɛ anunyam Sanekpakpa ni atu awo midɛŋ lɛ naa.

1 Timoteo 1:17

Shi naanɔi aMaŋtsɛ lɛ, mɔ ni gbooo, mɔ ni anaaa, mɔ ni ji Nyɔŋmɔ kome lɛ, aŋɔ woo kɛ anunyam ahã kɛyashi naanɔi anaanɔ. Amen!

2 Timoteo 3:4

sɛɛgbɛtsɔ̃ɔlɔi, mɛi ni feɔ nii ni amɛjwɛŋŋ he, henɔwolɔi, mɛi ni sumɔɔ shwɛmɔ kɛ ŋɔɔmɔ fe Nyɔŋmɔ,

1 Yohane 5:20

Wɔle akɛ Nyɔŋmɔ Bi lɛ eba, ni ehã wɔ jwɛŋmɔ koni wɔle anɔkwafo lɛ. Ni wɔyɛ anɔkwafo lɛ mli, yɛ eBi Yesu Kristo lɛ mli, mɔ ni ji anɔkwa Nyɔŋmɔ lɛ kɛ naanɔ wala lɛ.