Romabii 1:23 - ŊMALƐ KRƆŊKRƆŊ LƐ

²³ ni Nyɔŋmɔ ni gbooo lɛ anunyam lɛ amɛtsake amɛhã gbɔmɔ ni gboɔ lɛ subaŋ henɔ ko kɛ loofɔji kɛ kooloi naji ejwɛjwɛɛjwɛtsɛmɛi kɛ waamɔnii anɔ.

Ṅmãle̱ Kroṅkroṅ Le̱

²³ ni Nyoṅmo̱ ní fitee le̱ anumnyam le̱ ame̱tšake ame̱hã gbomo ní fiteo̱ le̱ subāṅ heno̱ ko ke̱ lofõdši ke̱ koloi nādšiedſe̱dſe̱tše̱mei ke̱ wãmo̱nibii anõ. 5 Mose 4,15-19.

Romabii 1:23 ပူးပေါင်းရင်းမြစ်များ

Lalai 106:20

Amɛŋɔ anunyam lɛ ni sa Nyɔŋmɔ lɛ amɛhã tsina ni kpeɔ jwɛi amãgã lɛ moŋ.

Yesaia 40:18

Belɛ namɔ nyɛkɛaato Nyɔŋmɔ he, ni mɛni yɔɔ su ni tamɔ esu?

Yesaia 40:26

Nyɛwoa nyɛhiɛ nɔ kɛyaa ŋwɛi ni nyɛkwɛa! Namɔ bɔ ŋulamii nɛɛ? Lɛ mɔ ni ejieɔ amɛsafoi lɛ kpo, ni ekaneɔ amɛyibɔ, ni ewoɔ amɛ fɛɛ gbɛi lɛ, lɛ ji mɔ ni fee. Ehewalɛ kpele kɛ enyɛmɔ naa lɛ, amɛteŋ ekome folo nɛkɛ elaajeee.

Yesaia 44:13

Kapintafonyo ŋmɔɔ kpãa yɛ tso he; eyereɔ kpãa lɛ mli, ni ekɛ pɛnsil kadiɔ he. Egbɔɔ tso lɛ he kɛ dade, ni ekɛ kɔmpas tɛŋɔ nii yɛ tso lɛ nɔ; egbɔɔ tso lɛ gbɔmɔ su pɛpɛɛpɛ fɛɛfɛo, ni ekɛyawoɔ gbatsu mli.

Yeremia 2:11

Ani maŋ ko yɛ ni etsake enyɔŋmɔi pɛŋ? Tsɛbelɛ nakai nyɔŋmɔi lɛ jeee fɛifɛi! Shi miwebii lɛ kɛ amɛnunyam lɛ etsake nii ni he bɛ sɛɛnamɔ.

Ezekiel 8:10

No hewɔ lɛ, mibote mli ni miyakwɛ; ni mina akɛ atɛŋ waamɔnii kɛ kooloi ni ahiɔ srɔtoi abɔ, kɛ Israel we lɛ wɔji lɛ fɛɛ amɛfonirii yɛ gbogbo lɛ he kɛbɔle kɛkpe.

Bɔfoi 10:12

ni shikpɔŋ nɔ kooloi naji ejwɛjwɛɛjwɛ kɛ waamɔnii kɛ ŋwɛi loofɔji srɔtoi lɛ fɛɛ eko yɛ mli.

Bɔfoi 17:29

Shi kɛ Nyɔŋmɔ shwiei ji wɔ lɛ, esaaa akɛ wɔsusuɔ akɛ Nyɔŋmɔ su lɛ tamɔ shika loo jwiɛtɛi loo tɛ ko ni gbɔmɔ kɛ eŋaa kɛ ejwɛŋmɔ fee.

Romabii 1:25

Amɛŋɔɔ Nyɔŋmɔ anɔkwale lɛ amɛtsakeɔ amale, ni amɛjaa ni amɛsɔ̃mɔɔ bɔɔnɔ lɛ yɛ bɔlɔ lɛ najiaŋ, bɔlɔ ni ajɔɔ lɛ kɛyaa naanɔ lɛ! Amen.

1 Korintobii 12:2

Nyɛle akɛ be ni nyɛ ji jeŋmajiaŋbii lɛ, amãgãi mumuii lɛ aŋɔɔ akpala nyɛ kɛtee, bɔ fɛɛ bɔ ni akpala nyɛ ahã lɛ.

5 Mose 5:8

“‘Kaafee amãgã ko ni ji nɔ ko ni tamɔ nii ni yɔɔ ŋwɛi loo nii ni yɔɔ shikpɔŋ lɛ nɔ, loo nii ni yɔɔ nu mli yɛ shikpɔŋ lɛ shishi henɔ ohã ohe.

1 Petro 4:3

Ejaakɛ be ni eho momo lɛ mli lɛ, nyɛna be bɔ ni sa nyɛkɛtsu jeŋmajiaŋbii atsui naanii lɛ, ni nyɛba nyɛjeŋ yɛ nyɛnyɛŋtswibɔɔ, akɔnɔi, dãanumɔ mli basabasafeemɔ, ninumɔ kɛ wɔŋjamɔ ni ahiɔ lɛ amli.

Kpojiemɔ 9:20

Ni gbɔmɛi ni shwɛ ni nɛkɛ haomɔi nɛɛ egbeee amɛ lɛ, amɛtsakeee amɛtsui yɛ amɛdiɛŋtsɛ amɛnine naa nitsumɔi lɛ ahe. Amɛfɔ̃ɔɔ mumɔi fɔ̃ji kɛ shika kɛ jwiɛtɛi kɛ ayawa kɛ tɛ kɛ tso amãgãi ni nyɛɛɛ amɛna nii loo amɛnu nii loo amɛnyiɛ lɛ ajamɔ.